අතරමැදියන් ඉවතට.. ගොවියාට ඉහලම මිලක්.. නිෂ්පාදන කෙලින්ම පාරිභෝගික අතට දෙන ඩිජිටල් ක‍්‍රමයක්..

April 30, 2020 at 5:30 pm | lanka C news
අතරමැදියන් ඉවතට.. ගොවියාට ඉහලම මිලක්.. නිෂ්පාදන කෙලින්ම පාරිභෝගික අතට දෙන ඩිජිටල් ක‍්‍රමයක්..

ගොවියා, පාරිභෝගිකයා සහ නිෂ්පාදන සැපයුම්කරු අතර යාන්ත්‍රණයට ඩිජිටල් තාක්ෂණය යොදා ගැනීමේ හැකියාව පිළිබඳව ජනාධිපති ගෝඨාභය රාජපක්ෂ මැතිතුමාගේ අවධානය යොමු වෙයි.

කෘෂිකර්ම, අභ්‍යන්තර වෙළෙඳ, පාරිභෝගික සුබසාධන, වැවිලි හා අපනයන අමාත්‍යාංශ ලේකම්වරු සහ හෙක්ටර් කොබ්බෑකඩුව ගොවි කටයුතු පර්යේෂණායතනය ඇතුළු තවත් ආයතන කිහිපයක නිලධාරීන් සමග විමර්ශන සාකච්ඡාවක් අද (30) දහවල් ජනාධිපති කාර්යාලයේ දී පැවැත්විණි.

වෙළෙඳ, අපනයන, පොහොර ඇතුළු සේවා සැපයුම්, තොග සැපයුම්කරුවන්,තොග ගැනුම්කරුවන්, භාණ්ඩ එකතුකරන්නන්, හෝටල් වැනි මහා පරිමාණ ගැණුම්කරුවාගේ සිට දෛනික පාරිභෝගිකයා දක්වා වූ කෘෂි බෝග අලෙවිකරණයට ඩිජිටල් තාක්ෂණය යොදා ගැනීමේ හැකියාව දීර්ඝ ලෙස සාකච්ඡාවට ලක් කෙරිණ.

කෘෂි අස්වැන්න සඳහා ඉහළ මිලක් වෙනුවෙන් ගොවියාට තරග කිරීමේ හැකියාව ලබා දීමටද මින් අපේක්ෂා කෙරේ. පහසු සහ සරල තාක්ෂණය භාවිත කරමින් ඕනෑම අයෙකුට ඩිජිටල් හුවමාරුවට සම්බන්ධවීමේ හැකියාව තිබිය යුතු බව ජනාධිපතිතුමා අවධාරණය කළේය. මෙහි අවසන් ප්‍රතිඵලය භව බෝගයෙන් ස්වයංපෝෂිත ශ්‍රී ලංකාවක් බිහි කිරීම බව රාජපක්ෂ මැතිතුමා පැවසීය.

ප්‍රාදේශීය ලේකම් කොට්ඨාස, තාක්ෂණය මගින් යා කරමින් ගොවියා සහ ගැනුම්කරුවා පහසුවෙන් සම්බන්ධ කිරීමට ද ඩිජිටල් තාක්ෂණය උපයෝගි කර ගත හැකිය. එමගින් අතරමැදියාගෙන් ලැබෙන මුදලට වඩා වැඩි මිලක් ගොවියාට ලබා ගැනීමට ද හැකිවනු ඇතැයි අපේක්ෂා කෙරේ.

රටේ පාරිභෝගික අවශ්‍යතා සමීක්ෂණයට ද මේ ක්‍රමය දායක කරගත හැකිය. මධ්‍යම ගමනා ගමන මණ්ඩලය, දුම්රිය සහ තැපැල් දෙපාර්තමේන්තුවද ඩිජිටල් තාක්ෂණ මෙහෙයුම් ප්‍රවාහන ක්‍රියාවලියට එක් කරගත යුතු බව ජනාධිපතිතුමා සඳහන් කළේය.

අමාත්‍ය චමල් රාජපක්ෂ, ජනාධිපති ලේකම් පී.බී. ජයසුන්දර යන මහත්වරු ද සාකච්ඡාවට එක් වූහ.

– ජනාධිපති මාධ්‍ය අංශය

436 views

29 Comments to “අතරමැදියන් ඉවතට.. ගොවියාට ඉහලම මිලක්.. නිෂ්පාදන කෙලින්ම පාරිභෝගික අතට දෙන ඩිජිටල් ක‍්‍රමයක්..”

  1. Love nature says:

    ආසිරි ආසිරි ආසිරි ආසිරි වේ ලංකා

    උතුර නැගෙනහිර බටහිර දකුණද – සිවුදිග එක්වී එකම දැයක් වී

    එක කොඩියේ සෙවන ලබා පෙරටම යමු ලංකා…

    අපි හැම දරුවෝ අපි හැම දැරියෝ – අපි ලක්මවගේ දරුවෝ දැරියෝ

    ඔබගෙ සිනා මල් පොබයා පෙරටමැ යමු ලංකා

    වැස්සට අවුවට පින්නට හුරුවී – දුක සැප එකසේ දැරුවේ තුරුලේ

    විපත පවා සෙතට යොදා පෙරටමැ යමු ලංකා

    වැටුනත් නැගිටින වැටි වැටි නැගිටින – ආයෙත් නැගිටින ඉදිරියටමැ යන

    මහමෙරසේ දිවි මොලවා පෙරටමැ යමු ලංකා

    ආදී මුතුන් කල යෝධ යෝධ වැඩ

    පුළුවනි පුළුවනි අපටත් පුළුවනි

    අපිත් අපේ මහිමය පා පෙරටමැ යමු ලංකා

    අපගේ උරුමය වූ මේ මවුබිම – කරවැමු කරවැමු මනුලොවැ සුරබිම

    දිවිඳු පුදා දියුනැ සදා – පෙරටමැ යමු ලංකා

  2. සරනේලිස් says:

    පහුගිය ආණ්ඩුව ඉස්කෝල ලමයින්ට ටැබ් දෙන්න හදද්දී ඒකට කොච්චරක් නං පද හැදුවද…

    ඩිජිටල් ඇමතියාට බැලුං උඩ යවනවා කිය කියා අවලාද නගලා ඒවා සේරම කඩාකප්පල් කරල දැම්මා..

  3. kings says:

    ඉතාම හොද පියවරක් ගරු ජනාධිපති තුමනි. කෙසේ වෙතහ් රටේ හැම ගොවියෙකුටම මෙවැනි අවස්ථා ලබා දීමට ඔබතුමා වග බලාගන්නා මෙන් ඉල්ලමි. උදාහ්ස්ර්ස්න්ස්යක් විදියට මේ ගිය සතියේ මම රුපවාහිනී එක්තරා නාලිකාවක දු‍ටුවා පොලොන්නරුව ප්‍රදේශය එක් ගොවියෙක් ගස්ලබු අක්කර 15ක් වගා කරල කිසි කෙනෙක් මිලදී ගන්න යන්නෙ නැහැ. ඒ වගේම වැටකොලු අක්කරගානක් කුනුවෙනව. මෙන්න මේ වගේ දේ පිලිබඳව ඔබතුමාගෙ අවදානයත් යොමු විය යුතුයි. ම්ව ගොවියො තමන් ජීවත් වෙන්නයි කොහොමහරි ගොඩ එන්නයි දඟලන්නෙ. අපේ ප්‍රදේශවල ගස්ලබු කිලෝ එක රු 150/= මේ මුදලින් භාගයක් වත් ගොවියට යනව නං හොඳයි නේද? ඔබතුමා ම සිස්ටම් වෙනස් කරන්න හැදුවට නිලධාරීන් කම්ම්මැලියි. නැතිනං ගමකට රජයේ නිලධාරීන් කී දෙනෙක් ඉන්නවද. ග්‍රාම සේවක, වගා නිලධාරී, සමුර්ධි නිලධාරී, කෙ දෙනෙක්ද? මේ අය තමන්ගෙ රාජකාරිය හරියට කරනව නං අද මේ රට කොතරම් ලස්සනද?

  4. sumith says:

    Well done , but make sure that this is going to happen as soon as possible , give dead line to all concern authorities finish the task.

  5. RAW Agent says:

    ඉන්දියාවේ අතිදුෂ්කර පලාත් වල ගොවීන් පවා මේ ක්‍රමයට අපනයනයට පවා
    සම්බන්ධ වෙනවා. ඔවුන් මුලින්ම වාසිදායක මිල ගණන් තිබෙන නගර
    app එකෙන් බලා ගෙන අලෙවිය පටන් ගන්නෙ.
    ඒක ගොඩක් තැන් වල කරන්නෙ මධ්‍යම ආණ්ඩුවෙන් නෙවෙයි. NGO මැදිහත් වෙලා.
    ඒක නිසා හැම තැනටම ඒ පහසුකම නෑ.
    ඒත් කරන තැන් වල සුපිරියට කරනවා.
    e-choupal කියන්නෙ ඒකෙ ජනප්‍රියම උදාහරණය.

Main News