අත්යන්ත්‍ර සහ බතික් රෙදි ආනයනය තහනම්.. සියල්ල දේශීයව නිපදවයි..- ජනපති තීන්දු කරයි..

June 16, 2020 at 8:02 am | lanka C news
අත්යන්ත්‍ර සහ බතික් රෙදි ආනයනය තහනම්.. සියල්ල දේශීයව නිපදවයි..- ජනපති තීන්දු කරයි..

අත්යන්ත්‍ර සහ බතික් රෙදිපිළී ආනයනය නතර කිරීමට ජනාධිපති ගෝඨාභය රාජපක්ෂ මැතිතුමා තීරණය කරයි.

මේ කර්මාන්තවල නිරත නිෂ්පාදකයන් නගා සිටුවමින් තවත් නිෂ්පාදකයන් ඊට ආකර්ශණය කර ගැනීම ඉන් අපේක්ෂා කෙරේ.

රෙදිපිළී සහ ඇගළුම් කර්මාන්තයේ නිරතවූවන් මුහුණපාන ගැටළු සම්බන්ධයෙන් 15 පස්වරුවේ ජනාධිපති කාර්යාලයේ පැවති සාකච්ඡාවේ දී මේ තීරණ ගනු ලැබිණ.

ආනයනික රෙදි භාවිතයෙන්, නිපැයෙන ඇඟළුම් වෙනුවට දේශීය රෙදි නිෂ්පාදන ආශ්‍රිත නිමි ඇඳුම් සඳහා වැඩි වෙළෙඳ පොළ අවස්ථාවක් ලබාදීම පිළිබඳව දීර්ඝ ලෙස සාකච්ඡා විය. එමගින් විදේශයන්ට ඇදී යන විනිමය විශාල ප්‍රමාණයක් ඉතිරි කර ගැනීමට හැකි වනු ඇත.

පාසල් සහ විවිධ නිල ඇඳුම් සඳහා කෙරෙන රෙදි නිෂ්පාදනයේ ප්‍රමිතිය ඉහළ ගුණාත්මක අගයක් තිබිය යුතු බව ජනාධිපතිතුමා අවධාරණය කළේය. ඒ සඳහා සුපරීක්ෂක කණ්ඩායමක් යෙදවීමට ද තීරණය කෙරිණ.

කිහිප දෙනෙක් සතු රෙදි පිළී නිෂ්පාදන වෙළෙඳපොළ ඊට කැමැත්තක් දක්වන වෙනත් ආයෝජකයන්ට ද විවෘත කිරීමේ වැදගත්කම ද ජනාධිපතිතුමා පෙන්වා දුන්නේය.

නිමි ඇඳුම් නිෂ්පාදකයන් සහ දේශීය වෙළෙඳ ආයතන සාමූහිකව රැස්ව තීරණ ගැනීමෙන් පුළුල් වෙළෙඳපොළක් නිර්මණය කළ යුතු බවත්, සෙසු රටවල ගැනුම්කරුවන්ට ඇඟළුම් තොග වශයෙන් මිලදී ගැනීමට වෙළෙඳ මධ්‍යස්ථානයක් ස්ථාපනය කිරීමේ අවශ්‍යතාවත් අවධාරණය කෙරිණ.

විදේශ රටවලින් ගෙන්වන නූල් සහ රසායනික වර්ණයන්ගේ ප්‍රමිතිය සහ මිල ගණන් ආශ්‍රිත ගැටළු නිරාකරණය පිළිබඳව ද දීර්ඝ වශයෙන් සාකච්ඡාවට ලක් විය.

අමාත්‍ය විමල් වීරවංශ, ජනාධිපති ලේකම් පී.බී. ජයසුන්දර, කර්මාන්ත අමාත්‍යාංශයේ ලේකම් ජේ.ඒ. රංජිත්, ආරක්ෂක මාණ්ඩලික ප්‍රධානී සහ යුද හමුදාපති ලුතිතන් ජෙනරාල් ශවේන්ද්‍ර සිල්වා, විශේෂඥ වෛද්‍ය සීතා අරඹේපොල යන මහත්ම මහත්මීහූ සහ ඇගළුම් සහ රෙදි පිළී ක්ෂේත්‍රයේ ව්‍යාපාරිකයෝ පිරිසක් සාකච්ඡාවට එක්ව සිටියහ.

– ජනාධිපති මාධ්‍ය අංශය

50 views

20 Comments to “අත්යන්ත්‍ර සහ බතික් රෙදි ආනයනය තහනම්.. සියල්ල දේශීයව නිපදවයි..- ජනපති තීන්දු කරයි..”

  1. හෙළයා says:

    ඔබතුමාගේ මේ තීරණයට අපි ඉතා ගරුකරනවා. මෙහිදී තවත් දෙයක් තමයි ඉදිරි කාලයක් තුල එන ආණ්ඩුවක් තුල ජාවාරම් කාරයෝ කිහිප දෙනෙක් හිටියොත් ඇති මේවා ආපසු ආනයනය කරන්න. ඒ නිසා කාටවත් වසර ගණනකට වෙනස් කරන්න බැරි ජාතික ප්‍රතිපත්තියක් මේ දේශීය කර්මාන්ත වලට අවශ්‍යයි.

  2. sena says:

    පරාක්රමභාහු රජතුමාගෙ කාලෙ ගොවිතැනෙනුත් දුටුගැමුණු රජතුමාගෙ කාලෙ ආරක්ෂාව අතිනුත් වලගබ්භා රජතුමාගෙ කාලෙ බොහුද්ධ ආගමටත් මුල්තැනදි කටයුතුකලා
    මහාමත්ය ඩි ඇස් සේනානායක මැතිතුමාගෙ කාලයෙ වැවමුණු නැවතපණගන්වා ගොවීතැනට පණදුන්නා මැතිනියගේ කාලයෙ දේශියත්වයට මුල්තැනදි දේශිය වියාපාර ගොඩනැගුවා ශ්‍රිලංකිකයන්ගෙන් ගිලිහුන ඒ ප්‍රොඩ්ඩ ඉතිහාසය නැවත ඇතිකිරිමට
    ගරු ජනාධිපතුමා ඇතුලු මේ නිලධාරින් සමගම ඉදිරියටත් මේ රට සොව්බාග්ය නිතිගරුක දැහැමි රටක් කිරිමටත් මේරට පාලනයකිරිමටත් ඔබ සියලුදෙනාටම යොධබල යොධවිර්ය ලැබෙවා මේ ලක්දෙරණේ වැඩසිටින දළදාවහන්සෙගෙත් ලෝකය පාලනයකරන තිස්තුන්කොටියක් දෙවිවරුන්ගෙත් අශිර්වාදයත් ලැබේවායි නිදුක් නිරොගි සුවය ලැබේවායි අප එකහිතින් ප්‍රර්ථනාකරනවා

Main News