අගමැති රනිල් ගැන බැදුම්කර කොමිසමේදී අර්ජුන් මහේද‍්‍රන් හෙලි කරයි.. මලික්-රවී-කබීර් ගැනත් කියයි..

September 22, 2017 at 10:30 pm | lanka C news
අගමැති රනිල් ගැන බැදුම්කර කොමිසමේදී අර්ජුන් මහේද‍්‍රන් හෙලි කරයි.. මලික්-රවී-කබීර් ගැනත් කියයි..

බැඳුම්කර විමර්ශන කොමිසමේදී හිටපු මහ බැංකු අධිපති අර්ජුන මහේන්ද්‍රන් මහතාගෙන් අද හරස් ප්‍රශ්න විමසනු ලැබී ය.

අර්ජුන මහේන්ද්‍රන් මහතා අද කොමිසමේදී පැවසුවේ, 2015 ජනවාරි 8 වන දින අග්‍රාමාත්‍ය රනිල් වික්‍රමසිංහ මහතා තමන්ට අධිපති ධූරය භාර ගන්නා ලෙස ඉඟියක් දැක්වූ බව ය.

කෙසේ වෙතත් වැඩ බලන සොලිසිටර් ජනරාල් දප්පුල දි ලිවේරා මහතා කියා සිටියේ, මහේන්ද්‍රන් මහතාට අග්‍රාමාත්‍යවරයා දුරකතනයෙන් අමතා එම තනතුර භාර ගන්නා ලෙස ඉල්ලීමක් කළ බව ය.

2015 පෙබරවාරි 26 වනි දින උදෑසන මහ බැංකුවේ සිදුවූ හමුවකට හිටපු මුදල් අමාත්‍ය රවි කරුණානායක, අමාත්‍ය කබීර් හෂීම්, එවක අග්‍රාමාත්‍ය උපදේශක මලික් සමරවික්‍රම, නියෝජ්‍ය අධිපතිවරුන් භාණ්ඩාගාර ලේකම් සහ මාර්ග සංවර්ධන අධිකාරියේ නිලධාරීන් පැමිණි බව මහේන්ද්‍රන් මහතා ප්‍රකාශ කළේ ය.

මහේන්ද්‍රන් මහතා කියා සිටියේ එම හමුවේදී මාර්ග සංවර්ධන කටයුතු සඳහා රුපියල් බිලියන 75ක හදිසි මුදල් අවශ්‍යතාවක් ගැන එහිදී සාකච්ඡා කළ බව ය.

ඔහු වැඩිදුරටත් පැවසුවේ, 2015 පෙබරවාරි 24 වන දින තිබූ කැබිනට් හමුවෙන් අනතුරුව අග්‍රාමාත්‍යවරයා තමන්ට වහාම මාර්ග සංවර්ධන අධිකාරියත් සමග සාකච්ඡා කර මාර්ග සංවර්ධන කටයුතු සඳහා වැයවන නිශ්චිත මුදල ගණනය කරන ලෙසට ය.

කොමිසමට මීට පෙර මහේන්ද්‍රන් මහතා ඔහුගේ නීතිඥයින් හරහා ඉදිරිපත් කළ දිනයක් නොමැතිව හිටපු මුදල් අමාත්‍යවරයාගේ අත්සනින් යුත් ලිපියක් පිළිබඳව ප්‍රශ්න කෙරිණි.

එම ලිපිය එවක මුදල් අමාත්‍යවරයාගෙන් ලැබුණු බව තමන් විශ්වාස කරන නමුත් එය නිශ්චිතව ඔහුගෙන් ලැබුණු බව ප්‍රකාශ කිරීමට අපහසු බව ඔහු ප්‍රකාශ කළේ ය.

මේ අතර කොමිසම ඉදිරියට සාක්ෂි ලබා දීමට කැඳවූ අවස්ථාවේදී හිටපු මුදල් අමාත්‍ය රවි කරුණානායක මහතා ඇතැම් කරුණු පිළිබඳව තමන් නොදන්න බව ප්‍රකාශ කළේ ය.

එමෙන් ම පර්පෙචුවල් ට්‍රෙෂරීස් සමාගමේ ප්‍රධාන විධායක නිලධාරී කසුන් පාලිසේන මහතාගෙන් ඇතැම් පුද්ගලයින් සඳහා යොදා තිබූ රහස් නම් පිළිබඳව විමසූ අවස්ථාවේදී ඔහු කියා සිටියේ, එම නම් ඕනෑම පුද්ගලයෙකුට හිමිවිය හැකි බව ය.

– newsfirst.lk

44 views

6 Comments to “අගමැති රනිල් ගැන බැදුම්කර කොමිසමේදී අර්ජුන් මහේද‍්‍රන් හෙලි කරයි.. මලික්-රවී-කබීර් ගැනත් කියයි..”

  1. ප්‍රවේනිදාස says:

    දප්පුල සෑර්!

    පරිස්සමින් ඔන්න!

    හොරේන්ද්‍රන් සෑර්ගෙ හිත රිදෙන්ඩ හරි උන්නැහෙට අගහුරොව වෙංඩ හරි පුරස්න අහනව හෙම නෙවෙයි හිටං!

    උන්නැහෙ රට පොරිජින් උත්තමයෙක් නොවැ!

  2. LION says:

    ‘මට මේ බැඳුම්කර ගනුදෙනුව සඳහා උපදෙස් දුන්නේ රනිල් මහතායි’ හිටපු මහ බැංකු අධිපති අර්ජුන මහේන්ද්‍රන් කෝප් කමිටුවට කියලා

  3. love nature says:

    රනිල් හා අර්ජුන කුඩාකල සිට මිතුරන් වන අතර රනිල් මෙන්ම අර්ජුන ද එක්සත් ජාතික පක්ෂයේ ප්‍රභල සමාජික පවුලක දරුවෙකි. කෙසේ වෙතත් අර්ජුන කුඩාකල සිට අධ්‍යාපන කටයුතුවලට ඉහල නිපුනතාවක් දැක්වූ අතර එම නිසාම වැඩිදුර අධ්‍යාපනය සඳහ විදේශගත වෙයි. කල්යත්ම රනිල් වරින් වර බලයට පැමිනෙන විට ආර්තික උපදෙස් ලබාගත්තේ අර්ජුන මහේන්ද්‍රන්ගෙනි.

  4. අරුණ says:

    මේකට රාජපක්ෂ නම තියන කෙනෙක් ගෑවිලා හිටියනම් රිමාන්ඩ් කරල තමයි සාක්කි හොයන්නේ….

  5. Nandasoma says:

    මේකත් අර ටෙලි නාට්‍යයක දර්ශණයක් වගේ….
    ප්‍රේක්ෂකය අමන්දානන්දයට පත් වෙන දර්ශණ පෙලක්…..

    නාට්‍යය ඊළඟ දිනයටත් ඇදෙනව….

    එකපාරටම නළුවෙක් බය වෙලා ඇහැරෙනව…..

    බලනකොට ඒක හීනයක් විතරයි…..

  6. Dr Lakshman Fernando says:

    Will see, What is the solution ?

Main News