ජාතික ක‍්‍රිකට් සංස්කෘතිය බිද වැටිලා..- අර්ජුන

May 14, 2018 at 5:30 pm | lanka C news
ජාතික ක‍්‍රිකට් සංස්කෘතිය බිද වැටිලා..- අර්ජුන

“ජාතික කණ්ඩායමට අත්‍යවශ්‍ය ක්‍රීඩකයින් බිහි වෙන්නේ පාසලින් බව මම තදින් විශ්වාස කරනවා. නමුත් වර්තමානයේදී එවැනි සංස්කෘතියක් දක්නට ලැබෙන්නේ නැහැ. එම සංස්කෘතිය මේ වන විට බරපතල ලෙස අර්බුදයට ලක්වෙමින් තියෙනවා. මම ජාතික කණ්ඩායමේ නායකත්වය පත් වුණේ 1991 ව‍ර්ෂයේදී. ඉන්පසුව සෑම අවස්ථාවකදීම පිටපළාත් ක්‍රීඩකයින් කෙරෙහි වැඩි අවධානයක් යොමු කළා. ‍උදාහරණයක් ලෙස 1996 ලෝක කුසලානය දිනූ ශ්‍රී ලංකා කණ්ඩායම දිහා බලමු. එයින් සියයට අසූවකට වඩා බහුතරය පිට පළාත්වලින් පැමිණි ක්‍රීඩකයින්. ඔවුන් නොවන්නට 96දී ලෝක කුසලානය දිනා ගැනීමේ හැකියාවක් අපිට උදා වන්නේ නැහැ. මම නම් කියන්නේ ක්‍රිකට් ක්‍රීඩාවේ ජීව ගුණය අදටත් තියෙන්නේ පිටපළාත්වල. අපි පිටපළාත්වල ක්‍රිකට් ක්‍රීඩාව දියුණු කළ යුත්තේ ඒ නිසයි….. ” යනුවෙන් හිටපු ටෙස්ට් ක්‍රිකට් නායක අමාත්‍ය අර්ජුන රණතුංග මහතා පවසයි.

මේ බව කියා සිටියේ “රන් සටන” වාර්ෂික පාසල් එක්දින ක්‍රිකට් තරගයේ ජය ‍සංකේත ප්‍ර‍දා‍නෝත්සවයට ප්‍රධාන ආරාධිත අමුත්තා ලෙස සහභාගි වෙමිනි. තරගය සහ ජය සංකේත ප්‍රදානය ඊයේ පස්වරුවේ (13) පැවැත්වුණේ ත්‍රිකුණාමලය ශ්‍රී කෝනේස්වරා හින්දු විද්‍යාලීය ක්‍රීඩාංගණයේදීයි.

රන් සටහන නමින් විරුදාවලිය ලත් වාර්ෂික පාසල් එක්දින ක්‍රිකට් තරගය මෙවර පැවැත්වුණේ 25වැනි වරට වේ. තරගයට එක් වන්නේ ත්‍රිකුණාමලය ශ්‍රී කෝනේස්වරා හින්දු විද්‍යාලය සහ මඩකලපුව ශිවානන්දා විද්‍යාලයයි. ඒ අනුව තරගයේ කාසිය වාසි දිනූ මඩකලපුව ශිවානන්දා විද්‍යාලය පළමුව පන්දුවට පහර දීමට තීරණය කළේය. පන්දුවාර 49යි පන්දු 3කදී සියලු දෙනා දැවී ඔවුන් රැස් කළ ලකුණු සංඛ්‍යාව 156කි. එස්. ප්‍රතීස් ලකුණු 29යි. ජූඩ් විනිස්ටාන් ලකුණු 25යි.

තරගයේ පිළිතුරු ඉනිම ක්‍රීඩා කළ ත්‍රිකුණාමලය කෝනේස්වරා විද්‍යාලය ජයග්‍රාහී සීමාව පසු කළේ පන්දුව 48යි පන්දු 3කදී කඩුලු 6ක්පමණක් දැවී සිටියදීයි. ඒ ත්‍රිකුණාමලය කෝනේස්වරා හින්දු විද්‍යාලය තරගය කඩුලු හතරකින් ජයගනිමිනි. කේ. තිනුක්ෂාන් ලකුණු 45ක් රැස් කරමින් තරගයේ වීරයා සහ හොඳම පිතිකරු සම්මානය දිනා ගත්තේය.

– තමීර මංජු

5,167 Viewers

5 Comments to “ජාතික ක‍්‍රිකට් සංස්කෘතිය බිද වැටිලා..- අර්ජුන”

  1. Dp says:

    Gawapalanaya nisa mulu ratama bindha watila..this idiot is taking bullshit.

  2. SMA Panadura says:

    As a former national cricket captain you are also responsible for the deterioration of present day Sri Lanka cricket because you are too a powerful Minister of this so called yahapalana government. Now you can’t simply wash off your hands by blaming others. Therefore, first leave this government immediately and join hands with MR and try to bring a redress not only for cricket but also to the poor suffering mass.

  3. Kadiya says:

    මුළු රටේම සංස්කෘතිය බිඳවැටිලා තියන බව පෙනෙන්නේ නැත්තේ පොට්ටවෙලාද? ගෑනු – ගෑනු , පිරිමි – පිරිමි විවාහ නීත්‍යනුකුල කරන්න උත්සුක නපුංසක පාලකයෝ රට ආණ්ඩුකරනව. රටේ මුල්තැන දැරූ ගරුතර ස්වාමීන් වහන්සේලා නොවෙයි රජයට උපදෙස් දෙන්නේ NGO කුක්කෝ. රටේ යුදහමුදාව පාලකයන් බලයට පත්කළ විදේශ බලවේග සහ බෙදුම්වාදීන්ට අවශ්‍ය පරිදි හැසිරෙන්න යොමුකරලා. අගමැතිගේ විවාහක යයි කියන කාන්තාව රටේ කාන්තාවන්ට රෑට පාරවල්වල ඇවිදින්න කතාකරනවා. පොඩ්ඩක් එහා මෙහා වුනොත් මහපාරේ තුවක්කු කඩු පොලු අරගෙන සටන් ජවනිකා රඟපානවා. පාතාල මගුල් වලට පොලිස් ආරක්ෂාව සලසනවා. ජනාධිපති ඉඳල එකෙක්වත් කිසිදාකවත් ඇත්තක් කියන්නේ නැහැ. මැතිවරණ සංස්කෘතිය නගා හිටවන්න හිතාගෙන චන්ද තියන්නේ නැහැ. උසාවි රැටත් ඇරලා විරුධවාදීන් රිමාන්ඩ් කිරීම සඳහා. දේශපාලන සංස්කෘතිය අති විශිෂ්ඨයි. බැංකු කොල්ලකෑමේ සංස්කෘතිය දිනෙන් දින නැගිටිනවා. ඔය අස්සේ ක්‍රිකට් සංස්කෘතිය මොන බම්බුවක්ද?

  4. ධනපාල says:

    මොනා ක්ෂේත්‍රයද ගොඩ ගිහින් තියෙන්නෙ

  5. vana jeevi kalavadda says:

    ඔච්චර මුට්ටි අල්ලන එක ඉල්ල ගන්නවකො ක්‍රීඩා ඇමතිකම​.අමුඩෙ ගහන් දර දිය අදිනව​.අහක ඉන්න උන් ඇමති වෙනව​.තමන්ගෙ අමත්‍යාංශෙ ගැන වචනයක් නැහැ,වැඩ බැරි ටාසන්?

Main News