අද විග්නේෂ්වරන් ඉල්ලන්නේ එදා මහින්ද රාජපක්ෂ පොරොන්දු වූ 13 ට එහා ගිය විසඳුමයි..

October 5, 2016 at 8:02 am | lanka C news
අද විග්නේෂ්වරන් ඉල්ලන්නේ එදා මහින්ද රාජපක්ෂ පොරොන්දු වූ 13 ට එහා ගිය විසඳුමයි..

‘නව ආණ්ඩු ක‍්‍රම ව්‍යවස්ථාවෙන් පෙඩරල් ආණ්ඩු ක‍්‍රමයක් හදන්න ඉඩ දෙන්නේ නැහැ. බෞද්ධාගමට තිබෙන, හිමි තැන සුරක්ෂිත කරනවා. එදා මහින්ද රාජපක්ෂ පොරොන්දු වූ 13 ට එහා ගිය විසඳුමයි අද විග්නේෂ්වරන් ඉල්ලන්නේ’ යයි උසස් අධ්‍යාපන හා මහමාර්ග අමාත්‍ය ලක්ෂ්මන් කිරිඇල්ල මහතා පවසයි

ඔහු මෙසේ කියා සිටියේ අක්මීමන මැතිවරණ කොට්ඨාශයේ සංවර්ධනය කරන ලද මාර්ග කිහිපයක් ජනතා අයිතියට පත් කිරීමෙන් අනතුරුව එහි පැවති ජනහමුවක් අමතමිනි.

එහිදී ඔහු මෙසේද පැවසීය.

‘නව ව්‍යවස්ථාවක් හදන්න මේ දින වල පාර්ලිමේන්තුවේ කොමිටියක් පත් කර තිබෙනවා. සමහරු කියනවා නව ව්‍යවස්ථාවෙන් බුද්ධාගමට හිමිතැන නැතිවෙනවා කියලා. එහෙම කිසිම දෙයක් වෙන්නේ නැහැ. තවම එක වගන්තියක්වත් සකස් කර නැහැ.එකඟවිය හැකි කරුණු මොනවද? එකඟවිය නොහැකි දේවල් මොනවද? කියා සාකච්ඡුා කරනවා. මුළු ලෝකයටම පෙන්වා, මාධ්‍යවේදීන් ඉදිරියේ පාර්ලිමේන්තුව ඇතුලෙයි වගන්තියෙන් වගන්තිය සකස් කරන්නේ. නව ව්‍යවස්ථාව හොර රහසේ හැංඟි හොරා හදන්නේ නැහැ. පාර්ලිමේන්තුව නියෝජනය කරන සියළු පක්ෂ සමඟ සාකච්ඡුා කරලයි අවසන් විසඳුමකට එන්නේ. නීතියේ උත්තරීතරභාවය ආරක්ෂා වන රටේ සියළු ජාතීන්ට නිදහසේ ජීවත් විය හැකි නව ව්‍යවස්ථාවක් රටට අවශ්‍ය වෙලා තිබෙන්නේ.

– රජිත සමරසූරිය

81 views
Main News