අති විශේෂ හෙළිදරවුව.. :: අම්පාරේ වඳ පෙති වලින් වහන්න හදන්නේ මොනවාද..?

February 28, 2018 at 10:15 pm | lanka C news
අති විශේෂ හෙළිදරවුව.. :: අම්පාරේ වඳ පෙති වලින් වහන්න හදන්නේ මොනවාද..?

අම්පාරේ ඇතිවුනා යැයි කියන සිද්ධිය පාදක කොටගෙන ඊයේ දිනය පුරාත්, අද දිනයේ මේ වනවතුරුත් සමාජ මාධ්‍ය ඔස්සේ ලැව් ගින්නක් සේ පැතිර යන විවිධ කට කතා අලලා එහි සැබෑ තොරතුරු නොදත් බොහෝ දෙනා විසින් නොදැන හෝ ඉටුකරන ආණ්ඩුවේ කොන්ත්‍රාත්තුව ගැනත් එම සිද්ධියේ සැබෑ අගමුල් විහිදෙන්නේ කොහේ සිටදැයි නොදන්න අයගේ දැනගැනීම පිණිසත් මෙසේ හෙළි කර සිටිමු….

මෙම සැළසුම්සහගත කුමන්ත්‍රණය ආරම්භ වන්නේ පෙබරවාරි 10 වනදින පැවති මැතිවරණයෙන් පොහොට්ටුව ජයග්‍රහණය කළ පසුබිමකය. මැතිවරණය පැවති පෙබරවාරි 10 වනදායින් දින දෙකකට පසු එනම් පෙබරවාරි 12 වනදා ලංකාවේ ක්‍රියාත්මක මුස්ලිම් අන්තවාදී සංවිධානයක නියෝජිතයෙක් වන ”අමීන්” නමැත්තකු විසින් මුස්ලිම් මාධ්‍ය සංවිධානයක ලිපි ශීර්ෂයක් යටතේ ලංකාවේ ඇති සියලු මුස්ලිම් තානාපති කාර්යාල වලට ලිපියක් යවා ඇත. එම ලිපියේ සදහන් කොට ඇත්තේ මැතිවරණ ජයග්‍රහණයෙන් පසු මහින්ද රාජපක්ෂ හිටපු ජනාධිපතිවරයා නායකත්වය දරා ජයග්‍රහණය කළ පොහොට්ටුව පක්ෂය විසින් මුස්ලිම් ජනතාවට පහරදෙනවා යන්නයි. එම ලිපිය සමග ජායාරූප කිහිපයකුත් අමුණා සියලු තානාපති කාර්යාල වලට යවා ඇති අතර එම ජායාරූප ඉතා පැරණි ජායාරූපයි. එම ජායාරූප අතර යුධ සමයේ නැගෙනහිර පළාතේ ජයාරූපත්, ඉදි කෙරෙමින් පවතින මුස්ලිම් පල්ලි වල ජායාරූපත් බොහොමයක් තිබී ඇත.

මෙම ලිපිය සහ ජායාරූප මුස්ලිම් තානාපති කාර්යාල වලට ලැබීමත් සමග ඔවුන් විසින් ඒ පිළිබද ශ්‍රී ලංකා පොදුජන පෙරමුණ දැනුවත් කොට ඇති අතර එම අවස්ථාවේ පොදුජන පෙරමුණ කියා ඇත්තේ ඒවා පොලිසියට භාර දෙන ලෙසය. එවිට තානාපති කාර්යාල පවසා ඇත්තේ ඒවා තානාපති කාර්යාල වලට ලැබුණු ඒවා නිසා පොලිසිය දැනුවත් කළද ඊට මැදිහත්වීමට පොලිසිය අකමැති බවයි.

එවන් පසුබිමක මුස්ලිම් රටවල තානාපති කාර්යාල හරහා පොහොට්ටුවේ ජයග්‍රහණය මුස්ලිම් ජනතාවට විරුද්ධව යොදාගන්න බවට ලෝකයට කීමට නොහැකිවීම නිසා එම අන්තවාදී සංවිධාන ඔවුන්ගේ දෙවන සැළසුම් ක්‍රියාත්මක කරමින් සිටියි. අම්පාරේ වද පෙති නාට්‍යය හරහා දිගහැරෙන්නේ ඒ දෙවන සැළසුමයි. කුපිත වන බහුතර සිංහලයින් ලවා මුස්ලිම් ජනතාවට සහ පල්ලි වලට පහර දීගෙන ඒ හරහා ඔවුන්ගේ දෙවන සැලසුම සාර්ථක කරගැනීමේ උත්සහය මේ වනවිට සිදුකෙරෙමින් තිබේ.

ඒ සදහා ආණ්ඩුවෙන් ලැබෙන තල්ලුවත් සුළු පටු නොවේ මැතිවරණ පරාජයෙන් පසු ආණ්ඩුවේ අස්ථාවරභාවය, අගමැති තනතුරේ ඇති ගැටුම, හවුල් ආණ්ඩුවේ ගැටුම, ජාතික ආර්ථිකය කඩාවැටීම, මෙන්ම මහින්ද රාජපක්ෂට සහ මිළට ජනාධිපති අපේක්ෂකයා වන ගෝඨාභය රාජපක්ෂට පහරදීමට මෙම අම්පාරේ සිද්ධිය දඩමීමා කර ගැනීම ආණ්ඩුවේ මේ මොහොතේ සුදානමයි, ඒ වෙනුවෙන් ආණ්ඩුවේ මාධ්‍ය සහ කණ්ඩායමක් යොදා ගනිමින් සිටියි.

ආණ්ඩුවේ ඇමතිවරයෙක් විසින් කොල්ලුපිටියේ එක්තරා තැනකට රැස්කරන ලද ආණ්ඩුවට හිතවත් සමාජ මාධ්‍ය (facebook) ක්‍රියාකාරීන් පිරිසකටද දැනුම්දී ඇත්තේ එම ගැටුම ගැන වැඩි වැඩියෙන් කතාබහට ලක් කරන ලෙසයි. අදාළ ඇමතිවරයා ඔවුන්ට උපදෙස් දී ඇත්තේ අම්පාරේ අදාළ වීඩියෝව සිංහල ජනයාටත් සිද්ධියෙන් පසු ගිණි තැබීම වලදී ලබාගත් ජායාරූප මුස්ලිම් ජනයාටත් වැඩි වැඩියෙන් සන්නිවේදනය කරන ලෙසයි.

මේ මොහොතේ මේ සිද්ධිය හරහා ආණ්ඩුව උත්සහා කරමින් සිටින්නේ රටේ ජනතාවගෙන් ආණ්ඩුවට ඇති විරෝධාකල්පය මැඩ පැවැත්වීම සහ මේ දිනවල දැනෙමින් තිබෙන ජාතික මැතිවරණයක ඉගි වටහාගෙන ඒ වෙනුවෙන් ඉදිරිපත් වන්නට සුදානම් වන අපේක්ෂකයාට විරුද්ධව මතවාදයක් ගොඩ නැංවීමයි. එවන් පසුබිම මේ සැළසුම් සහගත කුමන්ත්‍රණය වටහා නොගන්නා බොහෝ දෙනා විසින් දක්වන ප්‍රතිචාර ග්‍රහණය කරගන්නට බලා සිටිනා අන්තවාදී සංවිධාන වලටත්, ආණ්ඩුවේ බලධාරින්ටත් ඔක්සිජන් ලබා නොදීමට වග බලා ගෙන මේ මොහොතේ ඉතා කල්පනාකාරිව කටයුතු කිරීමට සමස්ත රටවැසි ජනතාවම කටයුතු කළ යුතුය !

– දසුන් වානගුරු

203 views
Main News