පොදු රාජ්‍ය මණ්ඩල රාජ්‍ය නායකයන්ගේ භාර්යාවන්ට සංචාරක පැකේජයක්

නොවැම්බර් මාසයේදී මෙරට පැවැත්වෙන පොදු රාජ්‍ය මණ්ඩලීය සමුළුවට සහභාගීවීම සඳහා පැමිණෙන රාජ්‍ය නායකයින්ගේ භාර්යාවන්ට මෙරට තුළ සංචාරය කිරීම සඳහා විශේෂ චාරිකා පැකේජයක් සංවිධානය කිරීමට සැලසුම් කෙරෙන බව ශ්‍රී ලංකා සංචාරක ප‍්‍රවර්ධන කාර්යාංශයේ කළමනාකාර අධ්‍යක්ෂ රූමි ජවුෆර් මහතා පැවසීය.

‘Spouse Tourism’ නම් වූ විශේෂිත සංචාරක නිෂ්පාදිතයක් ලෙස මෙය ඉදිරිපත් කෙරෙන බව හෙතෙම සඳහන් කළේය.

‘ගාල්ල, මහනුවර වැනි නගර කිහිපයක් යොදාගනිමින් මෙම විශේෂිත චාරිකා සූදානම් කෙරෙනවා. මෙම සමුළුව සඳහා රටවල් 54 ක් පැමිණෙනවා. එම බහුතරයක් රටවල සිටින්නේ රාජ්‍ය නායකයින්, ඔවුන්ගේ භාර්යාවන් වෙත මෙවන් චාරිකාවක් ලබාදීම පොදු රාජ්‍ය මණ්ඩල සමුළුවට අලංකාරයක් එක් කරනවා වගේම එම රටවලට ශ්‍රී ලංකා සංචාරණය ගෙන යාමටත් විශාල සහායක් වේවි. විශේෂයෙන්ම රාජ්‍ය නායිකාවන්ගෙන් භාර්යාවන් එක් කරගත් මෙවැනි කටයුත්තකට විශාල ජාත්‍යන්තර අවධානයක් මාධ්‍ය හරහා ලැබෙනවා. එයත් අපේ සංචාරක කර්මාන්තයට විශාල පිටිවහලක් වේවි’ යයි හෙතෙම විස්තර කළේය.

8,346 Viewers

——

cnewsgossip99_22_0gossoplankamuthupini

Add-here-new

contactus-n