වෛද්‍ය විද්‍යාව නොදන්න මන්ත්‍රීවරුන් ඖෂධ ගැන ප්‍රකාශ නිකුත් කරනවා..

August 13, 2017 at 8:02 am | lanka C news
වෛද්‍ය විද්‍යාව නොදන්න මන්ත්‍රීවරුන් ඖෂධ ගැන ප්‍රකාශ නිකුත් කරනවා..

හෙද සහ පවුල් සෞඛ්‍ය සේවා අභ්‍යාසලාභීන් පුහුණුවට බදවා ගැනීමේ පත්වීම් ලිපි ප්‍රදානය පසුගියදා අරලියගහ මන්දිරයේ දී සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් සිදු කෙරිනි.

මෙහිදී හෙද හෙදියන් 2250 කට සහ පවුල් සෞඛ්‍ය සේවා අභ්‍යාසලාභීන් 754 කට පුහුණුවට බදවා ගැනීමේ පත්වීම් ලිපි ප්‍රදානය කළ අතර, පවුල් සෞඛ්‍ය සේවා ස්ථීර පත්වීම් 16 ක්  ලබාදීමට ද  කටයුතු කෙරිනි.

“රාජ්‍ය සේවයට එක්වන ඔබ සැමට වැටුප්, අතිකාල දීමනා, විශ්‍රාම වැටුප් හිමි වෙනවා. සෞඛ්‍ය සේවකයින්ගේ ඉල්ලීම් පිළිබදව වෘත්තීය සමිති මා සමග සාකචිඡා කරනවා. ලබාදෙන්න පුලුවන් සැම ඉල්ලීමක් ම ලබාදී තිබෙනවා. ඖෂධ හිගඟයක් රජයේ රෝහල්වල අද නැහැ. නමුත් පාර්ලිමේන්තුවේ වෛද්‍ය මධ්‍යස්ථානයේ ඖෂධ නැහැ කියලා ප්‍රවෘත්තියක් පළ කර තිබුනා. අවශ්‍ය ඖෂධ තොඟ වෛද්‍ය මධ්‍යස්ථානයේ තිබෙනවා. නමුත් පාර්ලිමේන්තු මැති ඇමැතිවරුන් වෙනත් පෞද්ගලික වෛද්‍යවරුන්ගෙන් ලියාගත් ඖෂධ වට්ටෝරු වෛද්‍ය මධ්‍යස්ථානයෙන් ලබාගන්න හදනවා. ඒවා විවිධ වෙළෙඳ නාම වලින් තිබෙන ඒවායි. සෞඛ්‍ය අමාත්‍යාංශය රාජ්‍ය ප්‍රතිපත්තියට අනුව ඖෂධ නාමයෙන් විකුණන ඖෂධ වෛද්‍ය මධ්‍යස්ථානයේ ගබඩා කර තිබෙනවා. නව ඖෂධ පරීක්ෂණාගාරය ඉදිරි වසර 02 තුල ඉදිකිරීමෙන් පසු ඖෂධ වෙළෙඳ නාමයෙන් ලිවීම වෛද්‍යවරුන්ට තහනම් කරනවා. පෞද්ගලික වෛද්‍යවරුන්ගෙන් ලියාගෙන එන ඖෂධ වට්ටෝරුවල ඖෂධ වෛද්‍ය මධ්‍යස්ථානයේ නැහැ. ජනතා විමුක්ති පෙරමුණේ මන්ත්‍රීවරයෙක් ප්‍රකාශ කර තිබුනා මෙට්ෆෝමින් ඖෂධය වෛද්‍ය මධ්‍යස්ථානයේ නැහැ කියලා. එය ඖෂධයේ වෙළෙඳ නාමයයි. නමුත් ඖෂධ නාමයෙන් යුත් ඖෂධ වෛද්‍ය මධ්‍යස්ඨානයේ තිබෙනවා. එම ඖෂධවලත් වෙනසක් නැහැ. වෙළෙඳප්‍රචාරය තමයි ඊට බලපා ඇත්තේ. වෛද්‍ය විද්‍යාව දන්නෙ නැතිව එවැනි මන්ත්‍රීවරුන් ඖෂධ පිළිබදව ප්‍රකාශ නිකුත් කරනවා. විවිධ විවේචන එල්ල කරනවා. ඔවුන් සිතන්නේ දේශපාලනයට ආවම සියල්ලම දන්නවා කියලා. එය රෝගයක්. සමහර පක්ෂවලට එම රෝගය වැඩියෙන් තිබෙනවා. රට තුල පුර්ණ නිදහස් සෞඛ්‍ය සේවාවක් අද ක්‍රියාත්මක වෙනවා. වෛද්‍ය අධ්‍යාපනය දියුණු කරනවා. සබරගමුව, වයඹ, මොරටුව විශ්ව විද්‍යාල  කේන්ද්‍ර තර ගනිමින් වෛද්‍ය පීඨ ඉදිකරනවා. සෞඛ්‍ය සේවාව පෞද්ගලීකරණය කරන බවට ඇතැමුන් චෝදනා කරනවා. සයිටම් ආයතනය නිසයි එහෙම කියන්නේ. සයිටම් ආයතනයේ ඉන්නේ පුහුණුවන වෛද්‍යවරුන් 100 ක් විතරයි. නමුත් රජයේ විශ්ව විද්‍යාලවල පුහුණුවන වෛද්‍යවරුන් 1000 ක් පමණ සිටිනවා. ඒ ගැන මොකුත් කියන්නේ නෑ. විවේචන විතරයි ඉදිරිපත් කරන්නේ. සෞඛ්‍ය සේවාවේ සියලුම වෘත්තිය සමිති මා සමග එකට වැඩ කරනවා නමුත් රජයේ වෛද්‍ය නිලධාරින්ගේ සංගමය මා සමග එකට වැඩ කරන්නේ නැහැ. එම සංගමයට වෙනත් දේශපාලන පරමාර්ථ තිබෙනවා. එම සංගමය වෙනම ගමනක් යන්නේ. විශේෂඥ වෛද්‍යවරුන්ගේ සංගමයත් මා සමග එකට වැඩ කරනවා.සෞඛ්‍ය සේවාවේ ස්ථාන මාරුවීම් වලට මා බලපෑම් කරන්නේ නැහැ. එය ස්වාධීනව සිදු වෙනවා. යහපාලන යනු ජනතාවට ලබාදෙන දෙයක් මිස මනුෂ්‍ය ඝාතකයින්ට, හොරුන්ට ලබාදෙන සහනයක් නොවෙයි. ලෝකයේ පිළිගන්නේ එයයි. මෙම ගමන අපි ඉදිරියටම යනවා” යැයි ද මෙහිදී අදහස් දැක් වූ සෞඛ්‍ය අමාත්‍යවරයා වැඩිදුරටත් පැවැසිය.

– ප‍්‍රසන්න අධිකාරී

 

 

3,210 Viewers

5 Comments to “වෛද්‍ය විද්‍යාව නොදන්න මන්ත්‍රීවරුන් ඖෂධ ගැන ප්‍රකාශ නිකුත් කරනවා..”

  1. Raj Gophal says:

    Yes Mr Minister, like those who have not even passed the GCE OL are talking about accepted practices adopt by lawyers when they lead evidence in a court of law

  2. රාජු ඉස්කෝලේ මහත්තයා says:

    දතා දන්නා වෛද්‍ය විද්‍යාව. අනේ දතා දන්නා ඖෂධ .අබුද්දස්ස කාලේ.ලුඋල්ලු නැති විලේ කනයෙක් ගිය උඩ?

  3. nihal says:

    ඩෙන්ටිස්ට්ලට දොස්තර කියන එකම රට ලංකාව වෙන්න ඇති

  4. Darshana Weerasena says:

    මෙට්ෆෝමින් යනු මෙම ඖෂධයේ ඖෂධ නාමයය්.

  5. අප්පුහාමි says:

    ඩෙන්ටිස්ට්ල දොස්තරලාඩ? මෙට්ට ෆොර්මින් කියන්නේ දොද්තර හිරුනිකා අර වෘශ්න කෝෂ තියන මෙට්ට ඩ? මන් දන්නේ නැති හන්ඬයි අහන්නේ. දැන්ස එයාගෙත් උන සනීපද? සතුටුයිද දැන්? ජනපති තුමා කිව්වා නිසයි අහන්නේ? පත්තරේ තිබුන දැක්ක. මට මතක නෑ.අනේ ගියා. ඉල්ලන් යන්න වෙලාවක් තිබුනේ නෑ.සිංගල තේරෙන්නේ නැත්තේ තේ ඵච්ටෙරියක් නොවන නිසාද? ඒ උනාට ගඳ අජුතයි.

Main News