වකුගඩු රුධිර කාන්දුකරණ මධ්‍යස්ථාන 900 ක් ඉදිකිරිමට ඉන්දීය ආයෝජනයක්..

April 14, 2017 at 2:05 am | lanka C news | ලංකා සී නිවුස්
වකුගඩු රුධිර කාන්දුකරණ මධ්‍යස්ථාන 900 ක් ඉදිකිරිමට ඉන්දීය ආයෝජනයක්..

වකුගඩු රෝගය බහුල වශයෙන් පැතිරෙන උතුරු මැද පළාතේ කැබැතිගොල්ලෑව සහ පදවිය මූලික රෝහල් ආශ්‍රීතව ඉදිකළ වකුගඩු රුධිර කාන්දුකරණ ඒකක සහ ප්‍රතිකාර ඒකක සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා විසින් ජනතා අයිතියට පත් කරන ලදි.

මැදවචිචිය රෝහල ආශ්‍රීතව ඉදිකළ වකුගඩු ප්‍රතිකාර ඒකකය නිරික්ෂණය කළ සෞඛ්‍ය අමාත්‍යවරයා එහි පවතින අඩුපාඩු සකස් කරන ලෙසත්, අවශ්‍ය කාර්ය මණ්ඩලය ලබාදෙන ලෙසත් අදාල නිලධාරින්ට උපදෙස් ලබාදෙන ලදි. මෙම ප්‍රතිකාර ඒකකය ඉදිකිරීම සදහා රුපියල් මිලියන 45 ක් වැය කර ඇති අතර, උපකරණ සදහා රුපියල් මිලියන 50 ක මුදලක් වැය කර ඇත. මෙම ප්‍රතිකාර ඒකකය සදහා වෛද්‍යවරු 06 ක් සහ හෙද හෙදියන් ලබාදීමට ද සෞඛ්‍ය අමාත්‍යවරයා මෙහිදී පොරොන්දු විය.

කැබැතිගොල්ලෑව මුලික රෝහල ආශ්‍රිතව ඉදිකළ වකුගඩු රුධිර කාන්දුකරණ ඒකකය ජනතා අයිතියට පත් කළ සෞඛ්‍ය අමාත්‍යවරයා එම ඒකකයට වෛද්‍යවරු තිදෙනෙකු සහ හෙද හෙදියන් 06 ක් ලබාදීමට පොරොන්දු විය.

පදවිය මූලික රෝහල ආශ්‍රිතව ඉදිකරන ලද වකුගඩු ප්‍රතිකාර ඒකකය ජනතා අයිතියට පත් කළ සෞඛ්‍ය අමාත්‍යවරයා එම ඒකකය සදහා වෛද්‍යවරුන් 07 ක් සහ හෙද හෙදියන් 15 ක් ලබාදෙන ලෙස නිලධාරීන්ට දැනුම් දෙන ලදි. මෙම රෝහලේ ශල්‍යාගාරය යළි විවෘත කිරිමට ද මෙහිදී තීරණය කෙරුනි.

මෙම විවෘත කිරීම් වලින් පසු මාධ්‍යයට අදහස් දැක් වූ සෞඛ්‍ය අමාත්‍යවරයා,

“උතුරු මැද පළාත පමණක් නොව දිවයින පුරාම වකුගඩු රෝගය පැතිර ගොස් තිඛෙනවා. ඉන්දිය රජයේ ආයෝජනයක් මත වකුගඩු රුධිරකාන්දුපෙරණ මධ්‍යස්ථාන 900 ක් ඉදිරියේ දී ස්ථාපිත කරනවා. වකුගඩු රෝගය නිවාරණය කිරීම එහි අරමුණයි. මෙම රෝගය පැතිරිමට බලපෑ හේතු පිළිබද සොයාබැලීමට ලෝක සෞඛ්‍ය සංවිධානය පසුගිය කාලයේ ආරම්භ කළ පර්යේෂණය බලපෑම් මත නතර කෙරුනා. විවිධ මත තිඛෙනවා. නමුත් නිශ්චිත හේතුව අනාවරණය කර ගැනීමට පර්යේෂණ පවත්වනවා. ජංගම රුධිරකාන්දුකරණ සේවය ද ඉදිරියේ දී ආරම්භ කරනවා. පොළොන්නරුවෙි ඇදන් 250 ක වකුගඩු රෝග ප්‍රතිකාර රෝහලක් ඉදිකරනවා. වකුගඩු රෝගය පැතිරීම වළක්වා ගත යුතු වනවා.”

මාධ්‍ය ඒකකය
සෞඛ්‍ය අමාත්‍යංශය

1,242 Viewers

Leave a Comment

Main News