මලික්ගෙන් විනාඩි 09යි.. කබීර්ගෙන් විනාඩි 10යි.. නීතිපති දෙපාර්තමේන්තුවෙන් හරස් ප‍්‍රශ්න කිසිත් නෑ.. සාක්‍ෂි විමසීම අවසන්..

October 11, 2017 at 3:51 pm | lanka C news
මලික්ගෙන් විනාඩි 09යි.. කබීර්ගෙන් විනාඩි 10යි.. නීතිපති දෙපාර්තමේන්තුවෙන් හරස් ප‍්‍රශ්න කිසිත් නෑ.. සාක්‍ෂි විමසීම අවසන්..

ප්‍රශ්නගත භාණ්ඩාගාර බැඳුම්කර නිකුතුව පිළිබඳව සොයා බැලීම සඳහා පත්කොට ඇති ජනාධිපති කොමිසම හමුවේ රාජ්‍ය ව්‍යවසාය සංවර්ධන අමාත්‍ය කබීර් හෂිම් සහ සංවර්ධන හා ජාත්‍යන්තර වෙළෙඳ අමාත්‍ය මලික් සමරවික්‍රම අද සාක්ෂි ලබා දුන්නෝය.

මෙම අමාත්‍යවරුන් දෙදෙනා කැඳවා තිබුණේ 2015 පෙබරවාරී මස 27 වැනිදා සිදු වූ ප්‍රශ්නගත බැඳුම්කර නිකුතුවට පෙර, 26 වැනිදා මහ බැංකුවේ පැවති රැස්වීමක් ගැන ප්‍රශ්න කිරීමටය.

අමාත්‍ය කබීර් හෂීම් එවකට මහාමාර්ග අමාත්‍යධුරය දැරූ අතර අමාත්‍ය මලික් සමරවික්‍රම අගමැති රනිල් වික්‍රමසිංහගේ ජ්‍යෙෂ්ඨ උපදේශකවරයා ලෙස කටයුතු කර තිබුණි.

කොමිසම හමුවේ මුලින්ම පෙනී සිටි අමාත්‍ය මලික් සමරවික්‍රමගෙන් කොමිසමේ විනිසුරුවන් විමසුවේ මහ බැංකු නිලධාරීන් සමඟ මෙවන් රැස්වීමක් පැවැත්වීමට හේතුවයි.

ඔහු එයට පිළිතුරු දෙමින් පැවසුවේ රජයේ ආර්ථික කමිටුව ගනු ලැබූ තීරණයක් හේතුවෙන් මෙම සාකච්ඡාව පැවැත්වූ බවය. පසුගිය රජය සමයේ මහාමාර්ග ඉදිකිරිම වෙනුවෙන් ගෙවීම් සිදු කිරීම සඳහා මුදල් අවශ්‍ය බවට මහාමාර්ග අමාත්‍යංශය කළ ඉල්ලීම එයට හේතුවූ බව ඔහු පැවසුවේය.

එලෙස මහාමාර්ග කොන්ත්‍රාත්කරුවන් සඳහා ගෙවිය යුතු මුදල ගැන සාකච්ඡා කිරීම එහිදී සිදුවූ බව ද ඔහු ප්‍රකාශ කළේය. බැඳුම්කර නිකුතුව ගැන එහිදී කිසිවක් සාකච්ඡා නොවූ බව ඔහු කියා සිටියේය.

එම රැස්වීමෙන් අනතුරුව හිටපු මහ බැංකු අධිපතිවරයා දුරකතනයෙන් ඇමතුවේ ද යන්න මෙහිදී කොමිසම විමසු අතර ඇමතිවරයා පැවසුවේ ඔහු ඇමතූ බවට මතකයක් තමන්ට නොමැති බවය.

අමාත්‍ය මලික් සමරවික්‍රමගෙන් ප්‍රශ්න කිරීම විනාඩි 9කට සීමාවූ අතර නීතිපති දෙපාර්තමේන්තුව හෝ අනිකුත් පාර්ශවයේ නීතිවේදීන් ඔහුට කිසිදු ප්‍රශ්නයක් යොමු නොකිරීමත් විශේෂත්වයකි.

ඇමති මලික්ගෙන් අනතුරුව කබීර් හෂීම් අමාත්‍යවරයාගෙන් ප්‍රශ්න කළ අතර ඔහුද පැවසුවේ මහාමාර්ග කොන්ත්‍රාත්කරුවන්ට ගෙවීම සඳහා අවශ්‍ය මුදල් ලබා ගැනීම කෙරෙහි එම සාකච්ඡාව පැවැත්වූ බවයි.

රුපියල් බිලියන 18ක් මහාමාර්ග කොන්ත්‍රාත්කරුවන්ට ගෙවීම සඳහා අවශ්‍ය බව තම අමාත්‍යංශ නිලධාරීන් දැන්වූ බව පැවසූ ඔහු එම ගෙවීම් නොකිරීම නිසා මහාමාර්ග සංවර්ධන වැඩකටයුතු ඇනහිට තිබූ බවද ප්‍රකාශ කළේය.

එහිදී බැඳුම්කර නිකුතුව ගැන කිසිවක් එම සාකච්ඡා නොවූ බව ඔහු ද ප්‍රකාශ කළේය.

අනතුරුව හිටපු මහ බැංකු අධිපතිවරයා දුරකතනයෙන් ඇමතුවේද යන්න අමාත්‍ය කබීර්වි හෂීම්ගෙන් ද කොමිසම විමසු අතර ඔහු පැවසුවේ ඔහුගේ මතකයක් අනුව එවන් කතාබහක් සිදු නොවූ බවයි.

පර්පෙටුවල් සමගම හෝ අර්ජුන ඇලෝසියස් එක්සත් ජාතික පක්ෂයට මුදල් ආධාර ලබාදී තිබේදැයි කොමිසම මෙහිදී එක්සත් ජාතික පක්ෂයේ නායකයන් දෙපළගෙන් විමසීය.

එවන් මුදලක් ලබාදී නොමැති බව අමාත්‍යවරුන් දෙදෙනා ම ප්‍රකාශ කළේය.

සාක්ෂි විමසීමේදී ඇමති මලික් සමරවික්‍රමගෙන් මෙන්ම ඇමති කබීර් හෂීම්ගෙන්ද නීතිපති දෙපාර්තමේන්තුවේ නීතිවේදීන් කිසිදු ප්‍රශ්නයක් යොමු නොකිරීම විශේෂත්වයකි.

ඇමති කබීර් හෂිම්ගේ ප්‍රශ්න කිරීම විනාඩි 10 කට පමණ සිමා විය.

කොමිසමේ විනිසුරුවරුන් පැවසුවේ ඇමති මලික් සමරවික්‍රමගෙන් හා ඇමති කබීර් හෂීම්ගෙන් ප්‍රශ්න කිරීම තමන්ගේ ඉල්ලීමක් මත සිදුවූ බවය. සාක්ෂි විමසීමට අවශ්‍ය බවට නීතිපති දෙපාර්තමේන්තුව ලබාදුන් ලැයිස්තුවේ ඔවුන්ගේ නම් සඳහන් නොවූ බව කොමිසම ප්‍රකාශ කළේය.

කොමිසමට කැඳවීමට අවශ්‍ය බවට නීතිපති දෙපාර්තමේන්තුව ලබාදී තිබෙන ලයිස්තුවේ සාක්ෂිකරුවන් 20 දෙනාගෙන් තිදෙනකු පමණක් කැඳවීමට තමන් කටයුතු කරන බව කොමිසම පැවසුවේය. ඒ කොමිසමේ නිල කාලය දෙවරක් දැනටමත් දිගුකර ඇති ආවස්ථාවේ තවදුරටත් කාලය දිගුකිරීමට තමන්ගේ ඇති අකමැත්ත ප්‍රකාශ කරමිනි.

වාර්තාවක් සැපයීමට අවශ්‍ය තරම් තොරතුරැ තමන් සතුව දැන් පවතින බව කොමිසමේ විනිසුරුවරු ප්‍රකාශ කළහ.

බැඳුම්කර කොමිසමේ නිල කාලය ඔක්තෝබර් මස අවසානයේ නිමවීමට නියමිතය.

– BBC

20,159 Viewers

10 Comments to “මලික්ගෙන් විනාඩි 09යි.. කබීර්ගෙන් විනාඩි 10යි.. නීතිපති දෙපාර්තමේන්තුවෙන් හරස් ප‍්‍රශ්න කිසිත් නෑ.. සාක්‍ෂි විමසීම අවසන්..”

  1. ඇත්ත says:

    දප්පුලගේ සහ කෝදාගොඩගේ ස්වාධීනත්වය රෙද්ද පල්ලෙන් බේරේ.

    • සරම ගැලවිච්චි ලිඡ්චවි says:

      හොරකම ට්‍ර්ලියන් එකක් කියල මුදල් රාජ්‍ය ඇමතිම කියනවනෙ. ජනගහනය කෝටි 2ක් නම්

      1,000,000,000,000/20,000,000 = 50,000/=

      ලංකාවෙ එක්කෙනෙකුගෙන් රු. 50,000/= වගේ සොච්චක් තමා හොරාකාල තියෙන්නෙ. ඕකත් ගානක්ද? 4ක් ඉන්න පවුලකින් නං ලක්ෂ 2 නෙ හොරාකාල තියෙන්නෙ.

  2. "දන්ත-රාජිත" says:

    වසන් කළද ඔබ කලා නම් මුදලේ හොරය
    ගැස්ම නිසැකය හදවතෙ ස්පන්දන වෙරය
    ආගම කුමන වුව හොරකම මුදලය සැරය
    කර්මය පොදුය හැම ආගමටම සැම ගරුය

  3. Brahmana says:

    හොරාගෙ අම්මගෙන පේන ඇහුව වගේ!

    • love nature says:

      සිතන්නට බැරි තරම්
      වංචාව ඇයි මෙතරම්
      දකින්නට බැරි තරම්
      නොපෙනෙන්නේ ඇයි කිසිත්
      වටහා ගන්නට බැරි තරම්
      බොරුව රැවටිල්ල මේ යහපාලනයේ ඇයි මෙතරම්
      අපේ රටට පිළිමල් වන සතුරු මල
      අපේ අයම නම් බිදිනෙමු උන්ගෙ ගෙල”

  4. අන්දරේලා says:

    අන්දරේ මැරිලා නෑ. කැකිල්ලේ කොමිසමට උඩින් ආපු හෙලිකොප්ටෙර් නියෝගයක්ද?

  5. Open mind says:

    අපරාදේ……නීතිපති වෙනුවට යවන්න ඕනැ අය එළියේ…….

    • asaranaya says:

      ඔක්කොම බොරු ,ඇපහැරණින් බේරෙන්න මුන් කැඳෙව්වා මිසක් වෙන මගුලක් නොවේ.

  6. shantha kuru says:

    buggers are honest ???

Main News