අගමැතිගෙන් අසා කතානායක තීන්දුව ගනී.. බැදුම්කර හා බරපතල කොමිෂන් වාර්තා විවාද කරන දිනය මෙන්න..

January 30, 2018 at 3:00 pm | lanka C news
අගමැතිගෙන් අසා කතානායක තීන්දුව ගනී.. බැදුම්කර හා බරපතල කොමිෂන් වාර්තා විවාද කරන දිනය මෙන්න..

පාර්ලිමේන්තු කටයුතු පිළිබඳ කාරක සභාව (පාර්ලිමේන්තුවේ පක්ෂ නායක රැස්වීම) අද (2018.01.30) දහවල් 12ට කථානායක කරු ජයසුරිය මහතාගේ ප්‍රධානත්වයෙන් රැස්විය.

මෙම අවස්ථාව සඳහා නියෝජ්‍ය කථානායක තිලංග සුමතිපාල, පාර්ලිමේන්තු කටයුතු පිළිබඳ කාරක සභාව නියෝජනය කරන ඒ ඒ පක්ෂ නියෝජිතයන් වන අමාත්‍ය ලක්ෂ්මන් කිරිඇල්ල. අමාත්‍ය මහින්ද සමරසිංහ, පාර්ලිමේන්තු මන්ත්‍රි දිනේෂ් ගුණවර්ධන, පාර්ලිමේන්තු මන්ත්‍රී රවි කරුණානායක , පාර්ලිමේන්තු මන්ත්‍රී විජිත හේරත් සහ යන මහත්වරු සහභාගී වූහ.

ඊට අමතරව ද්‍රවිඩ ජාතික සන්ධානයේ නියෝජිතයා ලෙස පාර්ලිමේන්තු මන්ත්‍රී ඒ. සුමන්තිරන් මහතා ද සහභාගී විය.

මෙම අවස්ථාවට කථානායකතුමාගේ විශේෂ ඇරයුම පරිදි මැතිවරණ කොමිසන් සභාවේ සභාපති මහින්ද දේශප්‍රිය එහි සෙසු සමාජිකයන් දෙදෙනා වන ජනාධිපති නීතිඥ නලින් ජයන්ත අබේසේකර, මහාචාර්ය සැමුවෙල් රත්නජීව සහ මහත්වරු සහ අතිරේක මැතිවරණ කොමසාරිස් එම්.එම්.මොහොමඩ් යන මහත්වරුද එක් වූහ.

එළඹෙන පෙබරවාරි 08 දින පාර්ලිමේන්තුව කැඳවීම පිළිබඳව ගරු අග්‍රාමාත්‍යතුමා විසින් පලකර ඇති අදහස් සහ එහිදී ඇති විය හැකි ප්‍රයෝගික තත්වයන් පිළිබඳව මැතිවරණ කොමිෂන් සභාව පෙන්වා දී ඇති කරුණු කෙරෙහි රැස්වීමේ මූලික අවධානය යොමු විය.

මෙහිදී මැතිවරණ කොමිෂන් සභාවේ සභාපති වරයා ඇතුළු කොමිෂන් සභාව විසින් සාධාරණ නීතිගරුක මැතිවරණයක් පැවැත්වීම සඳහා ගෙන ඇති පියවර අගය කල කථානායක කරු ජයසුරිය මහතා පෙන්වා දුන්නේ ඔවුන් විසින් සාර්ථක අන්දමින් ඉටුකරමින් පවතින මැතිවරණ පැවැත්වීමේ ක්‍රියාවලියට බාධා නොවන ලෙස තීරණ ගැනීම සුඳුසු වන බැවින්, හැකියාවක් තිබේ නම් පෙබරවාරී 08 වන දාට පෙර දිනයක පාර්ලිමේන්තුව කැදවීම සඳහා සලකා බැලීම සුදුසු බවයි.

පක්ෂ නායක රුස්වීමට එක් වූ බහුතර පිරිසද එය අනුමත කරමින් අදහස් දැක්වූහ.

අනතුරුව මෙම කරුණු පිළිබඳව අග්‍රාමාත්‍යතුමන්ගේ ද මතය විමසා සිටි අතර, එතුමන් දන්වා සිටියේ පෙබරවාරී 06 දින පාර්ලිමේන්තුව රැස්කිරිම යෝග්‍යවනු ඇති බවයි. ඒ අනුව ස්ථාවර නියෝග 14 යටතේ, එදින පාර්ලිමේන්තුව කැඳවන ලෙස අග්‍රාමාත්‍යතුමන් විසින් කථානායකතුමන්ගෙන් නිල වශයෙන් ඉල්ලා සිටින ලදී.

ඒ අනුව පෙබරවාරි මස 06 දින පෙ.ව. 10.30 ට පාර්ලිමේන්තුව රැස්වීමට නියමිත වන අතර, එහිදී බරපතල වංචා හා දූෂණ පිළිබඳ ජනාධිපති කොමිෂන් සභා වාර්තාව සහ මහබැංකු බැඳුම්කර පිළිබඳ ජනාධිපති කොමිෂන් සභා වාර්තාව පාර්ලිමේන්තුවේ විවාදයට ගැනෙනු ඇත.

– කථානායක මාධ්‍ය අංශය

32 views

4 Comments to “අගමැතිගෙන් අසා කතානායක තීන්දුව ගනී.. බැදුම්කර හා බරපතල කොමිෂන් වාර්තා විවාද කරන දිනය මෙන්න..”

  1. සනත් ඉතාලිය says:

    සාකච්ඡාවෙන් සම්මුතියන් ඔය විදියට තීරණ ගන්න ඒ වගෙම එදිනට විවාදයත් මඩ වලින් තොරව හරියට තියෙනන

    • Open mind says:

      ඔබේ අදහස ඉතා හොඳ යි. එහෙත් අපේ නියෝජිතයන් ගැන……..?

  2. daham says:

    agamathi kiyayi mulin vivaadaata ganna kiyala barapathala moolya wancha warthaawa. ethakota bandumkare vivaadayata kaaleyak naha 10 wanidata issella. me upparawattiya thamayi oya kranna hadanne. parlimenthuwa goriyak gihilla dina niyamayak nathiwa kal damaavi. onne viya haki de.

    • සනත් ඉතාලිය says:

      අනිවාර්යයෙන් රනිල් කියන්නේ ගිනිවලල්ල අතරින් ගුවන් යානා ඉන්දනත් කිසිම හානියක් නතිව අරගෙන යන්න පුලුවන් සූත්තර පුන්චෙක් නත්නම් 29 වතාවක් පරාජිත වෙලත් පක්ශෙ නායකම රකගනිද

Main News