එක ඇණයක්වත් නොගහා සල්ලි අරන්.. නිල්වලා මගඩියේ චෝදනාව යලිත් ඇදේ..

January 31, 2018 at 4:40 pm | lanka C news
එක ඇණයක්වත් නොගහා සල්ලි අරන්.. නිල්වලා මගඩියේ චෝදනාව යලිත් ඇදේ..

පොලීසියට වෘත්තීමය නිදහස ලබා දී තිබෙන අවස්ථාවක දී පොලීසිය නීතිය ක්‍රියාත්මක නොකරන්නේ නම් එය පොලීසියේ දුර්වලතාවක් බවත් පොලීසිය ස්වාධීනව කටයුතු කළ යුතු බව තමා නැවත නැවතත් ප්‍රකාශ කරන බව නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක මහතා පැවසීය.

එසේම පොලීසියට නිර්දේශපාලනීකරණය කර තිබෙන නිසා කිසිදු බලපෑමකට යටත් නොවී රාජකාරි කිරීමේ හැකියාව පොලීසියට තිබිය යුත බවද අමාත්‍යවරයා කීය.

අමාත්‍යවරයා එසේ කියා සිටියේ පස්ගොඩ ප්‍රදේශයේ පැවති ජනහමුවකට එක්වෙමිනි.

එහිදී අමාත්‍යවරයා මෙසේ ද කීය.

අපි අද වෙද්දි පොලීසිය නිර්දේශපාලනීකරණය කරලා තියෙනවා. අද පොලීසියට කියන්න බෑ අපිට නීතිය ක්‍රියාත්මක කරන්න බෑ අපිට බලපෑම් තියෙනවා කියලා. මොකද පොලිසීයට අපි වෘත්තීමය නිදහස ලබා දී තියෙනවා. අපි හැමදේම කරන්නේ මැතිවරණ නීතියට අනුකුලවයි. අපි සාමකාමීව අපේ දේශපාලන කටයුතු සිදුකරගෙන යනවා. එහෙම වැඩකරද්දි කවුරු හරි හිරිහැර කරනවානම් ඒ අයට විරුද්ධව නීතිය ක්‍රියාත්මක කරන්න ඕන. නීතිය හැමෝටම එකයි. ස්වාධීනව වැඩ කරන්න පුළුවන් තැනට අපි පොලීසිය ගෙනැත් තියෙනවා. නීතිය හැමෝටම එකවිදිහට ක්‍රියාත්මක කරන්න බැරිනම් ඒක පොලීසියේ දුර්වලතාවයක්.අපි පොලීසියට පහසුකම් දීලා තියෙනවා. වැටුප් වැඩිකරලා තියෙනවා. එහෙම තියෙද්දි පොලීසියෙන් අඩුපාඩු වෙන්න බෑ. මම පොලීසියට කියනවා ස්වාධීනව වැඩ කරන්න කියලා.

මේ දවස්වල මහින්ද මහත්තයා එකසිය ගාණට දුවනවා රට පුරා මැතිවරණ ප්‍රචාරණ කටයුතුවලට. හැබැයි එතුමා දුවන්නේ මොන පක්ෂයෙන්ද කියලා අපි හොයලා බලන්න ඕන. එතුමා දැනටත් ශ්‍රී ලංකා නිදහස් පක්ෂයේ අනුශාසක. ඒත් රට පුරා ගිහින් කියන්නේ පොහොට්ටුව කියලා පක්ෂෙකට ඡන්දය දෙන්න කියලයි.මම නම් අපේ පක්ෂය දරුණුම වැටිලා තිබුණු කාලෙත් ඒ කියන්නේ විශේෂයෙන්ම 2010 ඡන්දෙ කාලෙත් පක්ෂය අතඇරලා නම් ගියේ නෑ. අපේ පක්ෂයට අපි ගරු කලා. ඒ අපේ පක්ෂයට විනයක් සහ ප්‍රතිපත්තියක් තියෙන නිසයි. පක්ෂය පැරදුනත්අපි පක්ෂයත් එක්ක හිටියා. පක්ෂය පැරදුණා කියලා වෙන පක්ෂයකට ගිහින් මොන මොනවා හරි අරගෙන පක්ෂයට ද්‍රෝහීකම් කළේ නැහැ.

2015ට කලින් ශ්‍රී ලංකා නිදහස් පක්ෂයේ හිටපු නායකයා තමයි අද මේ රටපුරා යන්නේ ශ්‍රී ලංකා එකට ඡන්දෙ දෙන්න එපා පොහොට්ටුවට ඡන්දෙ දෙන්න කියලා. තමන් බිහිවුණු පක්ෂයට එහෙම කරන්න පුළුවන්ද ? තමන්ගේ පක්ෂයට එහෙම දෙයක් කරන්න පුළුවන් නම් ඉතින් රටේ ජනතාවට කොහොම කරයිද කියලා මට හිතාගන්න පුළුවන්. එතුමා හම්බන්තොට වරාය හැදුවා, මත්තල ගුවන් තොටුපල හැදුවා හැබැයි ඒ ඔක්කොම සුදු අලි බවට පත්වුණා. ඒවා හදන්න ගත්තු ණය ගෙවාගන්න බැරුව බඩු මිල වැඩි කරලා ජනතාවට බදු ගැහුවා. ඒත්ලඅපි හමබන්තොට වරාය මේ රටේ ආර්ථිකයට එකතු කරගන්න පුළුවන් විදිහේ සැලසුම් හැදුවා. හැබැයි අපි හම්බන්තොට වරාය වික්කේ නෑ. අපි හම්බන්තොට වරායට සමගාමීව කර්මාන්ත පුරයක් සැලසුම් කළා. එතකොට රැකියා ප්‍රශ්නෙටත් විසඳුම් ලැබෙනවා.

රාජපක්ෂ මහත්තයා ගාලුමුවදොර පිට්ටනියේ ඉඩම් විශාල ප්‍රමාණයක් විදේශිකයන්ට සින්නක්කරවම වික්කා. ඒ වික්කේ එතන තිබුණු හමුදා මූලස්ථානයත් එතනින් අයින්කරලා. ඒ විකුණද්දි උත්සාහ කලා එතන තියෙන බණ්ඩාරනායක පිළිරුවත් විනාශ කරන්න. වාසනාවකට අපේ රජය බිහිවුණු නිසා ඒ පිළිරුවත් ආරක්ෂා වුණා. අපි රට විනාශකරනවා කියන මහින්ද මහත්තයාට මම කියනවා එතුමාගේ පපුවට තට්ටු කරගෙන අහන්න කියලා එතුමා රට විනාශ කරන්න නොකළේ මොනවාද කියලා.

මේ පලාතට ආවාම වැඩිපුරම කතාවෙන්නේ ගිං- නිල්වලා ව්‍යාපෘතිය ගැන.මේ ව්‍යාපෘතියට 2015 ඡන්දෙ කාලේ සල්ලි කුට්ටියක් හුවමාරු වුණා එක ඇණයක්වත් ගහන්නේ නැතුව. එතකොට මේ ව්‍යාපෘතියට ශක්‍යතා වාර්තාවක්වත් තිබුණේ නෑ. අපේ ආණ්ඩුව ආවට පස්සේ හැමෝම එක ස්ථාවරයකට ආවා ශක්‍යතා වාර්තාවක් නොමැතිව මේ ව්‍යාපෘතිය ආරම්භ නොකර ඉන්න. මේ ව්‍යාපෘත්යෙන් ලැබෙන ප්‍රතිලාභවලට වඩා හානි වැඩියිනම් මම මේකට එකඟ වෙන්නේ නෑ. මම විරුද්ධ වෙනවා. ජනතාවගේ ජීවිත අනතුරේ දාලා දේශපාලනය කරන්න මට අවශ්‍යනැහැ.අනිත් කාරණය තමයි අපි වංචාවට දූෂණයට ඉඩ තියන්නේ නෑ. අපි ඕන ගම දියුණු වෙනවා දකින්නයි. තමුන්නාන්සේලා සතුටින් ඉන්නවා දකින්නයි’ යැයි අමාත්‍යවරයා කීය.

– දිලංක ගුණතිලක

12,706 Viewers

10 Comments to “එක ඇණයක්වත් නොගහා සල්ලි අරන්.. නිල්වලා මගඩියේ චෝදනාව යලිත් ඇදේ..”

  1. Correct sir.. The police officers were not given the proper place and had to work like slaves during the last regime. Due promotion, salary hikes. scholarships and even the recognition were abandoned. now they are without any compulsion and can live with self-esteem
    Thanks to the minister and the prime minister

    • nalaka says:

      ඒක ඇත්ත……රාජපක්ෂ ආණ්ඩුවේ අයට විරැද්ධව නඩු දානන…අත්අඩංගුවට ගන්න ඕනෑතරම් නිදහස තියෙනවා…හැබැයි රවී කරැපයියව හැර……

      • " කුඩ්ඩං " says:

        භීතිය කාමය අද රට කන යුද්දේ
        ගංජා සුදු කුඩු රටෙ පුරාම යුද්දේ
        නිතියෙ ඇමති මත්වීද නෑ සද්දේ
        කාමය රැව්දී රටම වෙව්ල සද්දේ

        ඉහල කවියට ඔබ පිලිතුර දෙන්න
        දීල සමාජය පෙත්තෙන් බේරන්න
        ඔබ ඇමති බලතල කුඩු වනසන්න
        කතා නොව ක්‍රියාවෙන් පෙන්වන්න

  2. cpt Bandara says:

    හිටපු නාවික මාධ්‍ය ප්‍රකාශකවරයාට විරුද්දව නඩු පැවරු පොලීසිය නිර්දේශපාලනීකරණය උනේ සාගල වගේ අයගේ නියෝග වලින් තමා

  3. daminda says:

    katha athi …….

  4. sinha le says:

    “නව ව්‍යවස්‌ථාව එපා” ස්‌ටිකරය අලවන අයට එරෙහිව නීතිය දැඩිව ක්‍රියාත්මක කරන්න සාගල

  5. Hewage says:

    Come and See Piliyandala Police station. It is run by thugs, illegal garage owners and drug dealers. Every body has three wheel in this police station. Current OIC must be sacked from Police service. Ask from People around Piliyandala Police station. It is centre and origin of all criminal activities.

  6. Boru_Toyya says:

    Policiya dan ape …………………………John Ameratunga

  7. well said sir Only thing will have to make them more duty conscious and polite to people In Pakistan and even in India I have experienced that they ask for twenty rupees over the counter In that case we are somewhat better.

  8. Boo says:

    Well said sir, yes sir, Nilame sir, No sir, Ok sir….I can lick your ass sir …

Main News