හදිසි ප්‍රහාරයකට පෙර සූදානමක්.. කොළඹ මර්මස්ථානවලට හමුදාව යොදවයි..

September 23, 2018 at 3:28 am | lanka C news
හදිසි ප්‍රහාරයකට පෙර සූදානමක්.. කොළඹ මර්මස්ථානවලට හමුදාව යොදවයි..

පාර්ලිමේන්තුව, ජනාධිපති මන්දිරය, අරලියගහ මන්දිරය, මහ බැංකුව ඇතුළු රටේ ප්‍රධානම ආර්ථික මර්මස්ථානවල ආරක්ෂාවට හදිසි තත්ත්වයකදී ප්‍රතික්‍රියා දැක්විය හැකි සැලසුම් වහාම සකස් කරන්නැයි යුද හමුදාපති ලුතිනන් ජනරාල් මහේෂ් සේනානායක කමාන්ඩෝ රෙජිමේන්තුව තීරණය කර ඇත.

හතරවන කමාන්ඩෝ රෙජිමේන්තුවේ ඇපකරුවන් මුදාහැරීම හා ප්‍රතිපැහරගැනීම් ඒකකය වෙත මේ බව දැනුම් දුන්නේ හදිසි අවස්ථාවකදී නෙළුම් ‍පොකුණ රඟහලට ප්‍රහාරයක් එල්ල වුවහොත් ප්‍රාණ ඇපකරුවන් මුදාගැනීමට හැකි අයුරින් කොළඹදී පළමුවරට යුද අභ්‍යාසයක නිරතවූ කමාන්ඩෝ භට පිරිස් හා නිලධාරීන් හමුවූ මොහොතේය.

මේ අනුව රටේ ආර්ථික හා දේශපාලන වශයෙන් වැදගත් මරමස්ථානවල ආකෘතිමය සැලසුම් හා ගොඩනැගිලිවල ව්‍යුහය පිළිබඳ සොයා බලා පූර්ව අවබෝධයක් ලබාගන්නැයි යුද හමුදාපතිවරයා තීරණය කළේය. ඉදිරි වසර සියයකදී වුව අනාගතයේ එල්ල විය හැකි ඕනෑම අභියෝගයකදී මරමස්ථානවලට ඉක්මනින් ඇතුළු වී ආරක්ෂාව සැලසීමට හැකි අයුරින් එම ගොඩනැගිලිවල තට්ටු ප්‍රමාණය, හදිසි ඇතුළුවීමේ හා පිටවීමේ දොරටු ඇතුළු සියලු දේ ගැන අධ්‍යයනය කර අවබෝධයක් ගන්නැයි යුද හමුදාපතිවරයා මෙහිදී නියෝග කළේය.

– rivira

14,621 Viewers

5 Comments to “හදිසි ප්‍රහාරයකට පෙර සූදානමක්.. කොළඹ මර්මස්ථානවලට හමුදාව යොදවයි..”

  1. desta says:

    koi welawe anthawadi muslim attack deida danne ready wena eka hodai

  2. Roshan says:

    Diganata gehuwe Mona abthawadhi da danne he

  3. sriyan says:

    සමහර විට පිටරටකින් ආයුධ ගන්න සැලසුමක්ද දන්නෙත් නැහැ. එහෙම නැත්නම් ඉතියෝපියාව අපේ රට ආක්‍රමණය කරන්න සූදානමක් තියේද කියන්නත් බැහැ. මේවා මහජනතාවගේ මොළය වෙනතකට හැරවීමට කරන මෝඩ උප්පරවැට්ටි.

  4. Rupa says:

    වෙනස වඩාත්ම සැපත වී ගෙන එන බව පෙනී යයි.

Main News