දයාසිරි කේන්දරය බලවගන්න… ගිලෙන නැවකට කවුරුවත් පනින්නෑ

එක්සත් ජාතික පක්ෂයේ මහලේකම් තිස්ස අත්තනායක මහතා කුරුණෑගලදී පැවති එජාප දිස්ත‍්‍රික් බල මණ්ඩල රැස්වීමක් අමතමින් පැවසුවේ දයාසිරි ජයසේකර යනු වාසනාවට වඩා අවාසනාව තිබෙන පුද්ගලයකු බව මේ වනවිට ඔහු විසින්ම ඔප්පුකර අවසාන බවයි.

ඔහුගේ දේශපාලන තිඹිරිගෙය යැයි පවසන ශ‍්‍රී ලංකා නිදහස් පක්ෂයේ සිටියදී ප‍්‍රාදේශීය සභා මැතිවරණයකදී වැඩිම මනාප ඡුන්ද ලබා ගත්තද, ඔහුට පඩුවස්නුවර ප‍්‍රාදේශීය සභාවේ සභාපති තනතුර තබා උප සභාපති  තනතුරවත් නොලැබුණු බව තිස්ස අත්තනායක මහතා පැවසීය.

රූපවාහිනී මෙගා ස්ටාර් ගායන තරගයෙන් ඔහු ජයග‍්‍රහණය කරතැයි මුළු රටම බලා සිටියද, එයද ඔහුට අහිමි වූ බව පෙන්වා දුන් ඒ මහතා, එක්සත් ජාතික පක්ෂයේ ජාතික සංවිධායකකම සදහා පැවැත්වු ඡුන්දයෙන් ඔහු පරාජයට පත්වූ බවද පවසා සිටියේය.

පසුගිය මහසභා මැතිවරණයේදී කුරුණෑගල දිස්ත‍්‍රික්කයේ වැඩිම එජාප ඡුන්ද සංඛ්‍යාව ඔහු හිමිකර ගත්තද,තමන් ඒ සම්බන්ධයෙන් කිසිවක් ප‍්‍රකාශ නොකරන බව අත්තනායක මහතා පැවසීය.

මේ වනවිට සන්ධානයෙන් වයඹ මැතිවරණයට ඉදිරිපත්ව සිටින ජයසේකර මහතාට වඩා වැඩි මනාප ඡන්ද සංඛ්‍යාවක් ජොන්ස්ටන් අමාත්‍යවරයාගේ පුත් ජොහාන් ප‍්‍රනාන්දු හිමි කරගන්නා බවට රාජකීය දෛවඥයා වන සුමනදාස අබේගුණවර්ධන මහතා විසින් අනාවැකියක් පළකර තිබීමෙන්ම ජයසේකර මහතා කොතරම් අවාසනාවන්තයෙක් දැයි පැහැදිලි වන බවද එජාප මහලේකම්වරයා පැවසීය.

ගිලෙන නැවකට කිසිවකු පනින්නේ නැති බැවින් දයාසිරිගේ කේන්දරය බලවා ගන්නා ලෙස ඔහුට දන්වා සිටිනවා යැයිද අත්තනායක මහතා වැඩිදුරටත් පැවසීය.

10,557 Viewers

——

cnews

Add-here-new

contactus-n