ජනපතිගේ ‘මතින් තොර රටක්’ කැලේ… බියර් මිල පහලට.. ශ‍්‍රීලනිපය කණගාටුවෙන්..

November 14, 2017 at 6:47 pm | lanka C news
ජනපතිගේ ‘මතින් තොර රටක්’ කැලේ… බියර් මිල පහලට.. ශ‍්‍රීලනිපය කණගාටුවෙන්..

ජනාධිපති මෛත්‍රීපාල සිරිසේන මහතාගේ සංකල්පයක් වන ‘මතින් තොර රටක්’ වැඩපිලිවෙල ක‍්‍රියාත්මක කර ඇති මොහොතක මුදල් ඇමතිවරයා විසින් ඉදිරිපත් කර ඇති 2018 අයවැය මගින් බියර් මිල පහත දැමීම පිලිගත නොහැකි යයි ශ‍්‍රීලනිප තරුණ පෙරමුණේ සභාපති ශාන්ත බණ්ඩාර මහතා පවසයි.

ශ‍්‍රීලනිප මූලස්ථානයේ පැවති මාධ්‍ය හමුවක් අමතමින් ඔහු මේ බව කියා සිටියේය.

මෙරට විසි ලක්‍ෂයක පමණ පිරිසක් මත්පැන් භාවිත කරන බවත් බියර් මිල අඩු කිරීම කිසිසේතම සුභදායි නොවන බව ද ඔහු පැවසීය.

නමුත් අදාල යෝජනාවෙන් යම් ආර්ථික වාසියක් හිමිවුවත් ජනාධිපතිවරයාගේ ප්‍රතිපත්තිය හා කිසිසේතම නොගැලපෙන බවද ඔහු සදහන් කලේය.

මෙනිසා වහාම අදාල යෝජනාව වෙනස් විය යුතු යයිද ඔහු පැවසීය.

8,716 Viewers

15 Comments to “ජනපතිගේ ‘මතින් තොර රටක්’ කැලේ… බියර් මිල පහලට.. ශ‍්‍රීලනිපය කණගාටුවෙන්..”

  1. ඤානසාර says:

    බියර් වල මිළ පහත දාන එක වැරදියි. අනවශ්‍ය පුද්ගලයොත් බියර් බොනවා එතකොට. විස්කි වල මිළ අඩු කලාට වරදක් නෑ.

  2. love nature says:

    සමහරු හිතන්නේ ඇල්කොහොල් සමාජ ජීවිතයට අත්‍යවශ්‍ය කොටසක් බවයි. නමුත් සමාජයට මුහුවීමට මත් වතුර වීදුරුවක් වුවමනා නෑ. අවශ්‍ය වන්නේ පෞරුෂයයි. අනෙක කසිප්පු ද, සීල් අරක්කු ද, වයින් ද, බියර් ද කියලා වෙනසක් නෑ. ඒ සියල්ලම සිරුරට අහිතකරයි.
    ඒ විතරක් නෙමෙයි මත්පැන් නිසා රෝගාතුර වූවන්ට රජය විශාල මුදලක් ප්‍රතිකාරවලට යටකරනවා. මැරෙන්න කියලා බෙහෙත් නොදී අත්හරින්නේ නෑ. අරක්කු බීලා රෝහල් ගතවන අය කල්පනා කළ යුතු තවත් දෙයක් තිබෙනවා. තමන්ට දෙන හැම ලේ බිඳුවක්ම මේ රටේ අහිංසක ජනතාව පරිත්‍යාගශීලීත්වයෙන් අසරණ රෝගීන් වෙනුවෙන් ලබා දුන් ඒවා බවයි. මධ්‍යසාරවලින් තමා විසින් තමාව නැතිකර ගන්නවා විනා අන් යථාර්ථයක් එහි නෑ

  3. love nature says:

    මත්පැන් භාවිතය පිළිකා වලට අත වනයි!

    මත්පැන් හෙවත් ඇල්කොහොල් භාවිතය පිළිකා වලට අත වනන්නේ කොහොමද? නවතම පර්යේෂණයක් මගින් මත්පැන් භාවිතය ඇතැම් පිළිකා වැළඳීමට ඇති අවදානම වැඩිකරන බව සොයාගෙන තිබෙනවා. දිනකට ඇල්කොහොල් ග්‍රෑම් 10 ක් (බියර් කෑන් 1 ක්, වයින් මිලිලීටර් 150 ක්, අරක්කු, රම්, විස්කි, හෝ වොඩ්කා මිලිලීටර් 45 ක් පමණ) පානය කිරීමෙන් පවා පිළිකා ඇතිවීමේ අවදානම වැඩිවන බව සොයාගෙන තිබෙනවා. ඇල්කොහොල් භාවිතා කරන ප්‍රමාණය වැඩිවීමත් සමග මෙම අවදානම තවත් ඉහළ යන බවයි පැවසෙන්නේ. මධ්‍යස්ථ ප්‍රමාණ වලින් මත්පැන් භාවිතා කිරීම හෘද රෝග වලින් ආරක්ෂා වීමට හොඳ උපක්‍රමයක් බව අතීතයේ දී මිනිසුන් විශ්වාස කලා. නමුත්, නව පර්යේෂණය මගින් මත්පැන් භාවිතය පිළිකාවට අත වනන බව සොයාගැනීම නිසා, මත්පැන් වල අනෙකුත් සියලු සෞඛ්‍ය ප්‍රතිලාභ යටපත් වන බවයි පෙනෙන්නට තිබෙන්නේ. කෙසේ වෙතත්, ඇල්කොහොල් වැඩිපුර භාවිතා කිරීමෙන් ද හෘදයාබාධ වැළඳීමට ඇති අවදානම ඉහළ යන බව සොයාගෙන ඇති තවත් කාරණයක්.

    මෑතකදී, ඇමරිකාවේ, ප්‍රංශයේ, සහ කැනඩාවේ පර්යේෂකයන් පිරිසක් ඇල්කොහොල් සහ පිළිකා අතර සම්බන්ධය ගැන අධ්‍යයනයක් කර තිබෙනවා. එහිදී ඔවුන් සොයාගෙන තිබෙනවා ඇල්කොහොල් පිළිකා කාරකයක් ලෙස ක්‍රියාත්මක වන බව. එපමණක් නොවෙයි, ඇල්කොහොල් වලින් ලැබෙන වාසි වලට වඩා, ඇල්කොහොල් වලින් මියයන ප්‍රමාණය වැඩි බවයි ඔවුන් සොයාගන තිබෙන්නේ. එමනිසා, මත්පැන් සෞඛ්‍යය වැඩිදියුණු කරන දෙයක් ලෙස නිර්දේශ කිරීම තවදුරටත් නොකල යුතු දෙයක් බවයි පර්යේෂකයන් පවසන්නේ.

  4. love nature says:

    අක්‌මාවේ ප්‍රමාණය ඉක්‌මවා මේද තැන්පත් වීමට ප්‍රධානතම හේතුව වන්නේ මත්පැන් භාවිතයයි.

  5. love nature says:

    මතක් කරලා බලන්න. පවුලේ හෝ ගමේ හෝ මත්පැන් පානයට යොමු වූවෙකු හෝ කිහිප දෙනෙකු නිසා ඇතැම් උත්සව අවස්ථා සහමුලින් ම දියාරු වී ගිය ආකාරය. මතක් කිරීමට පවා අප‍්‍රසන්න වූ සිදුවීම්වලට මුහුණපාන්නට වූ ආකාරය. පියවි සිහියත් අහිමි කරගෙන, ඉන්ද්‍රිය සංවරයත් අහිමි කරගෙන, මෙලොව සැපතත් අහිමි කරගෙන, පරලොව සැපතත් අහිමි කරගෙන මත්පැන් එක්ක අපි මොන සැපතක් බලාපොරොත්තු වෙන්න ද?

  6. love nature says:

    “ඉත්ති දුත්තෝ සුරා දුත්තෝ
    අක්ඛ දුත්තෝච යෝ නරෝ
    ලද්දං ලද්දං විනාසෙතී
    තම් පරා භව තෝ මුඛං ”

  7. Nalaka says:

    බියර් කොහොමද හලෝ මත්පැනක් වෙන්නේ? ඔයාලා බියර් බොන්න බය නම් ගවුමක් ඇඳලා නිකම් ඉන්න. ඔයාලා බොන්න අකැමති දේවල් අපිත් නොබොන්න ඕන කියලද කියන්නේ?

  8. Saradiel says:

    මත්පැන් පානය සඳහා හුරුවී සිටින තැනැත්තන්ට සහන ලබා දිය යුතු බවට වන ප්‍රකාශයක් ඉකුත් දිනක අසන්නට ලැබුණි. එහෙත් කවර හේතු මත වුවත් මෙවැන්නක් ක්‍රියාවට නැංවීම සුදුසු නොවන බව මාගේ අදහසයි. විශේෂයෙන් ජාතියක් වශයෙන් අප මුහුණ දී සිටින්නා වූ එක් ප්‍රබලතම සමාජ ව්‍යසනයක් වන මත්පැන් උවදුර සමාජයෙන් තුරන් කිරීම සඳහා ක්‍රියාමාර්ග ගැනීමට කටයුතු කළ යුතුව පවතින අවස්ථාවක මෙසේ මත්පැන් ප්‍රවර්ධනය කිරීමට කටයුතු කිරීම තවත් සමාජ ඛේදවාචක ගණනාවකට මඟ පෑදීමක් වන බැවින් මෙය මිල අඩු කල යුතු නොවේ.

  9. john the baptice says:

    ජේසුට ක‍රන්න තිබුනේ වයින් වතුර ක‍රන්න වතුර වයින් කරපු දෙයින් දැන් කොතරම් මේවා බිලා මිනිසුන් මැරෙනවද?

  10. Open mind says:

    මහා ශුද්ධවන්තයන්ගෙන් පිරුණු රටක මාත් ඉන්නෙ කියන සතුට දැනෙනවා බියර් හා වයින් මිල අඩු කළාට විරෝධතා දක්වන මහ පිරිස දුටු විට.

  11. gorila says:

    යකෝ මම දන්න හැම එකාම බොනවා, බියර් මිල අඩුකලොත් උන් බනිනව. අයෙම ලොකු ගනන් දීල බොනව. මොන මෝඩයො ටිකක්ද මේ.

  12. sithmal says:

    ‘මතින් තොර රටක්’. හරි. එතකොට දෑන් රට දියුණු වෙයි.

    • Jonaa'S Brother says:

      “යකෝ රටේ මගේ වැසියන්ට විහිලුවක් වත් තේරෙන්න නැති හැටි,
      ටිකක් රත්වෙන්න ගත්තාට කමක් නැහැ” ‘ටිකක් ගත්තට මත්වෙන්නේ නැහැනේ ‘
      ඒ පඹ ජඩපතිගේ සරළ තීරනයයි

Leave a Comment

Main News