ඊළග මැයි දිනයේදී ගාළු මුවදොර පිට්ටනිය ආණ්ඩුවට.. ඒකාබද්දයට නෑ..

May 19, 2017 at 12:40 pm | lanka C news
ඊළග මැයි දිනයේදී ගාළු මුවදොර පිට්ටනිය ආණ්ඩුවට.. ඒකාබද්දයට නෑ..

පිවිතුරු හෙල උරුමයේ නායක පාර්ලිමේන්තු මන්ත‍්‍රී උදය ගම්මන්පිල මහතා එම පක්‍ස මූලස්ථානයේදී පැවති මාධ්‍ය හමුවකදී මෙසේ අදහස් පල කලේය.

‘මැයි දිනය අවසන් වී සති දෙකක් ගත වුණත් තවමත් ආණ්ඩුව මැයි දිනයේ සෙනඟ ගණන් හදනවා. සමහරුන්ට ගැටඹේ හුණ්ඩුවේ තිබුණේ ඉතිහාසයේ ලොකුම මැයි රැළියලු. පෙලපාලිය කිලෝ මීටර් හයක් දිගලු. තවත් සමහරුන්ට කැම්බල් පිට්ටනිය ඉඩ මදි වුණු නිසා කැම්බල් පිට්ටනිය පිරිලා ඉතිරිලා වල්ගා තරුවක වල්ගය වාගේ පාර දිගේ සෙනඟ හිටියාලු.

මේ ආණ්ඩුවේ පක්ෂ දෙකට අපේ අතින් බලවත් අසාධාරණයක් වෙලා. ඒ අයට සෙනඟ පෙන්වා ගන්න බැරි වුණේ හුණ්ඩු පිට්ටනි වල මැයි රැළි පැවැත්වූ නිසානෙ. හුණ්ඩු පිට්ටනි වල මැයි රැළි පැවැත්තුවේ අපි ලංකාවේ ලොකුම පිට්ටනිය වෙන් කර ගත් නිසානෙ.

ඔන්න ලබන පාර මැයි දිනයට අපි ගාළු මුවදොර පිට්ටනිය ගන්නේ නෑ. ආණ්ඩුවේ පක්ෂ දෙක වෙන වෙනම බැරි නම් එකතු වෙලා හරි ලබන පාර මැයි දිනය ගාළු මුවදොර පවත්වන්නකො. එතකොට ඔය ගැළුවා කියන ජන ගඟ රටේ ජනතාවට හරියටම බලා ගන්න පුළුවන්නෙ.

මේක ආණ්ඩුවේ පක්ෂ දෙකටම අභියෝගයක්. මොලය උළුක් වෙන ගණන් හදන්නේ නැතුව ලබන පාර ඉන්න සෙනඟක් ගාළු මුවදොරට ගෙනැවිත් රටටම පෙන්වන්න’

– අරවින්ද අතුකෝරල

9,709 Viewers

4 Comments to “ඊළග මැයි දිනයේදී ගාළු මුවදොර පිට්ටනිය ආණ්ඩුවට.. ඒකාබද්දයට නෑ..”

  1. Niru says:

    There is a big IF here. Will these Kudukarayas survive till then. At the rate it is going they will start shooting at each other soon for self destruction

  2. gadol says:

    ආණ්ඩුවක් ඒකට තිබෙන්න කොහෙද මුන් දවල් හින දකිනවා

  3. ජසයා says:

    ලබන මැයි දිනය වෙනකම් බලයේ ඉනන්නයි බලාපොරොත්තුව එහෙනම්……

    • asaranaya says:

      මේ වගේ කතන්ඳර එලි දකිනවිට අපටත් හිතෙනවා කොමෙන්ට්ස් නොලියන්න. Getting fed up.

Main News