මහජන බැංකු ATM යන්ත‍්‍රයක් ඇල්ල දුම්රිය ස්ථානයට…

November 14, 2017 at 2:24 am | lanka C news
මහජන බැංකු ATM යන්ත‍්‍රයක් ඇල්ල දුම්රිය ස්ථානයට…

සංචාරක කේන්ද්‍රස්ථානයක් වන ඇල්ල දුම්රිය ස්ථානයේ ස්ථාපිත කළ මෙම ස්වයංකි‍්‍රය ටෙලර් යන්ත‍්‍රය තුළින් දෙස් විදෙස් සංචාරකයින්ට මෙන්ම ප‍්‍රදේශවාසින්ටද වසරේ දින 365ම, සතියේ දින හත පුරා, දිනයේ පැය 24ම මුදල් ලබාගැනීමේ පහසුකම සලසා ඇත.

දුම්රිය ස්ථාන භාවිතයට ගන්නා දස දහස් සංඛ්‍යාත මගී ජනතාවට බැංකු සේවාවන් පහසුවෙන් සහ කාර්යක්ෂමව දුම්රිය ස්ථානයන්හිදි සිදුකරගැනීමට අවස්ථාව උදාකරමින් මහජන බැංකුව ප‍්‍රවාහන අමාත්‍යංශය හා එක්ව දිවයින පුරා මහජන බැංකුවේ මුදල් තැන්පතු යන්ත‍්‍ර CDM සහ ස්වයංකි‍්‍රය ටෙලර් යන්ත‍්‍ර ATM 100ක් දිවයින පුරා දුම්රිය ස්ථාන 100 ක ඉදිකිරිමේ වැඩපිළිවෙල යටතේ මෙය ස්ථාපිත කෙරිණි.

දුම්රිය ස්ථාන දර්ශනීය අලංකාර, පොදු ජනතාවගේ සිත් ගන්නා තැනක් බවට පත්කිරීමේ අරමුණ ඇතිව දුම්රිය දෙපාර්තුමේන්තුව විසින් සැලසුම් කර ඇති නවීකරණ වැඩපිළිවෙලට සහ මහජන බැංකුවේ ඩිජිටල් බැංකුකරණ කි‍්‍රයාවලියට සමගාමීව මෙය කි‍්‍රයාත්මක වේ.

මෙම අවස්ථාවට මහජන බැංකුවේ සභාපති හේමසිරි ප‍්‍රනාන්දු, ජ්‍යෙෂ්ඨ නියෝජ්‍ය සාමාන්‍යාධිකාරී (බැංකු මෙහෙයුම්) බොනිෆස් සිල්වා, නියෝජ්‍ය සාමාන්‍යාධිකාරී (බැංකු සහය සේවා) මහින්ද පේ‍්‍රමනාත්, සහකාර සාමාන්‍යාධිකාරි( ශාඛා කළමනාකරණ) කි‍්‍රෂාන්ත ගුණරත්න බදුල්ල ප‍්‍රාදේශිය කළමනාකාර සී. ප‍්‍රනාන්දු යන මහත්වරුන්, ඇල්ල දුම්රිය ස්ථානාධිපති අශේන්ද්‍ර දිසානායක මහතා ඇතු`ඵ දුම්රිය දෙපාර්තුමේන්තුවේ නිලධාරින්, සහභාගි වූහ.

– භාරත ප‍්‍රභාෂණ

2,302 Viewers

One Comment to “මහජන බැංකු ATM යන්ත‍්‍රයක් ඇල්ල දුම්රිය ස්ථානයට…”

  1. sunimal says:

    apo Gajasingha aracchi ge sukuruthan sarungal ATM tika

Leave a Comment

Main News