අර්ජුන මහේන්ද්‍රන්ගේ ‍තවත් මහා ගැහිල්ලක් හෙළිවේ.. ප‍්‍රකට ව්‍යාපාරික හැරී ජයවර්ධන හෙලි කරයි..

September 1, 2018 at 2:10 pm | lanka C news
අර්ජුන මහේන්ද්‍රන්ගේ ‍තවත් මහා ගැහිල්ලක් හෙළිවේ..  ප‍්‍රකට ව්‍යාපාරික හැරී ජයවර්ධන හෙලි කරයි..

හිටපු මහ බැංකු අධිපති අර්ජුන මහේන්ද්‍රන් මහතා, ලංකා ආයෝජන මණ්ඩලයේ සභාපතිවරයාව සිටිය දී, කිසිදු වගවීමකින් තොරව රුපියල් මිලියන ගණනින් මුදල් ලබා ගෙන ඇතැයි වාර්තා වේ.

පසුගිය දා කොළඹ හිල්ටන් හෝටල් පරිශ්‍රයේ පැවති Fireside Chat ව්‍යාපාරික නායකයින්ගේ සංවාදාත්මක සන්ධ්‍යාවට එක්වෙමින් මෙරට ජ්‍යෙෂ්ඨ ව්‍යාපාරික නායකයෙකු වන හැරී ජයවර්ධන මහතා මේ බව හෙළි කළේය.

කෙසේ වෙතත් මෙම සංවාදයේ දී හිටපු මහ බැංකු අධිපතිවරයාගේ නාමය සෘජුව හෙළි නොකිරීමට හැරී ජයවර්ධන මහතා ප්‍රවේශම් විය.

මෙහිදී අදහස් දක්වමින් හැරී ජයවර්ධන මහතා මෙසේ පැවසීය.

“අපිට බැඳුම්කර කොමිසමක් තිබ්බා. මොකද වුණේ. මිනිස්සු රටෙත් නැහැ“

“ඒ මහත්තයාට පස්සේ ආයෝජන මණ්ඩලයේ (BOI) සභාපතිවරයා වුණේ මම. මම එහෙට ගිය මුල්ම දවසේ, මුළු වෘත්තීය සමිතියම එක හඬින් මට මෙහෙම කිව්වා. සර්, මෙතන තත්ත්වේ නරක අතට හැරිලා තියෙන්නේ. අපේ සභාපතිතුමා හැම සතියේම, මිලියන ගණන් සල්ලි අරන් යනවා, ආයෝජන ප්‍රවර්ධන වැඩසටහන්වලට කියලා.“

“එවකට මගේ ඇමතිවරයා වුණේ දිවංගත අනුර බණ්ඩාරනායක මහත්මයා. ඔහු මගෙන් ඇහුවේ, ඇති වෙලා තිබෙන තත්ත්වය පිළිබඳව. මම මොකද කරන්නේ, ලිඛිතව දැනුම් දුන්නා“

“රටේ කුඩා ආයෝජන සංවිධානයක්වත් කළමනාකරණය කර ගන්න බැරි වුණු මේ මනුස්සයාට, මුළු රටේම භාණ්ඩාගාරය භාර දුන්නා“

“මේවාට කවුද ගෙවන්නේ. වගකිව යුත්තන්ට මම මේ බව කියලා තියෙනවා. අන්තිමට ඊටත් වඩා ලොකු විනාශයක් කරලා තියෙන්නේ.“

“දැන් එයාට මෙහෙ එන්න පුළුවන් කමකුත් නැහැ. එන්න කියන්නේත් නැහැ.“

“මේ තමයි අපි කරපු වැරදිවලින් ඉගෙන ගන්න ඕන පාඩම්“

මෙම සම්පූර්ණ වීඩියෝව පහතින් දැක්වේ.

– biz.adaderana.lk

37,224 Viewers

3 Comments to “අර්ජුන මහේන්ද්‍රන්ගේ ‍තවත් මහා ගැහිල්ලක් හෙළිවේ.. ප‍්‍රකට ව්‍යාපාරික හැරී ජයවර්ධන හෙලි කරයි..”

  1. sakalabujan says:

    අපට ( අගමැතිට ) කියන්නේ බැදුම්කර හොරු කියලයි..- හරීන්

  2. Karunanayake says:

    හැම කෙනා ම ලෙහෙසියෙන් අමතක කරන තවත් ලොකු කපටිකමක් තියෙනව! ඔහු මහ බැන්කුවෙ ගරුතර අඝිපති තුමා කාලෙ ඇමරිකාවට ගිහිල්ල ඕවර්කෝට් එකක් අරගෙන මහබැන්කුවෙ විශේෂ කාර්ඩ් එකෙන් රුපියල් දශලක්ෂයක්(10,00000) මිලියන් එකක් ගෙවල! මට හිතෙන්නෙ අර්ජුන් රටයනකොට රනිල් අප්පච්චි විනෝදවෙන්ඩ කියල දීපු සල්ලි කියලයි! කවුරුවත් රනිල් අප්පොට එහෙම මොකවත් කියනව නෙමෙයි ඔන්න! මම කිව්ව කියල කියන්ඩත් එපා!!!

  3. sakalabujan says:

    රට කරවන්න නම් මසුරන් ඇතිව කැටේ
    අගනා කියන දේ විකිණිය යුතුය රටේ
    අමන දනන් කැ ගැහුවත් හතර වටේ
    එවා නො වික්කොත් අපි හැම මකර කටේ

    දළදා මැදුර අධිකව මිල කල හැකිය
    සිරි මහ බෝධියේ ලංසුව පැහැදිලිය
    කලුගල් වලට විකුනා ගෙන සිගිරිය
    සිගිරි කුරුටු ගී බයිලා කල හැකිය

    හොර්ටන් තැන්න දී ක්‍රිඩා පිටියකට
    පවරා සිංහ රාජය ලී මෝලකට
    දුන්හිද ඇල්ල හරවා ජල විදුලියට
    සමනල කන්ද බදු දේමු හොටලයකට

Main News