සෝබිත හිමි නමින් පාලම් බෝක්කු නම් කරමින් ආණ්ඩුව මත්ද්‍රව්‍ය ප‍්‍රවර්ධනයේ..

January 12, 2018 at 6:48 pm | lanka C news
සෝබිත හිමි නමින් පාලම් බෝක්කු නම් කරමින් ආණ්ඩුව මත්ද්‍රව්‍ය ප‍්‍රවර්ධනයේ..

මත්ද්‍රව්‍ය සම්බන්ධයෙන් ඇමති මංගල විසින් ගෙනැවිත් ඇත්තේ අවමංගල නීති යයි හෙල බොදු සවිය සංවිධානය පවසයි.

මේ බව සදහන් කරමින් එම සංවිධානය ජනාධිපතිවරයා වෙත යොමු කර ඇති ලිපිය මෙසේය.

අතිගරු ජනපතිතුමනි,

මත්ද්‍රව්‍ය සම්බන්ධයෙන් ඇමති මංගලගේ අවමංගල නීති.

“මෛත්‍රි පාලනයක් ස්ථාවර රටක්” යන ප්‍රතිපත්ති ප්‍රකාශනයේ 03 පිටුවේ සදාචාර සම්පන්න සමාජයක් මත්ද්‍රව්‍ය, මත්පැන් හා සිගරට් උවදුරෙන් රටමුදාව ගැනිම ප්‍රතිපත්තිය බවට පත්කරගෙන බලයට පත්විය. මතින් තොර සමාජයකට යටත් විජිත සමයේ ද පැවති නීති රීති සුරාබදු පනතේ 116 පිටුවේ12  වගන්තිය අනුව මත්ද්‍රව්‍ය අලෙවි නොකළ යුතු පිරිස් හඳුන්වාදී මෙන් පැහැදිලිය. යුද හමුදා අණදෙන නිලධාරින්ට, නාවික හමුදාවේ ප්‍රධාන නිලධාරින්ට, ගුවන් හමුදාවේ අණදෙන නිලධාරින්ට, විදේශිය සුදු නිලධාරින්ට  මෙන්ම අවුරුදු 18 අඩු පිරිමින්  හා මොනයම් හෝ ස්ත්‍රින්ට මෙය තහනම් කර තිබිණි.

තැබැරුම්-විවෘත කරන හා වසා තබන වේලාවල් වෙනස් කිරීම හා කාන්තාවන් සඳහා මත්ද්‍රව්‍ය ලබාදීම හා එම ස්ථාන වල කාන්තාවන්ට සේවය කිරීමට අවස්ථාව සලසා දීමට වත්මන් ආණ්ඩුවේ මුදල් ඇමතිවරයා නියෝග නිකුත් කිරීම යහපාලන ආණ්ඩුවේ ස්ථාවරයට අභියෝග කිරීමකි. කාන්තාවන්ට මෙලෙස මත්ද්‍රව්‍ය භාවිතයට ප්‍රවර්ධනය කිරීමට සැළැස්වීම පවුල් ඒකකයට, මාතෘත්වයට විශාල තර්ජනයකි.  කාන්තා හිංසනයට හා ප්‍රචණ්ඩත්වයට එරෙහිව හඩ නඟන යුගයක මෙලෙස කාන්තාවන්ව විනාශයට තල්ලු කිරීම සමස්ත රටම විනාශයට ගෙනයන්නකි. සෞඛ්‍ය සම්පන්න නිරෝගී ජිවිතයක් සමස්ත රටේම අභිවෘද්ධියට බලපාන්නකි. එසේම එදා මෙදා තුර අයවැයකින් සිදුකරන්නේ රටේ අදායම වැඩි කරගැනීමට මත්ද්‍රව්‍ය අලෙවියෙන් බදු වැඩි කිරීමය. එහෙත් මෙම යහපාලන අණ්ඩුව සිදු කරන්නේ මත්ද්‍රව්‍ය වල බදු අඩුකර නිතීරිති අඩු කර රටතුළ සදාචාරය විරෝධී සමාජයක් සඳහා උඩගෙඩි දෙන අණපනත් ඇති කිරිම බව අපගේ හැගිමයි.

මහින්ද චින්තනයේදී ද මතට තිත ප්‍රතිපත්තිය මගින් සදාචාර සහ සෞභාග්‍ය අවභාවිත කළ බව රටම දන්නා කරුණකි. එවන් තත්ත්වයක් තුළ විශාල බලාපොරොත්තුවක් ඇතිව යහපාලන යුගයකට මුලපිරූ, ප්‍රධාන ක්‍රියාධරයකු වූ පූජ්‍ය මාදුළුවාවේ සෝභිත නා හිමියන් ඇතුළු මහානාහිමිවරුන් විශ්වාස කළේ සාදාචාරය, සෞභාග්‍ය කැඳවන බවකි. එහෙත් රජය අද වන විට උන්වහන්සේලා සරණ යන්නේ පාලම්, බෝක්කු නම් කිරීමෙනි. ජනාධිපති මන්දිරය මගින් මත්ද්‍රව්‍ය විරෝධය සම්බන්ධයෙන් විශේෂ ව්‍යපෘති ක්‍රියාත්මක කිරීම සඳහා  ජනමාධ්‍යයට ද විශාල මුදල් වියදම් කර වෙළෙද දැන්විම් ප්‍රචාරය කරයි. එහෙත් ඔබතුමාගේ කැබිනට් මණ්ඩලයේ සිටින මංගල සමරවීර අමත්‍යවරයා කවදත් ක්‍රියාකරමින් සිටියේ මත්ද්‍රව්‍ය පිළිබඳ ප්‍රවර්ධන ප්‍රතිපත්තියකය. එම නිසා මොහු සම්බන්ධයෙන් කඩිනම් ක්‍රියාමාර්ගයක් ගෙන රටේත් ජාතියේත් අනාගත පරපුරෙත් හෙට දවස ගැන සිහිනුවණින් සිතා සාදාචාර සමාජයක් උදෙසා කටයුතු කරනු ඇතැයි උදක්ම බලාපොරොත්තු වෙමු.

තෙරුවන් සරණයි!

බුදුගල ජිනවංස හිමි

5,743 Viewers

14 Comments to “සෝබිත හිමි නමින් පාලම් බෝක්කු නම් කරමින් ආණ්ඩුව මත්ද්‍රව්‍ය ප‍්‍රවර්ධනයේ..”

  1. love nature says:

    මත්පැන් බොහොමයක තිබෙන රසායනික ද්‍රව්‍යයක් වන්නේ එතනෝල් නැතහොත් ඊතයිල් මද්‍යසාරයයි. මෙයින් ස්නායුවලට බරපතළ හානි සිදු විය හැකියි. ඇත්තෙන්ම මත්වීම කියන්නේ යම් ආකාරයක විෂවීමක්. ඊතයිල් මද්‍යසාරය වැඩි ප්‍රමාණයක් ශරීරගත වුවහොත් සිහි මූර්ඡා වීමටත්, මරණයට පවා පත්වීමටත් ඉඩ තිබෙනවා. උදාහරණයකට ජපානයේ සිටින ශිෂ්‍යයන් විනෝදයට කරන්නේ මත්පැන් එක හුස්මට ගිල දැමීමයි. මෙම පුරුද්ද නිසා සෑම වසරකම ශිෂ්‍යයන් බොහෝදෙනෙක් මරණයට පත් වෙනවා. ඊතයිල් මද්‍යසාරය ශරීරගත වූ පසු එහි සැර ගතිය අඩු වන්නේ යම් කාලයක් ගත වුණායින් පසුවයි. එක විගස මත්පැන් පානය කළොත් ශරීරයට එය දරාගත නොහැකි වෙයි. එවිට ශරීරයේ ඇති ඊතයිල් මද්‍යසාරය ක්‍රම ක්‍රමයෙන් වැඩි වී මොළයේ ක්‍රියාකාරිත්වයට බාධා සිදු වෙන්න පටන්ගනියි. එසේ වන්නේ කෙලෙසද?

    කතා කිරීම, පෙනීම, සිහි කල්පනාව ඇතුව දේවල් කිරීම, කල්පනා කිරීම සහ හැසිරීම යන සියල්ල සිදු වන්නේ මොළයේ ස්නායු නැතහොත් ප්‍රධාන සෛලවල සිදු වන පුදුමාකාර රසායනික ප්‍රතික්‍රියා දාමයක් නිසයි. මේ රසායනික ප්‍රතික්‍රියා මාර්ගයෙන් මොළයට අවශ්‍ය සංඥා ලැබෙනවා. ඊතයිල් මද්‍යසාරය ශරීරයේ තිබෙනවා නම් එම රසායනික ද්‍රව්‍යවල සංයුතිය වෙනස් වෙනවා. එවිට මොළයට නිවැරදි සංඥා ලැබෙන්නේ නැහැ. එමනිසා මෙම නොපෙනෙන ක්‍රියාවලිය කෙනෙකුගේ ක්‍රියාකලාපයෙන් දිස් වෙනවා. මත් වූ විට ඔහුගේ හෝ ඇගේ කතා විලාසය වෙනස් වෙනවා; පෙනීම දුර්වල වෙනවා. එවැනි කෙනෙක් ගමන් කරන්නෙත් වැනි වැනියි. එමෙන්ම නුසුදුසු ලෙස හැසිරෙන්නත් පටන්ගන්නවා.

  2. love nature says:

    මත්පැන් ඔබට හානි කරන අයුරු

    මොළය

    සෛල මැරෙයි; මතකය අඩු වෙයි; මානසික අවපීඩනය ඇති වෙයි; කලහකාරීව හැසිරෙයි

    පෙනීමට, කතාවට, සිහි කල්පනාවට බාධාවන්

    මුඛයේ, උගුරේ, පියයුරුවල සහ අක්මාවේ පිළිකා

    හෘදය

    පේශිවල ශක්තිය අඩු වෙයි; හෘදයේ ක්‍රියාකාරිත්වය අඩාළ වෙයි

    අක්මාව

    මේදය තැන්පත් වෙයි, ඉදිමෙයි, සිරෝසියාව සෑදෙයි

    වෙනත් හානි

    නිසි ප්‍රතිශක්තිකරණය නොලැබෙයි; තුවාල සෑදෙයි, අග්න්‍යාශය ඉදිමෙයි

    ගැබිණි කාන්තාවන්ට

    ආබාධිත හෝ මන්ද බුද්ධික දරුවන් බිහි වෙයි

  3. SUNIMAL says:

    සිරගෙවල් පිරී ඇත්තේ මත්ද්‍රව්‍ය ගත් අයගෙනි. අපරාධකරුවන් රැසක්‌ මත්පැන් සහ මත්ද්‍රව්‍ය නිසා විවිධ අපරාධකර සිරගතවී සිටී. මිනීමරුවන් වී එල්ලුම් ගසට නියම වේ.

    බීමත් පියාගෙන් දරුවන්ට හිරිහැර සිදුවූයේ අද ඊයේ සිට නොවේ. සුරාවට ඇබ්බැහි වූ රජුන් තම සිඟිති පුතුගේ මස්‌ ද අනුභවකර ඇත. පහේ ශිෂ්‍යත්ව විභාගය අසමත් වුණා යෑයි තම දරුවා ගිනියම් කළ යකඩයකින් පුළුස්‌සා දැම්මේද බීමත් පියෙකි. මත්වීමේ ආනිශංස කියන්නට කොතෙකුත් උදාහරණ ඇත. ලෝක අමද්‍යප දින, වැඩිහිටි දින, ගුරු දින, ළමා දින, ගැහැනු දරුවන්ගේ දින පැවැති මේ ඔක්‌තෝබර් මාසයේ අපි කතාකරන විට මත්පැන්වලින් සිදුවන ෙ€දවාචක ගැන කොතෙකුත් කතා කළහ. මේ අතර අපට ඇසුණ ආසන්නතම කතාව සරත් අමුණුගම දැන උගත් ඇමැතිතුමාගෙනි. කසිප්පු නීතිගතකර බද්දක්‌ ගැනීමෙන් මහාභාණ්‌ඩාගාරය පුරවාගත හැකිය. නමුත් මේ අන්දමේ ක්‍රියාමාර්ග ක්‍රියාත්මක වුණොත් තවත් අවුරුදු 10 ක්‌ ගතවන විට ජාතිය පමණක්‌ නොවේ මේ ධර්මද්වීපයද නැත්තටම නැතිවනු ඇත.

  4. Gadol says:

    රට පුරා පිහිටි සතොස ශාඛාවන්හි බියර් හා වයින් අලෙවි කිරීම ආරම්භ කිරීමට රජයේ අවධානය යොමුව ඇත.

  5. sinha le says:

    මත්පැන් බදු අදායම ඉහළට – මතට තිත කෝ?

  6. sinha le says:

    “සැබෑ සිංහළයන් එකා මෙන් නැගී සිටිය යුතු මොහොතක් එලඹ ඇත”

  7. daham says:

    sobitha himi namaya paalamakata dameema mulu mahath sanga rathnayatama kala mahathma nindaawak novanneda? budu dahamata sambandha thanakata nathinam adhyapanika aayathanayakata wage thanakatanam galapenawa. meya un wahanseta hithaa mathaama kala deyakda?

  8. රාජ says:

    අර දවස්වල එතනෝල් ඇල්ලුවා චන්ද දිනුවේ ඕකෙන් දැන් එතනෝල් වලින් නොවෙඉද බඩකට පුරා බොන්න දෙන්නේ

  9. Podda says:

    Do not insul

  10. රාහුල මල්ලී says:

    රාඡගිරිය කියන්නේ කුඩු පුරවරයනේ… අළුත හදපු පාලම උඩිං සට සට ගාලා බඩු ටික එහාට මෙහාට දුවයි…

  11. Open mind says:

    සැබෑ අමද්යප විරුවන් නැගිටිවු. අපි නොදන්නා කමට අහන්නේ

  12. Kings says:

    ඔබ වහන්සෙ ඔහොම කිව්වහට හරියන්නෙ නැහෙ. බල්ලො මරල හරි ආන්ඩුවට සල්ලි හොයන්නයි ඕනෙ. සදාචාරෙ බල්ලට ගියාදෙන්.

  13. David Milli-Banda says:

    “සැබෑ සිංහළයන් එකා මෙන් නැගී සිටිය යුතු මොහොතක් එලඹ ඇත”

    Aney da manda……..සිංහළයන් hasirenne sakkili wage…….. awastha wadiyo wela.

    සැබෑ අමද්යප විරුවන් නැගිටිවු. අපි නොදන්නා කමට අහන්නේ sinhala weera duu puthun innawada ??
    Okkoma paawaa deela………….

Leave a Comment

Main News