අධිකරණ පද්ධතියම භීෂණයට පත් වෙලා.. මොහාන් පීරිස් තුණ්ඩුවකින් අස් කලා.. දේශපාලන හිතවතෙක් මඩකලපු විනිසුරු ලෙස පත් කලා..

February 19, 2017 at 12:46 pm | lanka C news
අධිකරණ පද්ධතියම භීෂණයට පත් වෙලා.. මොහාන් පීරිස් තුණ්ඩුවකින් අස් කලා.. දේශපාලන හිතවතෙක්  මඩකලපු විනිසුරු ලෙස පත් කලා..

පිළිගත් ක්‍රමවේදයෙන් පිට මහාධිකරණ විනිශ්චයකාරවරයෙකු පත් කිරීම අධිකරණයේ ස්වාධිනත්වයට තර්ජණයක් යයි හිටපු ජනාදීපති මහින්ද රාජපක්‍ෂ මහතා පවසයි.

මේ බව සදහන් කරමින් ඔහු විසින් නිකුත් කර ඇති නිවේදනය මෙසේය.

පිළිගත් ක්‍රමවේදයෙන් පිට මහාධිකරණ විනිශ්චයකාරවරයෙකු පත් කිරීම අධිකරණයේ ස්වාධිනත්වයට තර්ජණයකි

මඩකලපුවේ නීතීඥයකු වශයෙන් කටයුතු කල රාමනාදන් කන්නන් මහතා ජනාධිපතිවරයා විසින් මහාධිකරණ විනිශ්චයකාරවරයෙකු හැටියට පත් කිරීම ගැන අධිකරණ සේවා සංගමය දැඩි විරෝධය පල කොට ඇත. මේ රටේ පිළිගත් ක්‍රමවේදය වන්නේ ශ්‍රේෂ්ඨාධිකරණයේ, අභියාචනාධිකරණයේ හා මහාධිකරණයේ විනිශ්චයකාරවරුන් සියලු දෙනාම පාහේ එක්කෝ අධිකරන සේවය තුළින්ම නැතිනම් නීතිපති දෙපාර්තමේන්තුව තුළින් පත් කිරීමයි. මේ ආකාරයට ජ්‍යෙෂ්ඨත්වය හා සුදුසුකම් මත විනිශ්චයකාරවරුන් පත් කිරීම අධිකරණයේ ස්වාධිනත්වය රඳා පවතින එක් ප්‍රධාන කුළුනක් වෙයි. ඉතාමත්ම කලාතුරකින් කීර්තිමත් පුද්ගලික නීතීඥයන්ද ශ්‍රේෂ්ඨාධිකරණයට පත්වීම් ලබයි. හිටපු අගවිනිසුරු නෙවිල් සමරකෝන්, හිටපු විනිසුරු මාර්ක් ප්‍රනාන්දු ඒ ආකාරයට ශ්‍රේෂ්ඨාධිකරණයට පත්වුණු අය වේ. මා ජනාධිපතිව සිටි අවුරුදු 09 තුළ පුද්ගලික නීතීඥයන් අතරින් ශ්‍රේෂ්ඨාධිකරණයට පත් කලේ එක් අයකු පමනි. මගේ ආණ්ඩුව සමයේ අභියාචනාධිකරණයට හෝ මහාධිකරණයට එකම පුද්ගලික නීතීඥයෙකු වත් පත්කොට නැත.

අධිකරණ සේවා සංගමය අධිකරණ ඇමති විජේදාස රාජපක්‍ෂ මහතාගෙන් මේ ගැන විමසූ විට ඇමතිවරයා ඔවුන්ට කියා ඇත්තේ මීට කලින් අවස්ථාවකදී රාමනාදන් කන්නන් මහතා මහාධිකරණයට පත්කරන්නැයි එක්තරා දේශපාලන පක්‍ෂයක් ඔහුගෙන් ඉල්ලීම් කල බවත් ඔහු එයට එකඟ නොවූ බවත්ය. දේශපාලන පක්‍ෂයක නිර්දේශයක් මත විනිශ්චයකාරවරයෙකු පත්කලේ නම් අධිකරණයේ ස්වාධිනත්වයේ මුලු පදනමම දෙදරා යනු ඇත. කන්නන් මහතා මහාධිකරණයට පත්කර තිබෙන්නේ අධිකරණ සේවයේ අවුරුදු 16 කට වඩා අත්දැකීම් ඇති විනිශ්චයකාරවරුන් හා නීතිපති දේපාර්තමේන්තුවේ ද ජ්‍යෙෂ්ඨ නිලධාරීන් නොසලකා හරිමිනි. මෙතනදී අවශ්‍යතාවය තිබුණේ උතුරු නැගෙනහිර පලාත් සඳහා දෙමළ කතාකරන විනිශ්චයකාරවරයෙකු පත් කිරිම නම් ඒ සඳහා සුදුසුම පුද්ගලයා වවුනියා දිසා විනිසුරු ඩී.එල්.ඒ.මනාස් මහතා බව අධිකරණ සේවා සංගමය පෙන්වාදී ඇත. අධිකරණ සේවය නැතිනම් නිතිපති දෙපාර්තමේන්තුව තුලින් දෙමළ කතාකරන පුද්ගලයෙකු මේ තනතුර සඳහා තොරාගනු ලැබුවේ නම් කිසිවෙකු එයට එරෙහි වන්නේ නැති බව පැහැදිලිය.

මේ පත්වීම  ගැන අධිකරණ සේවා කොමිසමෙන් කල විමසීමකදී අධිකරණ සේවා සංගමයට දැනගන්නට ලැබී ඇත්තේ ශ්‍රී ලංකා නීතීඥ සංගමයේ ඉල්ලීම පරිදි ජනාධිපතිවරයා අධිකරණ සේවා කොමිසමට කරන ලද ඉල්ලීමක් මත මේ පත්වීමට අදාල නිරදේශය ලබා දුන් බවයි. තමා මේ පත්වීම කලේ ශ්‍රී ලංකා නීතීඥ සංගමයේ ඉල්ලීමක් මත බව ජනාධිපතිවරයාද ප්‍රසිද්ධයේ ප්‍රකාශ කොට ඇත. නමුත් නීතීඥ සංගමයේ ලේකම් වරයා අධිකරන සේවා සංගමයට දන්වා ඇත්තේ ඔවුන්ගේ සංගමයෙන් මෙවැනි කිසිඳු නිර්දේශයක් කර නැති බවයි. ඒ අනුව පෙනී යන්නේ මේ ඉල්ලීම නීතීඥ සංගමයේ ඇතැම් පුද්ගලයන් විසින් පමණක් සිදුකර ඇති බවයි. ඒ කෙසේ වෙතත් ශ්‍රී ලංකා නීතීඥ සංගමයට විනිශ්චයකාරවරුන්ගේ පත්වීම් සම්බන්ධයෙන් නිර්දේශ දීමට ව්‍යවස්ථාමය, නීතිමය හෝ සදාචාරාත්මක අයිතියක් නැත. විනිශ්චයකාරවරුන් පත් කිරීමේ බලය පුද්ගලික නීතීඥයන්ට ලබාදුනහොත් එයින් මුලු නීති ක්‍ෂේත්‍රයම මහා දූෂණයකට ලක්වනු ඇත. විනිශ්චයකාරවරුන්ට පත්වීම් හා උසස්වීම් ලබාගැනීමට තමා ඉදිරියේ නඩුවලට පෙනී සිටින නීතීඥයන් මත රඳා පැවතීමට සිදුවුවහොත් ඇතිවෙන තත්වය කුමක්දැයි ඕනෑම කෙනෙකුට සිතාගත හැක.

නීතීඥ සංගමයේ ඇතැම් නිලධාරීන් 2015 දී මගේ ආන්ඩුව පෙරලීමට ප්‍රමුඛ කාර්ය භාර්යයක් කල නිසා යහපාලන බලධාරීන් තුටු පඩුරක් වශයෙන් ඔවුන්ට විනිශ්චයකාරවරුන් පත් කිරිමට බලයක් ලබාදිමට උත්සාහ කරමින් සිටි. මෙයින් මුලු නීති ක්‍ෂේත්‍රයටම සිදුවන හානිය ගැන ආණ්ඩුව කිසිදු තැකීමක් කරන්නේ නැත. දැනට සේවයේ නියුතු විනිශ්චයකාරවරුන් හා නීතිපති දෙපාර්තමේන්තුවේ ජ්‍යෙෂ්ඨ රාජ්‍ය නීතීඥයන් සියලු දෙනාම නොසලකා හැර කන්නන් මහතාට මෙම මහාධිකරණ පත්විම ලබාදී ඇත්තේද වත්මන් ජනාධිපතිවරයාට ඡන්ද කුට්ටි ලබාදුන් පක්‍ෂයක් සතුටු කිරිමට බව ඉතා පැහැදිලිය. මෙයින් අධිකරණ නිලධාරීන්ට යන පණිවුඩය වන්නේ පත්වීම් හා උසස්විම් ලබා ගැනීමට අවශ්‍ය වන්නේ සුදුසුකම්, හැකියාවන් හෝ අවංක සේවය නොව දේශපාලන සම්බන්ධතා පමණක් බවයි.

මේ ආණ්ඩුව 2015 දී වැඩ ඇල්ලුවේ ජනාධිපති කාර්යාලයෙන් නිකුත් කල තුණ්ඩුවකින් එවක සිටි අග්‍රවිනිශ්චයකාරවරයා නෙරපා හැර මුලු අධිකරණ පද්ධතියම මහත් භීෂණයකට ලක් කිරීමෙනි. මේ සම්බන්ධයෙන් ඉටුකල සේවාවන් වෙනුවෙන් අලුත් ආණ්ඩුව ශ්‍රී ලංකා නීතීඥ සංගමයේ හිටපු සභාපතිවරයාට ඉතා ආකර්ශනීය දේශපාලන පත්වීමක්ද ලබා දුන්නේය. අපේ ව්‍යවස්ථාවට හා පාර්ලිමේන්තුවේ ස්ථාවර නියෝග වලට අනුව ඉහල උසාවිවල විනිශ්චයකාරවරුන් ඉවත් කිරිමට ක්‍රියා පිටිපාටියක් ඇත. ඒ අනුව චෝදනා ගොනු කිරීම, ඒවා විමර්ශණය කිරීම, පාර්ලමේන්තුව තුළ ඒ සම්බන්ධයෙන් වාර්තාවක් සභාගත කිරීම හා පාර්ලිමේන්තුවේ ඡන්දයක් ගැනීමද කල යුතු වෙයි. ඉහල උසාවිවල විනිශ්චයකාරවරුන් ඉවත් කිරීමේ සැබෑ බලය ඇත්තේ විධායකයට නොව ව්‍යවස්ථාදායකයටය. නමුත් මේ ආණ්ඩුවේ තරම කෙබඳුදැයි ප්‍රදර්ශනය කරමින් ඒ සියලුම ක්‍රියාපටිපාටි නොසලකා අග්‍රවිනිශ්චයකාර මොහාන් පීරිස් මහතා විධායකයේ තුන්ඩුවකින් සිය ධූරයෙන් නෙරපා හරිනු ලැබීය. මෙවැනි ක්‍රියාවකින් වැඩ ආරම්භ කල ආණ්ඩුව තමන්ට හිතවත් දේශපාලන පක්‍ෂ වල නිර්දේශ මත දැන් විනිශ්චයකාරවරුන්ද පත් කිරීම ගැන පුදුම විය යුතු නැත.

මේ රටේ සෙසු සියලුම වෘත්තීමය සංවිධාන  වලට වඩා, එනම් ඉංජිනේරුවරුන්, වෛද්‍යවරුන්, වාස්තු විද්‍යාඥයින්, වැවිලි කරුවන්, පරිපාලන නිලධාරීන් හා ගණකාධිකාරීවරුන්ගේ සංගම් වලට වඩා ඉතාමත්ම දරුණු ලෙස ශ්‍රී ලංකා නීතීඥ සංගමය දේශපාලනීකරණයට ලක් වි ඇති බව කවුරුත් දනී. නීතීඥ සංගමයට ලැබෙන විදේශීය මුදල් ඇතුලු දේ පාලනය කරන එම සංගමය තුළ සිටින එක්තරා කණ්ඩායමක් ගැන මාධ්‍යයේ වාර්තා පලවි තිබුණි. දැන් පෙනෙන්නට තිබෙන ආකාරයට දේශපාලන පක්‍ෂයක හිතවතකු බව කියවෙන පුද්ගලයෙකු මහාධිකරණ විනිශ්චයකාරවරයෙකු හැටියට පත්කල යුතු යැයි නිර්දේශ කොට තිබෙන්නේ ශ්‍රී ලංකා නීතීඥ සංගමයම නොව එය තුළ සිටින මේ දේශපාලන කණ්ඩායම බව පැහැදිලිය. මමද නීතීඥයෙකු වෙමි. මා මේ අවස්තාවේදී නීතීඥ ප්‍රජාවගෙන් ඉල්ලා සිටිනනේ ශ්‍රී ලංකා නීතීඥ සංගමයේ මේ දේශපාලනීකරණය අවසන් කිරීමට අධිෂ්ඨානශීලීව පියවර ගන්නා ලෙසයි.

එමෙන්ම ශ්‍රී ලංකා අධිකරණ සේවා සංගමය ඉල්ලා ඇති පරිදි රාමනාදන් කන්නන් මහතා මහාධිකරණ විනිශ්චයකාරවරයකු හැටියට පත්කිරිම ජනාධිපතිවරයා ලවා අවලංගු කරවා ගැනීමටද නීතීඥ ප්‍රජාව කටයුතු කල යුතුය.  මෙවැනි පත්වීම් කිරීමේදී පිළිගත් ක්‍රමවේදය පිළිපැදීම අධිකරණයේ ස්වාධිනත්වය රැකීමට අත්‍යවශ්‍ය සාධකයකි.

මහින්ද රාජපක්‍ෂ
හිටපු ජනාධිපති

120 views

9 Comments to “අධිකරණ පද්ධතියම භීෂණයට පත් වෙලා.. මොහාන් පීරිස් තුණ්ඩුවකින් අස් කලා.. දේශපාලන හිතවතෙක් මඩකලපු විනිසුරු ලෙස පත් කලා..”

  1. Samsudeen says:

    Great Sir.

  2. singha says:

    ජනාධිපති තුමනි.08ට පාස් නූගත් දේශපාලණයට
     දරදිය
     ඇද අසාධාරණව උපයාගත් මහා මුදල් සම්බාරය 
    හැර
     ඔහුට නීතිවේදය ගැන ඇත්තේ කුමන දැනුමක්ද?
     ඔහුට
     ජන්දය දුන්,උදවු කල නීති වේදීන්ගෙන් සාධාරණයක්
     රටට
    ලැබෙයිද? බොරුකීම,පාවාදීම හැර ඔහුට වෙන
     සුදුසුකමක්
     නැත.

  3. Nimantha says:

    Did MR wake up from a comma?

  4. pp says:

    gatalowak thiyenawa. mohan mahatha nithi werodi lesa path wona kiylane ranil thoma MY3 lwa oho iwath lale. etakota mohan .p. cj lesa dipo nado thindo, cj lesa athsan kala lipe lekana . mewath walango naha neda. ayi ewa thhanam nokle MY3. MY3 me rata winasqa kala.

  5. mali says:

    Is That all he can do as a previous president ?He should go around and inform all world bodies about this. the way NGO did when Rajapaksha impeached Shirani lawfully.Just writing letters to the local media is not sufficient.JO is very lethargic they are waiting until they get the throne automatically.They do not want to grab the opertunities and get the power .In this way I am not sure whether they get the power in 2020. If sirisena and gangsters postpone the election indefinitely they will have to stay like this writing to local media forever.

  6. Daya says:

    සිංහලයින් හැමවිටම බෙදිලා ඉන්නේ. ඉදිරියටත් එහෙමමයි. ගෝඨාභය ආවත් සිංහල block vote එකක් නැතිනම් උතුර නැගෙනහිර චන්දවලින් ගිය සැරේ වගේ පරදවෙනවා. ඒ අනුව රජුන් තනන්න වෙන්නේ දෙමල ජාතික සන්දානය. එකයි මේ තුටුපඩුරු දෙන්නේ. කන්නන් මහතාට වයස 44 යි.තව වසර 15 කින් රටේ අගවිනිසුරු වෙනවා. මේවා දීර්ග කාලින plans …සහජීවනය, සංහිදියාව වගේ වචන වවා ගෙන dollar කාක්කෝ ඉන්නවා. ගිය සප්තම්බේර් මාසේ කන්නන්ගේ නම යැව්වත් අධිකරණ ඇමති විජේදාස රාජපක්ෂ ගේ විරුද්ද තාව මත පත්වීම දෙන්නේ නැහැ. මනාෆ් මහතාගේ නම ඔච්තොම්බර් මාසේ තව 5 එක්ක යවනවා. එයින් මනාෆ් මහතා (ඊළගට ජෙෂ්ට ) පත්වීම දෙන්නේ නැතිව අනිත් අය ට දෙනවා. ඊට පස්සේ නිර්දේශිත නම තිබියදී කන්නන් මහතාව නීතඥ සංගමයේ සබාපති ජෙෆෙරි අලගරත්නම් හා සාලිය පිරිස් ( උප සබාපති) යන අයගේ ඉල්ලීම මත, නීතඥ සංගමයේ විදායක සභාවේ දැනීමක් නැතිව, ඉල්ලීමක් නැතිව නීතඥ සංගමය ඉල්ලන ආකාරයට ඉල්ලීම කිරිමනිසා තමයි මේ පත්වීම කරන්නේ. ජනාධිපති තුමා මොහාන් පිරිස් ගැන කියනවා. එතුමා ඒ ආණ්ඩුවේ සෞක්‍ය ඇමති නේද? මොහාන් පිරිස් ඉවත්කලෙත් ආණ්ඩුක්‍රම විවස්තාවට පටහෙනිව. USAID කියලා ආයතනයකින් 2014 නීතඥ යින්ට නොමිලේ කන්න බොන්න දීල සම්මන්ත්රණ කලා ..උපුල් ජයසුරිය (කොලොම්බට UNP එකෙන් මහමැතිවරණයට චන්න්දේ ඉල්ලපු කෙනා) විශාල කාර්ය භාරයක් කලා …දැන් ආණ්ඩුවේ වරදාන මත ඉන්නේ. මේ අය යහපාලන ලේබලය ගහලා කරන්නේ රට පාවලා දෙන්නේ…

    කන්නන් මහතා පත්කළේ ජනාධිපති තුමා නොමග යවලා …ඔහු ඉවත්කළ යුතයි. සුදුස්සාට නිසි තැන දිය යුතයි. නීතඥ සංගමය අධිකරණයේ පත්වීම්වලට අන්ගිලිගපු හන්ද තමයි දැන් විනිසුරුවරු නීතඥ සංගමයේ නිලවරණයෙන් ඉවත්වෙලා තියෙන්නේ. ඒ අනුව අලගරට්නම් සබාපති තව වසරක් සබාපති වෙනවා. විනිසුරුවන්ගේ ප්‍රශ්නවලදී නීතඥ සංගමය වෙනද පැත්ත පළාතේ හිටියේ නැහැ. විනිසුරුවන්ට අන්ටර්ජලයේ අපහස කලාම ඒවා බලාගන්න JSC එක තියෙනවා කිව්වා. කර ඇරියා …හිටපු ජනපති මේ රජුන් තනන උතුරු නැගෙනහිර චන්ද පදනම යලි බලයට එන්න ඕනනම් සළකා බලියයුතුමයි. රටට වෙන්නයන විනාසේ බලලා සිංහලයෝ එකතු වෙලා මුහුනදුන්නොත් මිස රට 2025 විනාස වෙනවා….සත්තයි….

  7. well said as always…..HON MR!!! please come back soon & save our dear motherland once again….jaya wewaaaaa!!!!!!!!!!!!!!!!!!!!!!!

  8. Thunmulle Padme says:

    Ethakota munta pahugiya kale ewa kisideyak mathaka nahane. Shirani Bandaranayake eka rayin ayin karala bank ekak wada karapu Mohan Peiris CJ kale kohomada kiyala ahanne nedda

  9. Veerasena says:

    Mohamed peiris ?? He was a banker , how did he became CJ

Main News