ඩෙංගු වලකන්න Mobile app එකක් කොළඹදී හදුන්වාදෙයි..

March 27, 2018 at 5:30 pm | lanka C news
ඩෙංගු වලකන්න Mobile app එකක් කොළඹදී හදුන්වාදෙයි..

ශ්‍රී ලාංකික පාසල් ශිෂ්‍ය ප්‍රජාව අතර ඩෙංගු රෝගය පැතිරයාම වැළැක්වීම සදහා සටන් කිරිමට නිර්මාණශීලි Mobile app එකක් හදුන්වාදීම කොළඹ බණ්ඩාරනායක සම්මන්ත්‍රණ ශාලාවේ දී අද (27) පෙරවරුවේ සිදු කෙරිනි.

“ඩෙංගු රෝගයෙන් මිදුණු දරුවෙක්” (DengueFreeChild) නමින් මෙම app එක නිර්මාණය කරන ලද්දේ අධ්‍යාපන අමාත්‍යාංශය, සෞඛ්‍ය අමාත්‍යාංශය, කොළඹ විශ්ව විද්‍යාලය, සිංගප්පූරුවේ Nanvang තාක්ෂණ විශ්ව විද්‍යාලය සහ මොබිටෙල් ශ්‍රී ලංකා ආයතනය ඒකාබද්ධවයි.

මෙම app එක මගින් වඩාත් ක්‍රියාකාරී ලෙස ඩෙංගු රෝගය සහ සැකකටයුතු ආකාරයෙන් පවතින උණ තත්ත්වයන් වාර්තා කිරීමේ හැකියාව භාවිත කරන්නන්ට ලබා දී ඇත. ඒ ඔස්සේ ආසාදිත ප්‍රදේශයන් වෙත ගොස් අදාල ක්‍රියාමාර්ගයන් ගැනීමටත්, මදුරුවන් බිත්තර දමන සහ මදුරු කීටයන් වාසය කරන ස්ථාන විනාශ කිරීමටත් හැකියාව ඇත.

මෙම තොරතුරු භාවිතයෙන් ඩෙංගු රෝගය ව්‍යාප්තවීමේ අවධානමක් පවතින ප්‍රදේශවල සිටින දරුවන් සහ දෙමාපියන් ඒ පිළිබදව දැනුවත් කරමින් ඩෙංගු රෝග ලක්ෂණ ඔවුන්ගෙන් දිස්වන්නේ දැයි අවධානයෙන් සිටින ලෙසට ඔවුන්ට දැනුම් දිය හැකි වෙයි. සෞඛ්‍ය අමාත්‍යාංශයේ ජාතික ඩෙංගු රෝග පාලන ඒකකය මගින් රැස් කරන ලද දත්ත වලට අනුව 2017 වසරේ ප්‍රතිකාර බලාපොරොත්තුවෙන් පැමිණි සියලුම රෝගීන්ගෙන් සියයට 30 ප්‍රතිශතයක් දරුවන් වෙයි.

ශ්‍රී ලංකාව පුරා විහිදී ඇති පාසල් 10,000 ක ආසන්න වශයෙන් දරුවන් මිලියන 4.4 ක් අධ්‍යාපනය ලබති. උදය කාලයේ දී ඩෙංගු මදුරුවා සක්‍රීය වන බැවින් දරුවන් ආරක්ෂා කිරීමට විධිමත් වැඩපිළිවෙළක් දියත් කිරීමේ අවශ්‍යතාවය පැවැති බව ජාතික ඩෙංගු රෝග පාලන ඒකකයේ ජාතික සම්බන්ධීකරණ නිලධාරී වෛද්‍ය හසිත තිසේරා මහතා ප්‍රකාශ කරයි.

2018 වසරේ ගත වූ කාලය තුල ඩෙංගු රෝගීන් 13,479 ක් වාර්තා වී ඇත. වැඩිම රෝගීන් සංඛ්‍යාවක් වාර්තා වී ඇත්තේ කොළඹ දිස්ත්‍රික්කයෙනි. 2017 වසරේ ගත වූ මාස 02 තුල හමු වූ රෝගීන්ගේ 33,191 කි. පසුගිය වසර හා සසැදීමේ දී එය සියයට 50 ක අඩුවීමකි.

මෙම අවස්ථාවට අධ්‍යාපන අමාත්‍යාංශයේ ලේකම් සුනිල් හෙට්ටිආරච්චි, ශ්‍රී ලංකා ටෙලිකොම් සභාපති කුමාරසිරි සිරිසේන, සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජනරාල් සරත් අමුණූගම, ජාතික ඩෙංගු රෝග පාලන ඒකකයේ ජාතික සම්බන්ධීකරණ නිලධාරී වෛද්‍ය හසිත තිසේරා මහතා ඇතුලු පිරිසක් එක්ව සිටියහ.

– ප‍්‍රසන්න අධිකාරී

8,696 Viewers

6 Comments to “ඩෙංගු වලකන්න Mobile app එකක් කොළඹදී හදුන්වාදෙයි..”

  1. john the baptice says:

    යකෝ මේවා කියපල්ලා යහපාලානේ ඉන්න බුරුවන්ට හැම විදියකම කුනු ගොඩගහල කානු පිරිලා මුන් තමා මේවාට වගකියන්න ඕනේ මුලු රටම

    කුණු වලක් කරලා දැන් තියෙන්නේ

  2. Rp says:

    ඔය වගේ ගොං පාට් එකක් කළොත් තමයි practical නෑ…
    ඔය බේරගන්න පුළුවන් ප්‍රමාණය අවමයි..
    ඉස්සර වගේ ශ්‍රමදාන මානසිකත්වයක් වර්ධනය කළ යුතුයි..

    social works encourage කරන්ඩ ඕනි

  3. Saman says:

    Oka free kara ape rate ……me minissu piligaththe na. …

  4. රත්නසේන says:

    නොදකිං විතරක් මෙහෙමත් හරක් රැලක් – මොන ලොකේ ද යකුනේ මොබයිල් ඇප් වලින් බෝවෙන රෝග පාලනය කරේ. මුං මොන ලෝකයක ජිවත් එවුංද මන්දා.

    • ඇම්ඩන් says:

      මේ ඇප් එක හදල තියෙන්නෙ මොබයිල්ෆෝන් වලට එන Dengue නම් වෛරසය පාලනය කිරීමටද? 😂😂😂😂😀😀:-D:-D:-D

  5. amila says:

    අනෙ මෙහෙමත් පිස්සෝ

Main News