හොර අල්ලන්නට විභාග දෙපාර්තමේන්තු පරිශ‍්‍රයට ආරක්ෂිත කැමරා 92 ක්

විභාග දෙපාර්තමේන්තු පරිශ‍්‍රය  ආරක්ෂිත කැමරා 92 කින් ආවරණය කිරීමට අවශ්‍ය වැඩකටයුතු මේ දිනවල සිදු කෙරෙමින් පවතින බව විභාග කොමසාරිස් ජෙනරාල් ඩබ්ලිව්. එම්. ඒ. ජී. පුෂ්පකුමාර මහතා පැවසීය.

අ.පො.ස. සාමාන්‍ය පෙළ විභාගයේ විද්‍යාව ප‍්‍රශ්න පත‍්‍රය පිටිවීමට අදාළව සිදු කරන ලද අභ්‍යන්තර  පරීක්ෂණයේ නිර්දේශයක් ක‍්‍රියාවට  නැංවීමක් ලෙස මෙය ඉටු කරනු ලබන බවද විභාග කොමසාරිස්වරයා  ප‍්‍රකාශ කළේය. මෙම ආරක්ෂිත කැමරා පද්දතිය හරහා විශේෂයෙන් මුද්‍රණාලය, දත්ත පරිගණක ගත කිරීමේ අංශය වැනි විශේෂිත අංශ සදහා වැඩි ආවරණයක් ලබා දීම සිදු වේ.

මෙලෙස කැමරා පද්ධති සවි කිරීම හරහා මාස 3ක  රූපරාමු මෙහි පටිගත වන අතර යම් සිදුවීමකදී එය නිරීක්ෂණ කටයුතු සදහා විශාල පහසුවක් බවත් මෙමගින් ඉදිරියේදී ප‍්‍රශ්න පත‍්‍ර පිටකිරීම වැනි ක‍්‍රියාවන් සිදුවීමට ඇති ඉඩකඩ ඇහිරෙන බව ද විභාග කොමසාරිස් ජෙනරාල්වරයා  අවධාරණය කළේය.

3,543 Viewers

Add-here-new

contactus-n