අලුත් ව්‍යාවස්ථාවෙන් රට-ජාතිය ඉවරයි.. ව්‍යවස්ථා උගුලේ සැගවූ සියළු බයංකර රහස් මහින්ද හෙලි කරයි..

March 13, 2017 at 1:20 pm | lanka C news | ලංකා සී නිවුස්
අලුත් ව්‍යාවස්ථාවෙන් රට-ජාතිය ඉවරයි.. ව්‍යවස්ථා උගුලේ සැගවූ සියළු බයංකර රහස් මහින්ද හෙලි කරයි..

වත්මන් ආණ්ඩුව රට ජාතිය නැති කිරීමට ව්‍යවස්ථා හා නීති සංශෝධන කෙටුම්පත් කරමින් සිටින බව හිටපු ජනාධිපති මහින්ද රාජපක්‍ෂ මහතා පවසයි.

මේ බව සදහන් කරමින් ඔහු විසින් නිකුත් කර ඇති මාධ්‍ය නිවේදනය මෙසේය.

රට ජාතිය නැති කිරීමට ව්‍යවස්ථා හා නීති සංශෝධන කෙටුම්පත් කිරීම

ශ්‍රී ලංකාවේ ව්‍යවස්තාවත්,රාජ්‍යයේ ව්‍යුහයත්, නීති පද්ධතියත් වෙනස් කිරීමට ආණ්ඩුව ගන්නා උත්සාහයන් ඉදිරි කාලයේදී කරළියට එන ලක්‍ෂණ දැන් පහල වී තිබේ. පසුගිය නොවැම්බර් මාසේ සිට එක්කො නිල වශයෙන් එළි දක්වනු ලැබූ, නැතිනම් වෙනත් මාර්ගයකින් මාධ්‍යට හෙළි වූ ලියවිලි කිහිපයකින් ආණ්ඩුවේ අභිමතාර්ථය පැහැදිලි වේ. ව්‍යවස්ථාදායක සභාවේ අනුකමිටු හයේ නිල වාර්ථා පසුගිය නොවැම්බර්මාසයේ එලිදක්වනු ලැබීය.අග්‍රාමාත්‍යවරයාගේ සංහිදියාව හා සංක්‍රාන්තිකයුක්තිය පිළිබද කාර්යසාධක බලකායේ වර්ථාව ජනවාරියේපලවිය. GSP+ බදු සහනය නැවත ලංකාවට ලබා දීමටයුරෝපා සංගමය පැනවූකොන්දේසි 58ත්, ත්‍ර‍ස්තවාදය වැලැක්වීමේ පනත වෙනුවට අගමැතිවරයා යෝජනා කරන නවනීති කෙටුම්පතත් ඒ අතරතුර මාධ්‍යය හරහා ප්‍ර‍සිද්ධියට පත්විය.

මේ ලියවිලි සියල්ලේම පදනම වන්නේ 2015 ඔක්තෝබර් මාසයේදී ලංකාවේ යහපාලන ආණ්ඩුවේ උදව් සහ සම අනුග්‍රාහකත්වයද සහිතව ඔබාමා පාලනය සහ යුරෝපීය බලවතුන් විසින් එක්සත්ජාතීන්ගේ මානව හිමිකම් කවුන්සිලය තුළ ලංකාවට එරෙහිව සම්මත කරගත් යෝජනාවයි. අද වෙන විට මහා දේශපාලන පෙරලියක් සිදුවී ඔබාමා පාලනය අතුගෑවී ගොස් තිබුණද, ඇමරිකාවේ අලුත් ආණ්ඩුවට කතා කොට, මේ භයානක ලියවිල්ලේ වගන්ති වෙනස් කරගැනීමට ලංකාවේ ආණ්ඩුව කිසිදු උත්සාහයක්දරා නැති බව මෙහිදී ජනතාවට දැනුම් දීමට කැමැත්තෙමි. 2015 දී යහපාලකයෝ මේ යෝජනාවට ලංකාවේ සම අනුග්‍රාහකත්වය ලබා දුන්නේදවිදෙස් රටවලබලපෑමටම නොව, තමන්ගේද  න්‍යෛසර්ගික දේශද්‍රෝහී න්‍යාය පත්‍ර‍යඅනුවය. අද වෙන විට, 2015 දී ගෙනා යෝජනාව කර තියාගෙන යන්නේ ඇමරිකානු ආණ්ඩුවෙන් නොව ලංකාවේ ආණ්ඩුවෙන්ම බව පැහැදිලිය. මෙහි සදහන් කල ලියවිලි පහෙන් හෙළිවෙන සමස්ථ සැලසුමේ අංගෝපාංග පහත දැක්වෙන ආකාරයට සම්පිණ්ඩනය කර දැක්විය හැක.

  • අග්‍රාමාත්‍යවරයාගේ සංහිදියාව පිළිබද කාර්ය සාධක බලකායේ නිර්දේශ අනුවශ්‍රී ලංකා රජය මෙරටේ ඇතිවූ සන්නද්ධ ගැටුම් වල ‘වින්දිතයන්ගෙන්’ සමාව ගත යුතුය.නමුත් ත්‍ර‍ස්තවාදී සංවිධාන හෝ ඔවුනට උඩගෙඩි දුන් වෙනත් දේශපාලන සංවිධාන කිසිවෙකුගෙන්වත්සමාව ගතයතුනොවේ. ඒ අනුව ත්‍ර‍ස්තවාදය මර්ධනය කිරීමෙන් ශ්‍රී ලංකා රජය කර ඇත්තේ වරදක්ය යන අදහස ලෝකයට කියවේ.
  • කොටි සංවිධානයේ සුසානභූමි පෙර තිබූ ආකාරයට නැවත සකස් කරදිය යුතු බවත්, කොටි මහවිරු දිනය සැමරීමටඅවශ්‍ය අයට ඒ සදහා ඉඩදිය යුතු බවත්, කොටි සාමාජිකයන්ගේ ඥාතීන්ට මියගිය කොටි සාමාජිකයන්ගේ ඡායාරෑප කොටි නිල ඇදුමද සහිතව තම නිවෙස්වල ප්‍ර‍දර්ශනය කිරීමට අවසර දියයුතු බවටදඅග්‍රාමාත්‍යවරයාගේ සංහිදියාව පිළිබද කාර්ය සාධක බලකාය නිර්දේශ කර ඇත. නමුත් ත්‍ර‍ස්තවාදයට එරෙහි සටනේ දිවි පිදූරණවිරුවන් සැමරීමට වැඩපිළිවෙලක් හෝ ඔවුන් ලැබූ ජයග්‍ර‍ණ සැමරීමට වැඩපිළිවෙලක් ගැන හෝ මේ එක ලියවිල්ලකවත් සඳහන් වන්නේ නැත.
  • චෝදනා ගොනු කරනු නොලැබූ සියලුම කොටි සැකකරුවන් වහාම නිදහස් කලයුතුබවත් අපරාධ සිදු කලායි සැක කරන සන්නද්ධ හමුදා සාමාජිකයන් හිරභාරයටගත යුතු බවත් අග්‍රාමාත්‍යවරයාගේ සංහිදියාව පිළිබද කාර්ය සාධක බලකායකියයි. සංහිදියාව ඇති කිරීමට මෙය අත්‍යවශ්‍ය සාධකයක් හැටියට ඔවුන් හුවා දක්වයි.
  • 2015 ඔබාමා ආණ්ඩුවේ මානව හිමිකම් යෝජනාව හා යුරෝපා කොමිසමේ GSP+ කොන්දේසි මාලාවට අනුව යමින්, අපේ රණවිරුවන්ට එරෙහිව විදේශීයසහභාගීත්වයද සහිතව යුද අපරාධ අධිකරණයක් පිහිටවිය යුතු බවට අග්‍රාමාත්‍යවරයාගේ සංහිදියා කාර්ය සාධක බලකාය නිර්දේශ කර තිබේ. කොටි සාමාජිකයන් මේ වන විට එක්කො පුනරුත්තාපණය ලබා තිබෙන නිසා, නැතිනම් පවතින නීතිය යටතේ ඔවුන්ට නඩු පවරා තිබෙනනිසා, මේ යුද අපරාධ අධිකරණය විසින් කොටි සාමාජිකයන්ට එරෙහිව ක්‍රියාමාර්ගයක් නොගත යුතු බවට යෝජනා වී ඇත. ඒ වෙනුවට කොටි සංවිධානයෙන් ඉවත් වී ආණ්ඩුව සමග එකතු වී කටයුතු කල හිටපු කොටි නායකයන්ට එරෙහිව යුද අපරාධ විමර්ශන පැවැත්විය යුතු බවටඅග්‍රාමාත්‍යවරයාගේ සංහිදියාව පිළිබද කාර්ය සාධක බලකාය කියයි.
  • 2015 ජිනීවා මානව හිමිකම් යෝජනාවට අනුව යුද අපරාධ සිදු කල බවට සැක කරන නමුත් යුද අපරාධ අධිකරණයට ඉදිරිපත් කිරීමට තරම් සාක්ෂි නැති සන්නද්ධ හමුදා සාමාජිකයන්පරිපාලනමය ක්‍රියාදාමයකින් සේවයෙන් ඉවත් කල යුතු වේ. නමුත් ත්‍ර‍ස්තවාදය වැලැක්වීමේ පනත වෙනුවට අග්‍රාමාත්‍යවරයාසම්පාදනය කර තිබෙන නව නීතියට අනුව යම් ත්‍ර‍ස්තවාදී සැක කරුවෙකුට එරෙහිව ප්‍ර‍මාණවත් සාක්ෂි නැතිනම් සමාව ඉල්ලීම, පසුතැවීම ප්‍ර‍කාශ කිරීම, පුනරුත්තාපණය ලැබීම, ඉදිරියේදී අපරාධ නොකිරීමට පොරොන්දු වීම, ප්‍ර‍ජාසේවයේ නියුතු වීම, වැනි කොන්දේසියක් මත නීතිපතිවරයාට හෝ මහ අධිකරණයට එම ත්‍ර‍ස්තවාදියාට එරෙහිව ගෙන තිබෙන නීතිමය ක්‍රියාමාර්ග අත්හිටුවිය හැක.
  • යුද අපරාධ සම්බන්ධයෙන් සැකකරුවන් වන සන්නද්ධ හමුදා සාමාජිකයන්ට කිසිදු පොදු සමාවක් ලබා නොදිය යුතු බව අග්‍රාමාත්‍යවරායාගේ සංහිදියාව පිළිබද කාර්ය සාධක බලකාය කියයි. නමුත් ත්‍ර‍ස්තවාදය වැලැක්වීමේ පනත වෙනුවට අග්‍රාමාත්‍යවරයා විසින් නිර්දේශ කර තිබෙන නව නීතියට අනුව උසාවියක් විසින් වැරදි කරුවෙකු කරනු ලැබූ ත්‍ර‍ස්තවාදියෙකුට වුවත් ත්‍ර‍ස්තවාදය හෙළාදැකීම, පසුතැවීම ප්‍ර‍කාශ කිරීම, අදාල අපරාධය සිදු වූයේ ඉහළින් ආ බලපෑම් නිසා බව පෙන්වීම, යන කාරණා මත සිර දඩුවම් ලිහිල් කිරීමට වගන්ති ඇතුලත් කර තිබේ.
  • අග්‍රාමාත්‍යවරයාගේ සංහදියාව පිළිබද කාර්ය සාධක බලකාය කර තිබෙන තවත් නිර්දේශයක් වන්නේ සන්නද්ධ හමුදා සාමාජිකයන්ට අවශ්‍ය දිරිගැන්වීම් දී කළින් විශ්‍රාමයැවීමයි. මේ සදහා සන්නද්ධ හමුදා සාමාජිකයන් පොළඹවා ගැනීමට ඔවුනගේ ළමයින්ට හොද පාසල් ලබා දී, වෙනත් රැකියා සොයා දී,පිටත් කර යැවිය යුතු වේ. මේ ආකාරයට හමුදා විසුරුවා හැර, අත්දැකීම් සහිත හමුදා නිලධාරීන් හා සෙබලුන් ගෙදර යවා, රටේ ආරක්‍ෂාව තහවුරු කරන්නෙ කෙසේද කියා මේ එක ලියවිල්ලකවත් සඳහන් නොවේ.
  • ත්‍ර‍ස්තවාදය වැලැක්වීමේ පනත වෙනුවට ගෙන ඒමට යන අලුත් නීතියට අනුව අදාල ප්‍රදේශයේ පොලිස් ස්ථානාධිපති, මානව හිමිකම් කොමිසම හා එම පළාතේ මහේස්ත්‍රාත්වරයා අත්අඩංගුවට ගන්නා ත්‍ර‍ස්තවාදී සැකකරුවන්ගේ සුරක්‍ෂිතභාවය තහවුරු කල යුතු වේ. රදවා ගැනීම් නියෝගයක් යටතේ සැකකරුවන් රදවා ගැනීම මාස 03 සිට දවස් 30 දක්වා අඩු වේ. රදවා ගෙන සිටිය හැකි උපරිම කාලය මාස 18 සිට මාස 06 දක්වා අඩු වේ. සැකකරුට එරෙහිව අවුරුද්දක් ඇතුළත නඩු ගොනු නොකලොත්, නැතිනම් නඩුවේ කාලය අවුරුදු දෙකකට වඩා දික් ගැස්සුනහොත්, සැකකරු ඇප මත නිදහස් කල යුතු වේ. ත්‍ර‍ස්තවාදී සැකකරුවන්ට උපරිම අවකාශය සලසන අතර රාජ්‍ය හමුදා වලට උපරිම ලෙස බාධා වෙන ආකාරයට මේ යෝජනා කෙටුම්පත් කර තිබේ.
  • පොලීසිය, නීතිය හා සාමය අනු කමිටුවේ නිර්දේශවලට අනුව මාස තුනකට වඩා කාලයක්, නැතිනම් දින 180 ක් තුළ දින 90කට වැඩි කාලයක් හදිසි නීතියපවත්වගෙන යන්න නම් ඒ සදහා පාර්ලිමේන්තුවේ විශේෂ බහුතරයක් අවශ්‍ය වේ. හදිසි නීතිය ප්‍රකාශ කිරීම මෙන්ම හදිසි නීති රෙගුලාසිත් විමර්ශනය කර ඒවා අවලංගු කිරීමට වුවත් ශ්‍රේෂ්ඨාධිකරණයට බලය පැවරීමට මෙහිනිර්දේශ කර තිබේ. නීතියහා සාමය බිද වැටීමකට සුදුසු ආකාරයට ප්‍ර‍තිචාර දැක්වීමට විධායකයට ඇතිබලය මෙයින් සීමා වේ.මේ ආකාරයට විධායකයත්, හමුදාවත්, පොලීසියත් දඩුකදේ ගසා නීතිය හා සාමය රකින්නේ කෙසේද යන්න මෙහිදී සලකා බලා නැත.
  • ජාත්‍යන්තර සමමුතීන් ලංකාවේ නීති පද්ධතියට ඇතුළත් කරගන්නාක්‍රමවේදය වෙනස් කර ජිනීවා මානව හිමිකම් කමිටුවටලංකාවෙන් අභියාචනා ඉදිරිපත් කිරීමට ඉඩදිය යුතු බවඅධිකරණය පිළිබද අනු කමිටුව යෝජනා කර තිබේ. එයින් ශ්‍රේෂ්ඨාධිකරණයේ නඩු තීන්දු සමාලෝචනය කිරීමට ජිනාවාහි මානව හිමිකම් කමිටුවට බලය ලැබෙන නිසා ශ්‍රේෂ්ඨාධිකරණයට ලංකාවේ ඉහලම උසාවිය හැටියට ඇති තත්වය අහිමි වේ. රටක අධිකරණය ජාත්‍යන්තර අධිකරණයකට යටත් කිරීම යනු ස්වාධිපත්‍ය අහිමි වීමකි. බ්‍රිතාන්‍ය යුරෝපා සංගමයෙන් ඉවත්වීමට තීරණය කලේද යුරෝපා අධිකරණයේ ආධිපත්‍යයෙන් ගැලවීමටය.
  • ලංකාව නිර්ආගමික රාජ්‍යයක් බවට පත් කිරීමේ යෝජනාව සලකා බලන ලෙස අග්‍රාමාත්‍යවරයාගේ සංහිදියාව පිළිබද කාර්ය සාධාක බලකාය නිර්දේශ කර තිබේ. බුදු දහමට ඇති විශේෂ තත්වය නැති කරන්නේ නැතෙයි කීවද එයත් මේ සමස්ථ සැලසුමේ කොටසක් බව මේ ලියවිලි වලින් පෙනේ.
  • පලාත් ආණ්ඩුකාරවරුන්ගේ සියලු බලතල අහෝසි කිරීමට මධ්‍ය හා පර්යන්තය පිලිබද අනුකමිටුව යෝජනා කරතිබේ. ඒ අනුව ආණ්ඩුකාරවරුන් අදාල මහඇමතිවරුන්ගේ අභිමතය පරිදි පත්කිරීමටත්, මහ ඇමතිවරයාගේ හා ඇමති මණ්ඩලයේ උපදෙස් පරිදි ආණ්ඩුකාරවරයාටකටයුතු කිරීමටත් සිදුවේ. පළාත් සභා තුළ මධ්‍යම ආණ්ඩුවේ අණසක පවත්වාගෙන යන්නේ ආණ්ඩුකාරවරුන්ය. ඒකීය රාජ්‍ය රැකෙන්නේ ආණ්ඩුකාරවරුන්ගෙන්ය. ඒ තනතුරේ බලය හීන වුවහොත්, ලංකාව ඉබේටම ෆෙඩරල් රාජ්‍යයක් වෙනු ඇත.
  • ඒකීය රාජ්‍යය නැති කිරීමේ පියවරක් ලෙසව්‍යවස්ථාවේ සමගාමී බලතල ලැයිස්තුව අහෝසි කිරීමට නිර්දේශ වී තිබේ. ඒ අනුවදැනට මධ්‍යම ආණ්ඩුවට හෝ පලාත් ඒකක වලට අයත් නොවන සියලු බලතල පලාත් ඒකක වලට දිය යුතු බවට මධ්‍ය හා පර්යන්තය පිලිබද අනුකමිටුව යෝජනා කර ඇත. එපමණක්ද නොව දිස්ත්‍රික් ලේකම්වරු හා ප්‍රාදේශීය ලේකම්වරුත් පලාත් ඒකක යටතට පත් කිරීමටත් නිර්දේශ වී තිබේ. මෙය අදියරෙන් අදියර ඒකීය රාජ්‍යයේ ආණ්ඩුව දිය කර දැමීමේ වැඩ පිළිවෙලක් බව පෙනේ.
  • ජාතික පොලිස් සේවයේ රාජකාරිය ජාත්‍යන්තර අපරාධ වැනි කාරණා කීපයකට සීමා කර, සියලුම එදිනෙදා පොලිස් රාජකාරී පළාත් පොලිස් සේවාවන් 9 කට පවරා දීමට නිර්දේශ වී ඇත. පළාත් පොලිස් සේවාවන් වලට පදිංචිය හා කතා කරන භාෂාව මත බදවා ගැනීම් සිදු කිරීමටත්, ඔවුන් භාවිතා කරන ගිනි අවි හා ලබන පුහුණුවද ඒ පලාත් බලධාරීන් විසින්මතීන්දු කිරීමටත්නියමිතය. එමෙන්ම, මේ සංශෝධන වලින් පසුපළාත් පොලිස් සේවාවන් අදාල පලාතේ පොලිස් කොමිසමට මිස ලංකාවේ පොලිස්පතිවරයාට හෝ මධ්‍යම ආණ්ඩුවට වගකීමට බැදී සිටින්නේ නැත.
  • මධ්‍ය හා පර්යන්ත පිළිබද අනුකමිටුවේයෝජනා වලට අනුව සියලු ඉඩම් බලතල පලාත් ඒකක වලට පැවරිය යුතු වේ. ජාතික ආරක්‍ෂාව වැනි මධ්‍යම ආණ්ඩුවේ කටයුත්තක් සදහා ඉඩම් අවශ්‍ය වුවහොත් ඒ සම්බන්ධයෙන් ඉල්ලීමක් අදාල පලාත් සභාවට ඉදිරිපත් කල යුතු වේ. මෙවැන්නකට උතුරු නැගෙනහිරෙන් ලැබීමට ඉඩ තිබෙන ප්‍ර‍තිචාරය කුමක්දැයි අපිට කල් තියාම සිතාගැනීම අපහසු නැත.

යහපාලනආණ්ඩුව ව්‍යවස්තාවත් නීතියත් වෙනස් කිරීමෙන් බලාපොරොත්තු වෙන දේ ඉහත සදහන් කාරණා වලින්  පැහැදිලි වේ.යුද්ධය දිනපු නිසා සන්නද්ධ හමුදාවන්ට දඩුවම් දීම,මධ්‍යම ආණ්ඩුවක්හෝ ඒකීය රාජ්‍යයක් නැති වන තරමටම බලය බෙදීම, නීතිය හා සාමය බිදවැටීමකට ශ්‍රී ලංකා රජයට මුහුණ දීමට නොහැකි වෙන තැනට වැඩ සැලසීම,  ලංකාවේබහුතර ප්‍ර‍ජාවගේත් සන්නද්ධ හමුදා වලත් ජීවගුණය හා චිත්ත ධෛරය බිඳ, බෙදුම්වාදීන්ට හැකි තරම් වාසිදායක වාතාවරණයක් නිර්මාණයකරදීම මේ වැඩපිළිවෙලේ අරමුණ වේ. අප මෙහි සඳහන් කලලියවිලි වල නිර්දේශ ක්‍රියාත්මක වුවහොත්, ඉතුරු වන්නේ ෆෙඩරල් ප්‍රාන්ත නවයකට බෙදූශ්‍රී ලංකාවකි.අභයන්තර කැරැල්ලකටමුහුණ දිය නොහැකි ආණ්ඩුවකි. එතැන් සිටවෙනම රාජ්‍යයකට  ඇත්තේ තව එක් පියවරක් පමණි.

දේශීය හා විදේශීය ඊළාම්වාදී පිරිස් ඇතැම් විදෙස්  බලවතුන්ද සමග එකතුවී2015 ජනාධිපතිවරනයේ ප්‍ර‍තිපලය විකෘති කරනු ලැබුවේ දශක හතරක  ත්‍ර‍ස්තවාදයෙන් ලබා ගැනීමටබැරි වූ දේ ඒඅයට ලබා දීමටසූදානම් ආණ්ඩුවක් බලයට ගෙන ඒමටය. ආණ්ඩුව තුළ සිටන සියලුම ශ්‍රිලනිප සාමාජිකයන්ටත්, එජාප මන්ත්‍රීවරුන්ටත් මා මෙහිසදහන් කළ ලියවිලි පහ කියවා බලන ලෙස  මම ආරාධනය කරමි. මෙවැනි දේශද්‍රෝහී වැඩපිළිවෙලකට එකග වී රටත්, ජාතියත් පාවා දෙනවාද නැද්ද යන්නපක්‍ෂ භේද පසෙක තබා සෑම මන්ත්‍රීවරයෙකුම තනි තනිව ගත යුතු තීරණයක් වන්නේය. පසුගිය ජනාධිපතිවරණය සමයේ යහපාලකයෝ රටට දුන් ප්‍ර‍ධානම ව්‍යවස්තාමය ප්‍ර‍තිඥා දෙක වූයේ විධායක ජනාධිපති ක්‍ර‍මය අහෝසි කිරීමත්, මැතිවරණ ක්‍ර‍මය සංශෝධනය කිරීමත්ය.

ජනතාවට දුන් මේ පොරොන්දු දෙකම සම්පූර්ණයෙන්ම පසෙක ලා, ඉහත සදහන් වැඩපිළිවෙල මේ තරම් උනන්දුවෙන් ඉදිරියට ගෙන යෑමට මේ ආණ්ඩුව පෙළඹී ඇත්තේ, ඔවුන්ට මේ රටේ ජනතාවට වඩා වැදගත් වෙනත් හාම්පුතුන් පිරිසක් සිටින නිසා නොවෙදැයි මහජනතාව කල්පනා කර බැලිය යුතුය.

මහින්ද රාජපක්‍ෂ
ශ්‍රී ලංකාවේ හිටපු ජනාධිපති

19,517 Viewers

19 Comments to “අලුත් ව්‍යාවස්ථාවෙන් රට-ජාතිය ඉවරයි.. ව්‍යවස්ථා උගුලේ සැගවූ සියළු බයංකර රහස් මහින්ද හෙලි කරයි..”

  1. Saradiel says:

    මේ රට නම් සිංහලයි. රැකිය යුත්තේ සිංහල රටයි. සිංහල රට රැකීම නම් සිංහලයාගේ මාතෘ භූමිය රැකීමයි. එය සිංහල ජාතිය වෙනුවෙන් සිදු කල යුතුමය. සිංහලයාට මේ රට හැර අන් රටක් නැති බැවිනි.

    • Fernandez says:

      boru hilak. meyaata Jesus gen dadi daduwam labewi.

      • sakya says:

        People of this country narrowly escaped from MR’s 18th amendment for the sake of MY3. Otherwise we all would have had a hell in this country.

  2. LION says:

    රට ජාතිය ආගම වෙනුවෙන් කටයුතු කරන්නේ නම් පළමුව තම ජීවිතය කැපකළ යුතුය. ජීවිතය රැකගැනීම සහ රට ජාතිය ආගම රැකීම යනු දෙකකි. එබැවින් දිවි තොර වුවද ඒ ගැන නොසිතා කටයුතු කල හැකි විය යුතුය.

  3. හෙල යකා says:

    නව ව්යවස්ථාවකටට ජනවරමක් නෑ. ව්‍යවස්ථා සම්පාදක මණ්ඩලයත් ව්‍යවස්ථා විරෝධී. ඒකාබද්ධ විපක්ෂය ව්‍යවස්ථා විරෝධී නව ව්‍යවස්ථාව වර්ජනය කල යුතුයි. ජනතාවට මෙහි ඇති නීති විරෝධී බව පෙන්වා දීම රට එක්සේසත් කල මහින්ද රාජපක්ෂ ජනාධිපතිතුමාගේ යුතුකමක් සහ වගකීමක්.

  4. love nature says:

    මේ ජාතික අපරාධයට විරුද්ධව සියලු පක්‍ෂ බේධ , පුද්ගල බැඳීම් බේධ , ආගම් බේධ , කුල බේධ වලින් ටික කලකටහෝ ඈත්වී සිංහලයා එකාමෙන් නැගී සිටිය යුතුය​.
    ඒ අන් කිසිවකු බලයට ගෙන ඒමවත්, හුදෙක් ආණ් ඩුවට විරුද්ධ්වීමේ අන්‍ය අදහස් නොව​, ලාංකිකයින්ට මේ මගින් කිසිම තේරුමක් නැති , කිසිම හොඳ ප්‍රතිපලයක් නැති, දෙමල ත්‍රස්තවාදියාගේ හෙවත් ඉන් දියානුවන් ගේ අපේරට අස්ථාවර කිරීමේ තවත් උත්සාහයක් පමණක්ම වීමයි.

    • Ahosinhala says:

      Ay YaKo Ape SInhalayata Deparakma Chance Eka Thibilath .Hariyata Nagitala Walapalla Giya MaRa Wa godaganna Bari Une ???

      • රාජපති says:

        හේතුව, උඹේ අම්ම මස් කඩේ මරක්කලයට රෙද්ද උස්සපු හින්ද.

  5. sinha le says:

    නව ව්යවස්ථාවට ඡන්දය දී රට බෙදීමට හවුල් වන මන්ත්රීවරුන්ට
    ගමට එන්න දෙන්න එපා!
    ඔවුන් දේශදෝහින්

    • පොරමොලා says:

      දේශද්‍රෝහී නව ව්‍යවස්ථාවට පක්ෂව ජන්දය දෙන උන්ගේ සහ උන්ගේ පවුල්වල සාමාජිකයන්ගේ
      ඹලුගෙඩි කුඩු පට්ටම්වෙලා පලයන් කියල හිතාගෙන දෙවියන්ට පොල් ගහමු.

  6. President Mahinda Rajapaksha PLEASE SAVE OVER our motherland again soon….

  7. SS says:

    කවුරු ලිවූවාක් ලස්සනට ලියලා තියෙනවා . එළ

  8. Dickie Bird says:

    Dhrohiya, ara Colombo campus eke Jayantha Wickramaratne ya.
    moowath anthare ta bara karamu.

    Mara ge watinakama dan thamayi therenne.

    “අලුත් ව්‍යාවස්ථාවෙන් රට-ජාතිය ඉවරයි…… Nagitiyaw.

  9. Saradiel says:

    අපේ රටට මෙසේ කඩිමුඩියේ නව ව්‍යවස්‌ථාවක්‌ හෝ ව්‍යවස්‌ථා සංශෝධනයක්‌ ගෙන ඒමට ඇති අවශ්‍යතාවය කුමක්‌ද? සෝල්බරි කොමිසමෙන් නව ව්‍යවස්‌ථාවක්‌ ගෙන ආවේ 1948 අප නිදහස ලබන විට ඇති වූ අවශ්‍යතාවයටය 1972 දී අප ජන රජයක්‌ බවට පත් වන විට නව ව්‍යවස්‌ථාවක්‌ අවශ්‍ය විය. 1978 දී විධායක ජනපති ක්‍රමය හඳුන්වාදෙන විටද නව ව්‍යවස්‌ථාවක්‌ ඕනෑ විය. ඉන්පසු විවිධ අවස්‌ථාවල අවශ්‍යතාවයන් අනුව සංශෝධන ඉදිරිපත් විය. නමුත් රටේ පවතින වර්තමාන තත්ත්වය තුළ නව ව්‍යවස්‌ථාවකට හෝ ව්‍යවස්‌ථා සංශෝධනයකට කිසිදු අවශ්‍යතාවයක්‌ නොපෙනේ. ඒ සම්බන්ධයෙන් පත් කළ අනුකමිටු 6 ක්‌ම යෝජනා කර නිර්දේශ කර ඇත්තේ අපේ මව්බිමේ අනන්‍යතාවය විනාශ කරමින් රට පෙඩරල් රාජ්‍යයක්‌ බවට පත් කිරීමටය. ඒ අනුව උතුර වෙනම රාජ්‍යයක්‌ වන අතර උතුර නැගෙනහිර එක්‌වීමටද 13 වන සංශෝධනය අනුව ඉඩ ලැබේ. එසේ වුවහොත් රට බෙදී අවසන්ය.

  10. Saradiel says:

    වසර 2550 ක ඉතිහාසය තුළ මේ රට විදේශීය ආක්‍රමණයන්ගෙන් බේරාගෙන ඒකීය රටක්‌ ලෙස තබා ගැනීමට දිවිකැප කළේ සිංහලයන්ය. අපේ රජවරු යුද්ධ කළේ රජ සැප පිණිස නොව බුද්ධ ශාසනය සුරක්‍ෂිත කිරීමටය. ලංකාවේ අස්‌සක්‌ මුල්ලක්‌ පාහේ බෞද්ධ වෙහෙර විහාර, නටබුන් තිබෙන්නේ ඒ නිසාය. 1815 උඩරට ගිවිසුම අත්සන් කරන විටත් බ්‍රිතාන්‍ය නීතිඥ බුද්ධ ශාසනය රැකීමට (බොරුවට හෝ) පොරොන්දු වූයේ ඒ ඓතිහාසික පසුබිම හේතුවෙනි. එවැනි පූජනීය ඉතිහාසයක්‌ තිබෙන අපේ රට අනාගමික රටක්‌ විය යුතු යෑයි නිර්දේශ කරන අමනයන් සහිත මෙම කමිටුව සමස්‌ත ජනතාවගේම පිළිකුලට භාජන විය යුතුය.

  11. Sadda says:

    Sinhaluni samagiwaw!. Jathi drohin athahera jathihithaishin samaga ekwaw!. Samagiyen idiriyata yamu!. Palamuwa rata bawa pasak kara ganiw.

  12. Sadda says:

    Sinhala kamak gewunu ekek wenna behe. Don juwange paramparawe wennathi.

  13. GG GaminiJ says:

    No I dont care about Sri Lanka…..All I care about is me, my wife, my hotel businesses and three children living in USA.

  14. Gotayinbara says:

    නායක තුමනි මේ සියලු අපරාධ වලට ඔබතුමා වග කියන්න ඕනේ. බල්ලන්ට රට ගියේ ඔබේ අඩුපාඩු කම් හින්දයි. ඔබට ලක් වැසියන් දැක්වූ විශ්වාසය පලුදු කරන්නට ප්‍රති මල්ලවයාට ඉඩ දුන්නේ ඔබයි. තවමත් මහා ජනතාව ඔබ කෙරෙහි තිබූ විශ්වාසයේ අඩුවක් නැත. රට බෙදන්නට ආගම කන්නට තව දුරටත් ඉඩ හැර බලා සිටියොත් ඔබතුමාගේ බෙල්ලට තොන්ඩුව වැටෙන දාට රට ජාතිය ආගමට කෙලවී හමාරය. අනාගත පරපුර සදා සොත්ටි බවන් තුතේ කිඅනු ඇත. පමා නොවන්න .අප්‍රමාදව කසය අතට ගන්න.

Main News