අගමැති අද බැදුම්කර කොමිසමේ.. ප‍්‍රශ්න කලින්ම සූදානම්.. දප්පුලි වෙනුවට නීතිපති ප‍්‍රශ්න අහයි..

අග්‍රාමාත්‍ය කාර්යාලයේ අතිරේක ලේකම්වරියක් ලෙස සේවය කරන නිතීපති දෙපාර්තමේන්තුවේ හිටපු ඉහළම නිලධාරිනියක් විසින් අද දිනයේ බැදුම්කර කොමිසම හමුවේ පෙනි සිටින අගමැතිවරයාගේ ප්‍රශ්න කිරිමට අදාළ කටයුතු ලහි ලහියේ සූදානම් කර ඇති බවට අන්තර්ජාලයේ සමාජ මාධ්‍ය වාර්තාවන්හි දැක්වෙයි.

මේ දක්වා එම කොමිසමේ පැමිණිල්ල වෙනුවෙන් හරස් ප්‍රශ්න මෙහෙය වු අතිරේක සොලියස්ටර් ජෙනරාල් දප්පුල ද ලිවේරා මහතා වෙනුවට රජයේ නීතිපතිවරයා විසින්ම ප්‍රශ්න කිරිමට නියමිතය.

මෙහිදී අගමැති කාර්යාලයේ සේවය කරන විශ්‍රාමලත් නීතිපති දෙපාර්තමේන්තුවේ නිලධාරිනිය අගමැතිවරයාගේ පෞද්ගලිකත්වය හෝ තනතුර හෑල්ලුවට ලක්වන කිසිදු ප්‍රශ්නයක් නොඇසෙන ලෙස ක්‍රියාත්මක වීමට අවශ්‍ය කටයුතු සුදානම් කොට ඇතැයිද වාර්තාවන්හි සදහන්ය.

එහෙත් මෙහිදී ඉතා වැදගත් වනුයේ බැදුම්කර කොමිසමේ සභාපති විනිසුරුවරයා මෙන්ම අනිකුත් විනිසුරුවරයා සම්බන්ධයෙන් ජනතාව දැඩි විශ්වාසයකින් කටයුතු කිරිමයි. ජනතාව බලාපොරොත්තු වනුයේ ඒ හරහා ජනතාවට අහිමි කල කෝටි ගනනක් මුදල්වලට නිසි වගකිවයුත්තන් හසුකර ගැනීමට මෙම කොමිසමේ ක්‍රියාකාරිත්වය උපයෝගී වේ යයි යන්නය.

එමෙන්ම මෙරට ඉතිහාසයේ සිදු වු විශාලතම රාජ්‍ය මුදල් වංචාව යහපාලන ආණ්ඩුව තුල සිදු වීමත් ඒ හරහා ජනතාවට අයත් කෝටි ගනනක මුදල් මහා පරිමාණ ජාවාරම්කාරයන් අතට පත්විමත් යටපත් කල නොහැකි වරදක් ය.

විශේෂයෙන්ම මෙරටේ සේවක අර්ථසාධක තැන්පත් මුදල් මෙන්ම රාජ්‍ය බැංකුවල මුදල් මහා දවල් මංකොල්ලකෑම් සදාචාර සම්පන්න ලෝකයේ අනුමත නොකරන ක්‍රියාවකි.

එහෙත් අවසාන වශයෙන් මෙරටේ සිටින මහා යතිවරයෙකු වන මහාචාර්ය බෙල්ලන්විල විමලරත්න නාහිමියන් පැවසූ දෙය ද අමතක කල නොහැකිය. එනම් මෙවැනි කොමිසම් පත්කොට රටේ දැවෙන ප්‍රශ්න යට ගැහිමේ උත්සහය සම්බන්ධවයි.