ලෝක ආර්ථික අස්ථාවරභාවයෙන් ගැලවීඉමට නම් නොබැඳි ජාතීන්ගේ සමුළුවේ නියෝජිත රටවල්වලින් සමන්විත නව ආර්ථික සංධානයක් පිහිටුවීම අද දවසේ අත්‍යවශ්‍ය කාරනයක් වී ඇති බව ජනාධිපති මහින්ද රාජපක්ෂ මහතා පවසයි.ටෙහෙරාන් නුවට පැවැත්වෙන නොබැඳි ජාතීන්ගේ 16 වන සමුළුව අතරතුර “Press TV” නාලිකාව සමග කෙටි සාකච්චාවකට එක්වෙමින් මහින්ද රාජපක්ෂ මහතා මේ අදහස් පලකර තිබේ.

30 වසරක ත්‍රස්තවාදී කෙනෙහිළිකම්වලින් සාර්‍තකව මිදීමට තම රටට හැකි වූ බව පවසන මහින්ද රාජපක්ෂ ජනාධිපතිවරයා නමුත් ලෝකයේ සමහර රටවල් එය නිවරදිව හඳුනාගෙන නැති බවත් ප්‍රකාශ කරයි. එහිදී අදහස් දක්වන ජනාධිපතිවරයා ” මේ වෙලාවේ නොබැඳි සමුළුව පැවතීම ඉතාමත්ම උචිතයි.අපි කිසිම කඳවුරකට ගැති නෑ.ඒකයි නොබැඳි ජාතීන් කියන්නේ.අද මෙවැනි සංවිධානයක අවශ්‍යතාව තදින්ම දැන්නෙනව.තමන්ගේ නිදහස් දැක්ම නියෝජනය කල හැකි සංවිධානයක් ලෙසයි නොබැඳි සමුළුව සැලකෙන්නේ.මෙවර සමුළුවේ ප්‍රමුඛ අරමුණ ආර්ථිකය පිළිබඳ කාරණාවයි.ලෝක ආර්ථික අස්ථාවරභාවයක් ඇති වී ඇති මෙවැනි වකවානුවක එය ඉතා වැදගත්. අද නොබැඳි ජාතීන්ගේ ආර්ථික සංධානයක අවශ්‍යතාව තදින් දැනෙනව .එලෙසම ත්‍රස්තවාදයට එරෙහිව කටයුතු කිරීමත් මෙව රමුඛ්‍ය කාරනයක්. ” යැයිද පැවසීය.

සාකච්චාකරු නගන ප්‍රශ්නයකට පිළිතුරු දෙන රාජපක්ෂ මහතා” නොබැඳි සමුළුවට සහභාගි නොවන ලෙස අපට කිසිවකු බලපෑම් කලේ නෑ.අපි ශ්‍රී ලංකාවේ ත්‍රස්තවාදය සහමුලින්ම පරාජය කලා.අපි වසර 30ක් පීඩා වින්දා මෙම ත්‍රස්තවාදයෙන්.නමුත් අවසානයේ අපි ජයග්‍රහනය කලා.අද වන විට අපි ත්‍රස්තවාදීන් පවා පුනරුත්ථාපනය කරන නැවත සමාජගත කරල තියෙනව.අද ඔවුන් සමාජය එක්ක එකට වැඩ කරනව.අපිට පුළුවන් වුනා වසර තුනක් වැනි කාලයකදි එය සිදු කරන්න.ලෝකය හඳුනාගත යුතුයි එය.නමුත් අවාසනාවට සමහරුන් එය නිවරදිව හඳුනාගෙන නෑ” යැයිද පැවසීය.

මූලාශ්‍ර – 01

- යටියන ප‍්‍රදීප් කුමාර