ජනපති දෙවන පදවි ප්‍රාප්තිය දා සිට කලාකරුවන්ට පැන්ෂන්

December 15, 2016 at 2:06 am | lanka C news
ජනපති දෙවන පදවි ප්‍රාප්තිය දා සිට කලාකරුවන්ට පැන්ෂන්

සංස්කෘතික කටයුතු දෙපාර්තමේන්තුවේ පූර්ණ අනුග්‍රහයෙන් ශ්‍රී ලංකා සමාජ ආරක්ෂණ මණ්ඩලය විසින් ශ්‍රී ලංකාවේ කලාකරුවන් උදෙසා විශ්‍රාම වැටුප් යෝජනා ක්‍රමයක් ක්‍රියාත්මක කළ බව ශ්‍රී ලංකා සමාජ ආරක්ෂණ මණ්ඩලයේ සභාපති, කීර්ති සුරංජිත් මාවැල්ලගේ මහතා පවසයි.

මෙම විශ්‍රාම වැටුප් ක්‍රමය පිළිබඳව, අභ්‍යන්තර කටයුතු සංස්කෘතික හා වයඹ සංවර්ධන අමාත්‍ය එස්.බී. නාවින්න මහතා හා සමාජ සවිබලගැන්වීම් හා සුභසාධන අමාත්‍ය එස්.බී. දිසානායක යන මහත්වරුන්ගේ මඟ පෙන්වීමෙන් ආයතන දෙකේ බලධාරීන් අතර පැවති සාකච්ඡාවක දී විශ්‍රාම වැටුප් යෝජනා ක්‍රමය ක්‍රියාත්මක කිරීම සඳහා රුපියල් ලක්ෂ 444 ක් ශ්‍රී ලංකා සමාජ ආරක්ෂණ මණ්ඩලය වෙත ලබාදීමට සංස්කෘතික කටයුතු දෙපාර්තමේන්තුව එකඟවී තිබේ.

ඒ අනුව ලබන ජනවාරි 08 වැනිදාට යෙදෙන පදවි ජනාධිවරයාගේ ප්‍රාප්තියේ දෙවැනි සැමරුම් දිනයේ සිට කලාකරුවන්ට මෙම විශ්‍රාම වැටුප් යෝජනා ක්‍රමය ක්‍රියාත්මක කිරීමට නියමිත බව සඳහන් කරන කීර්ති මාවැල්ලගේ මහතා, සංස්කෘතික කටයුතු දෙපාර්තමේන්තුව විසින් ප්‍රතිලාභී කලාකරුවන් පිරිස තෝරාගනු ලබන බවද සඳහන් කරයි.

කලාකරුවන් උදෙසා ක්‍රියාත්මක කරන මෙම විශ්‍රාම වැටුප් යෝජනා ක්‍රමය සඳහා වයස 23 සිට 55 දක්වා වන කලාකරුවන්ට දායකත්වය ලබාගත හැකි අතර එසේ පළමුව මෙයට දායකවන්නන් හට ප්‍රතිලාභ ලබන පළමු දිනයේ දී රුපියල් 50,000 ක විශේෂ බෝනස් දීමනාවක් ද සහිතව ප්‍රතිලාභ ලබා දෙන බව ශ්‍රී ලංකා සමාජ ආරක්ෂණ මණ්ඩලයේ සභාපතිවරයා පවසයි.

මෙහි ප්‍රතිලාභ ලබන කලාකරුවන් සඳහා අර්ධ අබාධිත, පූර්ණ ආබාධිත, හා මරණය වැනි අවස්ථාවන්හී දී ඉතා විශාල පාරිතෝෂිත මුදල් හිමිවන බවද සභාපතිවරයා කියයි.

වැඩි විස්තර ධම්මික පාදුක්ක මහතා, සාමාන්‍යාධිකාරී, ශ්‍රී ලංකා සමාජ ආරක්ෂණ මණ්ඩලය (0773559137)

– සංජය දසනායක

1,796 Viewers

5 Comments to “ජනපති දෙවන පදවි ප්‍රාප්තිය දා සිට කලාකරුවන්ට පැන්ෂන්”

  1. CAT says:

    රටේ වරායවල් ඒ අවට ඉඩම්…. ජාතික සම්පත් විදේශ රටවලට විකුණා ලබාගන්නා මුදලින් ද කලාකරුවන් උදෙසා විශ්‍රාම වැටුප් ගෙවන්නේ ?
    එහෙම නැත්නම් අන්තව්වාදී හම්බයන්ට නැගෙනහිර සිංහලයින්ගේ ඉඩම් ලබා දී ගත් මුදල්ද ? බෞද්ධ විහාර සතු ඉඩම් විල්පත්තුව ජාතික සම්පත් … ලබා දී ගත් කප්පන් මුදල්ද? උතුරේ ඉඩම් කොටි දෙමල ඩයස් පෝරාවට ඉන්දියාවේ කල්ලතොනින් ගෙනත් පදිංචි කර ලබා ගත් කප්පන් මුදල් වලින්ද ගෙවන්නේ ?
    කරුණාකර පාර්ලිමේන්තුව විසුරුවා හැර ජනපති ධුරයෙන් ඉල්ලා අස්වෙන්න
    President please Resign and go home

  2. SKY says:

    කලා කරුවන්ගේ ජන්දේ බිලිබාගන්න ලොකු වෙළද දැන්වීමක් වගෙයි …රට ජාතිය බේරා ගත් විරෝධාර රණවිරුවන් ගේ විශ්‍රාමික වැටුප් නොගෙවා ඔවුන් ඒගැන ඉල්ලීම් කරන විට ගෑස්.. වතුර පහර එල්ලකර ..ආබාධිත රණවිරුවකුගේ ඇස් අන්ධ කල මේ දේශද්‍රෝහියාගේ වැඩ ගැන කවර කතාද ?
    අද මුළු රටම අගාදයට ගෙනියමින් රුපියල් 50,000 ක විශේෂ බෝනස් දීමනාවක් ගැනයි මේ කතාව ? රට විකුණා ලබා ගන්නා මුදලින්ද ගෙවන්නේ ?කාවද රවටන්න හදන්නේ ?

  3. SALMAL says:

    Stop asking us to trust you when we still coughing up water from the last time you let us drown

  4. අර එනකොට ලාබෙට දෙනවයි කියපු මෝටර්සයිකල් / කාර් වගේද දන්නේ නෑ නේද​?

  5. ජසයා says:

    ඔබතුමාත් පැන්ෂන් ගියොත් නරකද? රටට සෙතක් වෙන්නනම්…..

Main News