යාපනයේ විද්‍යා ඝාතන සැකකරුවන්ට පලායාමට ඉඩදුන් SI අත්අඩංගුවට ගන්නැයි නියෝග…

October 11, 2018 at 6:48 pm | lanka C news
යාපනයේ විද්‍යා ඝාතන සැකකරුවන්ට පලායාමට ඉඩදුන් SI අත්අඩංගුවට ගන්නැයි නියෝග…

යාපනය පුන්කුඩතිව්හිදී සමූහ දූෂණයට ලක්කොට ඝාතනය කළ ශිවලෝගනාදන් විද්‍යා දැරියගේ ඝාතනය සම්බන්ධ සැකකරුවන්ට පළායාමට උපකාර කළ බව පවසන එවකට යාපනය පොලීසියට අනුයුක්තව සේවය කළ සුන්දරේශන් ශ්‍රිගජන් නමැති පොලිස් නිලධාරීයා අත්අඩංගුවට ගෙන අධිකරණය වෙත ඉදිරිපත් කරන ලෙසට කයිට්ස් මහේස්ත්‍රාත් ඒ.ජුඩ්සන් මහතා නියෝග කරනු ලැබීය.

විද්‍යා ඝාතන සැකකරුවන්ට පළා යාමට උපකාර කළ බවට චෝදනා ලැබ තිබෙන උතුරු පළාත් භාර හිටපු නියෝජ්‍ය පොලිස්පති ලලිත් ජයසිංහ මහතා සම්බන්ධ නඩුව ඊයේ (10) දින   විභාගයට ගත් අවස්ථාවේ කයිට්ස් මහේස්ත්‍රාත්වරයා පොලීසිය වෙත එලෙස නියෝග කෙරිණ.

විද්‍ය ඝාතන සිද්ධියට සම්බන්ධ ප්‍රධාන වරදකරු වු ස්විස්කුමාර් නමැත්තා ඇතුළු පිරිස වෙත පළා යාමට උපකාර කළ බව කියන සිද්ධියේදී ශ්‍රිගජන් නමැති උප පොලිස් පරීක්ෂකවරයා අදාළ පිරිස් වෙත සෘජුවම උපකාර කොට ඇති බව අපරාධ පරීක්ෂණ දෙපාර්තමේන්තුව අධිකරණයට කරුණු වාර්තා කොට තිබිණ.

ශ්‍රිගජන් පොලිස් නිලධාරියා අදාළ සිදුවීමෙන් අනතුරුව පළාගොස් ඇති අතර, සැකකාර ‍උප පොලිස් පරීක්ෂකවරයා අත්අඩංගුවට ගැනීමට පරීක්ෂණ මෙහෙයවන බවද පොලීසිය අධිකරණයට පැවසීය.

නඩු විභාගය ලබන 2019 වසරේ ජනවාරි මස 30 වැනිදා විභාගයට ගැනීමට මහේස්ත්‍රාත්වරයා නියෝග කළ අතර, නඩු විභාගයට අදාළ නීතිපති උපදෙස් විමසීමද කයිට්ස් මහේස්ත්‍රාත්වරයා දැන්වීම් කරනු ලැබීය.

– වන්නි රොමේෂ් මධුෂංඛ

7,136 Viewers

2 Comments to “යාපනයේ විද්‍යා ඝාතන සැකකරුවන්ට පලායාමට ඉඩදුන් SI අත්අඩංගුවට ගන්නැයි නියෝග…”

  1. වරදට දඬුවම නියතයි says:

    එතකොට ඔය ස්විස් කුමාර් ගම්වාසීන් විසින් අල්ලලා ගස් බැඳලා තියනවෙලාවේ ඔහුව බේරාහැරිය විජයකලා මහේෂ්වරන් ගැන කතාවක් නැතිද? ඒ සිධියේ වීඩියෝ එකක්ද සමාජ ජාලා වල ප්‍රචාරය වුණා නේද? සැකකාරයෝ පිළිබඳව ක්‍රියාත්මක වෙන්නේ යහපාලන සමීකරණයට අනුව බව උසාවි වල ඔප්පුකරනවා.

  2. Sam Fernando says:

    This rascal also must be sent to gallows.

Main News