රනිල්, මලික්, කබීර් බේරා සියළු කුණු රවි කරුණානායක පිට.. බැදුම්කර මගඩිය යට ගහයි..

October 9, 2017 at 3:35 am | lanka C news
රනිල්, මලික්, කබීර් බේරා සියළු කුණු රවි කරුණානායක පිට.. බැදුම්කර මගඩිය යට ගහයි..

බැදුම්කර වංචාවට සම්බන්ධ තැනැත්තන් හදුණාගැනීමට පත් කළ ‘බැදුම්කර කොමිසම‘ රාජ්‍ය බැංකු බාර කබීර් හෂීම් අමාත්‍යවරයාත්, එදා කිසිම රාජ්‍ය තනතුරක් නොතිබුණු මලික් සමරවික්‍ර‍මත් අතහැර ‘අක්‍ර‍මිකතා පිළිබද වගකිව යුතු තැනැත්තා හෝ තැනැත්තන් හදුණාගන්නට උත්සහ දැරීම ‘ඇරලා බලන්න ලයිෂන් තිබිය දී ඔබලා බලන කොමිෂන් වැඩක්‘ යැයි ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂ කීර්ති තෙන්නකෝන් මහතා පවසයි.

රාජගිරියේ පැවති පුවත්පත් සාකච්ඡාවක් අමතමින් තෙන්නකෝන් මහතා ප්‍ර‍කාශ කළේ ගැසට් නිවේදනයට අනුව ‘ රාජ්‍ය බැංකු විෂය භාර අමාත්‍යවරයා කබීර් හෂීම් මහතා යි. මහ බැංකුව තියෙන්නේ අග්‍රාමත්‍ය රනිල් වික්‍ර‍මසිංහ මහතා යටතේ යි. එසේ තිබිය දී, නමට පමණක් මුදල් ඇමති රවී කරුණානායක මහතා පිටින් සියළු කුණු යවා ‘බැදුම්කර මහ මගඩිය‘ යට ගැසීමට උත්සහ දරනවා. අප කථා කරන්නේ රුපියල් බිලියන 12 කට වැඩි වංචාවක් පැය 72 ක දී සිදු වූ විෂයක් ගැනයි. සේවක අර්ථසාධක අරමුදල ඇතුලු ලංකාවේ වැඩ කරන පන්තියේ ජනතාවට සිදු වූ පාඩුව ගැන තවම අදහසක් හෝ නෑ. කොමිසම පත් කළේ මේ ‘අක්‍ර‍මිකතාවන්ට සම්බන්ධ වී ඇති තැනැත්තන් හදුණාගැනීමටයි‘. එහෙම නැතිව ඇලෝසියස් ගේ මුදලින් නිවාස මිලදී ගත්, ව්‍යාපාර සිදුකරන පුද්ගලයින් හදුණාගැනීමට නොවෙයි. රවී ගේ ශරීර කුඩුවට මුවා වී මහ මගඩිය පිටුපස සිටි පුද්ගලයින් සැගවීමට ඉඩ නොදිය යුතුයි. කබීර් හෝ මලික් බැදුම්කර වංචාවට අදාළ මුල් රැස්වීමට සම්බන්ධ වූයේ කෙසේද? ඒ සදහා ඔවුන් පෙළඹවූයේ කවුරුන්ද? යන්න හෙළදරව් කර ගැනීම වැදගත්. ඔවුන් දෙදෙනා ද මෙම අක්‍ර‍මිකතාවට සම්බන්ධ නොවන්නටත් හැකියි. නමුත්, ඔවුන් ඉහළම වැදගත්කම ඇති සාක්ෂිකරුවන් බව නම් පැහැදිලියි.

බැදුම්කර මගඩිය පටන්ගන්නේ කබීර් හෂීම් හා මලික් සමරවික්‍ර‍ම දෙදෙනා සිටින රැස්වීමකින් බව කෝප් කමිටුවෙත්, විගණන වාර්තා හා බැදුම්කර කොමිසමේ අනාවරණය වී තිබෙනවා. ඒ බව රටම දන්නවා. හැබැයි තවමත් කබීර් හෂිම් හෝ මලික් සමරවික්‍ර‍ම කොමිසම හමුවට ගෙන්වා නෑ. ඔවුන්ට තමන් දන්නා කරුණු හෙළි කිරීමට අවස්ථාවක් ලබාදීමට කොමිසම කටයුතු කළ යුතුයි. අනෙක් අතට, මෙය ඔවුන් දෙදෙනා පටවලා වෙනත් අයෙකුට ගැලවීයාමට ලබාදුන් අවස්ථාවක් නම් එය ද හෙළිදරව් කර ගැනීම කොමිසන් සභාවේ රාජකාරියක්. මහ බැංකුවේ මධ්‍ය මට්ටමේ නිලධාරීන්ට ලැබෙන ප්‍ර‍මුඛත්වය හෝ ප්‍ර‍මුඛ දේශපාලනඥයින්ට ලැබී නැ.

රවී කරුණානායක මහතා පෙන්වා මේ වංචාවේ මහ මොළකරුවන් ගැලවී යාමට උත්සහ දරන බවක් පෙනෙන්නට තිබෙනවා. මේ වන විට මහ බැංකු වංචාව පිළිබද චෝදනා එල්ල වී ඇති මහ බැංකු නිලධාරියෙකුට රජයේ උපදේශක පත්වීමක් ලබා දෙන්නට සුදානම් වෙනවා. බැදුම්කර කොමිසම තවත් සති 2 කින් සිය කටයුතු අවසන් කළ යුතුයි. කොමිසම හෙමින් හෙමින් ඉනිමග නැගලා, අන්තිම පඩි දෙක තුනට ඉස්සර ඉණිමග පෙරළිය යුතු නෑ. රටම බලාගෙන ඉන්නවා. ලෝකයම බලාගෙන ඉන්නවා. යහපාලන රජයේ දුෂණ විරෝධය ඇත්තක් ද? බොරුවක් ද? කියලා. ඇස්බැන්දුමක් ද? කියලා.

පරිගණක දත්ත විනාශ කිරීම, දුරකථන දත්ත විකෘති කිරීම ගැන රහස් පොලිස් පරීක්ෂණ සිදුවීම හොදයි. නමුත්, සැබෑ ලෙසම අපරාධ පරීක්ෂණයක් ඇරඹිය යුත්තේ බැදුම්කර කොමිසම විසින් අනාවරණය කර ගන්නා තැනැත්තන් පිළිබදවයි. ‘සූපිං කෑලි‘ පිළිබද කථා ඇස්බැන්දුමක් නොවිය යුතු යැයි ද, තෙන්නකෝන් මහතා පැවසීය.

මාධ්‍ය ඒකකය
ශ්‍රී ලංකා මානව හිමිකම් කේන්ද්‍ර‍ය
කැෆේ සංවිධානය

22,914 Viewers

3 Comments to “රනිල්, මලික්, කබීර් බේරා සියළු කුණු රවි කරුණානායක පිට.. බැදුම්කර මගඩිය යට ගහයි..”

  1. Binoj says:

    Still you do not understand MY3. You will see only way to remove him is Arab spring.No any another way. From the very first day on he is cheating all of you but still you can not understand it. May be your free education or dietary pattern. Kuwani never understand the King Vijaya till he chases away her.

  2. Open mind says:

    මේ රටේ එළිදැක්වුණු කොමිෂන් වාර්තා හෝ ඒවායින් දඬුවම් ලබපු එවුන් කවුරුන් ද ? නිකං චූන් ගන්න කොමිෂන් වාර්තා කියවීම හා ආලවට්ටම් දාලා රූපවාහිනියෙන් කියවන දේ බලා සිටීම හොඳයි.

  3. Ala Mada Gedara lokka says:

    Dear Mr. Tennakoon,

    We still appreciate the role played by you and the valuable contribution you made along with Tamil Diaspora , local NGOS , patriots to chase MR. I am sure you equally value our contribution in return.

    Lately we have seen you getting too boisterous probably as a result of diminishing of your numbered accounts. Well many are still with us ( Nurse, JW, Wiyan……..) as we continued to replenish, but you seem left out.

    Give me some time and lay quite. I will arrange with RW, RK, AA, to take immediate action to fulfill your desires.

    Just remember the TABOO WORD IS “ELECTION”

Leave a Comment

Main News