‘නිව්යෝක් ටයිම්ස්’ චෝදනාව ආණ්ඩුවේ පරීක්‍ෂණයෙන්ම බොරු බව ඔප්පු වේ.. දෙස් විදෙන් ඇස් අරවන මහින්දගේ නිවේදනය මෙන්න..

July 1, 2018 at 10:40 am | lanka C news
‘නිව්යෝක් ටයිම්ස්’ චෝදනාව ආණ්ඩුවේ පරීක්‍ෂණයෙන්ම බොරු බව ඔප්පු වේ.. දෙස් විදෙන් ඇස් අරවන මහින්දගේ නිවේදනය මෙන්න..

පසුගිය ජනාධිපතිවරණයේදී තමන්ගේ ජනාධිපතිවරණ කටයුතු සදහා චීන සමාගමක් විසින් ඩොලර් මිලියන 7.6ක් ලබා දුන්නේ යයි නිව්යෝක් ටයිම්ස් පුවත්පත පලවී ඇති චෝදනා සම්බන්දයෙන් මහින්ද රාජපක්‍ෂ හිටපු ජනාධිපති විසින් නිකුත් කර ඇති නිවේදනයක් මෙහි දැක්වෙයි.

නිව්යෝක් ටයිම්ස් පුවත්පතේ පලවී ඇති චෝදනා

පසුගිය සඳුදා “චීනය ලංකාවෙන් වරායක් ලබා ගත් හැටි” යන මැයෙන් ලිපියක් ඇමරිකාවේ නිව්යෝර්ක් ටයිම්ස් පුවත්පතේ පලවිය. අපගේ විරුද්ධවාදීන් පසුගිය දින ගණනාව පුරාම  මේ ලිපිය අලලා මූල්‍ය අපරාධ කොට්ඨාශයට පැමිණිලි ඉදිරිපත් කිරීම, මාධ්‍ය සාකච්ඡා පැවැත්වීම හා ජනාධිපති විමර්ශන කොමිසම් ඉල්ලා සිටින ආකාරය අපි දුටුවෙමු. මෙකී නිව්යෝක් ටයිම්ස් ලිපියේ  තිබුණු ප්‍රධාන චෝදනාව වූයේ 2015 ජනවාරි ජනාධිපතිවරණයේ වියදම් සඳහා චයිනා හාබර් සමාගම විසින් මට ඇමරිකානු ඩොලර් මිලියන 7.6 ක මුදලක් ලබාදුන් බවයි. මේ චෝදනාව සැබවින්ම පදනම් වී තිබුණේ මීට අවුරුදු තුනකට පෙර 2015 ජුලි මාසයේදී රොයිටර් පුවත් සේවය විසින් පල කරන ලද ප්‍රවෘත්තියක් මතය. ඒ රොයිටර් වාර්තාව පල වන විට අලුතෙන් බලයට පැමිණ සිටි යහපාලන ආණ්ඩුව ලංකාව තුළ චීන ණය පහසුකම් යටතේ ක්‍රියාත්මක වෙමින් තිබූ සියලුම ව්‍යාපෘති  අත්හිටුවා, කොළඹ වරාය නගර ව්‍යාපෘතියේ නිරතව සිටි චයිනා හාබර් සමාගම ඇතුළු ලංකාවේ ක්‍රියාත්මක වූ සියලුම චීන සමාගම් වල ලියවිලි සහ ගනුදෙනු විමර්ශනයට ලක් කරමින් සිටියේය. අවුරුදු එක හමාරක පමණ විමර්ශනයකින් පසු කිසිදු වැරදි ගනුදෙනුවක් සොයාගත්තේ නැති තැන, වත්මන් ආණ්ඩුව කොළඹ වරාය නගර ව්‍යාපෘතිය නැවත වතාවත් චයිනා හාබර් සමාගමට ලබාදෙන ලදී.

චයිනා හාබර් සමාගම මාගේ 2015 ජනාධිපතිවරණ ව්‍යාපාරය සඳහා කිසිදු මුදලක් පරිත්‍යාග කලේ නැත. මගේ ‘සගයන්’ හා ‘මැතිවරණ ව්‍යාපාරයේ නියැලෙන්නන්ට’ එම මුදල් ලබා දී ඇති බවත්,‘ස්වේච්ඡාවෙන් ඉදිරිපත් වූ අය’ විසින් අදාල චෙක්පත් අරලිය ගහ මන්දිරයට ගෙනගොස් දුන් බවත් කීවද, නිව්යෝක් ටයිම්ස් පුවත්පත මේ මුදල් හරියටම ගත්තේ කවුද, දුන්නේ කවුද යන කාරණා සම්බන්ධයෙන් සිතා මතාම අපහැදිලි වදන් භාවිතා කොට ඇත. මෙය වගකීමක් නොගෙන මඩ ගැසීමේ ක්‍රමයක් හැටියට අපි දකිමු. කොළඹ වරාය ව්‍යාපෘතිය වත්මන් ආණ්ඩුව බලාපොරොත්තු තබාගෙන සිටින ප්‍රධානම ව්‍යාපෘතිය බව වත්මන් අගමැතිවරයාද පවසා තිබේ. චයිනා හාබර් සමාගම විසින් මගේ ඡන්ද ව්‍යාපාරයට මුදල් යොදවා තිබුණේ නම් ඔවුන්ට කිසි දිනක වරාය නගර ව්‍යාපෘතිය නැවත නොලැබෙන අතර හම්බන්තොට වරාය බදු ගැනීමට ලංසු ඉදිරිපත් කිරීමටද ඉඩ නොලැබෙනු ඇත. නිව්යෝක් ටයිම්ස් ලිපියේ ඇතැම් කරුනු ඔවුන් ලබාගත්තේ ‘ආණ්ඩුවේ විමර්ශනයකින්’ බව එහි සඳහන් වේ. මේ ආණ්ඩුව බලයට පත් වූ මොහොතේ සිට විපක්‍ෂයට මඩ ගැසීම හැරුණු විට වෙන කිසිවක් කර නැති බව සෑම ශ්‍රී ලාංකිකයෙකුම හොදින් දනී.

නිව්යෝක්ස් ටයිම්ස් ලිපියේ චීනයට එල්ල කර ඇති තවත් බරපතල චෝදනාවක් වන්නේ මේ වරාය සාර්ථක නොවන බවට සියලුම ශක්‍යතා වාර්තාවල සඳහන්ව තිබියදීත්, ශ්‍රී ලංකාව ණය උගුලක හසුකර ගැනීම සඳහාම චීනය හම්බන්තොට වරාය ව්‍යාපෘතියට මුදල් යෙදවූ බවයි. මෙහි කිසඳු සත්‍යතාවයක් නැත. චන්ද්‍රිකා කුමාරතුංග මැතිනියගේ පළමු ආණ්ඩු කාලය තුළ හම්බන්තොට වරාය සඳහා ශක්‍යතා අධ්‍යනයක් කිරීමට ලෝකයේ ප්‍රධාන පෙලේ ඉංජිනේරු උපදේශන සමාගමක් වෙන ඩෙන්මාර්කයේ ‘රැම්බෝල්’ සමාගම යෙදවීමට සිටියද එය පටන් ගැනීමට පෙර එම ආණ්ඩුව පෙරලුණි. ඉන් පසුව බලයට පත් වූ රනිල් වික්‍රමසිංහ ආණ්ඩුව කැනඩාවේ ‘එස්.එන්.සී ලාවලින්’ සමාගම යොදවා මේ වරාය සඳහා ශක්‍යතා අධ්‍යයනයක් කල අතර, එහි වාර්තාව 2003 ජුනි මාසයේදී නිකුත් විය. ඉන්පසු 2004 දී දෙවනි චන්ද්‍රිකා කුමාරතුංග ආණ්ඩුව යටතේ මංගල සමරවීර ඇමතිවරයා මේ වරාය සඳහා ශක්‍යතා අධ්‍යයනයක් කිරීමට නැවත වතාවක් ඩෙන්මාර්කයේ ‘රැම්බෝල්’ සමාගම යොදවනු ලැබූ අතර ඔවුන්ගේ වාර්තාව 2007 දී සම්පූර්ණ කරන ලදී. ඒ අනුව වෙනස් ආණ්ඩු දෙකක් යටතේ කරන ලද ශක්‍යතා අධ්‍යයන දෙකක් විසින් හම්බන්තොට වරාය ඉදිකිරීම නිර්දේශ කොට තිබුණි.

හම්බන්තොට වරායේ අදියර I සහ II හා තෙල් ටැංකි සංකීර්ණය යන සියල්ල ඉදි කිරීම සඳහා ගත් මුලු ණය ප්‍රමාණය ඇමරිකානු ඩොලර් මිලියන 1,322 ක් පමණ වේ. මෙහි මුල් ඇ.ඩො. මිලියන 307 කලින් සහනදායි පොලියට ලබාගෙන, ඉන්පසු වසරකට 6.3%ක නිශ්චිත පොලියක් හැටියට වෙනස් කල බවට නිව්යෝක් ටයිම්ස් පුවත්පත චෝදනා කර ඇත. ඔවුන් මෙයින් අදහස් කලේ ඒ අකාරයට පොලිය වෙනස් කිරීම පසුපස කුමක් හෝ අක්‍රමිකතාවයක් තිබෙන බවයි. නමුත් එහිදී සැබවින්ම සිදුවූයේ එම මුල් ණය මුදල ‘ලයිබෝ’ දර්ශයකට අමතරව තවත් 0.75% ක් යන පදනම යටතේ ලබාගෙන තිබීමත්, ඒ කාලයේදී ජාත්‍යන්තර බැංකු අතර ගනුදෙනු සිදු වෙන පොලී අනුපාතය වන ලයිබෝ දර්ශකය සීඝ්‍රයෙන් ඉහල ගොස්, එම මුල් ණය මුදලේ සැබෑ පොලී අනුපාතය 6.5% දකාවා වැඩිවීම හේතුවෙන් තවදුරටත් එය වැඩි වීම වැලැක්වීමට 6.3%ක නිශ්චිත පොලියක් හැටියට නැවත කතිකාකර ගැනීමයි. නමුත් හම්බන්තොට වරාය සඳහා ඉතිරි ඇ.ඩො. මිලියන 1,000 ගෙන ඇත්තේ 2% සහනදායි පොලියටය.

මීට වඩා අඩු පොලියකට වෙනත් රටකින් ණය ගැනීමට තිබුණ බව නිව්යෝක් ටයිම්ස් පුවත්පත කීවද, ව්‍යාපෘති ණය ගැනීමේදී සැලකිල්ලට ගනු ලබන එකම නිර්නායකය වන්නේ පොලී අනුපාතය නොවේ. මෙවැනි ද්විපාර්ශවික ගනුදෙනු වලදී ණය ලබාදෙන රට විසින් කොන්ත්‍රාත් කරුවාද නිර්දේශ කරන අතර කොන්ත්‍රාත්කරුවා ඉල්ලන මුදලද මෙහිදී සැලකිල්ලට ගතයුතු වේ. ඒ අනුව ලංකාවට වඩාත්මක වාසිදායක වූයේ චීනය සමඟ ඒ ගනුදෙනුව සිදු කිරීමයි. ‘රැම්බෝල්’ හා ‘එස්.එන්.සී ලාවලින්’ යන සමාගම් දෙකේම ශක්‍යතා අධ්‍යයන වල සඳහන් වූ ඇස්මේන්තු වලට වඩා අඩු මුදලකට හම්බන්තොට වරාය ඉදිකිරීමට අපට හැකි වූ බව මෙහිදී විශේෂයෙන්ම සැලකිය යුතුය.

2012 දී කොළඹ වරායට නැව් 3,667 ක් පැමිණෙන විට හම්බන්තොට වරායට පැමිණියේ නැව් 32 ක් නිසා එම වරාය අසාර්තක ව්‍යාපෘතියක් යැයි නිව්යෝක් ටයිම්ස් පුවත්පත පවසා ඇත. නමුත් හම්බන්තොට වරායට පැමිණෙන නැව් ගණන 2014 වන විට 335 දක්වා වැඩිවී තිබුණ බව එම ලිපියේ සඳහන් කොට නැත. එමෙන්ම හම්බන්තොට වරාය 2014 දී රුපියල් මිලියන 900 ක හා 2015 දී රුපියල් මිලියන 1,200 ක ක්‍රියාන්විත ලාබයක් ලැබූ බවද පවසා නැත. වරායක් යනු ශතවර්ශ ගණනාවක් පවතින ආයෝජනයක් වන අතර 2011 දී විවෘත කරනු ලැබූ වරායකට 2012 වන විට ලාබ ඉපයිය නොහැකිය. නිව්යෝක් ටයිම්ස් පුවත්පත තවදුරටත් පවසා ඇත්තේ මේ වරාය ඉදි කිරීමට ගත් ණය ආපසු ගෙවීමට නොහැකි නිසා එය චීනයට 99 අවුරුදු බද්දකට ලබාදීමට වත්මන් ආණ්ඩුවට සිදු වූ බවයි. හම්බන්තොට වරාය ඉදිකිරීමට ගත් මුලු ණය හා 2036 වසර දක්වා ඒ සඳහා  ගෙවීමට තිබෙන පොලිය යන සියල්ල එකතු කළ විට, ගෙවිය යුතු සමස්ත මුදල ඇ.ඩො. මිලියන 1,761 ක් වේ. මින් ඇ.ඩො. මිලියන 500කට ආසන්න මුදලක්  2016 අවසන් වන විට ආපසු ගෙවා අවසන් වී තිබුණි. හම්බන්තොට වරාය සඳහා ගනු ලැබූ ණය ගෙවනු ලැබුවේ ශ්‍රී ලංකා වරාය අධිකාරිය ලබන ලාබයෙන් වෙන නිසා ඒ ණය ගෙවීම ගැන කිසිදු ගැටලුවක් නොවීය. 2014 විගණකාධිපති වාර්තාවට අනුව සියලුම ණය හා බදු ගෙවීමෙන් පසුවත් වරාය අධීකාරිය 2014 වසරේදී රුපියල් මිලියන 8,800 ක ලාභයක් ලබා තිබුණි.

නිව්යෝක් ටයිම්ස් පුවත්පත නොදැන සිටියද, වරාය බදු දීමෙන් ලාබාගත් ඇ.ඩො. මිලියන 1,120 ක මුදල ආණ්ඩුව විසින් වරාය ඉදිකිරීමට ගත් ණය පියවීමට යෙදුවේ නැති බවත් එය ආණ්ඩුවේ එදිනෙදා වියදම් පියවීම සඳහා මහා භාණ්ඩාගාරයට ලබාදෙනු ලැබූ බවත්, සියලුම ශ්‍රී ලාංකිකයන් දනී. හම්බන්තොට වරාය ඉඳිකිරීමට ගත් ණය තවමත් එළෙසම පවතී. හම්බන්තොට වරාය හා එය තුළ තිබෙන අක්කර 5,000ක කර්මාන්ත කලාපයත්, වරායෙන් පිට තවත් අක්කර 15,000 කුත් චීනයට ලැබුණේ ලංකාව සිරවී සිටි ‘චීන ණය උගුල’ නිසා යැයි නිව්යෝක් ටයිම්ස් පුවත්පත කියා සිටියද එවැනි කිසිඳු චීන ණය උගුලක් නොතිබුණි. හම්බන්තොට වරාය ලාබ ලබන තැනට එන තුරු එහි ණය ගෙවීමට වරාය අධීකාරිය ඉතා ප්‍රවේසමෙන් සැලසුම් කර තිබුණි.  ශ්‍රී ලංකා වරාය අධිකාරියට අමතර ඇ.ඩො. මිලියන 100 ක ආදායමක් එන ආකාරයට කොළඹ නැගෙනහිර බහාලුම් පර්යන්තය දියුණු කිරීමද ඒ සැලසුමේ කොටසක් විය.

මගේ ආණ්ඩුව පරදින විට හම්බන්තොට වරායේ බහාලුම් පර්යන්තයට අවශ්‍ය දොඹකර යනාදිය සපයා අවුරුදු 40 ක කාලයකට එය ක්‍රියාත්මක කිරීමට චයිනා හාබර් සමාගම හා චයිනා මර්චන්ට් සමාගම සමඟ අප ගිවිසුමක් අත්සන් කොට තිබුණි. හම්බන්තොට වරායේ සෙසු පර්යන්ත හා අක්කර 5,000ක කර්මාන්ත කලාපය වරාය අධිකාරියේ පාලනය යටතේ සිදු කිරීමට නියමිත විය.  මුලු වරායම විදේශීය සමාගමකට අවුරුදු 99 කට බදු දීමට අපට කිසිදු සැලැසුමක් නොතිබුණි. එය සිදු වූයේ වත්මන් ආණ්ඩුව යටතේය. මෙහිදී වඩාත්ම ජුගුප්සාජනක කාරණය වන්නේ හම්බන්තොට වරාය චීනයට ලැබුණු බව කියමින් මැසිවිලි නගන බටහිර බලවතුන් විසින්ම බලයට ගෙන එනු ලැබූ ආණ්ඩුවක් විසින් චීනයට මේ වරාය ලබාදී තිබීමයි. මම ජනාධීපතිව සිටි සමයේදී හම්බන්තොට වරාය හෝ වරායෙන් පිට ඉඩම් චීනයෙන් කිසිදාක බද්දට ඉල්ලුවේ නැත. හම්බන්තොට වරාය බදු ගන්නා මෙන් චීනයට යෝජනා කලේද වත්මන් ආණ්ඩුවයි.

ඉන්දියාවට ඉතා ආසන්න භූමියක් දැන් චීනයේ පාලනයට යටත්වී තිබෙන නිසා මේ වරාය කුමක් සඳහා භාවිතා කරාවිදැයි සිතමින් ඉන්දියාව කනස්සල්ලට පත්වී සිටින බව නිව්යෝක් ටයිම්ස් පුවත් පත සඳහන් කොට ඇත. මගේ ආණ්ඩුව දිගටම බලයේ සිටියේ නම් මෙවැනි තත්වයක් කිසිදාක උද්ගත වන්නේ නැත.  ඉන්දියාවේ හිටපු විදේශ කටයුතු ලේකම් හා ජාතික ආරක්‍ෂක උපදේශක ශිවෂංකර් මෙනන් මහතා ඉන්දියානු විදේශ ප්‍රතිපත්තිය සම්බන්ධයෙන් 2016 දී පලකරන ලද ඔහුගේ මතක සටහන් වල ඉතා පැහැදිලිව පවසා ඇත්තේ මගේ ආරක්‍ෂක ලේකම් වූ ගෝඨාභය රාජපක්‍ෂට ශ්‍රී ලංකාවේ ජාතික ආරක්‍ෂාව ගැන ඉතා හොඳ ආවබෝධයක් තිබුණු බවත් ඔහුගේ එම දෘෂ්ඨිය ඉන්දියාවේ ජාතික ආරක්‍ෂාව පිළිබඳ උවමනාවන්  සමඟ සම්පූර්ණයෙන්ම ගැලපුණ බවත්ය. ගෝඨාභය ඉන්දියාවේ ආරක්‍ෂක උවමනාවන් ගැන සංවේදී වූ බවද,  මාගේ ආණ්ඩුව විසින් ලංකාව  චීනය සමඟ පවත්වාගෙන යන සම්බන්ධතාවය ගැන ඉන්දියාවට දෙනු ලැබූ සහතිකය 2014 මැයි මාසයේදී කොංග්‍රස් ආණ්ඩුව පරදින අවස්ථාව වනතෙක්ම ඉතා මැනවින් ආරක්‍ෂා කළ බවද මෙනන් මහතා සඳහන් කොට ඇත. චීනය වැඩියෙන්ම කැමැත්ත දක්වන්නේ මම මේ රට පාලනය කරනු දැකීමට බව නිව්යෝක් ටයිම්ස් පුවත්පත පවසා ඇත. 2015 න් පසු සිදු වූ දේවල් නිසා ඉන්දියාවද මම මේ රට නැවතත් පාලනය කරනු දැකීමට වඩාත්ම කැමැත්තෙන් සිටින බවට සැකයක් නැතැයි මම සිතිමි.

මහින්ද රාජපක්‍ෂ
ශ්‍රී ලංකාවේ හිටපු ජනාධිපති

37,585 Viewers

43 Comments to “‘නිව්යෝක් ටයිම්ස්’ චෝදනාව ආණ්ඩුවේ පරීක්‍ෂණයෙන්ම බොරු බව ඔප්පු වේ.. දෙස් විදෙන් ඇස් අරවන මහින්දගේ නිවේදනය මෙන්න..”

  1. ඇත්ත says:

    කෝ…..මහා ලොකු ස්වාධීන මාධ්‍ය කලාවක් ඇතැයි කියන නිව්යෝර්ක් ටයිම්ස් පත්තර මුදලාලි මේ ටිකත් පත්තරේ දානවදො….

    • Tommy says:

      Itin HARAKO percy ta meka new york times ekata kiyanna kiyapanko boruwata missu rawattanna lankawa athule keppa kelala henchaiyo dammala pora wenne nethuwa

      • hoo.m.p.Tommya says:

        ගොන්ජ ඒ වැඩේ බාර ගත්තනෙ සුනිලො.ඌට ඒක කරගෙන යන්න දීපං.

        • Kamal says:

          පව් යකෝ මහින්දට පාත් වෙච්ච හෙන ගෙඩියක්

      • Fass says:

        Ane gobbayo, Lankawe de lankawe minissunta kiyanne nathuwa wena katawath kiyanne Mona magulakatada? Umba wage meeharakta NYT loku scene unata anith Aya ganan ganneth ne

      • Devaka Jayasuriya says:

        ඔය නිව්ස් එක වැරදිනම් ඇමරිකාවට ගිහින් ඔය පත්තරේට නඩු දාන්න ඩොලර් කෝටි ගාණක වන්දියක් ඉල්ලලා. එහෙම නොකරනවනම් මොනා කිව්වත් වැඩක් නෑ.

      • Ane mage kata says:

        Maha banku mankollen panduru asse hangila hitapu hivallu roththak kunu gandak danila hooo kiyana eka ithin arumayak nevi.

    • Kamal says:

      බටහිරට කත් අදින කලුසුද්දන්ට නිව්යෝර්ක් ටයිම්ස් සපයන අතුරුපස නියමයි…

      • Darshana says:

        හැබැයි ල්යිබො වාර්තා අනුව නම් 2000න් පස්සෙ කවදාවත් පොලී අනුපාතිකේ 6 පන්නල නෑ. 2006/7 කාලෙ උපරිම ගිහින් තියෙන්නෙ 5.4යි. ඊට පස්සෙ සීග්‍රව අඩුවෙලා 2009,වෙනකොට 0.2 වගේ අඩු අගයකට පත් වෙනව. දැන් කොහොමද මහත්තයො මේක ගොඩදාන්නේ? අහවල් පත්තරේ ලන්කාවේ තිබ්බ නම් ගිනිතියලවත් දාන්න තිබ්බ.

        http://www.fedprimerate.com/libor/libor_rates_history.htm

    • බබා says:

      මේ උත්තර මෙහෙ ඉන්න බයි ගැලරියටනේ. මේව එහෙ යවන්න බෑ. හරිනම් මේ උත්තරේ එහෙට යවලා ඒක පලවුනාම එයාලගෙ ප්‍රතිචාරෙත් එක්ක දාන්න ඕන.අනික සුනාමි හොරාට මේ හොරකම් ලොකුදෙයක්ද? අර කීමටත් කියන්නෙ වෙහෙර ගිලපු එකාට අග්ගලාවත් කජ්ජක් ද කියලා.

      • කිංකිණි says:

        තොපි කොච්චර බිරුවත් තොපෙ ලොක්කගෙ බැංකු මංකොල්ලෙ යට ගහන්න ඔව්ව එකකටවත් බෑ.

        අපි නෙමෙයි, ජනාධිපති ට්‍රම්ප් කියන්නේ නිව්යෝර්ක් ටයිම්ස් පච මල්ලක් කියලයි .
        තෝ නොදන්න මගුල් නොලියා සූප්පුවක් කටේ ගහං නිදා ගනිං බබෝ

        • බබා says:

          වෙන වෙන මංකොල්ල ගැන කීවට චීන අධාර කොල්ලය යටගහන්න බෑනේ.රටට පේන්න අපේ හාමුදුරුවනේ කිය කියා පපුවට ගහගනිමින් මහජන මුදල් කොල්ලකනවා. අනික මේක පර්සි මහේන්ද්‍ර කරපු එකම හොරකමත් නෙවෙයිනෙ. සුනාමි ආධාර කොල්ලයේ සිට චීන ආධාර කොල්ලය දක්වා අතර මැද හොරකම් කෝටියයි, තව ඉස්සරහට එලිවෙන්න තියෙන ඒවා වෙනමම, එහෙම තියෙද්දි යල් පැන ගිය දැනට නඩුවකුත් ඇහෙන බැඳුම්කරේ ගැන කියනවා.මොකද ඒක විතරමනෙ තියෙන්නෙ කියන්න.

  2. Darshana says:

    ඉතින් මහත්තයෝ දාමුකො නඩුවක්. නිව්යොක් ටයිම්ස් කාරය ගාන්‍ර වරායෙ නයත් ගෙවල ඉතුරු ටිකත් හදාගන්න පුලුවන්.

  3. raymond says:

    හරිම වැදගත් පැහැදිලි කිරීමක්

  4. hari says:

    excellent sir.you have been explaining everything .

  5. KP says:

    මේ පැහැදිලි කිරීම NYT ට නෙවෙයි. මහින්ද වගේ ස්වාධීන රටක හිටපු රාජ්‍ය නායකයෙක් මොකටද NYTවගේ තමුන්ගේම රටේ රාජ්‍ය නායකයාගේ ගැරහීමට ලක් වෙච්ච පත්තරේකට උත්තර දෙන්නේ. මේක හැබැයි අපේ හබං කුකුලන්ට හොඳ කනේ පාර. අන්තිම වාක්‍ය මරේ මරු.
    මේ ඒක නෙවෙයි. ඒකෙන් මේකෙන් ඇලෝසියස්ගෙන් ඇත්තටම සල්ලි ගත්ත සෙට් එක අමතකවුනා නේද?….

    • ඉන්දියාවට පිස්සුයැ මේ චීන ගොට්ටෙක් ජනාධිපති කරන්න. කොයි දේසපාලුවත් තමුන්ගෙ වැරදි, හොරකම්, යටිකූට්ටු වැඩ පෙන්නන කොට ඒ මාධ්‍යත් එක්ක වෛරයි. මොකද ට්‍රම්ප් දෙයියන්නාන්සෙද එයා කියන හැම දේම ඇත්ත වෙන්න. බයියො කියන විදිහට ඒ බටහිර යක්ෂයානෙ. ඉතින් බටහිරෙන් කරන අනික් සේරම කුමන්ත්‍රණ වෙන්නයි, ඒ සෙරගෙම ලොක්කා, ⁣මෙහෙයවන්නා වන ඇමරිකන් ජනාධිපති NYT එකට දොස්කියන නිසා ඒක හරි වෙන්නෙයි කොහොමද? බයියන්ට කන්න ඕන උනහම කබරගොයාත් තලගොයා වෙනව නේ? ලැජ්ජයි පර්සියා හැම තැනින්ම හොරාකාලා.

      • වෙසමුණි says:

        බොල හරකො තොපෙ මහ එකා උගෙ ගෝල හැත්තත් එක්ක මේ රටම කොල්ල කාලා ඒක වහ ගන්න මහින්දගෙ නැති වැරදි උලුප්පන්න හැදුවට වැඩක් නෑ. ඔය උලව් ටයිම්ස් එක රෝල් කරලා -කේ ගහ ගනිල්ලා ඔය ලණු කන්න දැන් මෙහෙ ගොන්නු නෑ.
        තොපි එක එක නම් වලින් කොහොම ලිව්වත් ලොක්කගෙ බැංකු මංකොල්ලෙ ගූ ගඳ අරින්න තොපිට බෑ

        • බොල බයි වහලෝ, තොපිට ඉතින් කියන්න තියෙන එකම කතාව ඕකනෙ. හැබැයි මහ බයියා සුනාමි ආධාර ඉඳලා චීන ආධාර දක්වා හොරාකාලා.තව ඉදිරියටත් එලිවෙන්නත් තියෙනවා. ඒ පවුලට ගෑවිච්ච එකෙක් ඇත්තන් හොරාකාලා, කප්පරක් ගූවලේ ලැගලා ඉන්න එකා අනුන්ගෙ ගූවල ගඳ සුවඳ හොයනවා.

  6. Sunil says:

    බයියො සනසන්න රට ඇතුලෙ නිවේදන නිකුත් කරන්නෙ නැතුව කෙලින්ම ny times එකට චෝදනාවට උත්තර දෙන්න පර්සි මහේන්ද්‍රට කොන්දක් නෑ වගේ

  7. anakonda says:

    Papuwata dekak Ape Handuruwane kiyala anaganne nathuwa .ekahalmata explanation Denna Persi Mahendran ta puluwan kiyala ratama dannawa

  8. Shiva says:

    This journalist of New York Times apparently is paid by Bond scam money to divert attention by Mangala Ranil gang
    It is not necessary to write to NYT and even Trump only asked people to categorize them as fake news without any clarification whole country knows MR never suggested to sell this project to China

    • බබා says:

      Did you see that? Please make an article with all the figures, cheque numbers, bank account details and publish it. Otherwise don’t try to give others wrong information. After being a slave of Regime you have dream lot of things about bond scam, isnt it?

  9. Gabon says:

    Hitler Malliwa Pennala Barida NYT eke kata wahanna ?

    • don katugampala says:

      mona detath ikman venna honda neha kiyala kiyanavane,

    • vana jeevi kalavadda says:

      ඔය වැඩේට කළුතර තුන් පාරක් පෙරපු එකාවයි,පුත්තලමෙ වොඩ්ක වතුර කරන එකාවයි යවමු.

  10. බන්ඩා says:

    ලිදේ ඉන්න ගෙම්බෙක් වගේ ගොන් කතා කියන්න එපා ගොනෝ. අැමරිකාවෙ මාධ්‍ය කාරයින්ට බොරු කියල හරි තම මතය සනාථ කරන්න නිදහස තියනවා. බොරැ WMD කතාවක් අැදගෙන ඉරාකෙ මිලියන ගනනක් මරපු එක ගැන උන් ලියන්නෙ නැහැ. එනිසා අැමරිකාවෙ කවුරුවත් මාධ්‍යකාරයින්ට නඩු දමන්නෙ නැහැ. තමන් ගැන බොරු කිව්ව CNN එකට විරැද්ධව ජනාධිපති ට්‍රම්ප් නඩු දැම්මෙත් නැහැ. බටහිර මාධ්‍යකාරයින් පච කෙලින නිසා තමය් රැසියාව සහ චීනය මේ වෙනකොට සාර්තකව ‘ලැරි කිං’ වැනි අැමරිකන් සුප්‍රසිද්ධ මාධ්‍ය වේදීන් යොදව ගෙන RT සහ CGTV කියල නාලිකාවන් දෙකක් බටහිර අැතුලු ලොවපුරා ජනප්‍රිය කොරගන තියෙන්නෙ. ඉන්ගිරිසි දන්නව නම් RT කොමෙන්ට් කියවපන්. මමත් ලියනවා. උඹටත් ලියන්න පුලුවන්. New York Times හෝ IHT අපේ කොමෙන්ට් වලට ඉඩ නැහැ.

    • Nuwan says:

      NYT NYT එකට නඩු දාන්නේ මොකටද මහින්ද? මොකද ඇමරිකාවේ උන් නෙවෙය් මිනිහට චන්දෙ දෙන්නේ ලංකාවේ මිනිස්සු. ඔය ටික රනිල් හාමුට තේරෙන්නේ නෑ .

      • සම්පූර්ණ ඇත්ත. ලංකාවෙ බයිරැල රැවටෙන්න ඉලක්කම් ටිකක් දාල අර ගොඩහේව වගේ ගොට්ටෙක් අල්ලගෙන පොඩි ඉලක්කම් හරඹයක් පෙන්නල චීනෙන් ගානක් කපාගෙන සාරි සරම් ටකරන් ටිකක් දුන්නනම් පර්සිය ගොඩ.

    • දැන් පර්සි මහේන්ද්‍ර හොරාකාලම නැද්ද?

  11. iresha says:

    In the same way can MR to give some explanation re Tsnami Fund Scam? Why didnt he take any legal action against ex CJ re his statement at that time?

    • බබා says:

      This is some media exhibition by Percy Mahendra. Only till some new hot topic comes up. Percy cannot take any leagal action against former CJ as all he said was true.

  12. MAGAARI says:

    අම්ර්රිකාවේ සහකාර ලේකම් කෙනෙක් , Norway රාජතන්ත්රිකයෙක් කිව්වා ලංකාවේ දේසපාලනය 2015 දී වෙනස් කරේ ඔවුන් කියල . ඔබාමාගේ budget එකෙන් සල්ලි දුන්න කියල හෙළිදරව් වෙලා තියෙනවා . දහම් රත්මලාන පැත්තේ girl friend ගේ ගෙදර හන්ගුවේ මොන සල්ලිද ?.ෆොන්සේකාගේ දෙහිවල බැංකුවක safe එකේ තියෙන සල්ලි තවමත් උපයපු ආකාරය කියන්නේ නේ . ඉතින්CIA ,-RAW , NGO දීපු සල්ලි වහගන්න dan කියනවා මහින්දටත් සල්ලි දුන්න කියල .

    • ‍ජ‍හ‍ම‍න‍ය says:

      ඇත්තතමයි,රත්මලානේ පොහොර මලු වල හම්බවුන සිරාට නෑකම් කියන සල්ලිවලට මොකද වුනේ?ඒ ගැන කවුරුවත් කතාකරන්නෙ නැත්තෙ ඇයි?එතකොට රවියගෙ උසාවියෙ තියෙන කෝටිගානක සල්ලි ඒව ලැබුනෙ කොහෙන්ද?

      • ඕව හෙන පරණ ප්‍රවෘත්ති නෙ බං.මේ දවස්වල නිව්ස් එක මහේන්ද්‍ර චීන ආධාර හොරාකාපු එක. අර පෙර වැරදිත් තියෙනවනෙ “සුනාමි අධාර හොරාකෑම” වගේ. ඉතින් මේක හිට්වෙනවා වැඩියි.
        අනික සිරා හොරාකෑවත් ඒකත් හෙන ඈලි මෑලි ගතියක් තියෙන්නෙ. නිකං කතාකරන්නත් කම්මැලියි වගේ.

    • පව් කියල හිතෙනව බන් මහේන්ද්‍ර ලොක්කට පාත්වෙච්චි හෙනගෙඩියක් නේද?
      මිනිස්සු මේක විතරක්ම උනානම් සමහරවිට මේව බොරු කියල හිතයි.නමුත් පරණ වාර්තාත් අවුල්නෙ.පෙර වැරදිම කොච්චරක්ද?

  13. Pathum w says:

    Ay kebarawansaya thawama me gana press conference thibbe natthe ?
    Uge thiyariyen meka Jathyanthara kumanthranayak kiyala kiyanna barida ?

Main News