ත‍්‍රිකුණාමල භූමියේ ඉන්දීය නීතිය ක‍්‍රියාත්මයයි.. Cypetco නිලධාරීන් IOC අත්අඩංගුවට.. වැදවැටී බඩගාගෙන ආපසු එති.. [Video]

December 30, 2016 at 10:00 am | lanka C news
ත‍්‍රිකුණාමල භූමියේ ඉන්දීය නීතිය ක‍්‍රියාත්මයයි.. Cypetco නිලධාරීන් IOC අත්අඩංගුවට.. වැදවැටී බඩගාගෙන ආපසු එති.. [Video]

කැබිනට්‌ අනුමැතිය අනුව පවරා ගත් චීන වරායේ තෙල් ටැංකි දහසයක්‌ නිරීක්‍ෂණයට ගිය ඛනිජ තෙල් සංස්‌ථාවේ ඉංජිනේරුවරයකු ඇතුළු නිලධාරීන් තිදෙනකු ඊයේ (29 දා) පෙරවරුවේ ඉන්දියානු තෙල් සමාගමේ (IOC) නිලධාරීන් විසින් සිරකර තබාගෙන ඇත.

අදාළ තෙල් ටැංකි අවට ශුද්ධ පවිත්‍ර කිරීම සඳහා මෙම නිලධාරීන් විසින් ගෙන ගිය බැකෝ යන්ත්‍රය සහ ඔවුන් ගමන්ගත් මෝටර් රථයද ඉන්දියානු තෙල් සමාගම විසින් තමන් භාරයේ රඳවාගෙන තිබේ.

ඉන්දියානු තෙල් සමාගම විසින් මෙම නිලධාරීන් තිදෙනා සහ අදාළ වාහන පැය ගණනාවක්‌ තමන් භාරයේ රඳවා තබාගෙන ඇති අතර ඛනිජ තෙල් සංස්‌ථාවේ මැදිහත්වීම මත පසුව ඔවුන් මුදාහරින ලැබූ බව ඛනිජ තෙල් සංස්‌ථාවේ වෘත්තීය සමිති එකමුතුවේ කැඳවුම්කරු වන ඩී. ෙ-. රාජකරුණා මහතා ප්‍රකාශ කළේය.

ඉන්දියානු තෙල් සමාගම සතුව චීන වරායේ තෙල් ටැංකි 99 ක්‌ ඇති අතර ඛනිජ තෙල් සංස්‌ථාවේ ඉන්ධන ගබඩා කිරීම සඳහා ඉන් ටැංකි 16 ක්‌ පමණ ගැනීමට පසුගිය 06 දා ඇමැති මණ්‌ඩලය විසින් තීරණය කර ඇත.

එම තීරණය මත තෙල් ටැංකි තුනක්‌ මාසයක්‌ තුළද, ඉතිරි ටැංකි දහතුන මාස තුනක්‌ ඇතුළතද ඛනිජ තෙල් සංස්‌ථාවට පවරා ගැනීමට අවශ්‍ය කටයුතු සැකසීම සඳහා අදාළ ඉංජිනේරුවරයා සහ තවත් නිලධාරීන් දෙදෙනකු දින කිහිපයකට පෙරද චීන වරායේ ඉන්දියානු තෙල් ටැංකි සංකීර්ණය වෙත ගොස්‌ ඇත.

එහෙත් මෙම තෙල් ටැංකි නිරීක්‍ෂණයට ඉන්දියානු රජයේ අවසරය අවශ්‍ය බව පවසමින් අයි. ඕ. සී. නිලධාරීන් ඛනිජ තෙල් සංස්‌ථා නිලධාරීන් තිදෙනා ආපසු හරවා එවා ඇත.ඔවුන් තිදෙනා යළි පෙරේදා මෙම චීන වරාය තෙල් ටැංකි සංකීර්ණය වෙත ගොස්‌ ඇති අතර කැබිනට්‌ අනුමැතිය ලබාදුන් තෙල් ටැංකි අවට ශුද්ධ පවිත්‍ර කිරීම සඳහා ඔවුන් ඊයේ බැකෝ යන්ත්‍රයද ගෙන ගොස්‌ ඇත. එහෙත් ඒ අවස්‌ථාවේදී ඊට විරුද්ධවී ඇති අයි. ඕ. සී. නිලධාරීන් ඉන්දීය රජයේ අවසරය ලබාගෙන නැතැයි පවසමින් එම නිලධාරීන් තිදෙනා ඔවුන් ගමන්ගත් මෝටර් රථය සහ බැකෝ යන්ත්‍රය සිය භාරයට ගෙන රඳවා තබාගෙන ඇතැයි රාජකරුණා මහතා කීවේය.

මේ පිළිබඳව තොරතුරු දැනගත් පසු සංස්‌ථාව මැදිහත්වී ඔවුන් මුදවා ගත් බවද රාජකරුණා මහතා ප්‍රකාශ කළේය.

– දිවයින

14,472 Viewers

8 Comments to “ත‍්‍රිකුණාමල භූමියේ ඉන්දීය නීතිය ක‍්‍රියාත්මයයි.. Cypetco නිලධාරීන් IOC අත්අඩංගුවට.. වැදවැටී බඩගාගෙන ආපසු එති.. [Video]”

  1. DIYASENA says:

    ioc petrol shed and oil tanks must be take over to ceypetco

  2. Amda says:

    Boycott IOC

  3. Bandara says:

    මේ වගේ සිද්ධි වලට නඩු දාන්න බැරිද?

  4. Sihala Yaka - සිහල යකා says:

    All SriLankans should boycott IOC gas stations.

  5. Jude silva says:

    After signing ETCA this will apply to whole country. Sri Lankan’s r idiots

  6. Jude silva says:

    After signing ETCA whole country will experience this. Sri Lankan’s r idiots

  7. Ajith says:

    Mama kawamadaakawath thwama IOC walin thel aran ne. ganneth ne. mata thniwa kala haki deya eyai.

  8. ගමරාළ says:

    තමන්ගේ වාහනවලට තෙල් ගහන කොට සිපෙට්කෝ ෂෙඩ්වලින් පමණක් තෙල් ලබා ගැනීමට ශ්‍රී ලාංකිකයන් හැටියට අපි වගබලා ගත යුතුය..

Main News