අගමැති මහින්ද වීරවිල වැව ඉස්මත්තේ තරු හෝටලයක් විවෘත කරයි..

September 25, 2020 at 5:30 pm | lanka C news
අගමැති මහින්ද වීරවිල වැව ඉස්මත්තේ තරු හෝටලයක් විවෘත කරයි..

කේ.ඩී.යූ. ඇඩ්වෙන්චර්ස් (KDU adventures (Pvt) Ltd) සමාගම වීරවිල ප්‍රදේශයේ ඉදි කළ නවතම තරු පහේ හෝටලය වන “Double Tree” – වීරවිල රජවර්ණ රිසෝට් සංචාරකයන්ට විවෘත කිරීමේ අවස්ථාවට අග්‍රමාත්‍ය මහින්ද රාජපක්ෂ මැතිතුමා ඊයේ 2020.09.24 දින එක් විය.

වීරවිල වැව් ඉස්මත්තේ ඉදි කර ඇති මෙම හෝටල් සංකීර්ණය වර්ග අඩි 21000ක භූමියක පැතිර තිබේ. සුඛෝපභෝගී අවන්හල් ත්‍රිත්වයකින් යුතු මෙම හෝටලය කාමර 88කින් සමන්විතය.

සංචාරකයින්ට විවෘත වන හෝටලය ආරම්භ වූයේ සර්ව රාත්‍රික පිරිත් දේශනයකිනි.

මෙම හෝටල් සංකීර්ණය “Double Tree” සන්නාමය යටතේ හිල්ටන් සමූහයේ කළමනාකාරීත්වයෙන් සංචාරකයන්ට විවෘත වනු ඇත.

වීරවිල කුරුළු පාරාදීසය හා මත්තල ගුවන්තොටුපොළ ආසන්නයේ පිහිටා ඇති මෙම හෝටල් සංකීර්ණය යාල, බූන්දල, උඩවලව වැනි සංචාරක ආකර්ශනයක් දිනා ගත් අභය භූමි සඳහා ඉතා කෙටි කාලයක් තුළ ළඟා විය හැකි දෙස් විදෙස් සංචාරකයින්ගේ සුව පහසු නවාතැන් පොළක් වනු ඇත.

මෙම අවස්ථාව සඳහා අමාත්‍යවරුන් වන බන්දුල ගුණවර්ධන, උදය ගම්මන්පිල, රාජ්‍ය අමාත්‍ය ලොහාන් රත්වත්තේ, පාර්ලිමේන්තු මන්ත්‍රී ජගත් පුෂ්පකුමාර, යුධ හමුදාපති ලුතිනන් ජෙනරාල් ශවේන්ද්‍ර සිල්වා, අග්‍රාමාත්‍ය ලේකම් ගාමිණී සෙනරත්, KDU සමූහ ව්‍යාපාරයේ අධිපති සමන් උපසේන මහත්වරු ඇතුළු සම්භාවනීය අමුත්තන් රැසක් එක්ව සිටියහ.

රොහාන් වැලිවිට
අග්‍රාමාත්‍ය මාධ්‍ය ලේකම්.

62,580 views

7 Comments to “අගමැති මහින්ද වීරවිල වැව ඉස්මත්තේ තරු හෝටලයක් විවෘත කරයි..”

  1. Love nature says:

    හෝටලයේ අප්‍ර විත්ත වැවට යන්න නොදිය යුතුයි ජය පතමු.

    • Xx says:

      ඊට කලින් කියපං උඹ ඊයේ කුණු විසිකරේ කොහෙටද කියල.

  2. ගරු අග්‍රාමාත්‍යතුමන්ගේ සුරතින් ඇරබෙන මෙය ලොවටම අති සුන්දර ගමනාන්තයක්වේවායි පතමු!

  3. DIL says:

    දැන් ඉතින් මේවගෙනුත් පරිසරය හානි වෙනව කියල කෑ ගහන්නෙ නැතිව රට දියුණු වෙන එක ගැන හදවතින්ම සතුටු වෙමු.

    • ගරසරප says:

      එහෙම කෑ ගැහුවනම් ඉතින් කෑ ගහන්න තිබුනෙ මේක පටන්ගන්න ගස් එලි පෙහෙළි කරනකොට නේද? ඒ ඉතින් 2020 නෙවෙයි නේ. මතකද කන්ඩලම.
      මේ හෝටලේ කවදාවත් වැව වනසන්නෙ නෑ. වැව නැත්නම් හෝටලේත් නෑ. Waterfront කියන්නෙ clean waterfront මිසක් බේරෙ වැව වගේ එකක් නෙවේ.

  4. බින්දු කොඩිකාර says:

    අනේ අපේ වනාන්තර කපලා පරිසරය විනාශ කරලා දාන එක නවත්තන්නකො

  5. Nawodhi says:

    Visitors must boycott this hotel if it does not have an EIA clearance report.

Main News