අගමැතිට විරුද්දව ආණ්ඩු පක්ෂයේම විරෝධය…

June 27, 2022 at 2:10 pm | lanka C news
අගමැතිට විරුද්දව ආණ්ඩු පක්ෂයේම විරෝධය…

රටේ ආර්ථික ගැටළුව විසඳන්නට සර්ව පාක්ෂික ආණ්ඩුවක් පිහිටුවන්නට කියා බොහෝ දෙනෙක් කළ ඉල්ලීම පටලවා ගැනීම වත්මන් ආණ්ඩුවේ අසාර්ථකත්වයට ප්‍රධාන හේතුවක් බව ආචාර්ය නාලක ගොඩහේවා පවසයි.

ඔහු එසේ පැවසුවේ ගම්පහ ප්‍රදේශයේ ව්‍යාපාරිකයන් හා වෘත්තිකයන් පිරිසක් සමඟ පැවති රැස්වීමකදීයි.

මේ රැස්වීමේ අරමුණ වූයේ දිගින් දිගටම උග්‍රවන ජනතා ප්‍රශ්ණ වලට ආණ්ඩුවෙන් විසඳුම් නොලැබෙන තත්වයක් තුල ගත යුතු ඉදිරි පියවර සාකච්ඡා කිරීමයි.

” ලෝකයේ ඕනෑ තරම් උදාහරණ තිබෙනවා ජාතික අර්බුදයකදී රටේ සිටින ප්‍රධාන පක්ෂ එකට එක්වී ජාතික එකඟතා ආණ්ඩු පිහිටුවාගෙන ප්‍රශ්න වලට පිළියම් සොයපු. මේක තාවකාලික එකඟතාවක් . නමුත් එහි වාසිය තමයි රටක් වශයෙන් පොදු එකඟතාවයකින් තීන්දු තීරණ ගන්නට තිබෙන හැකියාව. පක්ෂ වශයෙන් බෙදී වෙන් වී ඉද්දී ගන්න බැරි, දේශපාලනමය වශයෙන් ජනප්‍රිය නොවන දුෂ්කර තීන්දු වුනත් ගන්න එතකොට අවස්ථාව ලැබෙනවා. සර්ව පාක්ෂික ආණ්ඩුවක් පිහිටුවන්න කියල අපි දිගින් දිගටම කිව්වේ ඒකයි.

සර්ව පාක්ෂික ආණ්ඩුවක ආණ්ඩු පක්ෂයයි ප්‍රධාන විපක්ෂයයි ඉන්නම ඕනේ. ඊට අමතරව පාර්ලිමේන්තුව තුල සිටින අනෙකුත් ප්‍රධාන පක්ෂ ඉන්නට ඕනේ. නමුත් අද මේ හදලා තියෙන ආණ්ඩුවේ ප්‍රධාන විපක්ෂ කණ්ඩායම් තියා අඩුම ගානේ ආණ්ඩු පක්ෂයවත් හරියට නියෝජනය වෙනවද කියල ප්‍රශ්ණයක් තියෙනවා. එක ආසනයක් විතරක් තියෙන පක්ෂයකට අගමැති කම දීලා දැනටමත් ඔහුට විරුද්ධව ආණ්ඩු පක්ෂයේම විරෝධය මතු වෙන්න පටන් අරන්. ප්‍රධාන විපක්ෂ‍‍යෙන් කඩල ගත්ත දෙන්නෙකුට ඇමතිකම දීලා පාර්ලිමේන්තුව තුල ඒ දෙන්නට තමුන්ගේ චන්ද දෙක හැරුණම වෙන කිසිම සහයෝගයක් නෑ. තවත් ප්‍රධාන පක්ෂකින් ගත් දෙන්නව ඒ පක්ෂේ තරතුරු වලිනුත් නෙරපලා. කැබිනට් මන්ඩලයේ 20 දෙනාගෙන් 5 දෙනෙක් චන්ද පදනමක් නැති ජාතික ලැයිස්තුවෙන් ආ අය. තවත් කැබිනට් එක තුල ඉන්න පක්ෂ නායකයො 3 දෙනෙකුටම පාර්ලිමේන්තුව තුල තියෙන්නේ එක් මන්ත්‍රී ආසනය බැගින් විතරයි. ඉතින් කොහොමද මේ කැබිනට් මණ්ඩලය සර්ව පාක්ෂික වෙන්නේ ? පාර්ලිමේන්තුව තුල ස්ථිර බලයක් නැතුව කොහොමද රටට වැදගත් වන අසීරු තීරණ ගන්නේ.

අද ජනතාව ගෙවන බදු මුදල් වලින් වැඩි කොටසක් වැය වෙන්නේ රටට කිසිදු ඵලදායීතාව‍යක් නැති ආයතන නඩත්තු කරන්න. මේ රටට විශාල ධන හානියක් කරන ශ්‍රී ලංකන් ගුවන් සේවය, විදුලි බල මණ්ඩලය, ඛනිජ තෙල් සංස්ථාව වගේ ආයතන ප්‍රතිව්‍යුහගත කරන්නට මේ කැබිනට් මණ්ඩලයට කවදාවත් හම්බ වෙන්නේ නෑ. එසේ නොකොට කොහොමද අපි මේ රජයේ වියදම් අඩුකරගන්නේ. රටේ මිනිස්සු දුක් විඳින ගෑස් හිඟයට, තෙල් හිඟයට , විදුලිය හිඟයට හා මේ සේවාවන්හී අධික මිලට එකම විසඳුම ඒ ක්ෂේත්‍රවල තිබෙන රජයේ ඒකාධිකාරිය බිඳින එකයි. මේ කැබිනට් මණ්ඩලයට පුළුවන් වෙයිද ඒ මොනවාවත් කරන්න.

රටක් පාලනය කරනවා කියන්නේ කොහෙන් හරි ණයක් ලබා ගෙන එදා වේල කලමණාකරනය කරනා එක නොවෙයි. දීර්ඝ කාලීනව ආයේ මේ ප්‍රශ්ණ ඇති නොවෙන්න විසඳුම් සපයන එකයි කල යුත්තේ. නමුත් IMF හෝ වෙනත් විදේශ ණයක් ගැන කතාකරමින් ජනතාවට බලාපොරොත්තු දෙනවා හැර වෙන විසඳුමක් අපට අහන්න ලැබෙනවාද ? මෙච්චර ණය නිසා හිරවෙලා ඉන්න අපි තවත් ණය අරගෙන මේ අවුරුද්ද කොහොම හරි ගැටගසා ගත්තා කියමු. එන අවුරුද්දේ අපි මොකද කරන්නේ. ණය ගෙවන්න බැරි අපිට ආයේ කවුද ණය දෙන්නේ. ඒ නිසා ණය දිහාම බලන් ඉන්නේ නැතුව විදේශ විනිමය වැඩි වශයෙන් රටට ගෙනෙන්නට , රටේ තියන අසීමාන්තික නාස්තිය දුෂණය අඩු කරල වියදම පාලන කරගන්න, රටට බරක් වෙලා තිබෙන 400 කට කිට්ටු රාජ්‍ය ආයතන ප්‍රතිව්‍යුහගත කරලා ඒවායෙන් ආදායමක් ලබා ගන්න, අඩුම ගානේ ඒවායින් පාඩු වෙන එක නවත්තගන්න වැඩපිළිවෙළක් නේද අපිට දැන් ආණ්ඩුවෙන් අවශ්‍ය. කෝ අගමැතිතුමා ඒවා ගැන කතා කරනවාද ? ඇමතිවරු කතාකරනවාද ? ජනාධිපති තුමාත් බොහෝ කාලෙකින් ජාතිය අමතලා නැහැ. මෙහෙම ගියොත් පීඩනයෙන් පෙලෙන ජනතාව ලඟදිම ආයෙත් පාරට එන්න පුළුවන් සමස්ථ ආණ්ඩුවටම ගෙදර යන්න කියාගෙන. අපි කතා කරන්නේ ජනතාව වෙනුවෙන්. අපට චන්දය දුන්න ජනතාව ගැන අපට වගකීමක් තිබෙනවා” ආචාර්ය ගොඩහේවා තවදුරටත් පැවසීය.

උදිත වික්‍රමාරච්චි
මාධ්‍ය ලේකම්

43,698 views

6 Comments to “අගමැතිට විරුද්දව ආණ්ඩු පක්ෂයේම විරෝධය…”

  1. dev says:

    Goda haawaa neda

    Dulus janapathi karamu, wimal agamathi. puthano gana mokada hitenne

    • Desapriya says:

      දැන් මුලින්ම කලයුත්තේ රනිල් පන්නා දැමීම .රනිල් ලේසියෙන් තණතුරු අත හරින පුද්ගලයෙක් නොවේ .අවුරුදු 25 කට වැඩි කාලයක් සිට එජාප නායකත්වයෙන් පන්නා දැමීමට සියලුම දෙනා උපරිමයෙන් උත්සාහකලත් තාමත් බැරි උනා රනිල් එලවන්ඩ .තණතුරු අතනොහැරීමේ අධික කෑදරකමට රනිල් දෙවෙනිවන්නේ මහින්දට පමනයි .අද අර කොල්ලො කෙල්ලෝ නැත්නම් තාමත් මහින්ද දරුපවුල සමග රට කනව . මේ රටේ කිසිවෙක් හිතුවෙ නෑ මහින්ද එලවන්ඩ පුලුවන් වෙයි කියල .කාදිනල් කීවෙ දෙවියන්වහන්සේට සියල්ල කලහැකි උනත් මහින්ද එලවන්ඩ බෑ කියල .ගෝටත් ඒ කතාවට සමන කතාවක් කියල තිබුන .මහින්ද පැන්නීම පිලිබදව අරගල බූමියේ සිටි කොල්ලො කෙල්ලන්ට ජනාධිපති සම්මන පිදිය යුතුයි . රනිල් කියන්නේ මහින්දගේ අතිජාත මිත්‍රය ඔහුන්ට ඇත්තේ සමාන ගතිගුන .රනිල් ගල් වෙන්ඩ කලින් හැකි ඉක්මනින් පන්නා දැමිය යුතුයි ඒ සමගම හරින් මනුශ නලින් වගේ රනිල්ගේ වටපඩයෝ ටිකත් පන්නා දැමිය යුතුයි .

  2. john the Baptice says:

    බටලන්දෙට අගමැතිකම දීම විසාල වරදක්

  3. Sunil says:

    Ganda balllo thama horakam hangagena berenna hadanne. Hora loan okkoma honadai. IMF epa.

  4. SL says:

    oh another 15% talk bulshit

  5. Susantha says:

    දැන් වාරකන් කාලෙට කැස්බෑවුන් මැරෙන්නෙ නැද්ද, ජාතිවාදය වපුරලා හොරු රජකරපු තෝත් වගකිව යුතුයි

Main News