රුසියාවේ සහ චීනයේ ප්‍රතිපත්තීන් UN ප්‍රතිරූපයට දරුණු කැළලක් – බෑන් කී මූන්.

සිරියාවේ ජනාධිපති බෂාර් අල් අසාද්ව බලයෙන් පහකර එහි උද්ගතව ඇති ගැටුම්කාරී තත්ත්වය සමතයකට පත් කිරීමට යැයි පවසමින් අරබී ලීගය සහ මොරොක්ව විසින් පසුගිය සෙනසුරාදා දින එක්සත් ජාතීන්ගේ ආරක්‍ෂක මණ්ඩලයට ඉදිරිපත් කරනු ලැබූ අවසාන විසදුම රුසියාව සහ චීනය විසින් තම තමන්ගේ නිශේධ බල භාවිතා කරමින් පරාජය කිරීම එම රටවල් විසින් එක්සත් ජාතීන්ගේ සංවිධානයට කරනු ලැබූ දරුණු මඳි පුංචි කමක් බවත්, එය එක්සත් ජාතීන්ගේ සංවිධානයේ ප්‍රතිරූපයට එළල් කරනු ලැබූ දරුණු කැළලක් බවත් එ. ජා. සංවිධානයේ මහලේකම් බෑන් කී මුන් විසින් පවසා ඇත.

ඇමෙරිකාවට සහ  බටහිර ප්‍රජාවට සහයෝගය දක්වන්නන් විසින් ඉදිරිපත් කරනු ලැබූ අදාළ අවසාන යෝජනාවෙහි සිරියාවේ පවතින ගැටුම්කාරී තත්ත්වය සමතයකට පත් කිරීම සඳහා කිසිදු වැදගත් යෝජනාවක් ඇතුලත්ව නොතිබූ බැවින් සහ ඇමෙරිකාව විසින් තමන්ට රිසි නොවන ලිබියානු වැනි පාලනයන් පෙරළා දැමීම සඳහා එ.ජා. සංවිධානය අතකොළුවක් කරගෙන ඇති බවත් එයට කිසි ලෙසකින්වත් තවදුරටත් ඉඩ දිය නොහැකි බැවින් අදාළ යොජනාව පරාජය කළ බව රුසියානු විදේශ අමාත්‍යංශය බෑන් කී මූන්ගේ ප්‍රකාශයට පිළිතුරු ලබාදෙමින් පවසා ඇත.

සිරියානු ව්‍යාකූලත්වය සමතයකට පත් කිරීම සඳහා අවශ්‍යය සාධාරණ යෝජනා එම අවසාන යෝජනාවේ කොහේ අතුලත් වී තිබුනේ දැයි පෙන්වා දෙන ලෙසටද අදාළ පාර්ශවයන්ගෙන් ඉල්ලා සිටින බවටද රුසියානු විදේශ අමාත්‍යංශය ඉල්ලීමක් ද කර ඇත.

බ්‍රිතාන්‍යය අග්‍රාමාත්‍ය ඩේවිඩ් කැමරූන් විසින් රුසියාව සහ චීනය විසින් අදාළ යෝජනාව පරාජය කිරීමෙන් සිරියාව ලේ විලක් කිරීම සඳහා කූරතර බෂාර් අල් අසාද්ට ලයිසමක් ලබා දී ඇතැයි දැඩි කෝපයෙන් යුතුව පවසා ඇතැයි වැඩිදුරටත් සඳහන් වේ.

බෂාර් අල් අසාද් වැනි මිලෙච්ඡයෙකුව ආරක්‍ෂා කිරිම සඳහා රුසියාව සහ චීනය විසින් ලබාදුන් තීන්දුව ලැජ්ඡා සහ නින්දා සහගත ක්‍රියාවක් බව එ.ජා. ආරක්‍ෂක මණ්ඩලයේ ඇමෙරිකානු විශේෂ තනාපති නියෝජිතවරිය වන සුසාන් රයිස් විසින් පවසා ඇත.

රුසියාව සහ චීනය මඟහරිමින් බෂාර් අල් අසාද් පාලනය අවසන් කිරීම සඳහා අනෙකුත් සියළුම ජාතීන් පෙරමුණ ගත යුතු ඇතැයි ප්‍රංශ ජනාධිපති නිකොලායි සර්කෝසි ද පවසා ඇත.

– මූලාශ්‍ර 01, සහන්

17,821 Viewers

——

ccnews

Add-here-new

contactus-n