2020 ලංවෙද්දී ගෝඨටයි-මෛත්‍රිටයි මාකදුරේ මධුෂ්ට කියල පුළුවන් දෙයක් කරන්න.. අපි වැඩ කරන්නේ අගමැතිටයි..- නියෝජ්‍ය පොලිස්පතිවරයෙකුගේ රහසිගත හඬ පට මෙන්න…[Video]

September 13, 2018 at 2:10 pm | lanka C news
2020 ලංවෙද්දී ගෝඨටයි-මෛත්‍රිටයි මාකදුරේ මධුෂ්ට කියල පුළුවන් දෙයක් කරන්න.. අපි වැඩ කරන්නේ අගමැතිටයි..- නියෝජ්‍ය පොලිස්පතිවරයෙකුගේ රහසිගත හඬ පට මෙන්න…[Video]

අපට බැරිම අවස්ථාවක් ආවොත් 2020 ළං වෙනකොට ගෝඨාභය රාජපක්‍ෂට හරි මෛත්‍රිපාල සිරිසේනට හරි මාකඳුරේ මධුෂ් කියන පාතාල නායකයා යොදවා කරන්න පුළුවන් දෙයක් කරන්න කියා නියෝජ්‍ය පොලිස්පතිවරයකු තමාට පැවැසූ බව දූෂණ විරෝධී බළකායේ මෙහෙයුම් අධ්‍යක්‍ෂ නාමල් කුමාර මහතා මහනුවරදී මාධ්‍ය හමුවක් පවත්වමින් සඳහන් කළේය.

එහිදී වැඩිදුරටත් අදහස් දැක්වූ නාමල් කුමාර මහතා මෙසේ ද සඳහන් කළේය.

පසුගියදා මහනුවර සිංහල – මුස්ලිම් ගැටුමක් ඇති වුණා. එයට සම්බන්ධ යැයි කියමින් “මහසොහොන්” බළකායේ අමිත් වීරසිංහ ඇතුළු පිරිසක් අත්අඩංගුවට පත් වුණා. මේ අත්අඩංගුවට ගැනීමේදී අණදෙන නිලධාරි ලෙස කටයුතු කළ ශ්‍රී ලංකා පොලිසියේ ත්‍රස්ත විමශන කොට්ඨාසයේ නියෝජ්‍ය පොලිස්පතිවරයකු ගැන විශේෂ හෙළිදරව්වක් කිරීමට අද අප කටයුතු කරනවා. ඒ අත්අඩංගුවට ගැනීම් මානුෂිකව සිදුවුණා කියා පිළිගන්න හැකියාවක් නැහැ. මොහුගේ අභිමතාර්ථයන්ට අනුවයි මේ අත්අඩංගුවට ගැනීම් සිදුවුණේ.

එයට සාක්කි අපි ළඟ තිබෙනවා. මෙම නියෝජ්‍ය පොලිස්පතිවරයා දූෂිත නිලධාරියෙක්. මම යම් ත්‍රස්තවාදී කටයුත්තක් පිළිබඳව පොලිස්පති පූජිත් ජයසුන්දර මහතාට දැනුම් දුන්නා. එතුමා මට ඒ කියන නියෝජ්‍ය පොලිස්පතිවරයා සම්බන්ධ කර දුන්නා. මම එතුමාත් සමඟ කටයුතු කරන අවස්ථාවේදී රොහින්ග්‍යා සිද්ධිය සම්බන්ධයෙන්ද එතුමා මගෙන් උදවු ඉල්ලුවා. එතුමා කිව්වා මේ අය ගත්තොත් මට පොලිස්පතිවරයා වෙන්න පුළුවන්. එවිට අපි දෙන්නටම හොඳයි කියලා.

මොහු පොලිස්පති වීමේ සිහිනයෙන් රාජකාරි කරනවා නම් එතැන යම් ප්‍රශ්නයක් තිබෙනවා. මේ පුද්ගලයා රාජ්‍ය බුද්ධි අධ්‍යක්‍ෂ තනතුර ලබා ගන්න දැනට ඒ තනතුරේ ඉන්න පුද්ගලයා නෙරපා හරින්න අවශ්‍ය කුමන්ත්‍රණ දියත් කරනවා. ඒ පිළිබඳව මා ළඟ සාක්කි තිබෙනවා. මම සාක්කි සහිතව ජාතික පොලිස් කොමිසමට ඒ ගැන පැමිණිලි කරන්න අද හෝ හෙට කටයුතු කරනවා.

“රටේ ජනාධිපතිවරයා විශ්වාස කරන්න බැහැ. අගමැතිවරයාට ලකුණු වැටෙන්න වැඩ කරන්න ඕනෑ. 2020දී ගෝඨාභය සහ මෛත්‍රිපාල සිරිසේන ජනාධිපතිවරයා එකතු වෙනවා. අගමැතිවරයා සහ ජනාධිපතිවරයා අතර ගැටුමක් තිබෙනවා. ඒ නිසා අපිට ජනාධිපතිවරයා විශ්වාස කරන්න හැකියාවක් නැහැ.”

“අපට බැරිම අවස්ථාවක් ආවොත් 2020 ළංවෙනකොට ගෝඨාභය රාජපක්‍ෂට හරි මෛත්‍රිපාල සිරිසේනට හරි මාකඳුරේ මධුෂ් කියන පාතාල නායකයා යොදවා කරන්න පුළුවන් දෙයක් කරන්න කියා මොහු මට කීවා. මේ දෙදෙනා සමඟම මාකඳුරේ මධුෂ්ට ප්‍රශ්න තිබෙන නිසා මෙය කළ හැකි බව ද ඔහු කීවා.” යැයි හෙතෙම සඳහන් කළේය.

මාකඳුරේ මධුෂ් යම් සිද්ධියකට අත්අඩංගුවට ගෙන ඇති විට ත්‍රස්ත විමර්ශන කොට්ඨාසය භාරයේ වසරක් පමණ සිටි බවත් ඒ වකවානුවේ ඔහු සමඟ හිතවත්කමක් ගොඩනඟා ගත් බවත් මෙම නියෝජ්‍ය පොලිස්පතිවරයා තමා සමඟ පැවැසූ බව ද ඔහු පැවැසීය.

ඔහු ඩුබායිවලට ගියාට පසුව ඒ සම්බන්ධතාව දිගින් දිගටම පවත්වාගෙන ගිය බවත් මෛත්‍රිපාල සිරිසේන ජනාධිපතිවරයා මත්ද්‍රව්‍ය විනාශ කිරීමට පෙරමුණ ගෙන සිටින නිසා මාකඳුරේ මධුෂ් ඒ චරිතය විනාශ කරන්න පෙරමුණ ගෙන ඉන්නා බවත් ඔහු පැවැසූ බවත් නාමල් කුමාර මහතා පැවැසීය.

තමා මෙම නියෝජ්‍ය පොලිස්පතිවරයා සමඟ ඇති හිතවත්කම් මත සාමාන්‍යයෙන් ත්‍රස්ත කටයුතු පිළිබඳවත් නියෝජ්‍ය පොලිස්පතිවරයාට දන්වන බවද ඔහු පැවැසීය. අපි අම්පාරේදී හරි මඩකළපුවේදී හරි ජනාධිපතිවරයාට ගහලා පුෂ්පරාජ්ගේ පැත්තට මේ කේස් එක දාමු කියා නියෝජ්‍ය පොලිස්පතිවරයා පැවැසූ බවත් කී ඔහු මේ ගැන පැවැත්වූ දුරකථන සංවාද පවා මාධ්‍යට ඇසීමටද සැලැස්වීය.

මෙම සාකච්ඡාවට එම සංවිධානයේ සාමාජික දිල්ශාන් විජයානන්ද දර්මේන්ද්‍ර සහ රසික සිල්වා යන මහත්වරුද එක්ව සිටියහ.

– mawbima

62,236 Viewers

7 Comments to “2020 ලංවෙද්දී ගෝඨටයි-මෛත්‍රිටයි මාකදුරේ මධුෂ්ට කියල පුළුවන් දෙයක් කරන්න.. අපි වැඩ කරන්නේ අගමැතිටයි..- නියෝජ්‍ය පොලිස්පතිවරයෙකුගේ රහසිගත හඬ පට මෙන්න…[Video]”

  1. පොඩි එකා says:

    ඉදිරියෙන් එන සතුරාට වැඩිය පසුපසින් එන මිතුරාගෙන් ප්‍රවේශම් වෙන්න කියලයි තියෙන්නේ… ඡෙයරාඡ්ගේ මිනිමරුවා ගියේ යුනිෆෝම්කාරයෙක් එක්ක කියලා කියවුනා.. එහෙව් රටක් මේක…

  2. gamarala says:

    එන අලුත් රජයෙන් මේ අයට අබසරණයි

  3. Gunapala says:

    In any case MY3 should be very careful and must take all the possible precaution to safe guard himself from PM , MR, GR, BR, and the other enemies.

    • Buwa says:

      I think only from PM .

      For sure someone in the police has told lies to MY3 when he won the election ” Mr was planning to remand him and his family after the election,If MR had won. Probably showing false document such as Detention Orders ect and make him revival with MR full time. Who knows. Current defence minister Ruwan wijewardene is a loyal relation of Ranil and can be a key player in such plans.

    • Sunil says:

      Idiot! It should be the other way round. the last 3 gentlemen should be careful about the first person and the MY3.

  4. THILAK says:

    lankawe police KIYANNE BEST IN THE WORLD

  5. ratawesiya says:

    mona dubalakam thibunath maitree RANILTA wada honda minisek. emanisa api maitree reka gatha youtuyi sir maitree wahama me DIG ath adanguwata ganna meka mara demmath madi paharaya

Main News