දේශීය නිෂ්පාදනය කරන දන්ත පුටු මිලදී ගන්නැයි සෞක්‍ය ඇමැතිගෙන් නියෝග…

May 11, 2017 at 8:02 am | lanka C news | ලංකා සී නිවුස්
දේශීය නිෂ්පාදනය කරන දන්ත පුටු මිලදී ගන්නැයි සෞක්‍ය ඇමැතිගෙන් නියෝග…

යාපනය පලාලි පාරේ පදිංචි කුලේන්ද්‍ර රාජා මහතා දේශීය වශයෙන් නිෂ්පාදනය කරන ලද දන්ත ශල්‍ය උපකරණ සෞඛ්‍ය අමාත්‍යාංශයට මිලදී ගන්නා ලෙස සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතාට උපදෙස් ලබා දී ඇත.

Tissomed Technologies නම් ආයතනයේ හිමිකරු වන කුලේන්ද්‍ර රාජා මහතා දේශීයව නිෂ්පාදනය කරන ලද දන්ත ශල්‍ය උපකරණය සහ දන්ත පුටු සෞඛ්‍ය අමාත්‍යවරයාගේ නිරීක්ෂණයට ලක් වූයේ යාපනය තෙලිප්පලෙයි පිළිකා රෝහලේ දීය.

මෙම දන්ත පුටුව නිෂ්පාදනය කිරීම සදහා වැය කර ඇති මුදල රුපියල් ලක්ෂ 5.5 කි. සෞඛ්‍ය අමාත්‍යවරයා සදහන් කරන්නේ යුරෝපයෙන් ආනයනය කරන දන්ත පුටුවට සමාන අයුරින් මෙම දන්ත පුටුව නිෂ්පාදනය කර ඇති බවයි. විදේශීය රටකින් එක් දන්ත පුටුවක් ආනයනය කිරීම සදහා ලක්ෂ 25 කට අධික මුදලක් වැයවන අතර, දේශිය වශයෙන් මෙම දන්ත පුටු මිල දී ගැනීමෙි දී එම මුදලට දන්ත පුටු 05 ක් මිල දී ගත හැකි බව සෞඛ්‍ය අමාත්‍යවරයා පෙන්වා දෙයි. මෙම කර්මාන්තය ගොඩනැගිය යුතු බවත්, දේශීය කර්මාන්තකරුවන් නගා සිටුවීම සදහා උපකාර කළ යුතු බවත්, සෞඛ්‍ය අමාත්‍යවරයා අවධාරණය කර සිටියි.

මාධ්‍ය ඒකකය
සෞඛ්‍ය අමාත්‍යංශය

3,873 Viewers

2 Comments to “දේශීය නිෂ්පාදනය කරන දන්ත පුටු මිලදී ගන්නැයි සෞක්‍ය ඇමැතිගෙන් නියෝග…”

  1. Neela says:

    But dont tell to use Indegenas medicine to use.

  2. godayaa says:

    greattttttttttttt

Main News