පොහොට්ටුවට මින් ඉදිරියට අපේ ඡන්ද නෑ..

April 22, 2018 at 2:10 pm | lanka C news
පොහොට්ටුවට මින් ඉදිරියට අපේ ඡන්ද නෑ..

බළපිටිය ප්‍රාදේශීය සභාවේ සභාපතිවරයා පත් කිරීම සම්බන්ධයෙන් ශ්‍රී ලංකා පොදු ජන පෙරමුණට විරෝධය දක්වා ඊයේ (21) රාත්‍රීයේ බළපිටිය, වතුගෙදර ප්‍රදේශයේ පෝස්ටර් හා බැනර් ප්‍රදර්ශණය කර තිබේ. මෙම පෝස්ටර් හා බැනර් අද (22) දහවල් කාලයේදීද ප්‍රදර්ශණය වන අයුරු දක්නට ලැබුණි.

බළපිටිය ප්‍රාදේශීය සභා බල ප්‍රදේශයට අයත් පැටිවත්ත, වතුගෙදර, සීනිගොඩ, තුඩුවේගොඩ, දකුණු වතුගෙදර, පරගහතොට යන ප්‍රදේශයන්හි මෙසේ විරෝධතා පෝස්ටර් හා බැනර් ප්‍රදර්ශණය කර තිබේ. පසුගිය ප්‍රදේශීය සභා මැතිවරණයෙන් බළපිටිය ප්‍රාදේශීය සභාව ජයග්‍රහණය කල ශ්‍රී ලංකා පොදු ජන පෙරමුණේ වැඩිම ඡන්ද ප්‍රතිශතයක් ලබාගත් අපේක්ෂකයාට සභාපති තනතුර ලබානොදී එය වෙනත් අයෙකුට ලබාදීම සම්බන්ධයෙන් ඊට විරෝධය දක්වා ප්‍රදේශවාසීන් විසින් මෙසේ පෝස්ටර් හා බැනර් ප්‍රදර්ශණය කර තිබෙන බව වතුගෙදර ප්‍රදේශයේ ජනතාව ප්‍රකාශ කරයි.

පසුගිය ප්‍රාදේශීය සභා මැතිවරණයෙන් වැඩිම ඡන්ද ප්‍රතිශතයක් ලබාගෙන සිය කොට්ඨාශය ජයග්‍රහණය කර ඇත්තේ වතුගෙදර කොට්ඨාශයට තරග කල සුනිල් විජේරත්න මහතාය. ඒ මහතා ශ්‍රී ලංකා නිදහස් පක්ෂයේ අයෙකු වන අතර මෙවර පොදු ජන පෙරමුණ නියෝජනය කරමින් මැතිවරණයට ඉදිරිපත්ව තිබේ. නමුත් සභාපති තනතුර ලබාදී ඇත්තේ ලංකා සම සමාජ පක්ෂය නියෝජනය කරමින් පොදු ජන පෙරමුණ යටතේ මැතිවරණයට ඉදිරිපත්ව ආදාදොළ කොට්ඨාශය ජයග්‍රහණය කල සමන් ද සිල්වා මහතාටය. ඒ මහතා ලබාගෙන ඇත්තේ සුනිල් විජේරත්න මහතාට වඩා ඉතා අඩු වැඩි ඡන්ද ප්‍රතිශතයකි.

සුනිල් විජේරත්න මහතා මෙවර නම්කර ඇත්තේ ප්‍රාදේශීය සභාවේ උප සභාපති වරයා ලෙසිනි. මීට පෙරත් බළපිටිය ප්‍රාදේශීය සභාවේ හිටපු සභාපතිවරයෙකු ලෙස කටයුතු කර ඇති සුනිල් විජේරත්න මහතාට සභාපති තනතුර ලබා නොදීමට විරෝධය දක්වා මෙසේ විරෝධතා පුවරු ප්‍රදර්ශණය කර ඇත.

මේ සම්බන්ධයෙන් බළපිටිය ප්‍රාදේශීය සභාවේ සභාපති, සමන් ද සිල්වා මහතාගේ පාර්ශවයෙන් ප්‍රකාශ කරන්නේ ප්‍රාදේශීය සභා කාලයේ දෙවන වසර දෙකක කාලය සුනිල් විජේරත්න මහතාට ලබා දීමට ලංකා සම සමාජ පක්ෂය, පොදු ජන පෙරමුණ සමග ගිවිසුමකට එළෙඹ ඇති බවයි. සුනිල් විජේරත්න මහතාගේ පාර්ශවයෙන් ප්‍රකාශ කරන්නේ පළමු වසර දෙක සුනිල් විජේරත්න මහතාට ලබා දීමට එකග වී පසුව එය වෙනස් කිරීම මෙම ගැටළුවට හේතු වී ඇති බවයි.

කෙසේ වෙතත් බළපිටිය ප්‍රාදේශීය සභාවේ වැඩිම ඡන්ද ප්‍රතිශතය සුනිල් විජේරත්න මහතා ලබා ගන්නා විට දෙවැනි වැඩිම ඡන්ද ප්‍රතිශතය ලබාගෙන ඇත්තේ පොල්අතුපළාත කොට්ඨාශය ජයග්‍රහණය කල දොන් විජේවර්ධන ජයවර්ධන මහතාය. මෙම බල අරගලය හේතුවෙන් සිය කොට්ඨාශයට උප සභාපති තනතුර හෝ නොලැබීම විශාල අසාධාරණයක් බව ඒ මහතාට සම්බන්ධ ආරංචි මාර්ග සදහන් කරයි. ලංකා සම සමාජ පක්ෂයේ අපේක්ෂකයින් ජයග්‍රහණය කළේ ශ්‍රී ලංකා නිදහස් පක්ෂයේ සිට පොදු ජන පෙරමුණට එක් වූ ඡන්ද දායකයින් නිසා බවත් එසේ නොමැතිව අතීතයේ මෙන් ලංකා සම සමාජ පක්ෂයට වර්තමානයේ බළපිටියේ ඡන්ද දායකයින් නොමැති බවත් බළපිටියේ ජනතාව ප්‍රකාශ කරයි. සුනිල් විජේරත්න මහතාද එසේ සම සමාජ පක්ෂයේ සිට ශ්‍රි ලංකා නිදහස් පක්ෂයට එක් වූ අයෙකු බව ප්‍රකාශ කරන බළපිටියේ ජනතාව එම හේතුව නිසාම ලංකා සම සමාජ පක්ෂය සුනිල් විජේරත්න මහතාට එරෙහිව කටයුතු කරන බවද ප්‍රකාශ කරයි.

බළපිටිය ප්‍රාදේශීය සභාවේ සභාපති සමන් ද සිල්වා මහතා පසුගිය අප්‍රේල් 12 දින සිය රාජකාරි ආරම්භ කරන ලද අතර එම අවස්ථාවට සුනිල් විජේරත්න, විජේවර්ධන ජයවර්ධන යන ප්‍රාදේශීය සභා මන්ත්‍රීවරුන් ඇතුළු මන්ත්‍රීවරුන් 05 දෙනෙකු සහභාගි වූයේ නැත. මේ තත්ත්වය මත ප්‍රාදේශීය සභාව පවත්වාගෙන යෑමේදී දැවැන්ත ගැටළු මතුවිය හැකි බව ප්‍රාදේශීය සභාවට සම්බන්ධ ආරංචි මාර්ග සදහන් කරයි. මෙම අර්බුද නිසාම බළපිටිය ප්‍රාදේශීය සභාව පිහිටුවීමටද බොහෝ සෙයින් ප්‍රමාද විය. මේ සම්බන්ධයෙන් සුනිල් විජේරත්න මහතාගෙන් විමසූ විට ඒ මහතා අදහස් ප්‍රකාශ කිරීමෙන් වැලකී සිටියේය.

– ජයකාන්ත ලියනගේ

43,382 Viewers

20 Comments to “පොහොට්ටුවට මින් ඉදිරියට අපේ ඡන්ද නෑ..”

  1. සිංහල ජනතාව says:

    පොහොට්ටුව මෙහෙම දෙකට බෙදුනොත් යුඑන්පී කාරයො දිනනව. මොලයක් නැද්ද මුන්ට

    • thilan says:

      Pohuttuwe chanda 100 kaduna kiyala 23% chandawath nathi unp kohomada 46 % chanda thiyana pohuttuwath ekka harennawath puluwanda.

    • kautilya says:

      Nehe me karanedi depeththama hithanna. meka SLFP getayak wennath puluwan. mokada SLFP ekata dinanna berinam – SLFP eken ewith dinannath berinam – mewage weda siddawenawa. poster benar gahanawa hithe amaruwata. namuth eththa hengila thyenna puluwan

  2. පොරියා says:

    බැසිල් මහත්තයගෙ deal වෙන්න ඇති නේද?

    • Samakaamiya says:

      Settle these matters sensibly and peacefully, without falling a prey to antinational elements. The country needs the services of the patriotic people at this hour to save the country from evil forces who seem to prepare to lay foundations to divide the country.

    • බලපිටියේ සමන් says:

      හරි ගියොත් නායකයෝ රොත්තයි. වැරදුනොත් බැසිල් විතරයි.

    • පොදු ජනයා, says:

      පක්ෂ ගනනාවක් එක්ක වැඩ කරනකොට අනික් සහෝදර පක්ෂවලටත් සභාපති කම් දෙන්න වෙනවා, සම සමාජ පක්ෂයට හිමි සභාපති කම ඒ ගොල්ලන්ට දුන්න එක හරිම සාධාරණයි,
      හැම කෙන් ගෙඩියටම බැසිල් මහත්තයා ඇල්ලිම සාධාරණ ද?

  3. Love nature says:

    සමගියෙන් කටයුතු කරමු බල තන්හාව නැති කරවමු

  4. Sadda says:

    පොහොට්ටුව යනු ඉතාමත් ලාබාල, ඉදිරිපත් වූ පලමු චන්දෙදි වාර්තාවක් තබමින් ජයග්‍රහනය කල , පක්ෂයක් . පොහොට්ටුවට මම චන්දෙ දැම්මෙ අපේ කොට්ටාශයේ අපෙක්ෂකයගෙ මුහුනවත් නොදැකයි. මා වැන්නවුන් අති බහුතරයක් එසේ කරන්න් ඇති බව මට විශ්වාසය .
    අපි චන්දෙ දැම්මෙ මහින්ද හිටපු ජනාධිපති තුමා වෙනුවෙන්.
    පොහොට්ටුවට යාමට ඇත්තේ අතිශයින් අභියෝගාත්මක ගමනකි. මෙම ගමනේ ජයග්‍රහනය පරිපූර්ණ වන්නේ. පලාත් සභා , ඊලගට ජනාධිපති වරනය, මහා මැතිවරණය ජයග්‍රහනය කිරීමෙනි.
    පොහොට්ටුවේ පුන්ච් පක්ෂ තමුන්ගෙ තැන පිලිබඳ අධි තක්සේරුවකට නොයා යුතුයි .
    අනෙක් අය බලලොභයෙන් කටයුතු කලහොත් අතට ගත් බත් පත කෑමට නොහැකි විය හැක.
    යායුතු වන්නෙ සමගිසම්පන්නවූ, බලලෝභී නොවූ, අවංක ,ආදර්ශමත් ගමනකි.
    හතුරාට පෙරලා පහර දීමට අවි සපයන්නේ නොමැතිව , ඉදිරි දැක්මක් ඇතිව සමයෙන් ඉදිරියට යන ලෙස ඉතාමත් ඕනෑකමින් ඉල්ලමි.

  5. NAK says:

    There won’t be unnecessary disputes like these if proper procedure is followed.

  6. Nilame says:

    Why your guys cannot get settled the matters peacefully, don’t try to reverse the hard-earned victory

  7. bandu says:

    These Rajapassas are really power crazy idiots. Their time is gone, high time to appoint a fresh leader.

  8. kalana says:

    Aniwaa

  9. සීගිරි says:

    මිනිස්සු පොහොට්ටු පිපෙනකම්…. .2020 වෙනකම් නම් බලා ඉන්නේ නැතිවෙයි..
    හෙට අනිද්දා තෙල්,ගෑස්, බඩු මිල, බදු බර ඉහල යනකොට මිනිස්සුම පාරට බහීවි…
    හැම දේශපාළුවා ගැනම ජනතාව කලකිරිලා..

  10. Open mind says:

    කොහොම ත් සුළු පක්ෂ පොදු ජන පෙරමුණ ගිලගැනීම සිදු වෙමින් පවතිනවා

  11. senanayake says:

    Mahinda Rajapakase maththaya nathnam prathisatha valata kegahana ,sabapathi thanathuru valata marenna hadana me yakkunta inna venne gedara ? poster,banner gahala “Pohottuwe” gamana katavath navaththanna
    beha.Kuda pakshavalatah api salakanna purudu venna one.!! e ayage sahayogyath aragena thama api dinuve !!!

  12. SB says:

    මේවා එච්චර හොඳ ලක්ෂණ නෙමෙයි..මහින්ද මහත්තයෝ….

  13. Prasad says:

    Oya chanda sunil gewath kagewath nemei. Mahindage chanda ithin golayo lawwa poster gehuwata wedak nehe

  14. namal says:

    my3 ge laga inna/idala awa kattiya karana weda , denatama pohottuwa kumnthranayata asuwa awasanai

  15. indunil says:

    samagiya balayawae…………

Main News