ඇමති බෙන්ස් එකට ලක්‍ෂ 320යි – මීතොටමුල්ල මියගිය අයකුට ලක්‍ෂයයි..

April 25, 2017 at 6:48 pm | lanka C news
ඇමති බෙන්ස් එකට ලක්‍ෂ 320යි – මීතොටමුල්ල මියගිය අයකුට ලක්‍ෂයයි..

ශ්‍රී ලංකාව සතු බලශක්ති සුරක්‍ෂිතතාව අහිමිකර ඉන්දියාවට අල්ලේ නැටවීමට නැති පරිදි අවාසිදායක කරුණු 12කින් යුත් අවබෝධතා ගිවිසුමක් අත්සන් තැබීමට රනිල් වික්‍රමසිංහ අගමැතිවරයා සූදානමින් සිටින බවට ජාතික නිදහස් පෙරමුණ අනතුරු හඟවා සිටී.

අද(25) පිටකෝට්ටේ පිහිටි ජාතික නිදහස් පෙරමුණේ ප්‍රධාන කාර්යාලයේදී පැවැති මාධ්‍ය හමුවකදී එහි ප්‍රචාරක ලේකම්, මාධ්‍ය ප්‍රකාශක, මොහොමඞ් මුසම්මිල් මහතා මේ බව පෙන්වා දුන්නේය.

එහිදී වැඩිදුරටත් අදහස් දැක් වූ ඒ මහතා මෙසේද පැවසීය.

“ඛණිජතෙල් නීතිගත සංස්ථාවේ සේවකයන් ආරම්භ කළ වර්ජනය මේ වන විට අවසන්ව තිබුණත්, ත්‍රිකුණාමල වරාය ආශ්‍රිතව පිහිටා ඇති තෙල් ටැංකි සහ ඉඩම් ඉන්දියාවට පවරා දීමේ අනතුර තවමත් පහව ගොස් නැහැ. සේවකයන්ට කවර පොරොන්දු දුන්නත් අගමැති රනිල් වික්‍රමසිංහ හොර රහසේ ඉන්දියාව සමඟ එළඹිමට නියමිත අවබෝධතා ගිවිසුමක් මගින් මේ සියල්ල ඉන්දියාවට ලැබේවි.

මේ අවබෝධතා ගිවිසුම, ශ්‍රී ලංකා අගමැතිවරයාගේ අදින් ඇරඹෙන ඉන්දීය සංචාරයේදී හෝ ඉන්දීය අගමැතිවරයාගේ මෙරට වෙසක් සංචාරයේදී හෝ අත්සන් තැබේවි. 2003 වර්ෂයේදී එවකට අගමැති රනිල් වික්‍රමසිංහ ඉන්දියාවට ප්‍රථම වතාවට ශ්‍රී ලංකාව සතු තෙල් ටැංකි පවරා දුන්නා. ජනතා විරෝධය හා 2004දී ලැබුණු මැතිවරණ පරාජය නිසා ඉන්දියාවට තෙල් ටැංකි කිහිපයක් හැර වෙනත් කිසිවක් පවරා දෙන්න රනිල් වික්‍රමසිංහ පාලනයට හැකි වුණේ නැහැ. ඒ නිසා 2015 ජනවාරි බල පෙරළියට උර දුන්නු ඉන්දියාවට ‘පොලියත් එක්ක ණය ගෙවන්න’ දැන් රනිල් වික්‍රමසිංහ මහතා සූදානම් වෙනවා.

මා ඉහත කියූ අවබෝධතා ගිවිසුමෙහි ශ්‍රී ලංකාවට හානිකර කරුණු 12ක් අඩංගුයි. ත්‍රිකුණාමල වරාය ආශ්‍රිත ප්‍රදේශයේ තෙල් ටැංකි හා ඉඩම් ඉන්දියාවට පවරා දීම, නව තෙල් පිරිපහදුවක් ඇරඹිම. එල්.පී. ගෑස්, නල පද්ධතියක් ඔස්සේ කොළඹ නාගරික සීමාව තුළ බෙදා හැරීම ආදියට ඉන්දීය රජයට ඉඩ සලසමින් තමයි මේ ගිවිසුම අත්සන් තැබෙන්නේ.

මේ අවබෝධතා ගිවිසුමේ අවසන් අරමුණ තමයි, ශ්‍රී ලංකාව සතු බලශක්ති සුරක්‍ෂිතතාව, ඉන්දියාව සතුකර ගැනීම. සැහැල්ලු ස්වාභාවික වායු, සූර්යතාප ආදී සියලු බලශක්ති ප්‍රභව ඉන්දියාවේ ඒකාධිකාරියට යට කරලා ශ්‍රී ලංකාව අල්ලේ නැටවීමයි ඔවුන්ගේ උවමනාව මේ ආණ්ඩුව තමන් බලයට ගෙනා රටවල්වලට සන්තෝෂම් ගෙවන්නේ මේ විදිහටයි. මේ තත්වය නිවැරදිව වටහා ගනිමින් කටයුතු නොකළහොත් ශ්‍රී ලංකාවේ බලශක්ති සුරක්‍ෂිතතාව, ජාතික ආරක්‍ෂාව අහිමි වේවි.

‘ඇමති බෙන්ස් එකට ලක්‍ෂ 320යි – මීතොටමුල්ල මියගිය අයකුට ලක්‍ෂයයි!

මීතොටමුල්ල කුණු කන්ද නායයාමෙන් මියගිය ජනතාවගේ පවුල්වලට හෝ ඒ නිසා දේපළ හානි සිදු වූ ජනතාවට සහන සැලසීමට මේ ආණ්ඩුවට කිසිදු උවමනාවක් නැති බවයි පෙනෙන්නේ. සාලාව අවි ගබඩාව පිපිරීමෙන් පසුවත් මේ ආණ්ඩුව කටයුතු කළේ මේ ආකාරයටම නොසැලකිලිමත් ලෙසයි. ඇමති බෙන්ස් රථයකට රුපියල් ලක්‍ෂ 320ක් වැය කරන මේ අෘණ්ඩුව, ඒ අනවශ්‍ය වියදම නතර කළා නම් මීතොටමුල්ල ඛේදවාචකයෙන් මියගිය අයකුට රුපියල් ලක්‍ෂ 50කට අධික වන්දි මුදලක් ගෙවන්න තිබුණා.

මේ ආණ්ඩුව ජනතා ප්‍රශ්නවලට ඇහුම්කන් නොදී අද ඒ ප්‍රශ්න විසඳීමට කඳුළු ගෑස් සහ බැටන් පොල්ලට භාර දි තිබෙනවා. මේ තත්වය ජනතාව හැමදාම ඉවසයි කියා හිතුවොත් ඒක මුලාවක්.

‘මව්බිම සුරකින අරගලයට පණ පොවන්න ගෝල්ෆේස් එන්න’

අද වැඩ බිමේ, ගොවි බිමේ ජනතාව විශාල පීඩනයකට ලක්ව සිටිනවා. අද රාජ්‍ය ආයතන පෞද්ගලීකරණය කෙරෙනවා. ජාතික සම්පත් විකුණා දැමෙනවා. ගොවි සහන කප්පාදු කෙරෙනවා. තවත් පැත්තකින් ජිනීවා එකඟතා අනුව රණවිරුවන් දංගෙඩියට දැක්කවීමට අවශ්‍ය පියවර ගනිමින් සිටිනවා. ව්‍යවස්ථා වෙනසක් ගැන කියමින් දෙමළ ඩයස්පෝරාව සතුටු කිරීමට ෆෙඩරල් ව්‍යවස්ථාවක් සකසමින් සිටිනවා.

මේ තත්වයෙන් අපේ මව්බිම රැකගත යුතුයි. ඒ මවිබිම සුරකින අරගලයට අප පණ පෙවිය යුතුයි. ඒ වෙනුවෙන් ඒකාබද්ධ විපක්‍ෂය ලෙස මැයි 01 වැනිදා ගෝල්ෆේස් පිටියට රොද බඳිමු! අපේ ශක්තිය පෙන්වමු!..

අනුරුද්ධ බණ්ඩාර රණවාරණ
මාධ්‍ය ලේකම්
ජාතික නිදහස් පෙරමුණ

6,708 Viewers

5 Comments to “ඇමති බෙන්ස් එකට ලක්‍ෂ 320යි – මීතොටමුල්ල මියගිය අයකුට ලක්‍ෂයයි..”

  1. ExUNPer says:

    ඇති කරනව කිවුව වෙනස ඒක වෙන්න ඇති !
    🙂

  2. YAMA DUTHA says:

    KEPOA SIRATH, RANNAPONILTATH HENAHATHAKMA VADIYAN, BALLO DENNEK WAGE MARIYAN ME AHINSAKINTA KARAPUTHETA

  3. YAMA DUTHA says:

    KEPOA SIRATH, RANNAPONILTATH HENAHATHAKMA VADIYAN, BALLO DENNEK WAGE MARIYAN ME AHINSAKINTA KARAPU DETA

  4. JANAADIPATHI GE HURUTHAL PUTHAAGE BENZ EKA RS.600 MILLION.
    HURUTHAL DUWANIYAGE BENZ EKA RS.600 MILLION.
    DEKATAMA RS. 1200 MILLION. HENA HATHAKMA THAMAY GAHANNA ONEY.

    DUPPATH MINISSU BISCOTHUWAY, PLAIN TEA THUNAI, BEELA DAWASATA JEEWATHVENAWA.

    LAW OF KARMA MAGA ENAWAA.

  5. lasithal says:

    විදේශ බලවේග වලට රට යටත් උ කලේ රටේ ජනතාවට අසාධාරනයක් උනේ විදේශ පාලකයන්ගෙන්. නමුත් තමුන්ගේ තමුන්ගේ මිනිස්සුන්ට පහත් ලෙස සලකන්නේ මේ රටේම පාලකයෝ.

Main News