රාජපක්‍ෂලාගේ නඩු ඉක්මනින්ම අහන්න වෙනම උසාවියක් හදන බව සාගල කියයි..

January 28, 2018 at 6:24 am | lanka C news
රාජපක්‍ෂලාගේ නඩු ඉක්මනින්ම අහන්න වෙනම උසාවියක් හදන බව සාගල කියයි..

මහින්ද රාජපක්ෂ පාලන සමයේ සිදුකළ දූෂණ වංචා පිළිබඳ පරීක්ෂණ පවත්වා වැරදිකරුවන්ට දඬුවම් ලබා දෙන බවත් ඒ දඬුවම් ලබා දෙන්නේ රාජපක්ෂලා සරත් ෆොන්සේකා මහතාට දඬුවම් දුන් ක්‍රමවේදයෙන් නොවන බවත් නීතිය හා සාමය සහ දක්ෂිණ සංවර්ධන අමාත්‍ය සගල රත්නායක මහතා පැවසීය.

අමාත්‍යවරයා ඒ බව ප්‍රකාශ කළේ එළඹෙන පලාත් පාලන මැතිවරණයේ එක්සත් ජාතික පක්ෂයේ ජය තහවුරු කිරීම වෙනුවෙන් අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් මොරවක දී පැවැත්වූ ජනරැළියේදීය.

මෙම ජනරැළියට අමාත්‍ය ගයන්ත කරුණාතිලක, පාර්ලිමේන්තු මන්ත්‍රීවරුන් වන විජේපාල හෙට්ටිආරච්චි, බුද්ධික පතිරණ සහ තවත් දේශපාලන නායකයින් රැසකුත් සහභාගී වූහ.

අමාත්‍ය සාගල රත්නායක මහතා එහිදී වැඩිදුරටත් කියා සිටියේ එක්සත් ජාතික පක්ෂය වෙනත් අය සමඟ ඩීල් නොමැති බවත් තිබෙන එකටම ඩීල් එක ඇත්තේ ජනතාව සමඟ පමණක්ම බවයි.

එහිදී අමාත්‍යවරයා මෙසේ ද කීය.

අපි මේ ලැස්ති වෙන්නේ ගමේ ආණ්ඩුවක් ගන්න. මේ ඡන්දෙට අපි දක්ෂ කණ්ඩායමක් ඉදිරිපත් කරලා තියෙනවා. ඒ කණ්ඩායමේ මෙවර අපේ පක්ෂයෙන් විතරක් නෙමෙයි හැම පක්ෂයකින්ම කාන්තා නියෝජනයකුත් ඉන්නවා. අපේ අගමැතිතුමා දීපු නායකත්වය නිසා කාන්තාවන් සභාව තුල අනිවාර්ය නියෝජනයක් වෙලා තියෙනවා. අද ඒකෙන් ඇතිවෙච්ච වෙනස මැතිවරණ ව්‍යාපාරය පුරාම දකින්න තියෙනවා. අපේ කණ්ඩායම දක්ෂයි. අපේ කණ්ඩායම පිරිසිදුයි. සභාවේ වාහනෙන් හොරට කොස් ලී ගෙනල්ලා අහුවෙලා ප්‍රජා අයිතිය අහෝසි වෙච්ච කට්ටිය අපේ කණ්ඩායමේ නෑ. හේදිලා යන කොන්ක්‍රීට් දාපු අය අපේ කණ්ඩායමේ නෑ.කාන්තාවෝ 200 ක් දූෂණය කරලා පාටි දාන අයත් අපේ කණ්ඩායමේ නෑ. වදුරන්ට වෙඩි තියන අයත් නෑ. අපේ ඉන්නේ වැඩ කරන්න පුළුවන් දක්ෂ පළපුරුද්ද තියෙන ජනතාවගේ දුක හදුනන ජනතාවගේ ප්‍රශ්න හදුනන ඒ ප්‍රශ්න වලට විසදුම් දෙන්න ඉදිරිපත් වෙලා කටයුතු කරන්න පුළුවන් අය තමයි අපි දාලා තියෙන්න.

ඒ අයට පත් වෙලාවැරදි කරන්නත් අපි ඉඩතියන්නේ නෑ. එහෙම වුනොත් විනය පියවරත් ගන්නවා නීතිමය පියවරත් ගන්නවා. පත් වෙලා හොදට වැඩකරොත් ජනතාවට සේවය කරොත් අපි හැමෝම එකතුවෙලා ඊළග මැතිවරණයේදී එයාලව උස්සලා තියනවා අපි මේ ආණ්ඩුව ගද්දි රටේ ආර්ථිකය විශාල කඩා වැටීමකට ලක්වෙලා ණය බරින් පිරිලා තිබ්බෙ.

ඒ ණය ගෙවන්න පොඩි මිනිහගේ සාක්කුවට තට්ටු කරන්න මහින්ද රාජපක්ෂ පටන් අරන් තිබ්බ. ඉස්සර බඩුමිල අඩු වුනේ මැතිවරණයේදී විතරයි. මැතිවරනෙන් පස්සෙ බඩු මිළ ආයෙත් වැඩි කලා. මේ රටේ ව්‍යාපාර කරන්න කවුරුත් ආවෙ නෑ. අයෝජකයො අවේ නෑ. අපේ රටේ ව්‍යාපාරිකයො පවා ආයෝජනය කරන්න කැමති වුනේ නෑ. ඒ කාලෙත් ව්‍යාපාර කීයක් නම් රාජසන්තක කරාද කිසිම හේතුවක් නැතුවයි ඒ දේවල් කලේ.

සංචාරකයෝ ලංකාවට අපුවහම මහත්තයට වෙඩි තියලා නෝනව දූෂණය කරන සභාපතිලයි මහින්ද රාජපක්ෂ ලග හිටියෙ. මේ හැම දෙයක්ම නවත්තල හැමෝටම සාධාරණව ඉන්න පුළුවන් වාතාවරණයක් අපි හදපු නිසයි දැන් රටේ ආර්ථිකය දියුණු වෙලා තියෙන්නේ. පහුගිය අවුරුදු තුනට අළුතින් රැකියා ලක්ෂ 04 ක් බිහිවුනා. හම්බන්තොට, වැලිගම, මතුගම වගේ කර්මාන්තපුර එද්දි අළුත් රැකියා විශාල ප්‍රමාණයක් ඇතිවෙනවා.

දෙනියායේ අපි කොච්චර වැඩ කරාද ඒ හැම දෙයක්ම කරන්න පුළුවන් වුනේ අපි ආර්ථිකය ශක්තිමත් කල නිසයි. දැන් බලන්න 1990 ගිලන්රථ සේවය කොච්චර ජීවිත ප්‍රමාණයක් බේරගෙන තියෙනවද ඒ නිසා. මේකෙන් වැඩිම ප්‍රතිලාභ ලැබුවෙ දෙනියාය. මේ දේවල් තවත් ඉදිරියට ගෙනියන්නයි අපි

ඔබතුමාලගේ ශක්තිය ඉල්ලන්නේ. දෙනියාය රෝහලත් අපි ගේනවා ඌරුබොක්ක, දෙනියාය, මොරවක අළුත් ජල ව්‍යාපාති තුනක් අපි දෙනවා. ඒ වගේම සිංහරාජය ආරක්ෂා කරමින් සිංහරාජය ආශ්‍රිත සංචාරක කටයුතු සංවර්ධනය කරනවා. අපි ගාලු කොටුව වගේම අකුරලත් පැරණි ඕලන්ද ඇලත් සංචාරක කර්මාන්තයට දියුණු කරනවා. අපි දැන් සංචාරක කර්මාන්තය රට ඇතුළට ගේනවා. මේ වැඩසටහන් එද්දි රැකියා විශාල ප්‍රමාණයක් ඇතිවෙනවා. ඒ රැකනියා සඳහා අපි සූදාන් වෙන්න ඕන.

අපි ශ්‍රී ලංකා පොලීසිය ජනතාව ආරක්ෂාකරන ආයතයක් බවට පත් කළා. තමුන්නාන්සේලාට මතක ඇති පොලීසිය ඉස්සර තිබුණේ කොහොමද කියලා. ඉස්සර මෙහේ පොලීසිය ස්ථානාධිපති විදිහට වැඩ කළේ මහින්ද මහත්තයාගේ මස්සිනා. අපි ශ්‍රී ලංකා පොලීසියට ස්වාධීනව වැඩ කරන්න පුළුවන් වටපිටාවක් හදලා තියෙනවා. පොලිස් නිලධාරීනුත් අපි රැකලා තියෙනවා. ඒ අපගේ වැටුප් වැඩිකලා. සුබසාධන කටයුතු කරනවා. අපි ඒ කරපු වැඩවල ප්‍රතිඵල පේනවා.

ඒ වගේම තමයි අපි රාජපක්ෂලාගේ හොරකම් විභාග කරනවා. පරීක්ෂණ කරනවා. හැබැයි රාජපක්ෂ ෆොන්සේකා මහත්තයාට නඩු තීන්දු දුන්නා වගේ නම් නෙවෙයි. පිළිවෙලකට, නීතියට අනුකූලව අපි කරනවා. මේ වෙනකොට මූල්‍ය අපරාධ කොට්ඨාසයට ලිපි ගොනු 300 ක් ලැබිලා තියෙවා. ඒවගේ පරීක්ෂණ කටයුතු දැන් කරගෙන යනවා. එයින් ගොනු 96 ක් නීතිපති දෙපාර්තමේන්තුවට දීලා තියෙනවා. දැනටමත් 15කට තීන්දු දීලා තියෙනවා. ඉන් දෙකකට තීන්දු දීලා තියෙනවා. තව දෙකක් විභාග වෙමින් තියෙනවා. ඒත් බාධකත් තියෙනවා.

අධිකරණ ක්‍රමය තුළ නඩු අසන්න ප්‍රමාද වීම නිසා, ගොණුවල සංකීර්ණභාවය නිසා, ඒවගේම සමහර රාජ්‍ය ආයතනවල සහයෝගය නොලැබීම නිසා ප්‍රමාද ඇතිවෙලා තියෙනවා. මේ නඩු විශේෂ උසාවියක් තුළ අහලා මේ නඩුවල කටයුතු වේගවත් කරන්න පුළුවන් වෙන විදිහේ පණතක් ඉතාම ඉක්මනින් ගේන්න අධිකරණ ඇමතිතුමිය කටයුතු කරනවා. ඒ වගේම රාජ්‍ය ආයතනවල සහයෝගය ලැබෙන්නේ නැත්නම් මම ඉල්ලනවා නව පණතක් ගේනැත් ඒ සහයෝගය ලබා ගන්න කියලා.

මම මේ වෙලාවේ කියන්න කැමතියි අපිට එක එක්කෙනා එක්ක ඩීල් නෑ. අපිට තියෙන එකම ඩීල් එක තියෙන්නේ ජනතාව එක්ක විතරයි. ඒ ඩීල් එකෙන් රටේ ආර්ථිකය දියුණු කරනවා, තරුණ තරුණියනට රැකියා ලැබෙනවා, සෞඛ්‍ය්‍ය දියුණු කරන්න පුළුවන් වෙනවා. ඒවගේම දූෂණයෙන් තොර රටක් බිහිකරන්න ඒ ඩීල් එක අකුරටම රකිනවා කියලා මම කියනවා. යැයි අමාත්‍යවරයා කීය.

– දිලංක ගුණතිලක

4,360 Viewers

12 Comments to “රාජපක්‍ෂලාගේ නඩු ඉක්මනින්ම අහන්න වෙනම උසාවියක් හදන බව සාගල කියයි..”

  1. Oba says:

    Give punnakku snacks for your followers . If they become brighter they will leave you

  2. fgjh says:

    88/89 , අතුරුදහන් වුනු , මියගිය අයගේ වැරදි කරුවන් අල්ලන්න දැන්වත් ක්‍රියාකරනවද , 1994 බලයට පත්වුණු චන්ද්‍රි ක ත් එක මගහැරියා , දැන් තජුදීන් නමැති රගර් ක්‍රීඩකයා ගේ මරණය හොයන්නා පිටරටවල සහයත් ගන්නවා, එදා 88/89 දහස් ගණනකගේ ඝාතනය වීම් හොයන්න, වරදකරුවන් හෙළිකරන එක ගැන කතා කරන්නේ නැ

  3. Cw says:

    What a dog.

  4. indunil says:

    janapathi kiyana yahapalana horuntath elesa salakanna…….

  5. Rohitha says:

    miss sagalata gasalayek wentada onae? yako jeewitha paithyagayen rata kotingen beragath, arthika sanwardanayata honda adithalamak daapu a weerayanta nokala waradawalwalata danduwan dentada thopiwage napunsakayo path karagaththe? akada daen ratata uwamana?

  6. nipun says:

    the reason was they saved our motherland.past people in our country treated to ANAGARIKA DHARMAPALA as same as you have proposed.you cant delete what MR done to our country.you are failed

  7. napuns says:

    මේ අවුරුදු තුනේ පොල් ගෑවද? ලොල් ගෑවද??

  8. Sriaiyya says:

    Hariyata poll gaanda beriwunaa, chandayan passa balan kohomada poll kiyaa?anaea umbalata bimawetilath roulea weli geawila nahenea? Kotam aparadha, naastiya daladaamaaligawea race peadda meawa mahajanayaata mathakai

  9. Lapaya says:

    Nikan naduwa barak kara ganne nathuwa hitapan ban. Lagadima ubalage keruwawal iwarayi,

  10. සාගල ඇමති තුමෝ says:

    me උසාවියට ගැලපෙන්නේ රාජපක්ෂ හිරේ දැමීමේ උසාවිය කියලද,?දෑන ගන්ට සතුටුයි.

  11. සාගල ඇමති තුමෝ says:

    me උසාවියට ගැලපෙන්නේ රාජපක්ෂ හිරේ දැමීමේ උසාවිය කියලද,?දෑන ගන්ට සතුටුයි. සිරි කොතෙම දාමු.

  12. padasira says:

    පොලිසිය පාතාලයක්‌ බවට පත් වී පාතාලය පොලිසියක්‌ බවට පත් වූ විට සිදුවිය හැක්‌කේ කුමක්‌ද? දෙවැනි කාරණය හෙවත් පාතාලය පොලිසියක්‌ බවට පත් වී පැමිණිලි භාරගෙන වැරදිකරුවන්ගේ ඔළු පැලීමේ ක්‍රියාවලිය ගිය ආණ්‌ඩුවේ ගෝඨාභය රාජපක්‍ෂ විසින් අවසන් කර දෙන ලදි. මෙහි උපරිම අවස්‌ථාව වූයේ මර්වින්ගේ පාතාල කට්‌ටියක්‌ කප්පම් එකතු කිරීමට පෑලියගොඩ මාළු මාකට්‌ එකට පැමිණීමය. ඒ අවස්‌ථාවේදී මාළු මාකට්‌ එකට පැමිණි ගෝඨාගේ එස්‌.ටී.එෆ්. කට්‌ටිය කටයුතු කළ ආකාරය නිසා පාතාල කට්‌ටියට මළ පහ විය. තම පාතාල කල්ලිය පොලිසියක්‌ බව පත් කරගෙන නඩු ඇසූ කුඩු ලාල් නමැති පාතාලයෙක්‌ කොළඹ දිස්‌ත්‍රික්‌කයේ වාසය කළේය. හෙතෙම නඩු අසා දඩ ද අය කර ගත්තේය. අන්තිමේදී ඔහු රටින් පැන ගියේය.

Main News