මට මේ ඇමතිකම එපා.. කාර්යාලයෙන් එන්නේ හැඩූ කදුලින්.. මං ඉන්නේ මහා කලකිරීමෙන්.. තීරණයක් ගන්න සූදානම්..- හරීන් ප‍්‍රනාන්දු

March 18, 2017 at 10:00 am | lanka C news
මට මේ ඇමතිකම එපා.. කාර්යාලයෙන් එන්නේ හැඩූ කදුලින්.. මං ඉන්නේ මහා කලකිරීමෙන්.. තීරණයක් ගන්න සූදානම්..- හරීන් ප‍්‍රනාන්දු

යහපාලන ආණ්ඩුවට දැන් කොච්චර අයිතිකාරයෝ හිටියත් මුල්ම වෙඩිමුරය තියන්න පාර්ලිමේන්තු මන්ත්‍රීධූරයෙන් ඉවත්වෙලා පළාත් සභා සටනට ගියේ ඔබ. හැබැයි දැන් ඔබම කියනවා රෙද්දක් ඇඳගෙන ගමට යන්න බෑ කියලා?
ආණ්ඩුව ගැන මිනිස්සු ගොඩාක් බලාපොරොත්තු තියාගෙන හිටියා. මමත් මේ ආණ්ඩුව කෙරෙහි ලොකු බලාපොරොත්තු රාශියක් තිබුණ කෙනෙක්. හැබැයි දැන් සිද්ධවෙන දේවල්වලදී පසුගාමී වෙන්න සිද්ධවෙලා තියෙනවා. මේ ආණ්ඩුවට දැන් මාස 17ක් විතර. මේ රාමුවේ ඇතුළේ හිරවීම් නිසා දැනුණ කලකිරීම් නිසා පිටවුණ වාග් ප්‍රහාරයක් ගැන තමයි ඔබ මේ කියන්නේ.

ඇත්තද එක්සත් ජාතික පක්ෂයේ සමහර මැතිඇමැතිවරු කියන විදියට මේක මේ නොගැළපෙන මතවාදයන් දෙකක් එකට එක ආණ්ඩුවේ ඉන්න නිසා සිද්ධවුණා කියන්නේ?
එහෙම දෙයක සත්‍යතාවයක් තියෙනවා වගේම මේ රට ඉදිරියට කරගෙන යන්න නම් පාරම්පරික දේශපාලන රාමුවෙන් අමාරුවෙන් හරි එළියට එන්න ඕන. දැන් මේ වෙන්නේ මේ කියන අමාරැ කාලේ. මේක හැමෝටම නුපුරුදුයි. ඒ නිසා පිටින් බැලුවාම ටිකක් ප්‍රශ්න. ඒත් රටේ අනාගතය වෙනුවෙන් දේශපාලන තට්ටුමාරු ක්‍රමය පැත්තක තියමු. මේ ගත වුණ කාලයේ රටේ සීඝ්‍ර ඇසට පෙනෙන දියුණුවක් නොදැක්කාට අඩිතාලමක් දාගෙන තියෙන්නේ.

අවුරුදු දෙකක් තිස්සේ අඩිතාලම් දාපු ආණ්ඩුවකට අවුරුදු තුනක් ඇතිවේවිද බිත්ති බැඳලා වහලා ගහන්න?
ඒක මේ අවුරුද්ද අවසන් වෙද්දි අපිට ඔප්පු කරන්න වෙනවා. එහෙම නොවුණොත් ලොකු ප්‍රශ්නයක් වේවී.

විදුලි සංදේශ අමාත්‍යධූරය කියන්නේ ඕනෑම රජයක තියෙන ප්‍රබල අමාත්‍යධූරයක්. හැබැයි ඔබ මේ ළඟදි කියලා ඔබ නමට විතරයි ඇමැති කියලා. ඇයි මේ?
මේක කොටස් වෙළෙඳපොළට යටත් වුණ ඇමැතිකමක්. විදුලි සංදේශ නියාමන කොමිසම මට අයිති නැහැ. මම විදුලි සංදේශ ඇමැතිවුණාට මට තියෙන්නේ ටෙලිකොම් ආයතනය පමණයි. ඒත් ටෙලිකොම් ආයතනයේ නිල බලයක් මට නැහැ. මට තියෙන්නේ ඒකට නිර්දේශ දෙන්න විතරයි. අනුමත කිරීම් කිරීමේ හැකියාවක් නැහැ. වචනයේ පරිසමාප්ත අර්ථයෙන් ගත්තොත් නමට තමයි ඇමැතිකම තියෙන්නේ.

වර්තමාන ජනාධිපතිවරයාගේ සහෝදරයා තමයි ටෙලිකොම් සභාපති. එතකොට දැන් ඇමැතිට වඩා සභාපති බලවත්ද?
ඔව්. බලවත්. සභාපතිටත් වඩා බලවත් ප්‍රධාන විධායක නිලධාරිතුමා. ඔහුට තමයි අත්සන් කිරීමේ නිල බලය තියෙන්නේ.

දැන් ඔබ කවුද ඔය අමාත්‍යාංශයේ?
ඒක තමයි. මම මේ ඊයේ පෙරේදා කෘත්‍යාධිකාරී මණ්ඩලයේදී කිව්වා මම මේ ඇමැතිධූරයෙන් අස්වෙන්න කැමැතියි කියලා. අගමැතිතුමාගෙන් මම කකුල් දෙක අල්ලලා වැඳලා ඉල්ලන්නම් මීට වඩා හොඳයි මාව හිටපු ඌව පළාත් මහ ඇමැතිකමට නැවත දාන්න කියලා කිව්වා. ඒත් ඒක කරන්න බෑලු.

ඔබට මතකද යහපාලන ආණ්ඩුව එන්න කලින් කිව්වා නොමිලේ අන්තර්ජාල පහසුකම් දෙනවා කියලා?
ඔව්.

දැන් ඒක වෙනස්වෙලා තියෙනවා පහසුවෙන් අන්තර්ජාල පහසුකම් කියලා?
ඕක කිව්වේ දින සියය ඇතුළේ. නොමිලේ වයිෆයි කියන වැඩසටහන තවම සිද්ධ වෙනවා. දැනට අන්තර්ජාල සේවා සපයන ආයතන එක්ක කතා කරලා මේක ක්‍රියාත්මක කළේ.

හැබැයි ඔය දෙනවා කියන නොමිලේ වයිෆයි මගින් ලබාදෙන්නේ ඉතාම සීමිත දත්ත ප්‍රමාණයක් විතරයි කියන එක ඔබ පිළිගන්නවද?
ඒක මම පිළිගන්නවා. එතන තියෙන ගැටලුව තමයි මේ නොමිලේ වයිෆයි දීපු ආයතනවලටත් ලොකු බද්දක් ගෙවන්න වෙලා. ඒ බද්දත් එක්ක තවත් දත්ත නොමිලේ දෙන ගැටලුවක් ඔවුන්ට නිර්මාණය වෙනවා. බදුත් ගහලා තව නොමිලේත් දීපන් කියන්න තරම් හයියක් අපිට නැහැ මෙතෙන්දි. ලෝකේ කොතනකවත් මෙහෙමවත් දෙයක් ක්‍රියාත්මකවෙලා නැහැ.

අන්තිමට නිකම් වයිෆයි දෙන්නම් කියලා ඇවිත් ඉතිහාසයේ අන්තර්ජාල පහසුකම්වලට වැඩිම බද්ද ගැහුවා නේද?
මට කිසිම අයිතියක් නැහැ බද්දක් පනවන්න. කරුණු කාරණා තේරෙන මිනිස්සු තේරුම්ගන්න ඕන ඔය කියන බද්ද පැනවීමේදී විදුලි සංදේශ ඇමැතිගේ කිසිම මැදිහත්වීමක් නෑ කියන එක.

නොමිලේ වයිෆයි, ගූගල් ලූන්, අන්තර්ජාල බද්ද ආදී සකල විධි චෝදනාවන්ට ලක්වෙන්නේ ඔබව. මේවා දැක්කාමවත් හිතෙන්නේ නැද්ද ඔබේ දේශපාලන පෞරැෂය සියුම් ලෙස විනාශ වීමක් සිදුවෙනවා කියලා?
ඉතාම සාර්ථකව මිනිස්සුන්ගේ ප්‍රසාදයට පත්වූ දේශපාලනඥයෙක් දැන් මිනිස්සුන්ගෙන් වැඩිපුරම දෝෂාරෝපණයට ලක්වන තැනට පත්වෙලා තියෙනවා. මම තේරුම් අරගෙන හිටියා ආණ්ඩුවේ ඇමැතිධූරයක් ලැබුණ දවසට මේ අත්දැකීම ලැබෙනවා කියලා. මේක තමයි අභියෝගය.

එක්සත් ජාතික පක්ෂ නායකත්වය පහුගිය දවසක කිව්වා එක්සත් ජාතික පක්ෂයේ ප්‍රතිසංවිධානය ඉක්මන් කරන්න කියලා. ඔබටත් ලැබේවිද පක්ෂය ඇතුළේ ලොකු වගකීමක්?
මේ පහුගිය දවසේ පක්ෂයේ කෘත්‍යාධිකාරී රැස්වීම වෙලාවේ මම කෙළින්ම හදවතට එකඟව කිව්වා පහුගිය අවුරුදු දෙකේ අපිට වැරදුණ තැන් ගැන. අපි බලමු. පක්ෂය හැමදාම ගත්තේ නිවැරදි තීරණය කියන තැන අපි ඉන්නවා.

ඔබේ ආසනයෙන්ම ආපු ශ්‍රීලනිප ඇමැතිවරයා පහුගිය දවසක ඔබව ඈඳලා කිව්වා බැඳුම්කර හොරකමටත් වැඩිය ලොකු හොරකමක් ඔබේ අමාත්‍යාංශයේ සිද්ධවෙනවා කියලා?
එතුමා වචන බොහොම හොඳට පාවිච්චි කරලා මම සම්බන්ධයි කියලා නොකියා ඒක කිව්වා. මටත් පුදුමයි එතුමා ඇයි මාව බේරුවේ කියලා. හැබැයි ඔය කියන කාරණාවේ සත්‍යයක් නැහැ. අදාළ මාධ්‍ය ආයතනය මේ සිදුවීමට දීලා තියෙන ගුවන් කාලය දැක්කාම ඕනෑම කෙනෙක්ට තේරෙනවා ඔවුන්ට කොච්චර අමාරැවක් තියේද කියලා. ඕනෑම බුද්ධිමත් කෙනෙක්ට තේරෙනවා මේ මාධ්‍ය ආයතනයට විතරක් තියෙන අමාරුව මොකද්ද කියලා. එතන යම් වංචා දූෂණයක් වෙලා තියෙනවා නම් ඕනෑම උසාවියකට මාව හෝ මේ කියන පුද්ගලයා එක්ක යන්න. ඇයි අපි ලෝකයේ ප්‍රබලම ආයතනයකින් රටට ලැබුණ අවස්ථාවකට අකුල් හෙලන්නේ කියන එකයි මට තියෙන ගැටලුව.

ආණ්ඩුව හා ඒකාබද්ධ විපක්ෂය ප්‍රසිද්ධියේ ගහබැණගත්තාට මෑතකදි අන්තර්ජාලයේ ඡායාරූප පෙළක් පලවුණා පාර්ශව දෙකේ ඇමැති මැතිවරු බදාගෙන ඉන්න. මොකද්ද මේ රඟපෑම?
සියලුම සිරකරැවෝද මනුෂ්‍යයෝය කියන්න වගේ මට කියන්න වෙන්නේ සියලුම දේශපාලකයෝද මනුෂ්‍යයෝය කියලා තමයි.

ඔබ ඇයි පහුගිය දවසක කිව්වේ බදුල්ලේ පිනට ඇමැතිකම් ගත්ත අය රස්සා බෙදනවා මට රස්සාවක්වත් දෙන්න විදියක් නෑ කියලා?
ඇත්තටම මට ලොකු කලකිරීමක් තියෙනවා. මොකද පහුගිය මැතිවරණයේදි මනාප ප්‍රතිශතයෙන් එක මහින්ද රාජපක්ෂ මහත්තයා. දෙක රනිල් වික්‍රමසිංහ මහත්තයා ඊට පස්සේ වැඩිම මම. නිකම්ම නිකම් කොළඹින් ආපු කොල්ලෙක් ගැන මහා විශ්වාසයක් තිබ්බ බදුල්ලේ ජනතාවට මාස 17ක් තිස්සේ මොකුත් කරන්න බැරිවුණ එක ගැන මම ඉන්නේ අපරිමිත කලකිරීමකින්.

ඒකද බදුල්ලේ දැන් වැඩිය යන්නේ නෑ කියන්නේ?
මම ගිය සුමානෙත් ගියා. මම හෙටත් යනවා. මම ඇත්තටම බදුල්ලේ ගිහිල්ලා අර කාර්යාලය ඇතුළේ හිටියාට මම ගම් ඇතුළට යන්නේ නෑ. එහෙම යද්දී මට පුදුමාකාර බියක් දැනෙනවා. මට දැන් හිටපු හරීන් වගේ යන්න විදියක් නෑ.

ඔබ හිතනවාද ඔබ හරි ගස්සපු ආණ්ඩුව ඔබට වැරැද්දුවා කියලා?
මම ඒකට වචනයක් කියන්නේ නැහැ.

ආරංචියක් තියෙනවා ඊළඟට ඡන්දේ ඉල්ලන්නේ ගම්පහින් කියලා?
මේ අවුරුදු පහෙන් පස්සේ මම දේශපාලනයේ තීරණයක් ගන්න හිතාගෙන ඉන්නවා. මම විශ්වාස කළ ලොකුම තීන්දුව මට වැරදුණොත් මම හිතනවා දේශපාලනය මට හරියන්නේ නෑ කියලා. මිනිස්සු ළඟට ගිහින් මට මෙදා පාර වැරදුණා. ඒ නිසා මට ආපහු ඡන්දේ දෙන්න මම ඊළඟ පාර මේක හදන්නම් කියන බොරුව කියන්න මට බැහැ.

ඒ කියන්නේ අපිට අනාගත පාර්ලිමේන්තුවක හරීන් ප්‍රනාන්දු දකින්න ලැබෙන එකක් නැති වේවීද?
මම පහුගිය දවස්වල වැඩ කිහිපයක් කළා. ඒවා කැරකිලා වැඩ කළොත් මම හිතනවා මට දේශපාලනය වරදින්නේ නෑ කියලා. මට වුවමනා බදුල්ලේ ඉන්න මිනිස්සු කොළඹ රස්සාවලට ගේන්න නෙවෙයි. කොළඹ තියෙන රස්සා බදුල්ලට ගේන්න. මම ජනතාවට වැඳලා ඉල්ලීමක් කළා මට මේ අවුරුද්ද දෙන්න, මම මේක අවසන් වෙන්න කලින් මොනවා හරි කරනවා කියලා.

ඔබ දේශපාලනය තුළ ඉතාම අසරණ ස්වරයක් තමයි අපිට තේරෙන්නේ. මොකද මේ වුණේ?
ජනතාව තවම මාව විශ්වාස කරනවා කියලා දකිනකොට මට ලොකු දුකක් දැනෙනවා. කාර්යාලයට දාහක් එක්දාස් පන්සීයක් එද්දී මම කාර්යාලයෙන් එළියට එන්නේ හැඬූ කඳුළෙන්.

ළඟ ළඟම එනවා කියන කැබිනට් මණ්ඩල සංශෝධනයේදි ඔබේ අමාත්‍යධූරයත් වෙනස් වේවිද?
මම දැන් අඩිතාලමක් දාගෙන එනවා. ඒ අභියෝගය මම අමාරුවෙන් හරි ජයගන්නකොට වෙනස් වුණොත් නම් ප්‍රශ්නයක් කියලාත් හිතෙනවා. හැබැයි වෙනස් වුණොත් හොඳයි කියලත් හිතෙනවා. මේක අලුත් නිර්මාණ කරන්න පුළුවන් තැනක්.

පුංචි ඡන්දය තියන්න අකමැති එක්සත් ජාතික පක්ෂයද?
නෑ. එක්සත් ජාතික පක්ෂයේ අපි ඉතාම කැමතියි මැතිවරණය ඉක්මනට තියෙනවා නම්.

එහෙනම් ඡන්දය කල් දාන්න අවශ්‍යතාවය තියෙන්නේ ආණ්ඩුවේ අනෙක් පාර්ශවයටද?
පක්ෂ දෙකට වඩා මෙතන ලොකුවටම ඝට්ටනය වෙන්නේ ක්‍රමවේදය පිළිබඳ ගැටලුව.

පහුගිය සිකුරාදා පාර්ලිමේන්තුවේ සිදුවූ සිදුවීම ගැන ආණ්ඩුවේ කැබිනට් අමාත්‍යවරයෙක් හැටියට ඔබ මොකද හිතන්නේ?
මම පහුගිය බ්‍රහස්පතින්දා බදුල්ලේ ගියා. ඒ නිසා මට ඊට සහභාගී වෙන්න බැරිවුණා.

රූපවාහිනියෙන් දැක්කෙත් නැද්ද?
මම පහුගිය මාස දෙකක ඉඳලා කිසිම රෑපවාහිනී නාලිකාවක ප්‍රවෘත්ති බලන්නේ නෑ.

විපක්ෂයට පිළිතුරු ලබාදීමේ අවස්ථාවක් ලබාදීමට විරෝධය පා සභානායකවරයාගේ ප්‍රධානිත්වයෙන් සියලුම එක්සත් ජාතික පක්ෂ මන්ත්‍රීවරු හා ඇමැතිවරු සභාවෙන් නැගිටලා ගියා. ඉතිහාසයේ ප්‍රථමවතාවට ආණ්ඩු පක්ෂය විසින් තමන්ගේ කථානායකවරයාට විරෝධය පා නැගිටලා ගියා. මේක සදාචාරාත්මකද?
දේශපාලන වශයෙන් මම ඒකේ වරදක් දකින්නේ නෑ. ඔය ඒකාබද්ධ විපක්ෂය කියන කණ්ඩායම පාර්ලිමේන්තුවේ ගරුත්වය ඉතාම පහත් ලෙස කෙළෙසලා තියෙනවා. මමත් විපක්ෂයේ හිටියා. ඒකාබද්ධ විපක්ෂය තමන්ට ඕනෑ විදියට පාර්ලිමේන්තුව හසුරවන්න යද්දී ඊට විරෝධය පාලා ආණ්ඩු පක්ෂය එහෙම කළ එක ගැන මම වරදක් දකින්නෙත් නෑ.

ඒකාබද්ධ විපක්ෂය නම් කියන්නේ පාර්ලිමේන්තුවේ ශක්තිමත් විපක්ෂයක් නැති කළේ එක්සත් ජාතික පක්ෂය කියලා?
විපක්ෂයක් නැතිකම නෙවෙයි. විපක්ෂයට තියෙන ස්වෛරී අයිතිය මොකද්ද කියන එකයි ප්‍රශ්නේ. ඔය කියන කල්ලිය දේශපාලන සදාචාරය ලංකාව තුළ නැතිකළ කණ්ඩායමක්. ඔය කල්ලියට ඕන රට අස්ථාවර කරවන්න, රට අරාජික කරන්න, ඔය කණ්ඩායම ආණ්ඩුවේ ඉද්දී අනෙකුත් දේශපාලන පක්ෂ සියල්ලම පාහේ අස්ථාවර කරලා, ඒ පක්ෂ විනාශ කරලා, මැරෙනකම් ජනාධිපති පුටුවේ ඉන්න ව්‍යවස්ථා සංශෝධනයක් පවා ගෙනාපු අය. එහෙම පිරිසක් විපක්ෂයේ අයිතිය ගැන කියමින් ඔය කරන දේවලුත් මහ විහිලුවක්.

වර්තමාන අග්‍රාමාත්‍යවරයා ඊට පෙර විපක්ෂ නායකවරයා ලෙස ඉද්දී පාර්ලිමේන්තුවේ විපක්ෂය වෙනුවෙන් ලොකු හඬක් නැගුවා මතකද?
අනිවාර්යයෙන්ම ඔව්.

වර්තමාන විපක්ෂ නායකවරයා පාර්ලිමේන්තුවේ කතා කළ අන්තිම දවස කියන්න පුළුවන්ද ඇමැතිතුමාට?
මම පාර්ලිමේන්තුවේ ඉන්න අවස්ථා කිහිපයකම එතුමා කතා කරනවා මම දැක්කා. ප්‍රධාන විවාද පවතින අවස්ථාවල විපක්ෂ නායකවරයා හැටියට එතුමා තමන්ගේ අදහස් දක්වනවා. හැබැයි මම අවංකව මෙහෙම දෙයකුත් කියනවා. ඕනෑම පාර්ලිමේන්තුවක කටයුතු සාර්ථක වෙන්න නම් ප්‍රබල විපක්ෂයක් පැවතිය යුතුයි. අපි එදා විපක්ෂයේ ඉඳගෙන ආණ්ඩුවට ගහද්දී ඒකේ පොඩි ලස්සනක් තිබුණා.

ඒ ලස්සන දැන් නැද්ද එතකොට?
නෑ. මේ ගොල්ලන්ටත් ඒ කතා කිරීමේ අයිතිය තියෙනවා. මෙතන ඒකාබද්ධ විපක්ෂයට තියෙන්නේ අපිත් එක්ක ප්‍රශ්නයක් නෙවෙයි. එතුමන්ලාගේ පක්ෂයත් එක්ක තියෙන ප්‍රශ්නයක්. ඒක එතුමන්ලා තමන්ගේ පක්ෂයේ ප්‍රධානියා එක්ක කතා කරලා විසඳගන්න ඕන. නැතිව උත්තරීතර පාර්ලිමේන්තුව විනාශ කරලා හරියන්නේ නෑ.

2020 ජනාධිපතිවරණ අපේක්ෂකයා ලෙස ඉදිරිපත් කරන්න බලාපොරොත්තු වෙන්නේ කවුද?
කවුද හිතුවේ 2015 ජනාධිපතිවරණයේ අපේක්ෂකයා මෛත්‍රීපාල සිරිසේන මහත්තයා කියලා 2014 නොවැම්බර් වෙනකම්. ඒ නිසා මුහුද හත්ගව්වක් තියලා අමුඩ ගහන්න හොඳ නෑ.

ඒ කියන්නේ 2020 ජනාධිපතිවරණයක් ගැන අපේක්ෂාවක් තියෙනවා?
අනිවාර්යයෙන්ම තියෙනවා.

පුදුමේ කියන්නේ ඇමැතිතුමා යහපාලනයත්, මෛත්‍රීපාලනයත් ආවේ ආපහු විධායක ජනාධිපතිලා නෑ කියාගෙන?
ඔව් ඉතින්, මේ ක්‍රමවේදය වෙනස් වුණේ නැත්තම් තමයි මම මේ කිව්වෙ. මගේ පෞද්ගලික අදහස නම් ජනාධිපතිධූරය අහෝසි විය යුතුයි කියන එක.

එක්සත් ජාතික පක්ෂය තවමත් අර්ජුන් මහේන්ද්‍රන් වෙනුවෙන් පෙනී ඉන්නවාද?
එහෙම කියන්න එපා. ඔබ දැකලා තියෙනවාද අපි එහෙම පෙනී ඉන්නවා. සමහර අය පෙනී ඉන්නවා කියලා ඔබට පේනවා ඇති. ඒත් බහුතරයක් එහෙම පෙනී ඉන්නේ නැහැ. ඒ නිසා පක්ෂයේ නම කියලා එහෙම චෝදනාවක් කරන්න එපා.

විමුක්ති රත්නමලල
– Deshaya.lk

53,318 Viewers

15 Comments to “මට මේ ඇමතිකම එපා.. කාර්යාලයෙන් එන්නේ හැඩූ කදුලින්.. මං ඉන්නේ මහා කලකිරීමෙන්.. තීරණයක් ගන්න සූදානම්..- හරීන් ප‍්‍රනාන්දු”

  1. siraa says:

    Boru sobana, nethnam moota next time epath nee… ekayi oya.

  2. kolitha says:

    muuna dakinakotath hirikithai….nodakin…nodomakin….

    • asaranaya says:

      නෑ නැහැ මිස්ටර් ඩිජිටල් නොහොත් ලැන්ටිම කන්න.
      ‘ලැන්ටිම කන්න’ අම්බලන්ගොඩ පැත්තේ කතාවක්.
      බොරුවට ඌට හොඳටම කන්න හිතයි, ඒත් වෙන එකකුට කන්න කියනවා,
      මිස්ටෙර් ඩිජිටල් හොඳ රඟපෑමක් දානවා වගේ, ඔහොමයන් ඇමතිතුමෝ

  3. YAMA DUTHA says:

    Dog is eating bones killing country

  4. bandara says:

    siyaluma kalakanni desapalakayo newaka dala muda medata gihilla gilwanna watinawa.. janatawata balu duk mon rajasepa rata winasa wenne me hetta nisa, munta car ganna kooti 60 ..apith rassawata yana eka dawasata rs 2500 deepiyaw. apata badu munta maru sepa merewaaaaaaaaaaaaaaaaaaa mun

  5. sadoni says:

    balomakwath odayawa ganna bariwonata mokada MR la awasankarapo yoddaya thottowata dala katha karapo kenek thami me.

  6. hewwel says:

    උඹට වඩා වැඩ් ඩෙක් නේ බන් බුද්ධික පතිරණ උඹලගේ මහ ලොල්ලා ඔය ලස්සනට උවත් සයිඩ් කරලා තියෙන්නේ . උඹලට සිරිකොතේ වැටවල් පෙරලලා වත් ඕකව අයින් කරන්න පුළුවන් උනාද , දැන් ඉතින් ඔයාට නයට දීපු ඇමති කටුව සූප්පු කරන් නාඩා ඉඳින් . සූප්පු කරන්න දන්නේ නැත්නම් ඔය සාගල ,අකිල , මලික් ලාගෙන් අහගනින් . මිනිස්සු මීට පස්සේ උඹව තියන්න ඕනේ තැන තියය් ඒ හින්ද ඒ ගැන හිතල ,හිතට වද දෙන්න එපා .
    උඹලා ෆේල් !!!

  7. kamalsiri kuruwita says:

    ඕක තමයි හලෝ කටුසුප්පු කාරයෝ දාගන්න එපා කිව්වේ. උන්ගේ ලොක්කත් පොර ටෝක් දුන්නට මිනිහත් දන්නේ නැතිවම රනිල් කොලේ වහල දුන්නු ලොකු කට්ට තමයි ලෙවකකා ජනතාවට තමා තමයි ලොක්ක කියල පෙන්නන්න හැදුවට ජනතාව දන්නවා රනිල් තමයි බලවතා , ලොක්කා බොස් , වැඩකාරයා කියල.

  8. sunimal says:

    මුන්ව හොද කුලියට අඩන්න ගන්න

  9. Saradiel says:

    =====යකෝ මෙහෙම අඩන්න පුළුවන් නම් එක නවත්වලා මළ ගෙවල් වල කුලියට අඩන්න තිබුණා==========

    දොයි දොයි දොයිය පුතා

    තව කොච්චර කාලයක් මෙහෙම අඩන්න වෙයිද. …

  10. chhee says:

    Boru sobana, nethnam moota next time epath nee… ekayi oya.

    mun okkoma ekathuwela rata kanawa..munta janathawa gana kekkumak neha… munta one..munge pakshei, mun ge kuttiyai reka ganna witharai..rata ballata giya..hena gaha piyaw…hena gaha piyaew

  11. chhee says:

    Boru sobana, nethnam moota next time epath nee… ekayi oya.

    mun okkoma ekathuwela rata kanawa..munta janathawa gana kekkumak neha… munta one..munge pakshei, mun ge kuttiyai reka ganna witharai..rata ballata giya..hena gaha piyaw…hena gaha piyaew,…

  12. Dushantha says:

    තොපි වගේ සක්කිලිට මෙහෙමෙ වෙලා මදි. යහපාලනේ කියන එක අටෝ ගත්තු උන් උක්කොටම කරපු පව ගෙවන්ඩ වෙනවා.

  13. සමරේ සහ සමරේ says:

    තවදේයක් ඔය ඇමතිතුමාගේ මිනිස්ට්‍රය යටතේ තමයි නැණසල ව්‍යාපෘතිය තියෙන් ලෝක ප්‍රසිද්ධ ටෙලිසෙන්ටර් වැඩසටහනක් 2014 දි ඩෝලර් මිලියනයක් දින්නා කෝ ඒ සල්ලි වලින් කරපු දේ
    රුපියල් කොටි 14 විතර වෙනවා………………………. ඒ වගේම මිලියනයක් පමණ වටින සොෆ්ට්වෙයාර් හම්බවුණා කෝ ඒවා ………………………………………………..නැණසල දියුණු කරන්න …………….
    කිසුදු පියවරක් ගේන නෑ ඒ සල්ලි ඔකේ ඉන්න ඒවුන්ට ජෝලි කරන්න හම්බ වෙච්ච දේයක් නොවේ ……………………………… රටේ නැණසල පද්ධතිය දියුණු කරන්න ලැබිජ්ජ දෙයක්………
    සෝෆට්වෙයාර් ටික පටියකදි …………………………බයිට් එකට ගත්තද දන්නෑ………………………… කෝ කෝ ………………………මේ ධනය විනාස කරන එවුන් හෙන ගහපිය ………………හෙන ගහපිය මම
    ලගදි කථා කලා ආයතනයට මේ ගැන අහන්න කවුරුත් උත්තර නෑ – මිට සමයං

  14. අනේ මුගේ සෝබනේ කට ඇරියොත් රාජපක්ෂ රාජපක්ෂ, මුං අද ජිවත්වෙන්නේ රාජපක්ෂ නිසා නේද කියලා දන්නේ නැති හිකනැල්ලෝ. දැන් මු තවත් ගේමකට එන්නේ

Main News