ජනාධිපතිවරණයට තරග කරන්න සූදානම්.. ඇමරිකා පුරවැසිකම ඉවත් කරනවා..- ගෝටා

March 10, 2018 at 10:00 am | lanka C news
ජනාධිපතිවරණයට තරග කරන්න සූදානම්.. ඇමරිකා පුරවැසිකම ඉවත් කරනවා..- ගෝටා

හිටපු ආරක්‍ෂක ලේකම් ගෝටාභය රාජපක්‍ෂ මහතා සමග මව්බිම පුවත්පත කරන ලද සාකච්චාවක් පහතින් දැක්වෙයි.

කොහොමද මේ දවස්වල කේන්දරේ. රාජයෝග එහෙම තියෙනවද?

එහෙම නෑ (මහ හඩින් හිනා)

ඔබ මීට පෙර ප්‍රකාශ කළා මහින්ද රාජපක්‍ෂ හා බැසිල් රාජපක්‍ෂ යන දෙදෙනාගේ එකඟතාව තියෙනවා නම් ජනාධිපතිවරණයට තරග කරන්න සූදානම් කියලා. දැන් ඒ දෙදෙනාගේ එකඟතාව ලැබිලද?

තවම අපි එකට සාකච්ඡා කළේ නෑ. තව කල් තියෙනවා. මහින්ද ජනාධිපතිතුමා හරි කාලය ආවම ඒ සාකච්ඡාව කරයි.

ඔබ දේශපාලනය ගැන එතරම් උනන්දු නෑ කිව්වත් ඔබේ ප්‍රකාශ බොහොමයකම තියෙන්නේ දේශපාලන මතවාද?

දේශපාලන මතවාද යමෙකුට තියෙන්න ඕනෑ. මගෙත් දේශපාලන මතවාදයක් තියෙනවා. මම දකින විදිහට මොන විදිහටද මේ රට පාලනය විය යුත්තේ, මොන ප්‍රතිපත්ති ද තිබිය යුත්තේ කියන කාරණය. ඒ පිළිබඳ විවිධ අවස්ථාවල ප්‍රකාශ කරනවා. ඉතින් ඒවා දේශපාලන වෙන්නත් පුළුවන්. නොවෙන්නත් පුළුවන්.

නමුත් ඒකාබද්ධ විපක්‍ෂයේ විමල් වීරවංශ, උදය ගම්මන්පිල, මහින්දානන්ද අලුත්ගමගේ වැනි මන්ත්‍රිවරු සෘජුවම කියනවා ගෝඨාභය රාජපක්‍ෂ තමයි ජනාධිපති අපේක්‍ෂක කියලා. මෙවැනි ප්‍රකාශයක් ඔවුන් විසින් කරන්නේ ඔබේ අනුදැනුම ඇතිවද?

නෑ. ඒවා ඒ අයගේ පෞද්ගලික ප්‍රකාශයන්. ඒ අය විතරක් නෙමේ තව අය වගේම දේපාලනඥයන් නොවන අයත් ප්‍රකාශයක් කරලා තියෙනවා. දැන් ජනපති අපේක්‍ෂකයකු පත් වෙන්නේ ඒ ඒ අවස්ථාවට යම් කිසි පක්‍ෂයක සුදුසුම පුද්ගලයානේ. එතකොට අපේ පිල මතවාද දරන අය ඒ වෙලාවට හිතන හො¼දම අපේක්‍ෂකයා කවුද කියන එක මත තමයි ඕනෑම අපේක්‍ෂකයකු ඉදිරියට එන්නේ.

ඒ අපේක්‍ෂකයා කවුද කියන කාරණය රටේ තහවුරු වෙමින් තිබෙනවා නේද?

එක පාරටම මම එනවා කියනවට වඩා එය රටේ මතයක් හැටියට වර්ධනය වෙලා එතැනින් එන එක තමයි හොඳම ක්‍රමවේදය. ඒ විදිහට තමයි ජයග්‍රාහී අපේක්‍ෂකයකු ඉදිරිපත් කරන්න පුළුවන්. මම දකින විදිහට ඊළඟ ජනාධිපතිවරණය රටේ තීරණාත්මකම මැතිවරණයක්. එය අනිවාර්යයෙන් රට ගැන ආදරයක් තියෙන, රටේ ස්වෛරීභාවය, ඒකීයභාවය සුරකින, අවුරුදු ගණනාවක් තිබූ ත්‍රස්තවාදය අවසාන කරපු, ජීවිත කැප කළ රණවිරුවන්ගේ සුරක්‍ෂිතභාවය ආරක්‍ෂා කරන ඒ වගේම වැඩකරන්න පුළුවන්, වෛරී දේශපාලනයෙන් තොරව රටේ ආර්ථිකය සංවර්ධනය කරන්න පුළුවන් චරිතයක් එන්න ඕනෑ. ඒ චරිතය ජනතාවගෙන් එන්න ඕනෑ.

යම් හෙයකින් ඒ චරිතය ඔබ වුණොත්?

ඉතින් ඒ චරිතය මං වුණොත් මට අනිවාර්යයෙන්ම ඒක භාරගන්න වෙනවා.

ඔබ රාජ්‍ය නිලධාරියකු ලෙස කටයුතු කළා මිස අවම තරමින් ගම් සභා නියෝජිතයකු ලෙස හෝ කටයුතු කර නෑ. ඔබ විශ්වාස කරනවද රාජ්‍ය නායකයකුගේ වැනි ධුරයක වගකීම භාරගත හැකියි කියලා?

මං හිතන්නේ ඒක තමයි. මුළු ලෝකයේම අද සාම්ප්‍රදායික දේශපාලනඥයන් ප්‍රතික්‍ෂේප වෙමින් යනවා. ඒකට හේතුව දේශපාලනය කෙරෙහි තිබූ විශ්වාසය ඇමෙරිකාවේ පවා සිදුවන දෙයක්. ට්‍රම්ප් කියන්නේ ඔබ කියපු ආකාරයේ කිසිදෙයක් නොකරපු දේශපාලනඥයෙක්. ඒ වගේ අය ජනතාව හොයමින් යනවා. ඉතින් දේශපාලනය කරන්න ගම් සභාවෙන්ම එන්න කියලා අවශ්‍ය නෑ. මොකද යම් කිසි දේශපාලනය ගැන අවබෝධයක් තියෙන ඒ වගේම පාලන තන්ත්‍රයේ පළපුරුද්දක් තියෙන අයට පුළුවන් දේශපාලනයට එන්න. ඒක නැති එක තමයි ප්‍රශ්නය. යම් කිසි පුද්ගලයෙක් දේශපාලනඥයෙක් වශයෙන්ම පමණක් පටන් ගත්තොත් ඒක අසාර්ථකයි. ජීවිතයේ යම් අවස්ථාවක රැකියාවක් කර තිබිය යුතුයි.

එහෙම වුණොත් රටේ මහජන නියෝජිතයකු වීමට ද්විත්ව පුරවැසිභාවය බාධාවක්. ඔබේ ඇමෙරිකානු පුරවැසි භාවය ඉවත් කර ගැනීමට ඔබ ලෑස්තිද?
ඔව්. ඉතින් කරන්න වෙනවනේ.

සාමාන්‍යයෙන් නාධිපතිවරණයකට සුළු ජාතීන්ගේ ඡන්ද වැදගත්. ඔබ තරග කළොත් දමිළ – මුස්ලිම් ඡන්ද ලැබෙයි කියලා විශ්වාසද?

මම නියෝජනය කරන පිලෙන් එන ඕනෑම පුද්ගලයෙක් ගන්නා ඒ සුළු වාර්ගික ඡන්ද ප්‍රමාණයම මට ලැබෙනවා කියලා විශ්වාසයි.

කෙසේ වුවත් ඔබ තරග කරන්න යන්නේ අපරාධ, දූෂණ චෝදනා එල්ල වූ කණ්ඩායමක් සමඟ නේද?

නෑ. එහෙම කණ්ඩායමක් එක්ක නෙමේ. මම නියෝජනය කරන මතවාදයයි වැදගත්. චෝදනා ඕනෑම අයකුට කරන්න පුළුවන්. ලෝකයේ හැම තැනම තිබූ දෙයක් තමයි ජාතික නායකයන් බිහිවූ සෑම තැනකදීම ජාතිකත්වය, රටක සංස්කෘතිය සාරධර්ම, මේවා නියෝජනය කරන ජාතික නායකයන්ට එරෙහි බලවේග හැම තිස්සේම ඔවැනි චෝදනා එල්ල වෙනවා. අභූත චෝදනාව මූලික වශයෙන් ගේන්නේ දූෂිතයෙක්මයි. දෙවැනි කරුණ තමයි අධිරාජ්‍යවාදය. ඒවා පදනම් විරහිතයි. දැන් වඩාත් පහසුවෙන් සමාජ ජාල හරහා කිසිම පදනමක් නැතිව ඔය කාරණා ඉදිරියට ගේනවා. ඊට පස්සේ ප්‍රධාන මාධ්‍යවලින් ඒවා ර්ථීඪජඬ උන කරනවා. ඊළඟට ඒ මතය ජනතාව අතරට යනවා. අද මහා දූෂණ කියලා මොනවද එල්ල වෙලා තියෙන්නේ? ඇලුමිනියම් බටයක්, කැරම් බෝඩ් එකක්, සිල් රෙද්දක් ගත්තා කියලා. මේවා තමයි මහා චෝදනා. ඉතිහාසයම අරන් බලන්න. මේ රජයත් ඡන්දයක් ආවම බලන්න.

නමුත් ප්‍රබල චෝදනා එල්ල වී තිබෙනවා?

හොරකම් කළා නම් කෝ ඒ මුදල්, දැන් හොයන්න බැරිලු. මොකද හොයන්න බැරි? අද ලෝකේ ඒ තරම් සම්බන්ධතාවක් තියෙනවා. විශාල වශයෙන් බටහිර රටවල් සමඟ ගනුදෙනු කරනවා. ඒ ඕනෑ රටක තියෙන වැරදි මුදල් ගේන්න අපහසුතාවක් නෑ. ඔප්පු කරන්න එපැයි. කාටද නඩු දාන්න ඕනෑ කියලා, පරීක්‍ෂණ පවත්වන්න ඕනෑ කියලා කොහොමද ඇමැති මණ්ඩලයක් තීරණය කරන්නේ? ඇමැතිවරයෙක් ප්‍රසිද්ධියේම කිව්වට අහවලා අපි අත්අඩංගුවට ගන්නවා කියලා ඒ පරීක්‍ෂණ කරන නිලධාරීන්ට බාධාවක් නෙමේද? මේකද සාධාරණත්වය? මේක තමයි ඒකාධිපතිත්වය. මේක තමයි පොලිස් රාජ්‍යයක ලක්‍ෂණ.

ඔබ විශේෂ මාධ්‍ය නිවේදනයක් නිකුත් කරමින් සඳහන් කළා ලසන්ත වික්‍රමතුංග ඝාතන නඩුවට අදාළව එවකට හමුදාපතිව සිටි සරත් ෆොන්සේකාගෙන් ප්‍රශ්න නොකරන්නේ ඇයි කියලා? මොකක්ද ඒ ප්‍රකාශයේ තේරුම?

යම් කිසි සිද්ධියකදී පරීක්‍ෂණයක් පැවැත්වීමේදී ඒක සාධාරණව දේශපාලන හෝ වෙනයම් අයගේ බලපෑමකින් තොරව සිද්ධ කරන්න ඕනෑ.
ඔබ ව්‍යංගයෙන් කියන්න හදන්නේ මේ පරීක්‍ෂණය අද වෙනතකට හරවන්න උත්සාහ කරනවා කියලද?

මම දකිනවා මේ පරීක්‍ෂණය අද හරි දේ පිටුපස යන්නේ නැතිව වෙන වෙන අය පිටුපස යනවා. පැහැදිලිවම පේන දෙයක් තමයි මේ ලසන්ත ඝාතනයට අදාළව මෙය සිදුකරලා තියෙන්නේ හමුදා බුද්ධි අංශ නිලධාරීන් කියලා සැක කරන බව.

ඒ කියන්නේ හමුදා බුද්ධි අංශය සෘජුවම හමුදාපතිවරයා යටතේ තියෙන දෙයක්. නමුත් පෙන්නන්න හදන්නේ එයා යටතේ නෙමෙයි වෙන කෙනෙක් යටතේ බුද්ධි අංශය තිබුණේ කියලා. කවුරුත් දන්න දෙයක් තමයි හමුදා ඒකකයක් වෙනත් කෙනකු යටතේ තියෙන්න බැරි බව. අඩු තරමින් හමුදාපතිවරයා හමුදා නිලධාරියෙක් සම්බන්ධයෙන් වගකිව යුතුයිනේ. එහෙම නැතිව කවුද වගකියන්නේ.

නමුත් මෙවැනි සිදුවීමකදී ආරක්‍ෂක ලේකම් හැටියට ඔබෙන් ප්‍රශ්න කළ යුතුයි නේද?

හුඟක් වෙලාවට යම් යම් සිද්ධිවලදී පසුගිය කාලේ මගෙන් ප්‍රශ්න කළා. කිසිම දේකට සම්බන්ධ නොවුණත් ඔබ ආරක්‍ෂක ලේකම්නේ, ඔබ යටතේ තියෙන දේනේ කියලා. ඇයි එහෙනම් හමුදාවේ ඒකකයට සම්බන්ධව ඔබ වග නොකියන්නේ කියලා කවුරුත් හිටපු හමුදාපතිගෙන් ප්‍රශ්න කරන්නේ නැහැ. ඇයි ඒ ? ඒක වෙනත් පැත්තකට හරවන්න හදනවා. එතැනින් පැහැදිලි වෙනවා කිසියම් වෙනත් අරමුණක් තියාගෙන මේක කරනවා කියලා.

මේ සම්බන්ධව කිසිවෙක්ම ප්‍රකාශ කර නැද්ද?

ඒ කාලේ දැනට ඉන්න අගමැතිතුමාම පාර්ලිමේන්තුවේ කිව්වා. ඒ වගේම ජෝශප් මයිකල් පෙරේරා කිව්වා මේක කළේ හමුදාපතිගේ කණ්ඩායමක් කියලා.
ඔබ ඔහොම කිව්වත් ලසන්ත වික්‍රමතුංග, ප්‍රගීත් එක්නැලිගොඩ මාධ්‍යවේදීන් ඝාතනය, කීත් නොයාර් පැහැරගෙන යාම, උපාලි තෙන්නකෝන්ට පහර දීම වැනි සිදුවීම් වුණේ ඔබ ආරක්‍ෂක ලේකම්ව සිටි සමයේ. ඒ සිද්ධීන්වලට ඔබට වගකීමක් තියෙනවා නේද?

මට සිද්ධීන් සම්බන්ධයෙන් වගකීමක් නෑ. සිද්ධීන් කළේ කවුද කියලා හොයන්න වගකීමක් තියෙනවා.

එසේ නම් මෙවැනි සිවිල් ඝාතනවලට හවුල් වූවන්ට එරෙහිව පරීක්‍ෂණ සිදුකළාද ඔබ?

මං ඒ සම්බන්ධව 100%ක් කාර්යය කරලා තියෙනවාද? ඒ කාලේ තමයි ඒවා ගැන හුඟාක් දේවල් හොයාගෙන තියෙන්නේ. ඕගොල්ලෝ දැන ගන්න ඕනෑ මෙවැනි දෙයක් සිද්ධ වුණෙත් පස්සේ ඒවා හොයන එකේ කාර්යය කොහොමද විය යුත්තේ කියලා. මං ඕක ඛ්ධ්ච් එකට භාර දීලා තියෙනවා. ඊධ්ච් එකට භාර දීලා තිබුණා. බුද්ධි අංශවලට භාරදීලා තිබුණා. මේක පිළිබඳ සොයා බලන්න. ඔය නිලධාරීන් හැම කෙනෙක්ම ඔය ගැන කරන්න පුළුවන් දේවල් කරලා ඒ තොරතුරු තියෙනවා. ඒ තොරතුරු තියෙද්දී එහාට තවදුරටත් කරන්නේ නැතුව ඒ තොරතුරු වෙනත් මාර්ගයකට හැරවීම තමයි වැරදි. එහෙම කරනවා නම් ඇයි මගෙන් නවතින්නේ? එහෙම නම් තවත් ඉහළට ගිහින් කියන්න පුළුවන්නේ අහවලා කියලා. ඔබ ඉහළ නිලධාරියෙක් හින්දා වගකිව යුතුයි කියලා ඕනෑම කෙනකුට කියන්න පුළුවන්.

ඒ වගේම වැලිකඩ බන්ධනාගාර සිරකරුවන් ඝාතනය සම්බන්ධ සිදුවීමත් ඔබේ වකවානුවට අයත් සිද්ධියක්?

යම් කිසි සිද්ධියක් වුණාම බලන්න ඕනෑ ඒ සිද්ධියේ මැදින් පටන් ගන්න නරකයි. කවුරුත් දැක්කනේ සිරකරුවෝ වහල උඩට නැඟලා ඊ56 අරන් ඒ ගොල්ලෝ එතැන උද්ඝෝෂණය. යම් කිසි ස්ථානයක යම් කිසි දෙයක් සිද්ධ වුණාම මුලින් පොලිසිය එනවා. පොලිසියට පාලනය කරගන්න බැරි නම් ඉඊජ් එක තියෙනවා. ඉඊජ් එකට බැරි නම් යුද හමුදාව තියෙනවා.

ආරක්‍ෂක ලේකම් හැටියට මේ සම්බන්ධ මොකක්ද පැවැරී තිබෙන වගකීම එතකොට?

මං කලිනුත් කිව්වා වගේ මේ සිද්ධි සම්බන්ධ හොයා බැලීම මගේ වගකීමක් ලෙස ඉටු කළාට මේ සිද්ධිවලට මා වගකිව යුතු නෑ. මම ලේකම්. මම සිවිල් පුද්ගලයෙක්. මේවට ක්‍රමවේදයක් තියෙනවා. ඒ ක්‍රමවේදය ක්‍රියාත්මක වුණාම මට කතා කරන්නේ නෑ. මේක පරීක්‍ෂණවලට අදාළව යන එකක් නිසා මට නීතියට අදාළව කතා කරන්න බෑ. හැබැයි කිසිම පදනමක් නැතිව මගේ පිටට හරවන්න යන්නේ ඇයි? එතැන කුමන්ත්‍රණයක් ද්වේෂ සහගත අරමුණක් නැද්ද? පොලිසියක යම් අණ දුන් පුද්ගලයෙක් ඉන්නවා. හමුදාවේ අණ දුන්න පුද්ගලයා ඉන්නවා. ඊට පහළ නිලධාරි ඉන්නවා. ඒ ගැන කතා කරන්නේ නෑ.

බන්ධනාගාර සිරකරුවන් විසින් මහා පරිමාණ කප්පම් ගැනීම් වැනි නීති විරෝධී සිදුවීම් එවකටත් සිදුවුණා. ආරක්‍ෂක ලේකම් ලෙස එදා ඒවා වළක්වාලීමට ඔබ දැවැන්ත ක්‍රියාමාර්ග ගත් බවට කරුණු තිබෙනවා?

අපි විශාල ප්‍රයත්නයක් ගත්තා මේවට එරෙහිව. කප්පම් ගැනීම පමණක් නෙමෙයි ත්‍රස්තවාදී කාලය තුළ සිටම සිදුවුණු දේවල්. හැබැයි ඒවා පෙන්නන්න හදන්නේ මගේ කාලේ ඒවා කියලා ඒකට හේතු වෙලා තිබුණේ හිරගත කරලා ඉන්න ත්‍රස්තවාදීන් පවා හිරේ ඉඳලා මෙහෙයවූවා. පාතාලය මෙහෙයවූවා. කුඩුකාරයෝ මෙහෙයවුවා. මේවා පාලනය කිරීමට තමයි විවිධ උපක්‍රම යෙදුවේ. ඉතින් දැන් යම්කිසි සිද්ධියක් වෙනකොට ජනතාව ප්‍රශ්න කරනවා ඇයි මේවා වළක්වන්නේ නැත්තේ කියලා. හැබැයි ඒවා වළක්වන්න ක්‍රියාදාම යෙදුවම ඇයි එහෙම වුණේ කියලා අහනවා.

යම් කිසි සිද්ධියකදී ඒවා පාලනයට කළ යුතු පුද්ගලයා ඒවා පාලනය කරන්න ක්‍රමවේද යොදන්න පුළුවන්. එකක් අසාර්ථක වුණොත් වෙනත් ක්‍රමවේදයක් යොදන්න පුළුවන්. ඒවා පාලනය කරන එක ගැන විතරක් අහනවා. ඒ තත්ත්වය ඇති වුණේ කොහොමද කියලා අහන්නේ නැහැ. එතැන ඉන්නේ මිනීමරුවෝ කුඩුකාරයෝ. පාතාලේ අය අතට ඊ56 ආවම හිතන්න. මම විශාල ප්‍රයත්නයක් දැක්වූවා ඔය ඊ56 සිරකඳවුරු තුළ තියන්න දෙන්න එපා කියලා. ඇමැතිවරු, නිලධාරීන් ඒ බව දන්නවා. මොකද ඒක තමයි හමුදාවේ මූලික ආයුධය. ඊ56 වෙනත් තැනකටත් දුන්නාම හරි පාලනයකුත් නැතිනම් ඔය වගේ සිද්ධි ඇතිවෙනවා. සිරකාරයෙක් අතට ඊ56 ක් ගියාම මොකක්ද කරන්න පුළුවන්? එතැනිනුත් මං හිතන්නේ දෙන්නෙක් ද කොහෙද ආයුධ සමඟ නැති වෙලා. තවම නෑනේ. ඉඊජ් ඛ්ධථථචදඤඥප ට වෙඩි වැදුණනේ. මේවා ගැන කවුරුත් සලකා බලන්නේ නෑ.

ඔබට එරෙහිව පවතින නඩු විභාගවලට මුහුණදීම විනා ශේ්‍රෂ්ඨාධිකරණයට අභියාචනාධිකරණයට ගොස් ඔබ වාරණ නියෝග ගන්න උත්සාහ දරන එක වැරදියි නේද?

නෑ, එහෙම නෙමෙයි. මට තියෙන අයිතිය නීතිමය අයිතියක්. ඒ කියන්නේ මං මගේ හැම පරීක්‍ෂණයකටම මුහුණ දීලා තියෙනවා. මම උසාවියෙන් බලාපොරොත්තු වෙන්නේ අසාධාරණයක් සිදුනොවීමට මිසක් ඒ පරීක්‍ෂණවලට අදාළව නෙමේ. කොමිසමට ගියා. ජ්ඛ්ධ්ච් එකට ගියා. ඛ්ධ්ච් ගියා. අල්ලස් හෝ දූෂණ එකට ගිහින් තියෙනවා. දැන් ඔබලාම හිතන්න මේ ලංකාවේ ලොකුම හොරා දූෂිතයා මම ද? මට තමයි වැඩිම පරීක්‍ෂණ තියෙන්නේ. එතකොට මම තමයි මේ ඔක්කෝම දූෂණ කරලා තියෙන්නේ. හැබැයි කෝ මේ දූෂණ කරලා හොයපු සල්ලි. මොනවද මේ දූෂණ. ඒකෙන්ම තේරෙනවා මෙතැන එකක් ත්‍රස්තවාදයට විරුද්ධව මූලිකව කටයුතු කරපු පුද්ගලයෙක් හැටියට ඔය දෙමළ ඩයස්පෝරාවේ යුධ විරෝධී කණ්ඩායම මාව විනාශ කරන්න ප්‍රාථමික අරමුණක් තියෙනවා.

දෙවනුව ඔබ කියන 2020 ජනාධිපතිවරණයට මං අපේක්‍ෂකයා වශයෙන් එයි කියන බය තියෙන දේශපාලනික කණ්ඩායමක් ඉන්නවා. මගේ චරිතය ඝාතනය කරන්න හදනවා. පෞද්ගලිකව දේශපාලනය කරන වෛරී කණ්ඩායමක් ඉන්නවා. අවස්ථාව, ඉලක්කය මං. දූෂිතයෝ ඕනෑ තරම් ඉන්නවා. කෝ ඒගොල්ලන්ට නඩු? ඒ අය නිදහසේ ඉන්නවා.

ඔබට එල්ල වී තිබෙන මිග් ගනුදෙනුවේ ප්‍රධාන සැකකරුවෙක්ව සිටින ඔබේ ඥාතියකු වන උදයංග වීරතුංග අධිකරණය මඟහරිමින් සිටිනවා?

මම හිතන්නේ ඒකත් අධ්‍යයනය කරලා බලන්න. මාධ්‍යවල විවිධ කරුණු පළ වුණා. මම කියන්න කැමැතියි. ඒක මම විතරක් නෙමේ ගුවන් හමුදාවෙනුත් කරපු දෙයක්. ඕනෑම හමුදා උපකරණ මිග් ගැනීමේ ප්‍රධාන පුද්ගලයා තමයි ගුවන් හමුදාව. මම ආරක්‍ෂක ලේකම්වරයා පමණයි. ඒක හින්දා තමයි මම කියන්නේ හැම තිස්සේම කිසිම අරමුණක්, හේතුවක් නැතුව ගෝඨාභය රාජපක්‍ෂ හැම එකකටම දානවා. මේකට මගේ කිසිම සම්බන්ධයක් නෑ.
නමුත් මම දන්නවා ආරක්‍ෂක ලේකම්වරයා හැටියට එවකට යුද සමයේ යම් කිසි ආයුධයක් ගන්න ගනුදෙනුවක් තිබුණා නම් කිසිම බයක් නැතිව මට කියන්න පුළුවන් එහි සියයට දාහක සාර්ථකත්වයක් විනිවිද භාවයක් පේන විදිහට සිදුවුණු හොඳම ගනුදෙනුවක් කියලා මේ මිග් ගනුදෙනුව. ඒක මම විතරක් නෙමේ ඒවා පාවිච්චි කරපු ගුවන් හමුදාව පවා කියනවා.

නමුත් මේ ගනුදෙනුව හරහා රාජ්‍ය මුදල් අවභාවිත වුණ බවට එන චෝදනාවට ඔබ මොකද කියන්නේ?

මේකේ තක්සේරු කමිටුවක් තිබුණා. ටෙන්ඩර් බෝඩ් එකක් තිබුණා. ඇගයුම් කමිටුවක් වගේම කැබිනට් අනුමැතිය පවා ලැබුණා. ඹ්ඛ් විවෘත කිරීමේ ක්‍රමවේදයක් තිබුණා. මේක මම ගන්න ගිය එකක් නෙමේ. ගුවන් හමුදාවෙන් මෙහි අවශ්‍යතාව ආවේ. මම එන්නත් කලින් ඉඳලා මිග් ගුවන් යානාවල අවශ්‍යතාව ගුවන්හමුදාපතිවරයා ඒ ඒ කාලවල හිටපු ඇමැතිවරුන්ට දැනුම් දීලා තිබුණා. මෙය ආරම්භ වෙලා තියෙන්නේ මටත් කලින්. මෙවැනි ගුවන් යානයක් ඕනෑ කියලා තෝරලා තියෙන්නේ ගුවන් හමුදාව. ඒ ගුවන් යානය සුදුසුද කියලා තෝරලා තියෙන්නේ තක්සේරු කමිටුව. මේ ඔක්කෝම තියෙද්දී කිසිම පදනමක් නැතිව දෝෂාරෝපණය කරනවා. මට කියන්න පුළුවන් මේක කිසිම වරදක් නොවී සිදුවූ ගනුදෙනුවක් බව. ඇයි මට විතරක් චෝදනා කරන්නේ. ඇයි තක්සේරු කමිටුවේ අයගෙන් ප්‍රශ්න නොකරන්නේ. ඒ වගේ හිටියේ මේ පොඩි පොඩි අය නොවෙයි. මේ මුදල් සම්බන්ධ ඇගයීම් කමිටුවට පත් කළ පුද්ගලයා එවකට භාණ්ඩාගාර නිලධාරියෙක්. පසුව ඔහු විගණකාධිපති වෙනවා. පසුව මේ රජය යටතේ මහා දූෂණ පරීක්‍ෂා කිරීමට පත් කළ කොමිසමේ සාමාජිකයෙක් වෙනවා. එතකොට තවත් මොනවද කතා කරන්න තියෙන්නේ. එයා ගැන කතා නොකරන්නේ ඇයි? මේවා ඔබලා දැනගෙන සිටියද? ඇයි ගෝඨාභය රාජපක්‍ෂ ගැනම ඉලක්ක වෙන්නේ? මට චෝදනා නඟලා මාව සිරගත කරන්න නෙමේද?

ඔබ වත්මන් ආණ්ඩුව ගැන ප්‍රබල චෝදනා ඉදිරිපත් කරනවා?

ආණ්ඩුව ගැන පුද්ගලිකව විවේචනය කරන්න පුළුවන්. ජනතාවටත් ලොකු විවේචනයක් තියෙනවනේ. අද කිසිදෙයක් සිද්ධ වෙන්නේ නෑනේ.
හේතුව මේ දේශපාලන පළිගැනීම්වල නිරත වෙලා ඉන්නවා මිසක් වෙන කිසිම දෙයක් කරන්නේ නැහැ. පසුගිය රජය යටතේ හිටපු නිලධාරීන් කීදෙනෙක් පදනම් විරහිතව විවිධ අපහසුතාවලට පත් කරලා තියෙනවද? ජ්ඛ්ධ්ච් ඛ්ධ්ච් යනවා. හැමදේකම පැති 2ක් තියෙනවනේ. කවුරුත් 100%ක් නිවැරදි නෑනේ. 100%ක් නිවැරැදි රජයවල් තිබිලත් නෑනේ. නමුත් අපේ රජය කරපු කාර්යයන් හා කරන චෝදනා ඔය දෙකම සංසන්දනය කරලා බලන්න ඕනෑ.

අවුරුදු 30ක් මේ රටේ තිබුණු යුද්ධයකටනේ මිනිස්සු චෝදනා කළේ. යුද්දෙට විරෝධී අයමනේ කිව්වේ යුද්දේ කියන්නේ ගසා කෑමට යොදා ගත්ත එකම දේ කියලා. එතකොට එහෙම ගසා කන්නට තිබූ යුද්ධයක් අවුරුදු 2 1/2ක් තුළ අවසන් කරනවනේ. ඒක ගැන කතා කරන්නේ නැහැ. ඒක අවසන් කරපු නිසා මේ රටට, ජනතාවට වුණු සේවය ගැන කතා කරන්නේ නැහැ. කීදෙනෙක් ජීවිත පරිත්‍යාග කළාද? රටක් අවුරුදු 30ක් විඳපු දුකක් තිබුණා. ත්‍රස්තවාදියාගේ නිදහස අයිතිය ගැන කතා කළාට අහිංසක මිනිහා ගැන කතා කරන්නේ නැහැ. ප්‍රායෝගික දේ ගැන කතා නොකරපු නිසයි කිසි දෙයක් කරන්න බැරි.

අනුරාධා හේරත්
– mawbima

63,886 Viewers

52 Comments to “ජනාධිපතිවරණයට තරග කරන්න සූදානම්.. ඇමරිකා පුරවැසිකම ඉවත් කරනවා..- ගෝටා”

  1. යු එන් පී චාං says:

    ඉක්මනින් වදිනු මැනවි
    මන්ද යත් ඔබට නායකත්වය දීමට රටක් ඉතුරු කරන්නේ නැහැ මේ කාලකන්නි රැල
    යකඩ මිනිසෙකුගේ අවශ්‍යතාව රටට ඇත
    නමුදු පෙර වැරදි නොකරනු ඇතයි සිතමු

    • කිරිමල්දෙනිය​ says:

      ඔබ තුමා තමයි රටේ බලාපොරොත්තුව​. ගරු මැති තුමනි ඔබ තුමා වටේ සෝබන රට ආගම පෙරට දාන නොරට එන් ජී ඕ ගැනු ටිකක් (වියත්මග තුල ඉන්න වියත් නොවන ​) ඉන්නවා. ඒ අයගෙන් ප්‍රවේසම් වන්න​. ඒ අය අදුනා ගන්න ලේසියි. මිනිස්සු 50ක් එකතු කර ගන්න බැරි බෝධි පූජා සම්මන්ත්‍රණ සහ ෆේස්බුක් පේජ් කරන අය ගැන හොයා බලන්න… එච්චරයි, අනික එයාලාට බැසිල් විමල් වගේ ජන මූල අය පෙන්නන්න බැ…

    • Andare says:

      Well done Sir. Country needs you… Now!

  2. sanidu sooriarachchi says:

    ඔබ තුමාට ජය වේවා. මගේ රටට ජය වේවා. ඔබට විතරයි මේ රට ගොඩ නගන්න පුළුවන්. පහ ගිය දිනවල හිතේ ඇති වූන දුක අඩු උනා ….

    • jayamal says:

      තිස් වසරක් ලේ ගංගා උණු කඳුලින් තෙමුනු දේශය නිදහස් කර දුන් විරුවාණනි, ඔබ තුමාට කළ ගුණ දත් පැහැදිලි හෘද සාක්ශියක් ඇති මේ රටේ සියලුම පුරවැසියන්ගේ ගෞරවණීය උත්තමාචාරය සදහටම හිමි වේ! ඔබ එන තුරු මුලු රටම බලා සිටී!

      • SALMAL says:

        Great news ……You are a great hero Hon. Gotabhaya Rajapaksha ,You always welcome back Sir ….
        Thousands laid down their lives ,so that our Country breath this day ,,Never forget their sacrifice. We need a Patriotic leader now

  3. Jeewantha says:

    Mr.Gota, Don’t show your intention to serve the country as 1st citizen right now.Wait few months more. You’ve to protect yourselves to serve this country.Reduce your risk ,otherwise these bastards in this Yamapalana will target you more vigorously from now on.Please come forward on right now & save our country.But pls don’t do the foolish things (surrounding by wrong people) that done by MR.Kindly save my country.

  4. chris says:

    අවශ්‍ය නැහැ මෛත්ත්රිපාල රාජපක්ෂ (සිරිසේන) ඉන්නේ.

  5. Niru says:

    The best news I heard since 2015 followed by pohottuwa victory.

  6. Samantha says:

    Gotabaya nathiduni oba ena thuru
    Mulu Ratana balasiti
    Me kalakanni paragathi hathikaraya elawa dama rata nagasituweemata oba wani ayek ayuthumaya
    Obata dalada samidu pihitai

    • prof lekamge says:

      me matha yudabatayek. Ugathkama>???? adutharamin B.A wath netha, ugathakama adu hema palakayekma pissu kelinawa. keliya …. owunge buddiya gembru netha….prangnawa netha…. aaraksaka lekam kama demu

      • FREE says:

        මං අදමයි දැක්කෙ හරියට සිංහල ලියා ගන්න බැරි සිංහල මහාචාර්‍යයවරයෙක්.අනේ ලේකම්ගේ මහත්තයො දන්නවද මර්වින් සිල්වත් ආචාර්‍යය කෙනෙක්.ඔබතුමා කීයක් වියදම් කලාද ඔය පදවිය ගන්න.අපි මුල ඉඳල ගල් ලෑල්ලෙ අකුරු ලියමු.

  7. මාතලේ බණ්ඩා says:

    ගෝඨාභයට මහින්ද රාජපක්ෂට තරමි ජන ආකර්ෂණයක් නැහැ. අයියගෙ ජනාධිපතිකමෙි බලය අරගෙන නිළධාරීන් බයකරගෙන වැඩකළා මිසක් දක්ෂ මිනිහෙක් නෙවි.මොහු බලය ඇතිකාලේ ඇමතිවරැන්ටත් උඩින් ගිය කෙනෙක්. යුද්ධයට බයේ හමුදාවෙන් පැනල ඇමරිකාවට වෙලා හැංගිල ඉදල අයිය ජනාධිපති උනාම ලංකාවට ආවා.අයිය ජනාධිපති නොවුන නමි අදටත් ඇමරිකාවෙ.

    • Pal says:

      Mathale Banda ,

      You are correct …
      Gota used the brother’s power and did his job perfectly…

      So he will work more perfectly if he is given the power ….

      So Dear Mathale Banda … Lets help him to get that power to save the country for you and me….

    • Real Srilankan says:

      Mathale Banda ,

      You are correct …
      Gota used the brother’s power and did his job perfectly…

      So he will work more perfectly if he is given the power ….

      So Dear Mathale Banda … Lets help him to get that power to save the country for you and me….

    • Boo says:

      අයියගේ බලය හරි අරන් මෙතුමා 30 වසරක් හිරවෙලා තිබුණු ප්‍රශ්නයක් විසඳුවා. දැන් ඉන්න වැඩ බැරි පොන්න රැල ඒ බලය තමන් අත තිබිලාවත් රටක් පාලනය කරගන්න බැරුව ඉන්නවා.

      අනික, යුද්දේ කාලේ රෙද්ද පල්ලේ රීගෙන කලිසන්වල හුරිජ්ජ කරගෙන පන බයේ ඇඳන් යට හැංගිලා හිටපු පොන්න බණ්ඩලා අද වීරයෝ වෙලා ඇත්තටම යුද්ධ කරපු නියම විරුවන්ට ගරහනවා. වදපු අම්මටත් ලැජ්ජයි යකෝ !

    • Nelson says:

      Very True,,,,

    • රතු එළියේ අතන says:

      මෝඩ මාතලේ බණ්ඩා වෙත ලියමි

      හරකෝ, ගෝටා යුද්ධයට බයේ හමුදාවෙන් පැනල ඇමරිකාවට වෙලා හැංගිල ඉදල අයිය ජනාධිපති උනාම ලංකාවට ආවේ නැහැ මීහරකෝ
      එක ගියේ තොගේ ප්‍රේමදාසය මරණ නිසා කොබ්බකදුවට ගේම දුන්න වගේ. තොගේ මොලේ තියෙන්නේ පුන්නක්කු ද?

  8. WELL SAID Hon Gotabaya Rajapaksha…YES come soon & SAVE our Motherland SRI LANKA!!!

  9. ansar says:

    maweni bilinda, wara wara lagata kanda.

  10. indunil says:

    naayakathwaya yanu rataka heta dawasawae…….

  11. Ruwansiri says:

    Grease yaka enakan inna

    • Boo says:

      ග්‍රීස් යකා මහා බැංකුව හොරා කාල ඔන්න ඉන්නවා ගලේ පහරපු බළලා වගේ.

  12. Praba says:

    Ha…ha…

    Prayanta pehedili nehe

  13. Karu says:

    ලඟදි අහපු හොඳම නිව්ස් එක. 2015 දී මහින්ද මහතා පරදින විට සහ යහපාලකයන් රට විනාශ කරන විට මා සිතුයේ මේ රට ගොඩනැගීමට නම් දිනක ගෝටාභය මෙරටේ ජනපති විය යුතු බවයි. මා ඉතා සතුටු වෙනවා රටට ආදරය කරන බහුතරයකගේ එකම තේරීම ගෝටාභය වීම ගැන. ප්‍රසිද්දියේ අදහස් ප්‍රකාශ නොකරන දේශපාලනය ගැන කිසිම විශ්වාශයක් උනන්දුවක් නැති පිරිස් පවා ඔබගේ ආගමනය අපේක්ෂා කරයි.
    ඒ,
    1. රටට හදවතින්ම ආදරය කරන්නෙකු වීම
    2. දුෂණය ට සම්බන්ද ඇති සරල බොරු ප්‍රශස්ති බලාපොරොත්තු නොවන්නෙකු වීම.
    3. අධිෂ්ටනශීලි වීම
    4. කල නොහැකියි සිතු ප්‍රශ්න විස්මිත ලෙස ඉටුකිරීම.
    5. දියුණුවන රටක නායකයෙකුට තිබිය යුතු දැඩි බව අවංක කම සහ නිර්ණනශීලි බව.
    6. දක්ෂයන් හඳුනා ගැනීමට සහ කණ්ඩායමක් ප්‍රතිපල ලබා ගන්නා තෙක් මෙහෙයවිය හැකි විම.
    7. දක්ෂ කළමණාකරුවෙකු වීම
    8. සාම්ප්‍රදායික දේශපාලඥයා හට 2020 (ඉදිරිපත්වීමට බලාසිටින) දැක්මක් නොමැතිවීම
    9. මහින්ද රාජපක්ෂ නම් නිදහසින් පසු බිහිවූ ප්‍රතාපවත් ජනනයකයාගේ ආශිර්වාදය මග පෙන්නීම ලැබීම.
    රටට හෙටක් බලාපොරාත්තු වන සියලු දෙනාගේ අර්ශිවාදය ඔබටයි.

    • sanidu sooriarachchi says:

      මීට අමතරව,
      10 දේශපාලන මඩ ගොහොරුවෙන් පිටස්තර අයෙකු වීම.
      11. රට ජාතිය ආගමට ගරු කරන්නෙකු වීම
      12. බටහිරට බය හෝ ගැති නොවීම
      13. සාර්ථක පවුලක ගෞරවනීය සාමාජිකයෙකු වීම.
      14. රටේ සැබෑ අවශයතාවන් හඳුනා ගත්තෙකු වීම
      16. නිවැරදි දැක්මක්, අරමුණක්, ක්‍රියාකාරිත්වයක් ඇති අයෙකු වීම.
      17. සරල පුද්ගලයෙකු වීම
      18. ජනතාවගේ ආදරය, ගෞරවය තම ක්‍රියාකාරිත්වය තුලින් උපාය ගත්තෙකු වීම (විශේෂයෙන්ම උගත්, බුද්ධිමත් පිරිස ආකර්ෂණය කර ගැනීම) – මේ නිසා චන්ද පොරොන්දු දීම අනවශ්යිය
      19. ජාත්‍යන්තර සහය පැවතීම
      20. යහපත් පෞර්ෂයක් සහ පිළිගත් අතීතයක් පැවතීම.

      • neil says:

        Add one more

        Proven and demonstrated ability to deliver

      • Upali says:

        එසේය ගෝටාබය මැතිදුනි, මම එකක් කියමි. මේ දේශද්‍රෝහී පාලකයින්ගෙන් රට බේරා ගැනීමට ඔබතුමා තරම් සුදුස්සෙක් අපට තවත් නැත. අවස්තාව එනතුරු රට විනාශ කරමින් ඉන්න දෙශඩ්‍රෝහී මෙරටුන්ගෙන් සහ උන් සහ ඩොලර් සමග ඉන්න දේශීය සහ විදේශීය නරුම බලයන්ගෙන් පරෙස්සම් වී ඉන්න.අවස්තාව එනතුරු ගහගන්න එන්නැයි අබියෝග කෙරුවත් ගහන්න පුලුවන් උනත් අනීතියට නොයා අපි තව ටිකක් සාමයෙන් ඉවසමු.

  14. අද අපි නිදහසේ හුස්ම ගන්නේ ඔබතුමා හා හිටපු ජනාධිපති තුමාගේ නායකත්වය මත හා ත්‍රිවිධ හමුදාව මෙන්ම අනෙකුත් ආරක්ෂක අංශයේ ප්‍රබලත්වය මතය. ඉක්මණින් අප අතරට එන්න මැතිතුමණි ඔබට සියලු දෙවි රැකවරණය ලැබේවා.

  15. Senarath says:

    සියල්ලටම පෙර ඔබ කලයුත්තේ අමිත් වීරසිංහ ඇතුලු ජාතික වීරයින් බේරාගැනීමයි.

  16. ජයහඩ says:

    දේශයේ රැක ගන්න එන්න මැතිඳුනි

  17. Ramya says:

    Wel-come sir I hope you sir, Please come quick Protect our country

  18. සාගර says:

    ජීවයේ අන්තිම හුස්ම ටික යන්න ලගයි ගරු මැතිතුමණි, දේශයේ උන්නතිය උදෙසා සියලුම ජඩ ප්‍රවාහයන් පලවා හරින්න ඉක්මනට අප අතරට එන්න. ඔබගේ අගය දැන් දැනේ මේ දුප්පත් ශ්‍රී ලංකිකයන්ට

  19. එදා සහ අද වෙනස පසුපස ගොස් රට අගාධයකට යොමු කර මේ කූර වු පාලක රැළ නවතාලන්නට ඔබගේ සම්ප්‍රාප්තිය අපගේ ආශිර්වාදය

  20. Proud of Sri Lanka Hon. Mr. Gothabaya, Please come again

  21. Nimal R says:

    All Sinhalese I have spoken to will vote Gotabhaya if he contests. Not only that, I was amazed to hear that my good Tamil and Muslim friends said that they too will support him.

    • D. Bandara says:

      Of course. We all Sri Lankans have peace of mind because of the vision and mission of Hon Gothabhaya Rajapase. Most of the Sri Lankans shalll vote for him, as he is the only savior who can lead the country for gold and glory. May the blessings of Noble Triple Gem.

  22. sarath says:

    You are the man for the job. You must show SF that you are loved by the ordinary people. MY HEARTIEST CONGRATULATIONS.

  23. SamanP says:

    අයින් කරනවා කියා කියා ඉන්නවා විතරයි. කවදාවත් කරන්නේ නෑ. ඔක්කොම අපිව රවට්ටන්න හදන කාලකන්ණි. රට විනාස කරලා හරි කමක් නෑ බලයට එන්න පුලුවන්නම්. අපේ රට නම් හදන්න බෑ.

  24. POOR LANKAN says:

    GOTA SAMAGA SARATH TARANGA KARANAWA.PARADUNAMA GOTA AMERICAVATA PANI!

  25. රොන් says:

    දැන් මාසයකට විතර කලින් ඇමරිකානු පුරවැසි බව ඉවත් කරගත්තා කියල ඒ සහතිකවල ඡයා රූප දෙකකුත් මේ පත්තරේම තිබුණා. දැන් ආයමත් කියනව ඇමරිකානු පුරවැසි බව ඉවත් කරගන්නව කියල අනේ මෙහෙමත් පච.

  26. dhammika says:

    The only savior of Sri Lankans A man with a vision and a mission. May the Blessings of Triple Gem.

  27. Nim says:

    JAYA WEWA///
    RATA GODA GANEEMA TA
    PULUWAN OBATA PAMANI
    MAGE RATA RAKADEEWA
    BUDUSARANIN
    DEVE PIHITAN .

  28. Chami says:

    Mahindata dunnath Gotata nam chande denne nha.
    Sudu van, Greece Yaka ta ayeth no chance

    • චාමර says:

      Dear Chami, පටු අදහස් ඔලුවට අරන් ඉන්න ඔබ වගේ අයගේ brain wash කරන්න හරි ලේසියි. ප්‍රාථමික මට්ටමේ වහල් මනසක් ඇති අයෙකි ඔබ. We feel sorry for you Chami.

  29. Ajith says:

    Very good news!

  30. Rupa says:

    මැතිදුනි, ස්‍රී ලන්කා ව විකිනීමට ආසන්නයි. වෙන්දේශිය උපක්‍රම ශීලීව පමා කර ගමු, රට නැවතත් බේරාගන්න ඔබ එන තුරු.

  31. Southerner says:

    He cannot win without tamil and muslim votes also he cannot get 100% sinhala votes unless a gilmart is taken place.

  32. නන්නත්තාර වෙලා ඉන්නේ අපියි ගරු මැතිඳුනි ඉක්මන් සම්ප්‍රාප්තිය ප්‍රාර්ථනා කරමු

Main News