ඇමති ජෝන් මාධ්‍යවේදීන්ට බැණ වැදීම නින්දිතයි.. මෙනිසා ආණ්‌ඩුව හෑල්ලු වෙනවා..- රන්ජන්

June 10, 2017 at 10:00 am | lanka C news
ඇමති ජෝන් මාධ්‍යවේදීන්ට බැණ වැදීම නින්දිතයි.. මෙනිසා ආණ්‌ඩුව හෑල්ලු වෙනවා..- රන්ජන්

පරිණත දේශපාලනඥයකු විදිහට ජෝන් අමරතුංග මහතා මාධ්‍යවේදීන්ට ඉතා පහත් අන්දමින් බැණ තර්ජනය කරමින් හැසිරුණු ආකාරය කෙසේවත් අනුමත කළ නොහැකි බව නියෝජ්‍ය ඇමැති රන්ජන් රාමනායක මහතා පැවැසීය.

කඳානේ පිහිටි පක්‍ෂ කාර්යාලයේදී මාධ්‍යවේදීන් පිරිසක්‌ කළ ප්‍රශ්න කිරීම් හමුවේ කෝපයට පත්වූ ජෝන් අමරතුංග මහතා හැසිරුණු ආකාරය පිළිබඳව කළ විමසීමකදී රාමනායක මහතා මෙසේ කියා සිටියේය. මෙහිදී වැඩිදුරටත් අදහස්‌ දැක්‌වූ රන්ජන් රාමනායක මහතා මෙසේද පැවැසීය.

පසුගිය ආණ්‌ඩු කාලේ මාධ්‍යවේදීන් 26 දෙනෙක්‌ ඝාතනයට ලක්‌වුණා. ලසන්ත වික්‍රමතුංග වැනි මාධ්‍යවේදියෝ මහ පාරේදී ඝාතනය වුණා.

මහජනතාව පසුගිය ආණ්‌ඩුව ප්‍රතික්‍ෂේප කරලා යහපාලන ආණ්‌ඩුවක්‌ පත්කර ගත්තේ වෙනසක්‌ දකින්න.

පසුගිය රජය පෙරළා යහපාලන ආණ්‌ඩුව පත් කරන්න මේ මාධ්‍ය ගොඩක්‌ උදව් කළා. එහෙම කරපු මාධ්‍යවේදීන්ට මේ විදිහට පහත් විදිහට බැණ වැදී තර්ජනය කරන එක බොහොම පහත් වැඩක්‌.

ජෝන් අමරතුංග කියන්නේ පරිණත දේශපාලනඥයෙක්‌. ඒ වගේම එයා දිස්‌ත්‍රික්‌ සංවිධායක. අමරතුංග මහත්තයා මගෙත් හොඳම යාළුවෙක්‌.

ඒ මොහොතේ වුණත් ජෝන් අමරතුංග මහත්තයා මාධ්‍යවේදීන් ඉදිරියේ හැසිරිච්ච ආකාරය ඉතාම නින්දිතයි. මේ වගේ වැඩ නිසා ආණ්‌ඩුවත් මහජනතාව ඉදිරියේ හෑල්ලුවට ලක්‌වෙනවා.

– දිවයින

 

6,733 Viewers

3 Comments to “ඇමති ජෝන් මාධ්‍යවේදීන්ට බැණ වැදීම නින්දිතයි.. මෙනිසා ආණ්‌ඩුව හෑල්ලු වෙනවා..- රන්ජන්”

  1. Listin says:

    Kohomath thope me jadapalana anduwa mahajanaya issaraha halluwata lakwwla ivarai. Thawa amuthuwen halluwaenna deyak ihuruwela ne.

  2. Boo says:

    එකම වල්ලේ පොල්, වැඩි වෙනසක් නෑ , එකක් කලටි, අනික කුණුවෙලා, එච්චරයි වෙනස.

  3. bend to bend says:

    ජෝන් අමරතුංග මගෙත් හොඳ යාළුවෙක්.මං ගැන කියන්න ඕනෙ නැහැනෙ!!!!

Main News