ජනපති මෛත‍්‍රීට වනාන්තර ආරක්ෂා කරන්න සැබෑ උවමනාවක් නෑ.. විල්පත්තු ප‍්‍රශ්නයට මාවිල්ලූ රක්ෂිතයෙන් රටම රවටයි..

March 30, 2017 at 3:17 am | lanka C news | ලංකා සී නිවුස්
ජනපති මෛත‍්‍රීට වනාන්තර ආරක්ෂා කරන්න සැබෑ උවමනාවක් නෑ.. විල්පත්තු ප‍්‍රශ්නයට මාවිල්ලූ රක්ෂිතයෙන් රටම රවටයි..

විල්පත්තු ජාතික වනෝද්‍යානයට උතුරින් පිහිටි වන රක්ෂිත පද්ධතියේ සිදු වන නීති විරෝධී වනාන්තර විනාශ කිරීම, අලූතින් ජනාවාස පිහිටුවීම හා නීති විරෝධී ඉඩම් අත්පත් කර ගැනීම යන ප‍්‍රශ්න පිළිබදව දිගින් දිගට ම අප විසින් කරුණු අනාවරණය කළෙමු. තව ද මෙම වනාන්තර පද්ධතියේ නීතිමය රැුකවරණය ශක්තිමත් කිරීම සදහා විල්පත්තු ජාතික වනෝද්‍යානයට එම වනාන්තර එක් කරන ලෙසට ඉල්ලීම් කළෙමු. ඊට ප‍්‍රතිචාර වශයෙන් මේ වසර මුල දී ජනාධිපතිතුමන් විල්පත්තු ජාතික වනෝද්‍යාන්‍ායට මෙම වනාන්තර එක් කරන බවට ප‍්‍රකාශ කෙරින. නමුත් කි‍්‍රයාත්මක යාන්ත‍්‍රනයේ දී සිදු වී ඇත්තේ රක්ෂිත තත්ත්වයේ පැවති විශාල වනාන්තර ප‍්‍රමාණයක් ඉවත් කිරීම හා රක්ෂිත වල නාමය වෙනස් කර ජනතාව මුලා කිරීම පමණි. මේ අනුව පෙනී යන්නේ වත්මන් රජයට හෝ මෛති‍්‍රපාල සිරිසේන ජනාධිපතිතුමන්ට රටේ වර්තමාන හා අනාගත පරපුරේ සුරක්ෂිත පැවැත්ම උදෙසා වනාන්තර ආරක්ෂා කර ගැනීමට සැබෑ උනන්දුවක් නොමැති බවය.

විල්පත්තු ජාතික වනෝද්‍යානයට උතුරින් මාවිල්ලූ, වේප්පාල්, මරිච්චිකඞ්ඩි – කරඩික්කුලි, විලත්තිකුලම් හා පෙරියමුරිප්පු වශයෙන් පිහිටි වන රක්ෂිත පහ ඒකාබද්ධ කර වන සංරක්ෂණ ආඥා පනතේ 3අ. වගන්තියට අනුව 2017 මාර්තු 24 වන දින අංක 2011/34 දරන ගැසට් නිවේදනය යටතේ හෙක්ටයාර 40030.525 ක් වන මාවිල්ලූ සංරක්ෂණ වනාන්තරය ප‍්‍රකාශයට පත් කෙරින. එසේ ප‍්‍රකාශයට පත් කිරීමේ දී පළමු රක්ෂිත වනාන්තර වලට අයත් ව පැවති අනවසරයෙන් එළි කළ නමුත් නැවත වර්ධනය වන වනාන්තර අක්කර 3080 ක් හා සමස්ත වෙරළබඩ කලාපයම සංරක්ෂණ වනාන්තරයෙන් ඉවත් කර තිබේ.

රිශාඞ් බදියුරුදීන් අමාත්‍යවරයාගේ සෘජු මැදිහත්වීම මත මෙම වන රක්ෂිත වල අක්කර 3400 කට වඩා වැඩි වනාන්තර ප‍්‍රමාණයක් එළිපෙහෙළි කිරීම සිදු විය. එම වනාන්තර හා වෙරළබඩ වනාන්තර තීරය සම්පූර්ණයෙන්ම මෙම ගැසට් නිවේදනය ම`ගින් ප‍්‍රකාශිත සංරක්ෂිත වනාන්තරයට ඇතුළත් කර නොමැත.

වනාන්තර එළිපෙහෙළි කර නීති විරෝධීව අලූතින් ස්ථිර ජනාවාස පිහිටුවීම සිදු කළ ප‍්‍රදේශය හැර වෙරළබඩ කලාපයට අයත් වනාන්තර ඇතුළු ව වන සංරක්ෂණ දෙපාර්තමේන්තුවට අයත් වනාන්තර අක්කර 4000 කට වැඩි ප‍්‍රමාණයක් මාවිල්ලූ සංරක්ෂණ වනාන්තරයෙන් සම්පූර්ණයෙන්ම ඉවත් කර තිබේ.

මේ හේතුවෙන් කල් ආරු ඔය ආශි‍්‍රත විල්ලූ පරිසර පද්ධති ඇතුළු ව වියළි මිශ‍්‍ර සදාහරිත වනාන්තර පද්ධතියක් සංරක්ෂණ වනාන්තරයෙන් ඉවත් කර තිබේ. මීට අමතරව වෙරළබඩ ශාක තීරය හා කටුපදුරු සහිත ලදු කැලෑ වලින් සමන්විත සුවිශේෂී වෙරළ තීරය සම්පූර්ණයෙන්ම සංරක්ෂණ වනාන්තරයෙන් ඉවත් කර ඇත.

වෙරළ තීරය ඇතුළුව අක්කර 4000 කට වැඩි වනාන්තර මාවිල්ලූ සංරක්ෂණ වනාන්තරයෙන් ඉවත් කිරීම සැලැසුම් සහගත හා ඉදිරි සංවර්ධන සැලැසුම් ඉලක්ක කර ගෙන කි‍්‍රයාත්මක කර ඇති බව පෙනෙන්නට තිබේ. ඒ ස`දහා වන සංරක්ෂණ දෙපාර්තමේන්තුව සූක්ෂමව කටයුතු කර ඇති බව පැහැදිලි කරුණකි. දේශපාලන උවමනාවන් මත රක්ෂිත වලට ඇතුළත් විය යුතු විශාල වනාන්තර ප‍්‍රමාණයක් ඉවත් කිරීමෙන් සිදු වන්නේ එම වනාන්තර විනාශ කිරීමට අනුබල දීමකි. මේ විනාශයට වනාන්තර ආරක්ෂා කිරීමට සිටින වන සංරක්ෂණ දෙපාර්තමේන්තුව ම මැදිහත් වීම කනගාටුවට කරුණකි. මේ මගින් මෛති‍්‍රපාල සිරිසේන ජනාධිපතිතුමන් නැවත නැවතත් ප‍්‍රකාශ කරන ලංකාවේ වන ආවරණය 32% දක්වා වර්ධනය කිරීමට හැකියාවක් පවතී ද යන්න ගැටළුවකි.

අප අවධාරණය කරන්නේ අලූතින් ස්ථිර ජනාවාස පිහිටුවා ඇති ප‍්‍රදේශ හැර වෙරළබඩ කලාපය ඇතුළු ව ඉතිරි සියලූම වනාන්තර වන සත්ත්ව හා වෘක්ෂලතා ආරක්ෂක ආඥා පනතේ 2 වන වගන්තියට අනුව විල්පත්තු ජාතික වනෝද්‍යානයට එක් කරන ලෙස ය. එම`ගින් වනෝද්‍යානයට උතුරින් පිහිටි මෝදරගං ආරු, කල් ආරු හා අරුවි ආරු හෙවත් මල්වතු ඔය යන ගංගා වල සමස්ත ජල පෝෂක වනාන්තර, විල්ලූ හා වෙරළබඩ කලාපය සුරක්ෂිත කළ හැකිය. එපමණක් නොව මෙය විල්පත්තු ජාතික වනෝද්‍යානයේ හය වන කොටස ලෙස වනෝද්‍යානයට එක් කළ හැකි ය. මෙවන් කි‍්‍රයාමාර්ග නොගතහොත් ඉදිරියේ දී මෙම පරිසර පද්ධති සියල්ලම ජනාවාසකරණයට හා සංවර්ධනයට ලක් වීමෙන් ජල අර්බුධ වලට හා අලි – මිනිස් ගැටුමට දරුණු ලෙස ගොදුරු වන කලාපයක් බවට පත් විය හැකි ය. ඒ තත්ත්වයට මේ ප‍්‍රදේශය පත් නොකිරීමේ හැකියාව ඇත්තේ සැබෑ ලෙස ම මේ වනාන්තර පද්ධති සුරක්ෂිත කිරීමට පියවර ගතහොත් පමණි.

සිතියම සැකසුම – මනෝජ් නිලක්ෂ රත්නායක

සජීව චාමිකර
පරිසර සංරක්ෂණ භාරය

7,739 Viewers

One Comment to “ජනපති මෛත‍්‍රීට වනාන්තර ආරක්ෂා කරන්න සැබෑ උවමනාවක් නෑ.. විල්පත්තු ප‍්‍රශ්නයට මාවිල්ලූ රක්ෂිතයෙන් රටම රවටයි..”

  1. ගිරවා says:

    වනාන්තර විනාශ කර මුස්ලිම් ජනතාව පදිංචි කිරීම නීති විරෝධීයි ..මේ සිදුකරන්නේ අන්තවාදී මුස්ලිම් ජාතික ඇමතිලා ලංකාවේ නැගෙනහිර පළාත් අත්කරගැනීමට මුස්ලිම් කොළණි සෑදීමයි එයට සිරිසේන සහ යමපාලන පාර්ලිමේන්තුවේ සහය ලැබෙන්නේ මුස්ලිම් අන්තවාදීන්ගේ කප්පන් ඔවුනට ලැබෙන නිසයි ..මුස්ලිම් ජන්ද ලබා ගැනීමේ දේශපාලන වාසි පිණිසයි ..රටේ ජාතික වන රක්ෂිත වල ඇති වටිනා ගස් කපමින් අහිංසක සතුන් දඩයම් කරමින් මේ කරන ජාතික අපරාධ ඉදිරියේ නිහඩව නොසිට ඒවා ආරක්ෂා කිරීමට මේ රටේ ජනතාව ඉදිරියට පැමිණිය යුතුයි ….මෙය ජාතික අපරාධයකි
    පබයෙක් කෙසේ නම් රටක් ආරක්ෂා කරයිද ? අපේ රණවිරුවන් පාවාදුන් මේ මිනිසා අහිංසක සතුන් ගස් කොළන් වන රක්ෂිත ආරක්ෂා කරයිද ?නැහැ නේද ?
    වැලි හොරු ,ගස් හොරු,හාල්හොරු සිටින පවුලක සමාජිකයකුගෙන් අපේ රටේ ජාතික සම්පත් ආරක්ෂා කිරීමට සහයක් ලැබෙයිද ?

Main News