නරේන්ද්‍ර මෝදි මෙරට ස්වාධීනත්වයට තර්ජනය කරයි..

May 16, 2017 at 12:25 am | lanka C news
නරේන්ද්‍ර මෝදි මෙරට ස්වාධීනත්වයට තර්ජනය කරයි..

පිවිතුරු හෙල උරුමයේ නායක පාර්ලිමේන්තු මන්ත‍්‍රී උදය ගම්මන්පිල මහතා එම පක්‍ෂ මූලස්ථානයේ පැවති මාධ්‍ය හමුවකදී මෙසේ අදහස් පල කලේය.

මෝදි ලංකාවේ ස්වාධීනත්වයට තර්ජනයක්

ආණ්ඩුවේ නායකයින් අපට කිව්වේ අගමැති මෝදි එන්නේ වෙසක් උත්සවයේ ප්‍රධාන අමුත්තා විධියට විතරයි. මේක සංස්කෘතික සංචාරයක් මිස දේශපාලන සංචාරයක් නොවේ කියලා. නමුත් අගමැති මෝදිගේ කියුම් කෙරුම් දෙස බලන විට නම් එහෙම පේන්නේ නෑ. එතුමා එක්සත් ජාතින්ගේ වෙසක් උත්සවයේ ප්‍රධාන අමුත්තා නම් කතා කරන්න ඕනෑ වෙසක් උත්සවය සහ එක්සත් ජාතින් පිලිබඳ මිස ඉන්දු – ලංකා සබඳතා ගැන නොවේ. නමුත් එතුමා කතා කලේ ඉන්දු – ලංකා ද්විපාර්ශවික හමුවක දී කරන කතාවක්. සම්පූර්ණ දේශපාලන කතාවක්. මේ තිබෙන්නේ එතුමා කරපු කතාව. මම ඒකෙන් වැදගත් කොටස් කිහිපයක් උපුටා දක්වන්නම්.

We believe that free flow of trade, investments, technology and ideas across our borders will be to our mutual benefit.

රටවල් දෙකේ දේශ සීමා හරහා වෙළඳාම, ආයෝජන, තාක්ෂණය නිදහසේ ගලා යන්න ඕනෑලු. මොකද්ද මේ කතාවේ තේරුම? එතුමා නොකියා කියන්නේ එක්ටා ගිවිසුම අත්සන් කළ යුතු බවයි.

Whether it is on land or in the waters of the Indian Ocean, the security of our societies is indivisible. ඉන්දියානු සාගරයේ ජලයේ තිබුණත් බිමක තිබුණත් අපේ සමාජයන්හි ආරක්ෂාව බෙදා වෙන් කළ නොහැකියි. මොකද්ද මේ කියන්නේ? උඔලා කරන දේ අපේ ආරක්ෂාවට බලපානවා. ඒ නිසා උඹලාට ඕනෑ විධියට නටන්න දෙන්න බෑ. මේක අපේ ස්වාධිනත්වයට කරපු තර්ජනයක් නොවේ ද?

In infrastructure and connectivity, transport and energy, we are poised to scale up our co-operation.

යටිතල පහසුකම් සහ යා කිරීම්, ප්‍රවාහනය සහ බලශක්ති ක්ෂේත්‍රයන්හි අපේ සහයෝගය ඉහළ නංවමින් තිබෙනවා.
යටිතල පහසුකම් සහ යා කිරීම්, ප්‍රවාහනය. මොකද්ද මේ කියන්නේ? ඉන්දියානු මහමාර්ග ඇමති නිතින් ගඩ්කාර් පුන පුනා කියන අයුරින් හනුමා පාලම ඉදිවන බවයි.

ඉන්දු – ලංකා සබඳතා පිලිබඳ අපේ නායකයින් සඟවන තිත්ත ඇත්ත හෙලි කළාට නරේන්ද්‍ර මෝදි මැතිතුමනි ඔබට බොහොම පින්.
අගමැති මෝදි දික්ඔය ගිහින් ජනපති සිරිසේන මැතිතුමන් සහ අගමැති වික්‍රමසිංහ මැතිතුමන් දෙපැත්තේ තබා ගෙන කරපු කතාව ගැනත් වචනයක් නොකියා බෑ. බස්නාහිර සහ දකුණු පලාත්වල ක්‍රියාත්මක ගිලන් රථ සේවාව දිවයින පුරා ක්‍රියාත්මක කරමි. වතුකරයේ නව නිවාස දස දහසක් තනමි. ලංකාව පිලිබඳ තීන්දු ගන්න එතුමාට තිබෙන බලය කුමක්ද? එතුමා කතා කලේ හරියට ලංකාව ඉන්දියාවට අළුතින්ම ඇඳෑ ගත්ත 30 වන ප්‍රාන්තය වගේ. දකුණු පැත්තේ හිටියේ ලංකා ප්‍රාන්තයේ ආණ්ඩුකාර සිරිසේන මැතිතුමන් වම් පැත්තේ හිටියේ ලංකාවේ මහ ඇමති වික්‍රමසිංහ මැතිතුමන් කියල හිතාගෙනයි.

මේක මිත්‍රවරුනි හිතළුවක් වත් භයානක සිහිනයක්වත් නොවේ. දික්ඔය ඇත්තටම සිදු වුණු දෙයක්. ඉතින් මේ අනුව ඉන්දියාව විසින් ලංකාව ඔවුන්ගේ අර්ධ යටත්විජිතයක් බවට පත්කරගෙන ඇති බව මෝදිගේ ලංකා සංචාරයෙන් තහවුරු වු බව තමයි අපිට ඉතාම කණගාටුවෙන් උනත් ප්‍රකාශකරන්නට වෙන්නේ.

ගාළු මුවදොර පිට්ටනිය ආණ්ඩුවට
මැයි දිනය අවසන් වී සති දෙකක් ගත වුණත් තවමත් ආණ්ඩුව මැයි දිනයේ සෙනඟ ගණන් හදනවා. සමහරුන්ට ගැටඹේ හුණ්ඩුවේ තිබුණේ ඉතිහාසයේ ලොකුම මැයි රැළියලු. පෙලපාලිය කිලෝ මීටර් හයක් දිගලු. තවත් සමහරුන්ට කැම්බල් පිට්ටනිය ඉඩ මදි වුණු නිසා කැම්බල් පිට්ටනිය පිරිලා ඉතිරිලා වල්ගා තරුවක වල්ගය වාගේ පාර දිගේ සෙනඟ හිටියාලු. මේ ආණ්ඩුවේ පක්ෂ දෙකට අපේ අතින් බලවත් අසාධාරණයක් වෙලා. ඒ අයට සෙනඟ පෙන්වා ගන්න බැරි වුණේ හුණ්ඩු පිට්ටනි වල මැයි රැළි පැවැත්වූ නිසානෙ. හුණ්ඩු පිට්ටනි වල මැයි රැළි පැවැත්තුවේ අපි ලංකාවේ ලොකුම පිට්ටනිය වෙන් කර ගත් නිසානෙ. ඔන්න ලබන පාර මැයි දිනයට අපි ගාළු මුවදොර පිට්ටනිය ගන්නේ නෑ. ආණ්ඩුවේ පක්ෂ දෙක වෙන වෙනම බැරි නම් එකතු වෙලා හරි ලබන පාර මැයි දිනය ගාළු මුවදොර පවත්වන්නකො. එතකොට ඔය ගැළුවා කියන ජන ගඟ රටේ ජනතාවට හරියටම බලා ගන්න පුළුවන්නෙ. මේක ආණ්ඩුවේ පක්ෂ දෙකටම අභියෝගයක්. මොලය උළුක් වෙන ගණන් හදන්නේ නැතුව ලබන පාර ඉන්න සෙනඟක් ගාළු මුවදොරට ගෙනැවිත් රටටම පෙන්වන්න.

ආණ්ඩුවේ මිතුරන් කෝ?

මේ ආණ්ඩුව විසින් රට බරපතල ආර්ථික අර්බූදයකට තල්ලු කරලා කියලා අපි කියන කොට ආණ්ඩුවේ ඇමතිවරු අපි ආණ්ඩුවේ වැඩපිලිවෙල ගැන ඉරිසියාවෙන් බොරු කියනවා කිව්වා. ඔන්න දැන් අපි කියන එකම මහ බැංකු අධිපති ලිඛිතව මුදල් ඇමතිට දැනුම් දී තිබෙනවා. 2016 මහ බැංකු වාර්තාව අනුව 2015 සමග සංසන්දනය කරද්දී ඒක පුද්ගල ආදායම ඩොලර් 3744 සිට 3727 දක්වා අඩු වෙලා. අපනයන ආදායම ඩොලර් මිලියන 10,546 සිට 10,310 දක්වා දක්වා අඩු වෙලා. විදේශ සංචිත අඩු වෙලා. රුපියල පිරිහිලා. කොටස් වෙළඳපොල කඩා වැටිලා. ලංකාවේ ආර්ථිකය දැවැන්ත අර්බූදයක තිබෙන්නේ.

අර්බූදයකදී තමයි අපට යහළුවන් මතක් වෙන්නේ. ඉංග්‍රීසි කියමනක් තියෙනවා friends in need are the friend indeed කියලා. ඇත්තම යාළුවෝ කියන්නේ අර්බුදයකදී උදව්වට එන යාළුවන්ය කියන එකයි ඉන් කියවෙන්නේ. දැන් කෝ මේ අපේ ආණ්ඩුවේ යාළුවෝ ටික. ජනපති සහ අගමැති ලෝකය පුරා රවුම් ගහලා ජාත්‍යන්තරේ දිනා ගත්තා කිව්වානෙ. මේ අර්බූදයෙන් ගොඩ එන්න ඒ යාළුවන් උදව් කරන්න එපායැ. අපේ භාණ්ඩ වලට වෙළඳපොල විවෘත කරන්න බැරි නම් අපේ ශ්‍රමිකයින්ට රැකියා වෙළඳපොල විවෘත කරන්න බැරි නම් අපේ රටේ ආයෝජනය කරන්න බැරි නම් අඩුම ගණනේ මෙන්න මේක තියා ගනින් කියලා පුංචි තෑග්ගක් මිටි මොලවන්න බැරි නම් මේ මිතුරුකම් වලින් ඇති වැඩේ මොකද්ද? මෙන්න මේ ජාතියේ යාළුවන්ට තමයි බුදුන් වහන්සේ වචී පරම මිතුරන් කියලා කිව්වේ. දැක්කම බදාගන්නවා, අතට අත දෙනවා, අපි ඔබ සමගයි කියනවා, අපි දෙන කෑම කාල අපි දෙන තෑගිත් අරගෙන ආපසු තමුන්ගේ රටට යනවා. ආණ්ඩුවේ නායකයින් ලෝකය වටේ රවුම් ගහන එක නවත්තලා මේ වෙසක් සතියේ බණ පොතක්වත් කියෙව්වා නම් මේ වගේ වචී පරම මිත්‍රයින්ට රැවටෙන්නේ නෑ.

– අරවින්ද අතුකෝරල

12,409 Viewers

6 Comments to “නරේන්ද්‍ර මෝදි මෙරට ස්වාධීනත්වයට තර්ජනය කරයි..”

  1. love nature says:

    උඩරට ගිවිසුම වැනි දේශපාලන ගිවිසුම් මඟින් දුර්වල රටවල් බලවත් රටවල් වලට පාවාදීමේ ද්‍රෝහී ක‍්‍රියා පිළිබඳ උදාහරණ රාශියක් විවිධ රටවලින් සොයාගත හැක. එහෙත් ආර්ථික ගිවිසුමක් මඟින් රටක් පාවා දෙන පළමු අවස්ථාව සීපා ගිවිසුම බවට සැකයක් නැත. එබැවින් මේ ගිවිසුම අත්සන් කිරීම සඳහා ශ‍්‍රී ලංකා රජය පෙළඹවීම අරමුණු කරගෙන ඉන්දියානුවෝ විවිධ අත කරකැවීමේ උපක‍්‍රම සහ රාජ්‍යතාන්ත‍්‍රික මෙහෙයුම් මෙන්ම අධ්‍යාපනික අවස්ථාද නිර්මාණය කරමින් සිටිති. ඉන් ප‍්‍රධානතම අධ්‍යාපන ව්‍යාපෘතිය වන්නේ ‘‘සෆ්ට්ස්’’ ගිවිසුම හෙවත් සේවා ආශ‍්‍රිත වෙළඳාම පිළිබඳ දකණු ආසියානු ගිවිසුමයි. එම ගිවිසුම 2012 සිට ක‍්‍රියාත්මක කිරීමට නියමිතව තිබුණි. ඒ මඟින් සේවා වෙළඳාම පිළිබඳව පවතින මානසික බාධක ඉවත් කිරීම අපේක්‍ෂා කෙරේ.

    නමුත් ඇත්ත වශයෙන්ම ඉන්දියාවට 2004දී අත්සන් කළ සෆ්ටා (භාණ්ඩ වෙළඳාමට අදාල දකුණු ආසියානු නිදහස් වෙළඳ ගිවිසුම* හෝ සෆ්ට්ස් ගිවිසුම එතරම් වැදගත් නැත. හේතුව පකිස්ථානය හැර අනෙකුත් කුඩා රටවලින් ඔවුන්ට එතරම් වෙළඳ වාසියක් නොමැති වීමයි. පකිස්ථානය අභ්‍යන්තර දේශපාලන හේතු මත ඉන්දියාවට උවමනා ආකාරයට නටන්නේ නැත. සෆ්ටා යටතේ කලාපයේ දුප්පත් රටවල් තම තීරුබදු මට්ටම් සියල්ල 0 සිට 5 දක්වා වන පරාසයකට අඩු කළ යුතුය. නමුත් ඉන්දියාව එසේ කිරීමට සූදානම් නැත. ඉන්දියාව ‘බදු සීමා සහ බදු නොවන සීමා’ පැනවීමේ දක්‍ෂතාවය අනුව ලෝකයේ සියලූම රටවල් අතුරින් ඉහළින්ම සිටියි. ඒ නිසා ‘සෆ්ටා’ හෝ ‘සෆ්ට්ස්’ කලාපයේ වෙළඳ යථාර්ථය බවට පත්වනු ඇතැයි ඉන්දියාව කල්පනා කරන්නේ නැත.

    ඉන්දියාවට අවශ්‍ය වන්නේ ආර්ථික වශයෙන් බලවත් විභවයක් සහිත ශ‍්‍රී ලංකාව සීපා යටතේ කොටුකර ගැනීමටය. අනෙක් දුප්පත් කුඩා රටවල වෙළඳපල ඉන්දියාවට වැදගත් නැත. ඒවා කොහොමටත් අර්ධ වශයෙන් යටත් වූ වෙළඳපොළවල්ය. ඉන්දියාවට වැදගත් වන්නේ මහා ඛණිජතෙල් පටියක් මත පිහිටා ඇති ගොඩබිම මෙන් 23 ගුණයක් මුහුද අයත් වන සහ අනාගතයේදී ලෝකයේම ප‍්‍රබල නාවුක මූලස්ථානයක් බවට පත්වන ශ‍්‍රී ලංකාව ආර්ථික වශයෙන් යටත් කර ගැනීමයි. එ තුළින් දේශපාලන වශයෙන් යටත් කිරීම සඳහා ම`ග පාදා ගැනීමද ඉන්දියාවේ අපේක්‍ෂාවයි.

  2. Dakma says:

    But….Mhinda’s best friend….
    Mahinda and family need money….money….not the country…Thats why Mahinda vists to meet Mody and beged for freedom …….prevent from imprisonment..

  3. Niru says:

    Sirisena even today is still counting the heads at Galle Face after 2 weeks.
    No action to eradicate Dengu, get rid of rubbish, control price of rice, control inflation ( don’t think he knows the meaning) no plans to bring investments , no plans to produce energy, water, needs for future, no attempts to solve day to day issues, in plain simple words nothing to Stop The Rot.
    So might as well get Piyasena to replace Sirisena!!

  4. Tree God says:

    Enough of misleading people by MR, GR, JO politicos and SLPP.

    There is no Modi dislike at all in their camp. They made people believe that they are against India and Modi. Then after Modi came, MR and GR went on their knees begging for a meeting with Modi! The sources say they were given audience after agreeing to not to say anything against India. Shame on you Mahinda, Gotabhaya, JO and SLPP.

    Stop taking people a ride, Mahinda and JO. Your double tongued politics is visible again again.

    • කොළඹ එකා says:

      Ane gono. gon katha nokiya indapan.indiawa kakulen adiddi baaldi daaddi udde nawaththanna kiyala bala karaddi udde kale ara napunsaka unp lokko wenna athi.mahindata kagewath langa danin wetenna oni na.eka mulu ratama dannawa.me rata eda indan winasa kare unp 1ka.hemadama pawa dunna. kiyawala wedak na ban umbawath mamawath.minissu moda na.chandayak thiyala balanna kiyapan.

  5. siraa says:

    Eeka hondhayi, boru hela uruma walata wadaa, anika hambayanta yana rata meeka

Main News