විදුලි ඉංජිනේරුවන්ගේ ආදායම් බද්දත් පාරිභෝගිකයන් විසින් ගෙවද්දීත් වැඩ වර්ජන නින්දිතයි..

May 16, 2018 at 12:40 pm | lanka C news
විදුලි ඉංජිනේරුවන්ගේ ආදායම් බද්දත් පාරිභෝගිකයන් විසින් ගෙවද්දීත් වැඩ වර්ජන නින්දිතයි..

පාරිභෝගික අයිතීන් සුරකීමේ ජාතික ව්‍යාපාරය විසින් නිකුත් කරන ලද නිවේදනයක් මෙහි දැක්වෙයි.

විදුලි ඉංජිනේරුවන්ගේ උපයන විට බද්ධ (payee Tax)පාරිභෝගිකයන් ගෙවද්දීත් අකුරට වැඩ කොට පාරිභෝගිකයන් අපහසුතාවයට පත්කිරීම අසාධාරණයි

උපයන විට බද්ද සාමාන්‍යයෙන් සේවකයා විසින් ගෙවිය යුතු වූවත් ලංකා විදුලි බල මණ්ඩලයේ විදුලි ඉංජිනේරුවරුන්ගේ උපයනවිට බද්ද ගෙවන්නේ විදුලි පරිභෝගිකයන් විසිනි.2009 සිට මේ දක්වා එසේ ගෙවා ඇති මුදල මිලියන 1407 කි. මේ අනුව විදුලි පාරිභෝගිකයන් ගෙවනු ලබන විදුලි බිලට ඉන්ධන ගැලපුම් ගාස්තු මෙන්ම විදුලි ඉංජිනේරුවන්ගේ උපයන විට බද්ධද ඇතුලත්ය. වෙනත් ආකාරයකින් කිව හොත් විදුලි පාරිභෝගිකයන් වන අප විදුලි බිල ගෙවීමේදී විදුලි බිලද ඉන්ධන ගැලපුම් ගාස්තුව ද විදුලි ඉංජිනේරුවන්ගේ උපයන විට බද්ධද ගෙවනු ලබයි.එහෙත් විදුලි ඉංජිනේරුවරුන් ඊට පෙරලා කෘතගුණ දක්වන්නේ අකුරට වැඩ කිරීමේ වෘත්තීය ක්‍රියාමාර්ග ගෙන විදුලි පාරිභෝගිකයා අපහසුතාවයට පත්කිරීමෙනි.

විදුලි ඉංජිනේරුවන් අකුරට වැඩ කිරීමේ වෘත්තීය ක්‍රියාමාර්ග ආරම්භ කරන්නේ තම දිගු කාලීන ජනන සැළැස්ම මහජන උපයෝගීතා කොමිසම විසින් අනුමත නොකිරීම නිසා බව පවසන ඔවුන් එම නිසා මහජන උපයෝගීතා කොමිසමේ අධ්‍යක්ෂක ජනරාල්වරයා ඉවත්කලයුතු බව කියයි.

විදුලි ඉංජිනේරුවන්ගේ ජනන සැලැස්ම එලෙසම අනුමත කිරීමට නම් මහජන උපයෝගීතා කොමිසමක් මෙරටට අවශ්‍ය නැත. මහජන උපයෝගීතා කොමිසම යනු ස්වාධීන ආයතනයක් වන අතර මහජන උපයෝගීතා කොමිසම පාරිභෝගිකයන්ගේ අයිතිවාසිකම් ආරක්ෂා කිරීමට නීතියෙන් බැදී සිටී. එසේනම් විදුලි ඉංජිනේරුවන් මහජන උපයෝගීතා කොමිසමේ අධ්‍යක්ෂක ජනරාල්වරයා ඉවත්කලයුතු බව පවසන්නේ කෙසේද?

මෙරට විශාල විදුලි මාෆියාවක් ක්‍රියාත්මක වෙද්දී හා විදුලි බල ක්ෂ්ත්‍රයේ විශාල වංචා දූෂණ සිදු වෙද්දී ඊට   එරෙහිව හඩක් නොනගන විදුලි ඉංජිනේරුවන්ගේ සංගමය  ජනන සැලැස්ම සදහා කිඔුල් කදුලු හෙලන්නේ ඇයිද? යන්න ගැටලුවකි.

විදුලි පාරිභෝගිකයන් වශයෙන් අප ඉල්ලා සිටින්නේ පරිභෝගිකයන් විදුලි ඉංජිනේරු සංගමයේ පැවැත්ම සදහා ප්‍රාණ ඇපයට නොගන්නා ලෙසයි

රංජිත් විතානගේ
සභාපති
පාරිභෝගික අයිතීන් සුරකීමේ ජාතික ව්‍යාපාරය

10,161 Viewers

8 Comments to “විදුලි ඉංජිනේරුවන්ගේ ආදායම් බද්දත් පාරිභෝගිකයන් විසින් ගෙවද්දීත් වැඩ වර්ජන නින්දිතයි..”

  1. නිහාල් says:

    අනිවාර්යෙන්ම මේ කඩාකප්පල්කාරීන් මට්ටුකලයුතුයි .මොවුන් ඉතාම පැහැදිලි ලෙස ඊයේ දිනයේ සහ අද උදය වරුවේ සිදුකලේ ත්‍රස්තවාදී ක්‍රියාවක් එය වුර්තිය ක්‍රියාමාර්ගයක් නොවේ .විදිලිය පාරිබෝජනය කරන ජනතාව විදිලිය මත තම එදිනෙදා රාජකාරිය කරන ජනතාවගේ රාජකාරි සහ වැඩ කඩාකප්පල් කිරීමේ ත්‍රස්තවාදී ක්‍රියාවක් .මොවුන් ඇමතීම සඳහා තිබු දුරකථන පවා මොවුන් විසන්දිකර තිබුනා .
    රජය සමග තිබෙන අපේ විරෝදය වෙනම කාරණාවක් නමුත් මොවුන්ගේ ක්‍රියාව නිසා අපෙ කෝපය ඇතිවන්නේ රජය සමග නොවේ අපේ බදු මුදලින් ඉගෙනගෙන අපේම රාජකාරි කඩාකප්පල් කරන මේ පවිටු ත්‍රස්තවාදීන් සමගයි .
    මෙවැනි කඩාකප්පල් ක්‍රියා දිගින් දිගටම සිදුකරන්නේ නම් ජනතාව නුදුරේදීම මොවුන් සොයා මොවුන්ගේ කාර්යාල වලට කඩා වදිනු ඇත .මොවුන්ව රැකියාවෙන් ඉවත්කර හමුදාව දමා මේ රාජකාරි කලයුතුයි .

    • මුවිඳු පෙරේරා says:

      පාරිභෝගික අයිතීන් සුරකීමේ ජාතික ව්‍යාපාරය කියා එකක් මහ පොළොවේ නැහැ. ඇත්තේ නිකන් මාධ්‍යවල නම දමාගන්ටයි ඩොලර් සහ රුපියල්වලට කහින්නයි අටවාගත්තු බෝඩ්ලෑලි සංවිධානයක්, අර බයිසිකල්කරුවන්ගේ සංවිධානයත් එසේමයි. ඒකේ අයත් මේකේ සිටිනවා.

      ඉංජිනේරුවන්ගේ අරගලයේ ඇත්ත ඇතිසැටියෙන් නොදකිනවා නොවෙයි මොවුන් මේ ඉටුකරන්නේ කොන්ත්‍රාත්තුවක්. ඉංජිනේරුවෝ මේ අරගල කරන්නේ ඔවුන්ගේ මඩිය තරකරගැනීමට අයිතිවාසිකම් දිනාගැනීමට හෝ පඩිවැඩිකරගැනීමට නොවෙයි.

      නාමික වුණත් මෙහෙමත් සංවිධාන අම්මපා!

    • මුවිඳු පෙරේරා says:

      ඇත්ත කතාව කියනවා නම්, පාරිභෝගික අයිතීන් සුරකීමේ ජාතික ව්‍යාපාරය කියා එකක් මහ පොළොවේ නැහැ. ඇත්තේ නිකන් මාධ්‍යවල නම දමාගන්ටයි ඩොලර් සහ රුපියල්වලට කහින්නයි අටවාගත්තු බෝඩ්ලෑලි සංවිධානයක්, අර බයිසිකල්කරුවන්ගේ සංවිධානයත් එසේමයි. ඒකේ අයත් මේකේ සාමාජිකයන් ලෙස සිටිනවා.

      ඉංජිනේරුවන්ගේ අරගලයේ ඇත්ත ඇතිසැටියෙන් නොදකිනවා නොවෙයි මොවුන් මේ ඉටුකරන්නේ කොන්ත්‍රාත්තුවක්. ඉංජිනේරුවෝ මේ අරගල කරන්නේ ඔවුන්ගේ මඩිය තරකරගැනීමට අයිතිවාසිකම් දිනාගැනීමට හෝ පඩිවැඩිකරගැනීමට නොවෙයි. රටේ මිනිස්සුන්ගේ විදුලිබල ඉහල යෑම වළක්වාගන්නයි. පාරිභෝගිකයින් ඉන්නේ මේ ව්‍යාජ මාධ්‍ය සන්දර්ශනකරැවන්ගේ මතයේ නොවෙයි.

      නාමික වුණත් මෙහෙමත් සංවිධාන අම්මපා!

  2. Jil says:

    පෞද්ගලික මගී ප්‍රවාහන බස් රට සේවය අහෝසි කළ යුතුයි!
    ~~~~~~~~~~~~~~~~~~
    ඉතිහාසයේ සිදුකළ වැරදි නිවැරදි කළ යුතුය
    පොදු ප්‍රවාහන සේවා භාවිතා කරන්නේ දිළිඳු ජනතාවයි
    එම නිසා බහුතර ජනතාවගේ යහපත පතා
    ශ්‍රී ලංකාවේ සියළුම පෞද්ගලික බස් රථ රාජසන්තක කොට
    යළි පොදු ප්‍රවාහන සේවාව ජනතා සේවයක් බවට පත්කළ යුතුය

  3. රාජ්‍ය සේවය පිණිසයි! says:

    රාජ්‍ය සේවයට බඳවා ගැනීමේ දී
    වර්ජන කිරීම සේවය අත් හැරයාමක් ලෙස සළකන බව දැනුම් දිය යුතුයි
    රාජ්‍ය සේවය ජනතාව වෙනුවෙනි
    ඒ නිසා
    රාජ්‍ය සේවයට පැමිණ වර්ජන කිරීම යනු
    ඔවුන් රාජ්‍ය සේවයට නුසුදුසු බවට තීරණය කිරීමේ සාධකයක් විය යුතුය.

  4. පාරිභෝගික අයිතීන් විකිණීමේ ව්‍යාපාරය says:

    ඔවුන්ගේ කාර්යභාරය වනුයේ විදුලිය පමනක් නියාමනය නොව පෙට්‍රෝලියම් සහ ජලය ක්ෂේත්‍ර නියාමනයටයි

    2002 දී පිහිටුවන ලද එම කොමිසමට අනෙකුත් කිසිදු ක්ශෙත්‍රයක් නියාමනය කිරීමට අවස්තාවක් ලැබී නොමැත්තේ මෙම කොමිසමේ ඇති අකාර්යක්ෂමතාවය නිසයි

    මෙම ආයතනය නඩත්තු කරන්නේ කවරහුද? ලංවිම, ලිහිසි තෙල් ගෙන්වනු ලබන ආයතන, ඔවුන් වසරකට මිලියන 250කට වඩා ආදායමක් ලබා ගන්නේ ඔබ ගෙවන මුදලිනි.

    LNG වැනි විදුලි ව්‍යාපාරිකයන් සමග වානිජ ප්‍රතිඵත්ති මත ක්‍රියා කරන මෙවැනි ආයතන ඔබගේ ජලය සහ පෙට්‍රෝලියම් නියාමනය කලහොත් එම ක්ෂේත්‍රයන්හි කඩාවැටීමත් වගකිව යුතු වන්නේ එවැනිම ව්‍යාපාරිකයන්ගේ මුදලින් නඩත්තුවන පාරිභෝගික අයිතීන් සුරකිනවා යැයි කියා ගන්නා පිරිසගේ ක්‍රියා කලාපය නිසයි

    • සෞම්‍ය සොමිකුමාර says:

      විදුලි ඉංජිනේරුවන් සියයට 135කින් පඩි වැඩි කර ගෙන ඇත. තවත් පඩි ඉල්ලා වර්ජනය කල නොහැකිය. ඔවුන් විසින් ගෙවිය යුතු ආදායම් බද්දද අසරණ පාරිභෝගිකයා මත පටවයි. ඒ හරහා තමන් ගෙවිය යුතු ආදායම් බද්දද ඉතිරි කර ගනී. වමෙය වසරකට කෝටි 50කට වැඩි ය. ඊට අමතරව ඩීසල් බලාගාර හිමියන්ගෙන් කොමිස් ද ලබාගනී. 2013න් පසුව බලාගාර ගසා නැත. ඊට කලින් ගැසු බලාගාරද මේ ඉංජිනේරුවන් ගැසු බලාගාර නොවේ. උදාහරණයකට නොරොච්චෝලෙ ගැසුවෙ චීනාය. මහවැලි බලාගාර ගැසුවේ ආධාර දුන් රටවල් වල ඉංජිනේරුවන් ය. ඒ නිසා මේ ඉංජිනේරු සංගමයේ දූෂිතයින් හදුනා ඔවුන් ඉවත් කර හරි ඉංජිනේරුවන්ට විදුලිය බාර දිය යුතු ය. නැත් නම් අසරණ පාරිභෝගිකයා සූරා කා හප කර මරා දමනු ඇත

  5. Both electricity board and water board employers are enjoying this unethical benefit….😂😂
    This is a crime for the Nation…..

Main News