බුදු දහම වැළඳගත් ස්ටීව් ජොබ්ස් හිස මුඩුකරයි

සරල බව ඇගයූ ඇපල් සම නිර්මාතෘවරයාගේ අධ්‍යාත්මික ජීවිතයෙන් බිඳක්

ලෝකය වෙනස් කරන්නට තෝමස් අල්වා එඩිසන් හා ඇල්බට් අයින්ස්ටයින්ට නොදෙවෙනි ලෙස දායක වූ ඇපල් තාක්ෂණික සමාගමේ සම නිර්මාතෘ ස්ටීව් ජොබ්ස් 1973 දී ඉන්දියාවට පැමිණ බුදුදහම වැළඳගෙන යළිත් ඇමරිකාවට යන්නේ හිස මුඩුකර ගනිමින්ය.

ඇපල් සමාගමේ ප්‍රධාන විධායක නිළධාරියා වන්නට පෙර ඔහු අධ්‍යාත්මික ජීවිතයක් සොයා වෙහෙසුණු අතර ඔහු ඉන්දියාවට පැමිණෙන්නේද මෙම අධ්‍යාත්මික හැදෑරීම් කිරීම සඳහායි.

විදෙස් මාධ්‍ය වාර්තා කර තිබෙන්නේ පසු කලක ලෝකයේ අති දැවැන්ත පුද්ගලික ව්‍යාපාරිකයෙකු වූ ස්ටීව් ජොබ්ස්ගේ වටිනාකම්, සාරධර්ම මෙන්ම විනය මෙම ආගමික හැදෑරීම් මත පදනම් වූවා යැයි බොහෝදෙනා විශ්වාස කරන බවයි.

ඔහු නිල්පාට ඩෙනිම් කලිසමක් හැඳ සෙරෙප්පුවක් හෝ නොදමා සිය කාර්යාලයේ සැරි සැරීම සාමාන්‍ය පුරුද්දක් වී තිබුණු බව ඔහුගේ සගයෝ පවසති.

ඔහුගේ ජීවිතයේ තිබූ සරල බව තරම්ම සරල බවක් ඔහුගේ දැවැන්ත නිර්මාණවල තිබුණු බව බොහෝදෙනා පිළිගනිති.

ඔහු වරක් කර තිබෙන කතාවකින් කොටසකි මේ.

“මම මිතුරන් සමග ගෙබිම නිදාගන්නවා. තැන්පතු ලෙස තබපු ශත 05 ක මුදලක් ගන්න මම කොකා කෝලා බෝතල් නැවත භාර දෙනවා. එම මුදල් ඉතිරි කර තබාගන්නවා ආහාර සඳහා වියදම් කරන්න. සතියකට හොඳ ආහාර වේලක් ගන්න ඉරිදා රාත්‍රියේදී කිලෝ මීටර් හතක් පමණ මම පයින් ඇවිදිනවා. මම ඒ දේවල් වලට කැමතියි.“

සරල බවේ අගය පැහැදිලි කරමින් ජොබ්ස් 1998 දී Businessweek සමග පැවති සංවාදයකදී කර ඇත්තේ මෙවැනි ප්‍රකාශයකි.

“සංකීර්ණ බවට වඩා සරල බව ශක්තිමත්. ඔබගේ සිතුවිලි පිරිසිදු කර සරල වීමට ඔබට වැඩි වෙහෙසක් ගැනීමට සිදුවේවි. හැබැයි! එහි වටිනාකමක් තිබෙනවා. මොකද ? ඔබ එතනට පැමිණි විට ඔබට ඉතාම ඉහළට යන්න පුළුවන්.“

මෙම අද්විතීය මිනිසාගේ ජීවිතය පිළිබඳව හෙළිකරමින් ඔහුගේ මිතුරෙකු පවසා තිබෙන්නේ බහු භාණ්ඩිකත්වයට ආශා නොකළ මොහුගේ නිවසේ ගෘහ භාණ්ඩ නොතිබූ තරම් බවයි.

ඔහු ඉතාමත් ඇලුම්කළ ඇල්බට් අයින්ස්ටයින්ගේ පිංතූරයකුත්, පුටුවකුත්, විදුලි ලාම්පුවකුත්, ඇඳකුත් හැරුණු විට ඔහුගේ නිවසේ වෙනත් විශේෂ දෙයක් නොතිබූ තරම් යැයි හෙතෙම පවසා තිබෙන බව සඳහන්ය.

අතිශය සරල මෙම මිනිසා ලෝකයේ දුප්පත් පොහොසත් සියලු දෙනාම සීමා මායිම් නොසලකා පරිගණක ශක්තියෙන් සන්නද්ධ කිරීමට සිය දිවිය කැපකළ අතර ජනතාවගේ ජීවිත වෙනස් කරන්නට කර තිබෙන දායකත්වය සුළු පටු එකක් නොවේ.

මියයන විට ජොබ්ස්ට අයත්වූ වත්කමේ වටිනාකම ඩොලර් බිලියන 8.3 ක් පමණ වූ අතර ඔහුට දරුවන් සිව් දෙනෙකු සිටින බව සඳහන්ය.

වසර 56 ක් ජීවත්වී පිලිකා රෝගයකින් පීඩා විඳීමෙන් අනතුරුව පසුගිය බදාදා දිනයේදී මියගිය මෙම ඇමරිකානු පරිගණක ව්‍යවසායක නව නැමැවුම්කරුවා සියවස් ගණනාවක් ජීවත් වූවෙකුට වඩා ලොවට වැඩක් කළ සදා අමරණීය පුද්ගලයෙකි.

– Vimasuma 

 

42,738 Viewers

——

cccccgossip99_22_0gossoplankamuthupini

Add-here-newe-poster

contactus-n