අද විමල්ට වූ දේ හෙට මහින්ද හෝ ගෝඨාභයට…?

March 26, 2017 at 3:50 pm | lanka C news
අද විමල්ට වූ දේ හෙට මහින්ද හෝ ගෝඨාභයට…?

ජාතික නිදහස් පෙරමුණේ නායක විමල් වීරවංශ මහතා බන්ධනාගාරය තුළ ආහාර වර්ජනය කරමින් උපවාස ක්‍රියාමාර්ගයක් ඇරඹුවේ කිසිසේත්ම අධිකරණයට බලපෑම් කිරීමට නොවන බවත් එය ඇරඹුවේ ආණ්ඩුව අධිකරණයට එල්ලකර ඇති නග්න දේශපාලන මැදිහත් වීමට එරෙහිව බවත් ජාතික නිදහස් පෙරමුණ පෙන්වා දෙයි.

ජාතික නිදහස් පෙරමුණේ නියෝජ්‍ය නායක, පාර්ලිමේන්තු මන්ත්‍රී ජයන්ත සමරවීර මහතා පිටකෝට්ටේ පිහිටි එම පක්ෂ ප්‍රධාන කාර්යාලයේ පැවති මාධ්‍ය හමුවේදී එසේ පෙන්වා දුන්නේය. එහිදී වැඩිදුරටත් අදහස් දැක්වූ ඒ මහතා මෙසේ ද පැවසීය.

“ මේ වන විට අප පක්ෂයේ නායක විමල් වීරවංශ මහතා පැය 84ක කාලයක් නිරාහාරව සිටිමින් උපවාසයක නිරතව සිටිනවා. මෙවැනි ක්‍රියාමාර්ගයක් ඔහු විසින් ගනු ලැබුවේ ඇයි? ඔහුට සිදු වූ පුද්ගලික අඩුපාඩුවකට එරෙහිව මෙවැනි ක්‍රියාමාර්ගයක් ගනු ලැබුවේ? වැනි ප්‍රශ්න ඔබ හමුවේ පැන නැගීමට පු`ළුවන්. ඒ නිසා මම මේ පැහැදිලි කිරීම සිදු කරන්නම්.

පළමුව කියන්න ඕනෙ, විමල් වීරවංශ කියන්නේ මේ රටට අනතුරක් සිදු වන විට ඒ අනතුර කල් තියා දැකලා රටම ඊට එරෙහිව පෙළගස්වපු දේශප්‍රේමී, ජාතිකවාදී නායකයකු බව. අද රට ඉදිරියේ දිග හැරෙමින් තිබෙන ජාත්‍යන්තර යුද අපරාධ අධිකරණයක් හරහා යුද ජයග්‍රහණයට මුල් වූ සේනාධිනායකයාට සහ රණවිරුවන්ට දඬුවම් කිරීමේ ක්‍රියාදාමය කල් තියා හඳුනාගෙන රටට කියූ පුරෝගාමී නායකයා ඔහුයි. ඒ වගේම 2002 පෙබරවාරි 22 වැනිදා එවකට අගමැති රනිල් වික්‍රමසිංහ කොටි සංවිධානයේ නායක වේළුපිල්ලේ පිරබාහරන් සමඟ සටන් විරාම ගිවිසුමක් හොර රහසේ අත්සන් තැබූ විට ඒ අත්සනේ තීන්ත වේලීමටත් පෙර ඒ බව රටට හෙළි කළේ ද විමල් වීරවංශ මහතායි. ඒ ගිවිසුම රට පාවා දීමේ ගිවිසුමක් බව ජාතියට අවධාරණය කළ ඔහු ඊට එරෙහිව ජනමතයක් හැදීමට පුරෝගාමී වුණා. එහි ප්‍රතිඵලයක් හැටියට තමයි කිසිදාක එකතු කිරීමට බැහැ කියපු ශ්‍රී ලංකා නිදහස් පක්ෂය සහ ජනතා විමුක්ති පෙරමුණ මුල් වෙලා එක්සත් ජනතා නිදහස් සන්ධානය ගොඩනැගුවේ. ඒ එක්සත් ජනතා නිදහස් සන්ධානය මෙරට ඉතිහාසයට එකතු වුණේ රනිල් වික්‍රමසිංහගේ රට පාවා දීමේ ගමන සහ වේළුපිල්ලේ පිරබාහරන්ගේ ඊළාම් සිහිනය බිඳ දැමූ දේශපාලන ව්‍යාපාරය ලෙසයි. එය 2004 අප්‍රේල් 04 වැනිදා මේ රටේ බලය හොබවන දේශපාලන සන්ධානය බවට ද පත් වුණා.
2005 ජනාධිපතිවරණයෙන් එක්සත් ජනතා නිදහස් සන්ධානයේ ජනාධිපති අපේක්ෂක මහින්ද රාජපක්ෂ මහතා පැරදවීමට ශ්‍රී ලංකා නිදහස් පක්ෂ අභ්‍යන්තරයෙන්ම කැරැල්ලක් මතු වන කොට ඒ ජාතියට සතුරු කුමන්ත්‍රණය රට පුරා ගොස් හෙළි කළ පුරෝගාමී නායකයා වූයේ කවුද? විමල් වීරවංශ මහතායි. ඒ විතරක් නොවෙයි, යුද්ධය ජය ගැනීමට රණවිරුවන්ට ධෛර්ය, ශක්තිය දීපු ඔවුන්ගේ පවුල්වලට රැකවරණය සැලසූ මානෙල් මල් ව්‍යාපාරය බිහිකිරීමට පුරෝගාමී වූයේ ද එවකට දේශහිතෛෂී ජාතික ව්‍යාපාරයේ ද මහ ලේකම් ධුරය දැරූ විමල් වීරවංශ මහතායි. ලොව බිහිසුණුම ත්‍රස්තවාදී සංවිධානය ලෙස හංවඩුව වැදී තිබුණු ‘කොටි සංවිධානය පැරදවිය හැකියි’ කියන දේශප්‍රේමී මතය රට පුරා ගෙන යාමට දේශහිතෛෂී ජාතික ව්‍යාපාරය යොදා ගනිමින් පුරෝගාමී වැඩ කොටසක් සිදු කළේ ද අන් කිසිවකුත් නොවෙයි මේ විමල් වීරවංශ නම් දේශප්‍රේමී, ජාතිකවාදී නායකයායි. එදා දේශප්‍රේමී ජාතිකවාදී නායකයාගේ ලේ, මස් රස බැලීමේ උවමනාවක් තිබුණු බව කාටත් රහසක් වූයේ නැහැ. එනමුත් ඔහු ජීවිතාරක්ෂාව වෙනුවෙන්, තමන් තුළ වූ රට වෙනුවෙන් ස්වේච්ඡාවෙන් කැපවීමේ උතුම් වූ අරමුණ අතහැරියේ නැහැ. කොටින් ඉල්ලන්නේ තමන්ගේ ජීවිතය නම් එය වුවත් කැපකිරීමට මේ දේශප්‍රේමියා සැමවිටම සූදානමෙන් සිටියා.

එදා විමල් වීරවංශයන් ජනතා විමුක්ති පෙරමුණ ඇතුලේ ඉඳගෙන බෙදුම්වාදී කොටි ත්‍රස්තවාදීන්ටත් ඔවුන්ගේ අධිරාජ්‍යවාදී හාම්පුතුන්ටත් එරෙහිව කළ සටන ඉවසා ගන්න බැරිව තමයි, ඔහුව එම පක්ෂයෙන් දොට්ට දැමීමට වත්මන් ජවිපෙ නායකයා හරහා සැලසුම් සකස් වුණේ. නමුත් තමන් ජවිපෙන් දොට්ට දැම්මා කියලා විමල් වීරවංශයන් තමන්ගේ සටන අතහැරියේ නැහැ. ‘පක්ෂයට පෙර රට ’ කියන ස්ථාවරයේ ඉඳිමින් බෙදුම්වාදී කොටි ත්‍රස්තවාදය සහමුලින්ම පැරදවීමට එවකට ජනාධිපති මහින්ද රාජපක්ෂ මහතාට සහාය දෙනු පිණිස 2008 අප්‍රේල් 08 වැනිදා ඔහු නව වාමවාදී ජාතිකවාදී දේශපාලන ව්‍යාපාරයක් ගොඩනඟනු ලැබුවා.

කල්පනා කරලා බලන්න, විමල් වීරවංශ ඇතුළු පාර්ලිමේන්තු මන්ත්‍රීවරු 10 දෙනකු 2008 අප්‍රේල් 08 වැනිදා ජවිපෙන් ඉවත් වී නව දේශපාලන ව්‍යාපාරයක් ගොඩනැඟුවේ නැත්නම් 2008 දෙසැම්බරයේදී 2009 වසරට අදාළ මහින්ද රාජපක්‍ෂ පාලනයේ අය – වැය පරදවනවා. අපි 10 දෙනා ජවිපෙ හිටියා නම් ඒ අය-වැයට පක්ෂව ලැබෙන්නේ ඡන්ද 113 යි. එදා හකීම් මහත්තයාගේ මුස්ලිම් කොංග්‍රසය වැනි ජාත්‍යන්තර බලවේග විසින් හසුරුවනු ලබන පක්ෂයක එක් පාර්ලිමේන්තු මන්ත්‍රීවරයක් හෝ අනෙක් පැත්තට ගියා නම් මහින්ද රාජපක්ෂ පාලනය බිඳ වැටෙනවා. එහෙම වුණානම් 2009 ජනවාරි 20 කිලිනොච්චිය අල්ලන්න වෙන්නේ නැහැ. එදා අපිට මතකයි, පිරබාහරන් පාරම්බෑවා ‘කිලිනොච්චිය අල්ලන්න ආවොත් කොළඹ බෝම්බවලින් පුපුරවනවා’ කියලා. ඔහු එහෙම පාරම්බෑවේ යුදමය වශයෙන් කිලිනොච්චිය අල්ලාගන්න අපේ ආරක්ෂක හමුදාවලට බැරිවෙයි කියලා හිතලා නොවෙයි. ඔහු හිතුවා දකුණේ මහින්ද රාජපක්‍ෂ පාලනය ගෙදර යවලා තමන්ගේ බටහිර හාම්පුතුන් වෙනසක් කරලා දෙයි කියලා. ඔහු හිතුවෙත් ජවිපෙ මේ අය වැයට විරුද්ධව ඡන්දේ දීලා මහින්ද රාජපක්‍ෂ පාලනය ගෙදර යවයි කියලා. නමුත් එදා ගතහැකි ප්‍රශස්තම දේශපාලන තීන්දුව ගනිමින් විමල් වීරවංශ මහතා පාර්ලිමේන්තු මන්ත්‍රීවරු 10 දෙනෙකු සමඟ ජාතික නිදහස් පෙරමුණ බිහිකර තිබුණා. ඒ අනුව 2008 දෙසැම්බරයේ අය-වැය ඡන්ද විමසීමේදී මහින්ද රාජපක්‍ෂ පාලනයට ඡන්ද 123 ලැබුණා. එමගින් එදා වේළුපිල්ලේ පිරබාහරන්ගේ, රනිල් වික්‍රමසිංහගේ වගේම ජවිපෙ අනුර දිසානායක කල්ලියේ රට බෙදීමේ සිහිනය බොඳව ගොස් තිබුණා. ඉන්පසු අපි බෙදුම්වාදී කොටි ත්‍රස්තවාදය පැරදවීමේ සෑම පියවරක්ම ගත්තා පමණක් නොවෙයි 2009 මැයි 19 වැනිදා, කොටි සහමුලින්ම පරදවා ජාතියට විජයග්‍රහණයක් ලබා දුන්නා.

කොටි ත්‍රස්තවාදය පැරදවීමෙන් පසුව වුවත් ඔවුන්ගේ බටහිර හාම්පුතුන් මේ රට බෙදා වෙන් කිරීමේ උවමනාව අතහැරියේ නැහැ, කියා විමල් වීරවංශ ඉතා හොඳින් දැන සිටියා. ඔහු මේ බටහිර වටලෑම පිළිබඳව, දෙවන දෙමළ ඊළාම් මෙහෙයුම පිළිබඳව රටට කල්තියා අනතුරු ඇඟවූවා. කෙසේ නමුත් 2015 ජනවාරි 09 වැනිදා වන විට මේ සතුරු මෙහෙයුම ජයගත්තා. මහින්ද රාජපක්‍ෂ පාලනය ගෙදර යවන්න මේ ද්‍රෝහී බලවේගයන්ට හැකි වුණා. ඔවුන් හිතුවා ‘ දැන් මහින්ද ඉවරයි අපට ඕනෑම දෙයක් කරන්න පුළුවන්. මේ රට බෙදන්න, විකුණන්න, වගේම අපේ කුලී සේනාංක පරදවපු ලංකාවේ හමුදාවට විරුද්ධව යුද අපරාධ චෝදනා රිසිසේ එල්ල කරලා ඔවුන්ගෙන් පලිගන්නත් පුළුවන් ’ කියලා. ඒත් සතුරාගේ ඒ සිහින සියල්ල බිඳ දමමින් 2015 පෙබරවාරි 18 වැනිදා නුගේගොඩට ලක්‍ෂ සංඛ්‍යාත ජනකායක් සමඟ නව ජාතික බලවේගයක් ගොඩනඟා මේ බටහිර වටලෑමට, දෙවන ඊළාම් මෙහෙයුමට එරෙහිව සටන් වැදීමට පුරෝගාමී වූයේ කවුද? දුර්වලයන්, කොඳු බිඳගත්තවුන් මැද මේ සටනේ ප්‍රමුඛතම සෙන්පතියා වූයේ කව්ද? ඒක මේ රටට පණ මෙන් ආදරේ කරන ජනතාවට කිසි දිනක අමතක වෙන්නේ නැහැ. ඒ සටනේ ප්‍රමුඛතම සෙන්පතියා වූයේ විමල් වීරවංශ මිස වෙන කිසිවකුත් නොවෙයි. එදා ඇතමුන් කැබිනට් ඇමති ධුර, රාජ්‍ය ඇමතිධුර, නියෝජ්‍ය ඇමති ධුර වෙනුවෙන් සියලු පාවාදීම් සිදු කරද්දී නව ජාතික ව්‍යාපාරයක් හදන්නට මූලිකත්වය ගත්තේ විමල් වීරවංශ මහතායි.

මේ සියල්ල දෙස බලන විට ඉතා පැහැදිලියි, මව්බිමේ සතුරන් වඩාත් වෛර කරන්නේ විමල් වීරවංශයන්ට බව. ඒ නිසා තමයි අභූත චෝදනා නඟලා දින 71ක් එක දිගට විමල් වීරවංශයන් රක්‍ෂිත බන්ධනාගාරගත කොට තබා ගත්තේ. තමන්ට අසනීප තත්වයක් තිබියදී වුවත් බන්ධනාගාර රෝහල වෙත නොගොස් අඳුරු සිරකුටියට වී දින 71ක් ගත කිරීමට ඔහු කටයුතු කළා. තමන්ට මව්බිමේ සතුරන් උරුමකරදුන් ඒ සිරගත දිවිය පවා ඔහු ඉතා අර්ථවත් ලෙස යොදා ගත්තා. එතැනදීත් ඔහු නවතම සටන් මාදිලියකට යොමු වුණා. ‘රටට උවමනා වම’ සහ ඊට ඌනපූරණයක් එක් කරමින් ලියූ ‘යදමින් බැඳි අක්ෂර’ යන කෘති දෙකම ලියැවුනේ මේ දින 71ක් තුළයි. එසේම ‘සිරගත සිතුවම්’ නමින් සිතුවම් දැක්මකට අවශ්‍ය සිතුවම් ද ඒ කාලය තුළ ඔහු නිර්මාණය කළා. වාමවාදී ජාතිකවාදය පිළිබඳව වන ලිපි පෙළක් ලිවීමට පටන් ගත්තා. සිරගත දිවිය තුළ ඔහු පෑනෙන්, පින්සලෙන් සිය සටන ඔපවත් කළා. මේ සියල්ල මව්බිමේ සතුරන්ට දරාගන්න බැරි වුණා. ඔවුන් අධිකරණයට බලපෑම් කරලා පසුගිය 21 වැනිදා මහාධිකරණයෙන් ද ඇප ලබා ගැනීමේ අවස්ථාව විමල් වීරවංශයන්ට අහිමි කළා. ඒ අනුවයි ඔහු තීරණය කළේ අධිකරණයට බලපෑම් කරමින් ඇප ලබා නොදී තමන් දිගින් දිගටම අඳුරු සිරකුටියකට සීමා කිරීමට එරෙහිව පවතින තත්වයන් යටතේ සටන් වැදීමට. ඒ අනුවයි මේ ආහාර වර්ජන ක්‍රියාමාර්ගය පසුගිය 22 වැනිදා ආරම්භ වුණේ.

මෙතැනදී විමල් වීරවංශ මහතාට තෝරා ගැනීමට තිබුණේ විසඳුමි දෙකයි. එකක් තමයි මේ මව්බිමේ සතුරන් ඉදිරියේ දණ ගසා යටත් වීම. අනෙක ජාතිකවාදී, දේශප්‍රේමී දේශපාලන නායකයන්ට එරෙහිව මේ සිරිසේන-වික්‍රමසිංහ-සම්බන්ධන්-අනුර දිසානායක හවුල විසින් අරඹා ඇති දඩයම පැරදවීමට නව සටන් මාදිලියක් ඔස්සේ සටන් වැදීම. ඔහු උපවාස සටන් ක්‍රියාමාර්ගයක් තෝරාගන්නේ ඒ අනුවයි. විමල් වීරවංශ මහතා කල්පනා කලා ‘මේ එන්නේ රට බෙදන ව්‍යවස්ථාවට එරෙහි, රටේ සම්පත් විකුණා දැමීමට එරෙහි, අධ්‍යාපනය-සෞඛ්‍ය පෞද්ගලීකරණයට එරෙහි ජාතිකවාදී දේශපාලන නායකයින් දඩයම් කිරීමේ ගමනක මුල් පියවර. ඒ ගමන මුල් පියවරේදීම මම පරදනවා. ඒකෙන් අනෙක් නායකයන්ටත් සහනයක් ලැබෙනවා’ කියලා.

‘අද විමල් නම් හෙට කවුද?’ දිනේෂ්, ගෝඨාභය හෝ මහින්ද රාජපක්‍ෂ විය හැකියි. ඒ ප්‍රශ්නය අද තිබෙනවා ජාතිය ඉදිරියේ. සිරකුටියක් ඇතුළේ ඉඳගෙන නව මාදිලියක සටනක නිරත වෙමින් විමල් වීරවංශයන් අද ඉහත පැනය මතු නොවෙන තැනට වැඩ කරමින් ඉන්නවා. විමල් වීරවංශ මහතා අද උපවාසයක නිරත වෙමින් සිටින්නේ මේ ආණ්ඩුව අධිකරණයට එල්ලකර ඇති නග්න දේශපාලන බලපෑමට විරුද්ධවයි. ”

– අනුරුද්ධ බණ්ඩාර රණවාරණ

5 views

10 Comments to “අද විමල්ට වූ දේ හෙට මහින්ද හෝ ගෝඨාභයට…?”

  1. Aniwa says:

    nope, never happen in a million years as its not in the script. stupid voters will never believe that these people are friends behind the screen.

    • senaka says:

      විමල් වීරවංශ යනු බ්‍රිතාන්‍ය විසින් ලංකාවට හදුන්වා දුන් අධ්‍යාපන ක්‍රමයේ උපාධි ගත්තෙක් නො වේ. දේශපාලන ව්‍යාපාරය වෙනුවෙන් තම අධ්‍යාපනය සහ වෘත්තීය දිවිය අහිමිකරගත් නමුත් ජීවිතය බේරාගත් ක්‍රියාකාරීන් අතර අද දවසේත් සිය සමාජ යුතුකම ඉටුකරන චරිතයක් ලෙස විමල් හදුන්වාදිය හැකි නමුත් පුද්ගලයකුට හිමවන දුර්වලතා වලින් ඔහු සම්පූර්ණයෙන්ම මිදී ඇති බවද කිව නො හැකිය. එසේ වුවද, බ්‍රිතාන්‍ය විසින් ලංකාවට අත් කර දී තිබෙන අවුල් ලෙහා දැමීමට විමල් සතුවූ මහත් දැනුමක් පවතින බව ඔහුගේ දේශපාලන භාවිතය තුළ පැහැදිලි වේ.
      මැකොලි සාමිවරයා මෙන්ම ජෝන් ඩොයිලිලාගේ සටකපට උපක්‍රම පිළිබද නිවැරදි අවබෝධයක් විමල් සතු බව ප්‍රකට විය. කලුසුද්දන්ගේ සටකපටි උපක්‍රම මැනවින් ඔහු හදුනාගෙන ඇති බව දර්ශනය විය.දේශප්‍රේමීන්අතර සිටින කලුසුද්දන් කවුද යන්න ඔහු අවබෝධ කර ඇති බව ප්‍රකාශිත ය. උතුරු නැගෙනහිර බෙදුම්වාදී යුද්ධය අවසන් කර ගැනීම වෙනුවෙන් ඔහුගෙන් ලද දායකත්වය සුළු පටු නොවේ. එවන් තත්ත්වයක් තුළ විමල් වීරවංශ සිරගත කර තිබීම කාගේ අවශ්‍යතාවයක් මත සිදුවන්නේද යන්න තීරණය කිරීමට මෙය අවස්ථාව නොවුණද බටහිර ගැති අධ්‍යාපන ක්‍රමයෙන් දැනුම ලබා, රාජ්‍ය නොවන සංවිධාන මත පරපෝෂිතයින් වී විදේශ සංචාර සිහින දකින්නවුන්ව දැඩිව විවේචනය කළ අයෙකු සිරගත කර ඇත්තේ තීරණාත්මක හෝරාවේ බව ලේඛකයාගේ අදහසයි. තමන් සමග සිටින්නවුන් පවා තීරණාත්මක අවස්ථාවේ වැරදි කරන විට එය අනුමත නොකර තම මතය වෙනුවෙන් පෙනී සිටි අතීතයක් විමල් වෙතින් දර්ශනය විය.
      http://lankanewsalert.com/archives/62400

      • jayamal says:

        විමල් වීරවංශ යනු ජාතියේ හද ගැස්මයි. එනම් මේ රටේ පැහැදිලි හෘද සාක්ශියක් ඇති මිනිසුන්ගේ හද ගැස්මයි.

        මව්බිම සුරකින්න හැම වෙහෙසම දැරුවේ
        විරුවා ඔබයි ජන හදවත් ලඟ හිටියේ
        ඔබ තරුණයි කල හැකි වැඩ තව බොහො වේ
        අප වෙනුවෙන් ඔබ ජීවත් විය යුතු වේ..!

        විමංශා දුවේ නොහඬන් කඳුලු සලා
        ඔබේ පියාණන් එනතුරු රටම බලා
        සිටින මෙවන් මොහොතක එඩිතර වීලා
        පිය මඟ යන්න මුලු රට දිරිමත් කරලා…!

    • Sivanajaram says:

      And who says you are so smart to figure it all out? When were you behind the scenes? What makes you so smart as you claim and others stupid? Besides, personal friendship doesn’t stop having different stances in policies. Even Bernie Sanders was friends with James Inhofe who is a well known climate change denier, so what?

  2. Saradiel says:

    යමපාලනයට එරෙහිව පාරට බැසීමට කාලය පැමිණ ඇත ..රට ජාතියට ආදරයකරන සිංහලයෙනි වරෙව් ඉදිරියට යමපාලනය නෙරපා දැමීමට කාලය හරි ….බඩ ගැන නොවේ රට ගැන සිතව්
    https://www.youtube.com/watch?v=-BS4OW5JIgk

    • Isuru says:

      Umba maranthika upawasayak karapan pita kotuwe bodiya issaraha. Tika dawasakin umba maloth umba aniwa pora wenawa me rata wijathika balwega walin bera ganna eka nothing weyi.

  3. Micro Man says:

    ගමනම නැවතුම ය..
    නැවතුම ම ගමනම ය..
    ගමනෙහි නැවතුම..
    නවාතැනමය..
    නවාතැන හි දිවිය..
    ගමනම ය..
    සිරගෙය ද..
    ගමනෙහි නැවතුමකි..
    නැවතුමේ ගමනකි..෴

    – විමල් වීරවංශ –

  4. Dan says:

    Where is Champa now? Must be hide under the president’ bed

  5. ratnasooriya says:

    Awasanaye nawathana ispirthalayamaya.

  6. Xman says:

    He is just another corrupted sucker only, now paying very little price for what he has done,

Main News