පොහොට්ටු ජනාධිපති අපේක්‍ෂක ගැන නාමල් කියයි.. ඔහු උතුර-දකුණ එක් කල හැකි අයෙක්..

July 7, 2019 at 1:20 pm | lanka C news
පොහොට්ටු ජනාධිපති අපේක්‍ෂක ගැන නාමල් කියයි.. ඔහු උතුර-දකුණ එක් කල හැකි අයෙක්..

ඉදිරි මාස කිහිපය රටට තීරණාත්මකයි. ජනතාව සැබෑ වෙනසක් බලාපොරොත්තු වෙනවා. අපේ ජනාධිපති අපේක්ෂකයා කවුද කියල අහනවා. අපි ජන ජීවිතය ගොඩනගන්න පුළුවන්, පුළුල් දේශපාලන බලවේගයක් ගොඩනගනවා. උතුර , දකුණ එකට එකතු කරන්න පුළුවන් ජනාධිපති අපේක්ෂකයෙක් ලබන අගෝස්තු 11 වෙනිදා මහින්ද රාජපක්ෂ මහතා විසින් ප්‍රකාශයට පත්කරනු ඇතැයි හම්බන්තොට දිස්ත්‍රික් පාර්ලිමේන්තු මන්ත්‍රී නාමල් රාජපක්ෂ මහතා අකුරැස්සේදී පැවසීය.

මන්ත්‍රීවරයා මෙම අදහස් පළ කළේ අකුරැස්ස ශ්‍රී ලංකා පොදුජන පෙරමුණේ ආසන බල මණ්ඩලය සහ තරුණ සමුළුව අමතමිනි. අකුරැස්ස ආසනයේ ශ්‍රීලංකා පොදුජන පෙරමුණේ ප්‍රධාන සංවිධායක දේශමාන්‍ය කරුණා කොඩිතුවක්කු මහතාගේ පක්ෂ කාර්යාල පරිශ්‍රයේදී මෙම රැස්වීම පැවැත්විනි.

තවදුරටත් අදහස් දැක්වූ මන්ත්‍රීවරයා මෙසේද කීය. එදා පොදුජන පෙරමුණ ආරම්භ කරන කොට විශාල ලෙස අභියෝග තිබුනා. එක වෙලාවක රාජ්‍ය නායකයා කිව්වා අළුතින් පක්ෂයක් හැදුවොත් පාරේ ඇවිද්දවනවා කියල. තවත් සමහරු කිව්වා තුන්වෙනි බලවේගයක් අවශ්‍ය නෑ කියල. පක්ෂ හැදුවොත් බලාගමු කිව්වා. වසර කිහිපයක් ඇතුලත කෙටි කාලයක් තුළ ලංකා දේශපාලන ඉතිහාසයේ වගේම ලෝක දේශපාලන ඉතිහාසයේ එදා තුන්වෙනි බලවේගය අද ලංකාවේ පළවෙනි පළවෙනි බලවේගය වෙලා.

එදා අපේ ආණ්ඩුවේ ශ්‍රීලංකා නිදහස් පක්ෂයේ මන්ත්‍රීවරුන් 123 ක් පාර්ලිමේන්තුවේ හිටියා. උතුර හැර අනෙකුත් පළාත් සභා බලය ශ්‍රීලනිපයට හිමිවී තිබුනා. ඒ පළාත් සභා විසුරුවා කල් දැම්මා. පළාත් පාලන ආයතන අවුරුදු දෙකහමාරක් කල් දැම්මා. මැතිවරණ කල්දැමීම එක්සත් ජාතික පක්ෂයේ පුරුද්දක් වෙලා. මහින්ද ජනාධිපතිතුමා නියමිත කාලයට කලින් මැතිවරණ තිබ්බා. තමන්ට අවශ්‍ය ආණ්ඩුව තෝරාගන්න ජනතාවට අවස්ථාව දිය යුතුයි කියන එක එතුමා දැඩි ලෙස විහ්වාස කළා. ප්‍රජාතන්ත්‍රවාදය ගැන කතා කරන බටහිර බලවේග කලින් මැතිවරණ තිබ්බ මහින්ද රාජපක්ෂ ආණ්ඩුවට ඇඟිල්ල දික් කරනවා. මැතිවරණ කල්දාන මේ ආණ්ඩුවට විරුද්ධව බටහිර බලවේග ඇඟිල්ල දික් කරන්නේ නැහැ.

අපේ රජය සියළුම උපාධිධාරීන්ට රැකියා දුන්නා. රජයේ නිලධාරීන්ට යතුරු පැදි දුන්නා. නමුත් කාර් දෙනවා කිව්වම කාර් ගන්න ඡන්දය දුන්නා. අද රටේ ආර්ථිකය පිරිහෙමින් පවතිනවා. අද 5,60,000 ක් සාමාන්‍ය පෙළ විභාගයට ලියනවා. 3,40,000 ක් උසස් පෙළ විභාගයට ලියනවා. 65,000 – 1,00,000 ත් අතර විභාග සමත් වෙනවා. විශ්ව විද්‍යාලයට යන්නේ 28,000 ක වගේ පිරිසක්. අවුරුදු 20 – 35 ත් අතර තරුණ තරුණියන් විරැකියාවෙන් පෙළෙනවා. විරැකියා ප්‍රතිශතය 16% යි.

දවස් 100 න් මහබැංකුව සුද්ද කළා. අද ආර්ථිකය සහමුලින්ම කඩා වැටිලා. මහබැංකු මංකොල්ලයෙන් පස්සේ තමයි ආර්ථිකය කඩා වැටෙන්න පටන් ගත්තේ. ගමේ කඩයක් දාගෙන හිටිය අයගේ ව්‍යාපාර කඩා වැටිලා. කුලී වැඩකරන අයගේ රැකියා නැතිවෙලා. ළමයින්ගේ පන්ති ගාස්තු ගෙවා ගන්න බැහැ.

රස්සාවට යාම , කඩමණ්ඩියට යාම පැත්තකට තියල අම්මල තාත්තලට දරුවන්ගේ ආරක්ෂාවට පාසැල් වලට යන්න සිද්ධ වෙලා. බුද්ධි අංශ සහමුලින්ම කඩා වැටිලා. රජය රටේ ජනතාවගේ ආරක්ෂාව තුට්ටුවකට ගණන් ගන්නේ නැහැ. ආණ්ඩුව කඹ ඇදිල්ල පටන් අරගෙන තියෙනවා.

ආණ්ඩුව ජාතික ආරක්ෂාව මඟහැරලා. බුද්ධි අංශය කඩා වැටුනා. ඉන්දියාවෙන් කිව්වා ප්‍රහාරයක් වෙනව කියල. ජනාධිපති රටේ නැහැ. අගමැති ගමේ නැහැ. නිවාඩු ගිහිල්ලා. බුද්ධි අංශ වාර්තා මඟහැරියා. ජීවිත 250 ක් නැති වුනා. ලංකා ඉතිහාසයේ පළවෙනි වතාවට ප්‍රහාරයක් එනවා කියල බුද්ධි අංශය කියද්දී මඟ හැරියා.

සෝෆා ගිවිසුම ඇතුළු ගිවිසුම් තුනක් අත්සන් කරන්න ආණ්ඩුව උත්සාහ කරමින් ඉන්නවා. ත්‍රිකුණාමලය ඉඳල කොළඹට ඇමරිකානු ආධිපත්‍යයක් ගොඩනගන්න හදනවා. අපේ රටේ ‍භෞමික අඛණ්ඩතාවය විනාශ වෙනවා. මෙහෙම ගියොත් ලිබියාව , ඉරානය , සිරියාවට වෙච්ච දේ අපටත් වේවි යැයි කීය.

මාතර දිස්ත්‍රික් පාර්ලිමේන්තු මන්ත්‍රීවරුන් වන දිස්ත්‍රික් නායක ඩලස් අලහප්පෙරුම , නිරෝෂන් ප්‍රේමරත්න , මහින්ද යාපා අබේවර්ධන , කංචන විජේසේකර හා අකුරැස්ස ශ්‍රීලංකා පොදුජන පෙරමුණේ ප්‍රධාන සංවිධායක දේශමාන්‍ය කරුණා කොඩිතුවක්කු යන මහත්වරු සමුළුම ඇමතූහ.

– අකුරැස්ස එස්. විජිත

38 views

12 Comments to “පොහොට්ටු ජනාධිපති අපේක්‍ෂක ගැන නාමල් කියයි.. ඔහු උතුර-දකුණ එක් කල හැකි අයෙක්..”

  1. Nim says:

    PUTHA, OBTA DURA
    GAMANAK THIYENA WA.
    OBE KATHA AHANNA
    BARE WUNATH,
    OBE KATHI KATHWAYA MATA PENAWA.
    OBATA THERUWAN SARANA HA
    DEVI PIHITA.

  2. Preethi COORAY says:

    Hahahahaha ayemath Matta kata arala ….? Yako umbalage kaleth kale minissu rawattapu eka…!!! Umba lawyer kenek I eth horata liyal, umba salli deela Kello thiyagena hitiye…??? Air Lanka eka kewaa…? Umbalage mama komis gahuwaa…!!! Thiyena jada wada serama karala ayemath enawa apiwa rawattanna …!!! Umbe thaththada theeranaya karanne ape rate janadhipathikama …??? E kale giyaa dan Api awadiyen inne…!!! Thopi kewa Ape rata …!!! Sinhala jathiyata mul Thanks denna nathi kisima parayekuta Ape chande naha

    • saman says:

      umbe chanda jeppekutama deepan. nagananda kiyala you yube karayek lasthi karan innawane umbala

  3. සිරා says:

    පාර්ලිමේන්තුවටවත් නොදන්වා කඩිමුඩියේ හොර රහසේ ඇමරිකන්කාරයෝ දෙදෙනෙක් 2007දි අත්සන් කල ගෝටභය – බ්ලේක් ACSA ගිවිසුම අහෝසි කිරීමට රටම බලකරමු.

    • sathya says:

      2007 දි අත්සන් කලේ නැව් වලට තෙල් ගභන ගිවිසුමක් මිසක් මුලු රටටම අහිතකර උන්ගේ සොල්දාදුවෝ මෙභෙට ගොඩබස්සන්න ඉඩ දෙන්න නොවෙයි. නිකං කරුනු නොදැන දොඩවන්නෙ නැතුව හිටපන් කොල්ලෝ.

      • ඉලඇදෙනවෝ says:

        නැව් වලට තෙල් ගහන්න කොයි රටේද ඕයි ගිවිසුම් ගහන්නේ…

  4. මාතර සුනිල් says:

    එකක් කියනවා ඔය කවුරු කවුරු ජනාධිපතිවරණ ටිකට් එක ගන්න බලන් හිටියත් ගෝටා ගෙන් පිට වෙන කෙනෙක් නම් කලොත් අපි ගැන බලාපොරොත්තු තියාගන්න එපා.

  5. Gayantha says:

    කටපියන් ඉන්න තරමට හොදයි. මෙයත් එක චරිතයක් මහින්ද මහත්තයාගේ 2015 පරාජයට මුල්වුන.

  6. Gone gota says:

    Hope that is not one of his uncles.

    Gone namba…..

  7. jagath says:

    Heena dakka ati puthe……..Dan nagitapan.Aye ubala enawa boru

  8. සේනාලික says:

    නාමල් නම් නියම පිං ගොනෙක්
    2015 මහින්ද මහත්තයා පරදින්න එක හේතුවක් මෙයා. අනිකා කුමාරසිරි හෙටිටිගේ කියන පිංගුත්තරයා

  9. අප්පුහාමි says:

    වසලයෝ 225ම උන්ගේ පිරිවර ,පරපුර හා දැසි දැස්සන් සමගම එලවා දමමු
    වසලයන්ගේ ග්‍රහණයට පත් වී ඇති මව්බිමත් ජනජීවිතයත් වසල උවදුරින් මුදවා ගමු.
    වසලයන් එලවා රටේ හැම ක්ෂේත්‍රයක්ම ආක්‍රමණය කර ඇති වසල ජාලය බිද නීතිය,යුක්තිය,සාමය,සාර්ධරම රජයන රටක් බිහිකර ගමු.

Main News