යෝජිත ව්‍යවස්ථාවෙන් රට බෙදෙන වගන්තිය මෙන්න…

November 4, 2017 at 6:14 am | lanka C news
යෝජිත ව්‍යවස්ථාවෙන් රට බෙදෙන වගන්තිය මෙන්න…

පිවිතුරු හෙල උරුමයේ නායක පාර්ලිමේන්තු මන්ත‍්‍රී උදය ගම්මන්පිල මහතා එම පක්‍ෂ මූලස්තානයේ පැවති මාධ්‍ය හමුවකදී මෙසේ අදහස් පල කලේය.

‘ආණ්ඩුව නව ව්‍යවස්ථාව සම්බන්ධයෙන් දිගින් දිගටම කියන කාරණයක් තමයි, විශේෂයෙන්ම මා මිත්‍ර ජනාධිපති නීතිඥ ආචාර්ය ජයම්පති වික්‍රමරත්ත මැතිතුමන් දිගින් දිගටම කියන කාරණයක් තමයි  නව ව්‍යවස්ථාවෙන් රට බෙදනවා කියලා බොරු ප්‍රචාර කරන්න එපා, බෙදුම්වාදය පිළිබඳ බියක් ඇති කර ගන්න එපා.  බෙදුම්වාදයට එරෙහි සවිමත් විධිවිධාන මේ ව්‍යවස්ථාවේ තිබෙනවා කියන එක.  මේක වංචාවක්. පට්ටපල් බොරුවක්. ඇත්ත තමයි බෙදුම්වාදය පරාජය කරන්න වර්තමාන ව්‍යවස්ථාවේ පවතින විධිවිධානත් යෝජිත ව්‍යවස්ථාවෙන් ඉවත් කරලා බෙදුම්වාදීන්ගේ බිය පහ කරලා.

යෝජිත ව්‍යවස්ථාවේ වගන්තිය එන්නේ මෙහෙමයි.

“ශ්‍රී ලංකාවේ භූමි ප්‍රදේශයෙන් කිසිම කොටසක් වෙනම රාජ්‍යයක් ලෙස ප්‍රකාශයට පත් කිරීමට හෝ එයට පක්ෂව කතා කිරීමට හෝ ශ්‍රී ලංකාවේ පලාතක් හෝ එයින් කොටසක් හෝ වෙන් කිරීමට හෝ කිසිම පලාත් සභාවක් හෝ වෙනත් අධිකාරියක් කටයුතු නොකළ යුතුය“.  සරලව කියනවනම් පළාත් සභාවකට හෝ වෙනත් ආණ්ඩුවේ ආයතනයකට බෙදුම්වාදීව කටයුතු කරන්න බෑ කියන එකයි .

මේ වගන්තියෙන් කියන්නේ පලාත් සභා හෝ අධිකාරියට වෙනම රාජ්‍යයක් පිළිබඳ කටයුතු කරන්න බෑ කියලා විතරයි. අනික් පැත්තෙන් එහෙම කටයුතු කළා කියලා කිසිම දඩුවමක් දෙන්නෙත් නෑ. කටයුතු නොකළ යුතුය කියලා කියනවා. නමුත් කටයුතු කලොත් මොකද වෙන්නේ. කටයුතු කලොත් මොකද වෙන්නේ කියලා කිසිම දෙයක් කියලා නෑ.  ඒ විතරක් නෙමෙයි පළාත්සභා වගේ ආයතනයකට කටයුතු කරන්නත් බෑ දඩුවම් දෙන්නත් බෑ. අධිකාරියක් කියන්නෙත් ආණ්ඩුවේ ආයතනයක්.දඩුවම් දෙන්න බෑ.

ඒ අනුව මේ යෝජිත ව්‍යවස්ථාවේ කොටි සංවිධානය වැනි සංවිධානයටත් තනි පුද්ගලයින්ටත් රට බෙදන්න කටයුතු කරන්න තහනමක් නෑ.  අනිත් පැත්තෙන් රට බෙදන්න කටයුතු කළා කියලා කිසිම දඬුවමක් යෝජනා කරන්නෙත් නෑ.  නමුත් පවතින ව්‍යවස්ථාවේ 157අ වගන්තිය අනුව බෙදුම්වාදයට සෘජුව හෝ වක්‍රව සහය දෙන තැනැත්තන්ට එරෙහිව අභියාචනාධිකරණයේ නඩු පවරන්න පුළුවන්. එහිදී ආයතනයක් විදිහට විතරක් නෙමෙයි පුද්ගලයෙකු විදිහට හරි බෙදුම්වාදීව කටයුතු කරනවනම් දඩුවම් කරන්න පුළුවන්.  වැරදිකරු වුණොත් සියළුම දේපල රාජසන්තක කරලා ප්‍රජා අයිතියත් අහිමි කරනවා.  මේ නිසා යම් පුද්ගලයෙක් කොටි සංවිධානයට වැඩ කරනවා ඔහුගේ බිරිද දන්නවනම් ඇය උනත් සැමියට කියනවා අපිට උන්හිටි තැනුත් නැති කරන වැඩක් මේක කියලා. ඒ නිසා ඕක නවත්තන්න කියලා. එවැනි පෙළබවීමක්සිදු  කරනවා වත්මන් ව්‍යවස්ථාවේ ඇති විධිවිධාන වලින්. මේ කිසිවක් නව ව්‍යවස්ථාවේ නෑ.  ඒ නිසා කොටි සංවිධානයට කිසිම ප්‍රශ්නයක් නෑ. පුද්ගලිකව බෙදුම්වාදියට පක්ෂව කටයුතු කරන විග්නේශ්වරම්ටත් කිසිම කිසිම ප්‍රශ්නයක් නැ. පලාත් සහාව විදිහට හා අධිකාරියක් නොඑසේනම් රාජ්‍ය ආයතනයක් විදිහට විතරයි බෙදුම්වාදය කරන්න බැරි.

අපි බෙදුම්වාදයට එරෙහිව නව විධිවිධාන දැම්මා කියලා බොහොම ආඩම්බරයෙන් කියන්නේ තිබෙන විධිවිධානත් ඉවත් කරලා. කොහොමද බෙදුම්වාදීන්ට දී තිබෙන තෑග්ග. මේ ව්‍යවස්ථාව බෙදුම්වාදින් විසින් බෙදුම්වාදින් වෙනුවෙන් හදන බෙදුම්වාදි ව්‍යවස්ථාවක් කියන එකට මීටත් වඩා හොඳ නිදසුනක් ඕනෑ ද?

– අරවින්ද අතුකෝරල

8,119 Viewers

3 Comments to “යෝජිත ව්‍යවස්ථාවෙන් රට බෙදෙන වගන්තිය මෙන්න…”

  1. saman says:

    hodai mahathayo ehama deyak thiyenavanam eka sakcha karala aluth vayavstavata athul karagana katayutu karana nathuwa bada kara kara rata agadayat thalu karana epa

  2. Dushyantha says:

    Simple thing! Get such a clause included. By the way the report being debated is NOT a constitution but a set of proposals. So please go ahead and propose to Dr. Wickramaratne to include it. You don’t need to create unnecessary fears without doing it.

  3. saman says:

    varadi thiboth pennala deela harigasagena ratata hoda aluth vivasthavak hadagana udaw karana kakulen nam adala aye rata apassata adina epa

Main News