ශ්‍රී ලංකාව තිරසර සංවර්ධන ඉළක්ක ජයගෙන ඇති බව ලෝක සෞඛ්‍ය සංවිධානය පවසයි..

April 14, 2018 at 5:30 pm | lanka C news
ශ්‍රී ලංකාව තිරසර සංවර්ධන ඉළක්ක ජයගෙන ඇති බව ලෝක සෞඛ්‍ය සංවිධානය පවසයි..

අත්‍යාවශ්‍ය ඖෂධ වර්ග වල මිල අඩු කිරිම අගය කළ යුතු කරුණක් වුවත්, එමගින් සෞඛ්‍ය අමාත්‍යවරයාට එරෙහිව සෑම තැනකම සතුරන් ඇතිවීම වැළෑක්විය නොහැකි බව ලෝක සෞඛ්‍ය සංවිධානයේ දකුණූ සහ නැගෙනහිර ආසියානු රටවල අධ්‍යක්ෂිකා වෛද්‍ය පූනම් චෙට්ට්‍රපාල් සිං මහත්මිය පවසයි.

ලෝක සෞඛ්‍ය දිනය වෙනුවෙන් කොළඹ නෙලුම් පොකුණ රගහලේ පැවැති මාධ්‍ය හමුවකට පසුගියදා එක්වෙමින් ඇය මේ බව ප්‍රකාශ කළාය.

මෙහිදී වැඩිදුරටත් අදහස් දැක් වූ ලෝක සෞඛ්‍ය සංවිධානයේ දකුණූ සහ නැගෙනහිර ආසියානු රටවල අධ්‍යක්ෂවරිය –

“ශ්‍රී ලංකා රජය සෞඛ්‍ය සේවාව නංවාලීම සදහා ගෙන ඇති ක්‍රියාමාර්ග මම අගය කරනවා. දුම්කොළ භාවිතය අවම කිරීම සදහා ගත් ක්‍රියාමාර්ග ඉතා වැදගත්. වළක්වා ගැනීමට ගත් ක්‍රියාමාර්ගයත් ඉතා වැදගත්. දුම් පානය අවම කිරීමට ගත් ක්‍රියාමාර්ග අතුරින් තනි සිගරට්ටුව අලෙවි කිරීම තහනම් කිරීම ඉතාම ප්‍රතිඵලදායකයි. ශ්‍රී ලංකාව ආදායම් අඩු රටක් වුවත්, ඉහළ ආදායම් ලබන රටක් ලෙස ඉළක්ක ලගා කරගෙන සිටිනවා.

ලෝක සෞඛ්‍ය සංවිධානය තිරසර සංවර්ධන ඉළක්ක ජය ගැනීමට සැළසුම් කර ඇත්තේ වසර 2030 දී නමුත් ශ්‍රී ලංකාව දැනටමත් ඇතැම් සංවර්ධන ඉළක්ක ලගා කර ගෙන සිටීම ඉතාම වැදගත්. ශ්‍රී ලංකාවට අවශ්‍ය ඖෂධ මෙරටදීම නිෂ්පාදනය කර ගැනීම ප්‍රශංසනීයයි. ලක් රජය සෞඛ්‍ය වෙනුවෙන් අතිවිශාල වියදමක් දරනවා. දකුණු ආසියානු කළාපයේ රටවල් හා සසැදීමේ දී ශ්‍රී ලංකාව සෞඛ්‍ය වෙනුවෙන් ක්‍රියාමාර්ග රැසක් ගැනීමට අවධානය යොමු කිරිම මම අගය කරනවා. බෝනොවන රෝග පාලනය කිරීමේ දී ගෙන ඇති ක්‍රියාමාර්ග ලොව අනෙකුත් රටවලට ආදර්ශයක්. අත්‍යාවශ්‍ය ඖෂධ වර්ගවල මිල පාලනය කිරීමට ගත් ක්‍රියාමාර්ග අගය කළ යුතුයි. එම ඉළක්කයට පහසුවෙන් ලගාවිය නොහැකියි. එම ඉළක්කය ජය ගැනීම තුලින් සෞඛ්‍ය අමාත්‍යවරයාට සෑම තැනකම සතුරන් ඇතිවෙන්න පුලුවන්. නමුත් ලක් රජය එම ඉළක්කය ජය ගැනීම අගය කරනවා.”

– ප‍්‍රසන්න අධිකාරී

2,559 Viewers

3 Comments to “ශ්‍රී ලංකාව තිරසර සංවර්ධන ඉළක්ක ජයගෙන ඇති බව ලෝක සෞඛ්‍ය සංවිධානය පවසයි..”

  1. john the baptice says:

    ඉන්දියාවෙන් විදුරු කටු සමග බාල බෙහෙත් ගෙන්වාගන්න තවත් වෙළද දැන්වීමක්

  2. Aurora says:

    “ශ්‍රී ලංකාව ආදායම් අඩු රටක් වුවත්”, ලෙස ලෝක සෞඛ්‍ය සංවිධානයේ දකුණූ සහ නැගෙනහිර ආසියානු රටවල අධ්‍යක්ෂවරිය කියනවා. ඒ අතර රනිල් වික්‍රමසිංහ (M.B.H.) පසු ගියදා තට්ටු නිවාස සංකීර්ණයකට මුල් ගල තියන උත්සවයේදී “ශ්‍රී ලංකාව මැදි ආදායම් රටක්” කියල කියනවා. එතකොට මේ දෙන්නගෙන් එක්කෙනෙක් කියන්නේ බොරු. ඒ කව්ද?

  3. mawella says:

    Dr Senaratne, politically I disagree in many, I respect you did most of things others did not wanted to do, as well as didn’t do, Congratulations

Main News