කාලෝ ෆොන්සේකා මට ස්තූති කලා.. GMOA ප‍්‍රකාශ පිළිමතලාව රජකම දෙන්න හදනකොට එපා කිවුවා වාගේ…

July 11, 2017 at 5:30 pm | lanka C news
කාලෝ ෆොන්සේකා මට ස්තූති කලා.. GMOA ප‍්‍රකාශ පිළිමතලාව රජකම දෙන්න හදනකොට එපා කිවුවා වාගේ…

ලබාදූන් සහයෝගයට මහාචාර්ය කාලේ ෆොන්සේකා මහතා මා හට ස්තූතිය පුද කළ බව සුව ඇමති පවසයි.

සෞඛ්‍ය අමාත්‍යාංශයේ දී මාධ්‍යවෙිදීන් පිරිසක් සමග පැවැත් වූ සාකචිඡාවක දී සෞඛ්‍ය අමාත්‍යවරයා මෙම අදහස් පළ කරන ලදි.

මෙහිදී අදහස් දැක් වූ සෞඛ්‍ය අමාත්‍යවරයා “මහාචාර්ය කාලෝ ෆොන්සේකා මහතා සහ මා අතර ඇත්තේ 40 වසරක මිත්‍රත්වයක්. එම වසර 40 ක මිත්‍රත්වය පලුදූවීමට ක්‍රියා නොකරන බව මහාචාර්ය කාලෝ ෆොන්සේකා මහතා මා හට ප්‍රකාශ කර තිබුනා. 70 දශකයේ මමත් කාලෝ ෆොන්සේකා මහතාත් වෘත්තීය සමිති අරගල වල නිරත වුනා. ශ්‍රී ලංකා වෛද්‍ය සභාවෙි සභාපතිධූරය දැරූ කාලය තුල මා දැක් වූ සහයෝගයට ද කාලෝ ෆොන්සේකා මහතා ස්තූතිය පුද කරමින් මට දූරකථන ඇමතුමක් ලබාදූන්නා.

රජයේ වෛද්‍ය නිලධාරීන්ගේ සංගමය ඊයේ (10) දින මහාචාර්ය කාලෝ ෆොන්සේකා මහතා හමු වූ විට එතුමා වදිමින් ඉල්ලා සිටියේ වර්ජන නොකරන ලෙසයි. නමුත් එම සංගමයේ නිලධාරීන් වැඩවර්ජන කරන බව ප්‍රකාශ කරමින් අහිංසක ජනතාව විනාශ කිරිමට උත්සාහ කරනවා. ජනතාවට තර්ජනය කරනවා. අතීතයේ අන්තවාදී කල්ලිවලත් මෙවැනි අය සිටියා. නමුත් ඔවුන් දියුණු මානසිකත්වයෙන් වර්තමානයේ අදහස් පළ කරනවා. රජයේ වෛද්‍ය නිලධාරී සංගමය කියන්නේ සෞඛ්‍ය ක්ෂේත්‍රයේ සුවිශේෂි සංගමයක්. ඔවුන් කරන්නේ ගෞරවනීය වෘත්තීයක්. නමුත් අද එම සංගමයේ හැසිරිම හේතුවෙන් වෛද්‍යවරුන්ගේ වෘත්තීය ගරුත්වය ගිලිහෙමින් පවතිනවා. වෘත්තීය සමිති ගරුත්වයත් ගිලිහෙනවා

මාලඹෙි පෞද්ගලික වෛද්‍ය විද්‍යාලය ආරම්භ කළේ 2006 වසරේ දී ඒ කාලයේ රජයේ වෛද්‍ය නිලධාරීන්ගේ සංගමය ඊට විරෝධය පළ කලේ නැහැ. දූරකථන ඇමතුම්වලට බිය වුනා. නමුත් යහපාලනයට පිං සිදූ වෙන්නට ඔවුන් වීරයන් වෙලා. මහාචාර්ය කාලෝෆොන්සේකා මහතාගේ සිද්ධිය සම්බන්ධයෙන් රජයේ වෛද්‍ය නිලධාරීන්ගේ සංගමය කළ ප්‍රකාශ පිළිමතලාව දිසාව විසින් රජකම දෙන්න හදනකොට එපා කිවුවා වාගේ වැඩක් තමයි වුනේ. මෙම වර්ජන පිටුපස දේශපාලන අරමුණක් තිබෙනවා. රජයේ වෛද්‍ය නිලධාරීන්ගේ සංගමය දෙසතියකට වරක් පසුගිය රජයේ නායකයින් හමුවෙනවා. වෘත්තීය සමිති ගැටලු පිළිබදව ඔවුන් සෞඛ්‍ය අමාත්‍යාංශය සමග සාකචිඡා කරන්නේ නැහැ. නමුත් අනෙක් වෘත්තීය සමිති මා සමග සාකචිඡා පවත්වනවා.”

මාධ්‍ය ඒකකය
සෞඛ්‍ය අමාත්‍යංශය

10,804 Viewers

3 Comments to “කාලෝ ෆොන්සේකා මට ස්තූති කලා.. GMOA ප‍්‍රකාශ පිළිමතලාව රජකම දෙන්න හදනකොට එපා කිවුවා වාගේ…”

  1. G.Jinasoma says:

    Rajith Senaratahan is most unreliable and indiscipline man in Island of Sri lanka.
    He is the man who has lost all norms of values of life and no backbone of political principles .
    Now his at last stage of politics ,he will end UNP politics of USA stooges.

  2. පාක්ෂිකයා says:

    සව්යුක්ය ඇමතිට පවුද්ගලික අධ්‍යාපනය ගැන මෙච්චර තියන අමාරුව මොකද්ද?
    ඩෙංගු වලට නැති උනන්දුවක් මේ ගැන තියෙන්න හේතුව මොකද්ද?
    අධ්‍යාප ඇමැතිටත් නැහැ එච්චර අමාරුවක්………

    මෙතන මොකක් හරි පවුද්ගලික අරමුණක් තියනවා කියල හිතෙන්නේ මට විතරද???

    • Dushantha says:

      ඉස්සරහට අරගන්න හෑම ළමයෙකුගෙ course fee එකෙන් percentage එකක් හම්බ වෙනවන්න මා ත් සයිටම් එකට කඩේ යනවා රෙදි නෑතුව හරි කමක් නෑ.

Main News